ଶ୍ରେଷ୍ଠ ଅଳସୁଆ ପ୍ରତିଯୋଗିତା

 COASTAL NEWS Odia 716

ଶ୍ରେଷ୍ଠ ଅଳସୁଆ ପ୍ରତିଯୋଗିତା

ୟୁରୋପ - ଆପଣମାନେ ବିଭିନ୍ନ ପ୍ରକାର ପ୍ରତିଯୋଗିତାର ଆୟୋଜନ ବିଷୟରେ ଜାଣିଥିବେ ହେଲେ ଦକ୍ଷିଣପୂର୍ବ ୟୁରୋପର ମଣ୍ଡେଳେଟ୍ରୋର ବେକନା ନାମକ ଏକ ମନୋରମ ଗାଁରେ ପ୍ରତି ବର୍ଷ ଶ୍ରେଷ୍ଠ ଅଳସୁଆ ପ୍ରତିଯୋଗିତା ଅନୁଷ୍ଠିତ ହୁଏ । ଏହି ଅଦ୍ଭୁତ ବାର୍ଷିକ ପ୍ରତିଯୋଗିତାରେ ଶ୍ରେଷ୍ଠ ଅଳସୁଆ ନାଗରିକ ଉପାଧି ହାସଲ କରିବାପାଇଁ ପୁରୁଷ ଓ ନାରୀ ପ୍ରତିଯୋଗୀ ଭାଗ ନେଇଥାନ୍ତି। ଏକ ହଜାର ପୁରୀ (ପ୍ରାୟ ୮୮,୮୨୫ ଟଙ୍କାର ପୁରସ୍କାର ହାତେଇବା ପାଇଁ ପୂର୍ବ ରେକର୍ଡ ଭାଙ୍ଗିବା ଲକ୍ଷ୍ୟରେ ପ୍ରତିଯୋଗୀମାନେ ବିଛଣା ଉପରେ ଲଗାତାର ଭାବେ ୨୦ ଦିନ ଯାଏ ଶୋଇ ରହିଥା'ନ୍ତି।

ଏ ପ୍ରତିଯୋଟିତାର ନିୟମ ସରଳ କିନ୍ତୁ ଖୁବ୍ କଡା ଶୋଇବା ଭିତରେ ଟିକିଏ ଉଠି ବସି ପଡ଼ିଲେ କି ଛିଡ଼ାହେଲେ ପ୍ରତିଯୋଗୀ ଙ୍କୁ ଅଯୋଗ୍ୟ ଘୋଷିତ କରାଯାଏ । ସେହିପରି ପ୍ରତିଯୋଗୀମାନଙ୍କୁ ଅନବରତ ସମାନ୍ତରାଳ ଅବସ୍ଥାରେ ରହିବାକୁ ପଡ଼ିଥାଏ। ପ୍ରତି ୮ ଘଣ୍ଟାରେ ଥରେ ମାତ୍ର ୧୦ ମିନିଟ୍‌ର ଶୌଚାଳୟ ଯିବାପାଇଁ ବିରତି ମିଳେ ଏହା ଏକ ଅକର୍ମା ଜୀବନଶୈଳୀ ର ପ୍ରତୀକ । କିନ୍ତୁ ସଙ୍ଗେ ପ୍ରତିଯୋଗୀମାନଙ୍କୁ ଖାଇବା, ପିଇବା, ପଢିବା ତଥା ମୋବଇଲ୍ ଓ ଲାପ୍‌ଟପ୍ ବ୍ୟବହାର କରିବାକୁ ଅନୁମତି ଦିଆଯାଇଥାଏ l

ମାତ୍ର ସର୍ତ୍ତାବଳୀ ଅନୁସାରେ ଶୋଇ ଶୋଇ ସେମାନେ ଏସବୁ କରିପାରିବେ । ଏଭଳି ବିଚିତ୍ର ପ୍ରତିଯୋଗିତା ୧୨ ବର୍ଷ ତଳୁ ଆରମ୍ଭ ହୋଇଥିବାବେଳେ ଏଯାଏ ଏହା ଏକ ଲୋକପ୍ରିୟ ପ୍ରତିଯୋଗିତା ଭାବେ ଚଳି ଆସୁଛି l

ପ୍ରଥମେ ପ୍ରଥମେ ଏଥିରେ ୨୧ ଜଣ ପ୍ରତିଯୋଗୀ ଭାଗ ନେଉଥିବା ବେଳେ ଏବେ ମାତ୍ର ୭ ଜଣ ଏଥିରେ ଭାଗ ନେଉଛନ୍ତି । ଗତବର୍ଷର ୧୧୭ ଘଣ୍ଡାର ଶୋଇବା ରେକର୍ଡ କୁ ଚଳିତବର୍ଷ ଆଉ ଜଣେ ପ୍ରତିଯୋଗୀ ଭାଙ୍ଗିଛନ୍ତି । ପାରମ୍ପରିକ ଭାବେ ଏହି ପ୍ରତିଯୋଗିତା ଏକ ମ୍ୟାପରୁ ଗଛ ମୂଳେ ଅନୁଷ୍ଠିତ ହୋଇଆସୁଥିଲା ହେଲେ ପ୍ରତିକୂଳ ପାଗ ଲାଗି ଏବେ ତାହା ଏକ କାଠ ଘରକୁ ସ୍ଥାନାନ୍ତର ହୋଇଛି। ପ୍ରତିଯୋଗିତା ପାଇଁ ଗ୍ରାମବାସୀ ବହୁତ୍ ଉତ୍ସାହିତ ଥିବା ବେଳେ ଏହି ସମୟରେ ସମଗ୍ର ଗାଆଁ ଉତ୍ସବମୁଖର ହୋଇ ପଡିଥାଏ ।

ଗ୍ରାନାଇଟ୍ ଫ୍ୟାକ୍ଟିରେ ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ

 COASTAL NEWS Odia 715

ଗ୍ରାନାଇଟ୍ ଫ୍ୟାକ୍ଟିରେ ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ

ବ୍ରହ୍ମପୁର - ବ୍ରହ୍ମପୁର ସଦର ଥାନା ଅଧୀନ ମହୁରୀକାଳୁଆ ଛକରେ ଥିବା ଏକ ଗ୍ରାନାଇଟ୍ ଫ୍ୟାକ୍ଟିରେ ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ହୋଇଛି ।ଶ୍ରମିକମାନେ କାମ କରୁଥିବା ବେଳେ ଏକ ବଡ଼ ପଥର ଗଡ଼ିଯିବାରୁ ତା’ତଳେ ଚାପି ହୋଇ ଦୁଇଜଣ ଶ୍ରମିକଙ୍କ ମୃତ୍ୟୁ ଘଟିଛି। ମୃତକମାନେ ଦୁଇ ସମ୍ପର୍କୀୟ ଭାଇ ବୋଲି ଜଣାପଡ଼ିଛି। ମୃତକମାନେ ହେଲେ ଦିଗପହଣ୍ଡି ଥାନା ଅନ୍ତର୍ଗତ ବି. ତୁରୁବୁଡ଼ି ପଞ୍ଚାୟତ ପିଲିଗାଡ଼ିହର ଗୋବିନ୍ଦ ମଳିକ(୨୨) ଓ ଜଗା ମଳିକ(୨୩) ବୋଲି ପୁଲିସ କହିଛି । 

ସଦର ଥାନା ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଛି। ଏହି ଘଟଣାରେ ଅନ୍ୟ ଦୁଇଜଣ ଶ୍ରମିକ ଆହତ ହୋଇଛନ୍ତି। ଗ୍ରାନାଇଟ୍ ଫ୍ୟାକ୍ଟିରେ ସଂଧ୍ୟାରେ ଶ୍ରମିକମାନେ କାମ କରୁଥିବା ସମୟରେ ହଠାତ୍ ଏକ ବଡ଼ ପଥର ଖଣ୍ଡ ଶ୍ରମିକଙ୍କ ଉପରେ ଖସି ପଡ଼ିଥିଲା।ତେଣୁ ଦୁଇ ଜଣ ଭାଇ ପଥର ତଳେ ଚାପି ହୋଇ ମୃତ୍ୟୁବରଣ କରିଛନ୍ତି l ଏହିଘଟଣାରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି l

କୋଟାରେ ପୁଣି ଜଣେ ନିଟ୍ଆଶାୟୀଙ୍କ ଆତ୍ମହତ୍ୟା ଚର୍ଚା ର ବିଷୟ

 COASTAL NEWS Odia 714

କୋଟାରେ ପୁଣି ଜଣେ ନିଟ୍ଆଶାୟୀଙ୍କ ଆତ୍ମହତ୍ୟା ବଢେଇ ଦେଇଛି ଚିନ୍ତା 

କୋଟା 

କୋଟା, ୧୩/୯: ରାଜସ୍ଥାନର କୋଟାରେ ପୁଣିଜଣେ ନିଟ୍ ଆଶାୟୀ ଆତ୍ମହତ୍ୟା କରିଛନ୍ତି। ଏହା ଚଳିତ ବର୍ଷର ୨୫ତମ ମାମଲା ଆତ୍ମହତ୍ୟା କରିଥିବା ଛାତ୍ରୀଙ୍କ ବୟସ ୧୬ ଏବଂ ସେ ଝାଡ଼ଖଣ୍ଡର ରାଞ୍ଚିରୁ ଆସି ଏଠାରେ କୋଚିଂ ନେଉଥିଲେ। ଅତ୍ୟଧିକ ପାଠ ପଢିବା ଚାପରେ ସେ ଆତ୍ମହତ୍ୟା କରିଦେଇଛନ୍ତି ବୋଲି କୁହାଯାଉଛି।ପ୍ରତିବର୍ଷ କୋଟାକୁ ପାଖାପାଖି ୨ ଲକ୍ଷ ପିଲା ନିଟ୍ କିମ୍ବା ଜେଇଇ ପରୀକ୍ଷା ଏଣ୍ଟ୍ରାନ୍ସ ରେ ଉତ୍ତୀର୍ଣ୍ଣ ହେବା ଆଶା ନେଇ ଆସୁଛନ୍ତି। କିନ୍ତୁ ଗତ କିଛି ବର୍ଷ ଧରି କୋଟାରେ ଛାତ୍ର ଆତ୍ମହତ୍ୟା ବୃଦ୍ଧି ପାଇବା ସରକାରଙ୍କ ପାଇଁ ଚିନ୍ତାର କାରଣ ପାଲଟିଛି। 

ଚଳିତ ବର୍ଷ ୮ ମାସ ମଧ୍ୟରେ କୋଟାରେ ୨୫ ଛାତ୍ର ଆତ୍ମହତ୍ୟା କରିଛନ୍ତି। ରାଜସ୍ଥାନ ସରକାର ତଥା କେନ୍ଦ୍ର ସରକାର ଙ୍କ ପାଇଁ ତଥା ଅଭିଭାବକ ମାନଙ୍କ ପାଇଁ ଚିନ୍ତାର କାରଣ ହୋଇଛି l

ବସ୍ ଉପରକୁ ମାଡ଼ିଗଲା ଟ୍ରକ ୧୨ ଜଣ ମୃତ୍ୟୁ

 COASTAL NEWS Odia 713

ବସ୍ ଉପରକୁ ମାଡ଼ିଗଲା ଟ୍ରକ ୧୨ ଜଣ ମୃତ୍ୟୁ

ଭରତପୁର, ୧୩/୯: ରାଜସ୍ଥାନର ଭରତପୁର ଜିଲ୍ଲାରେ ଆଜି ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୧୨ ଜଣଙ୍କ ମୃତ୍ୟୁ ଘଟିଛି ଏବଂ ୧୫ରୁ ଅଧିକ ଲୋକ ଆହତ ହୋଇଛନ୍ତି। ଆଜି ଭୋର୍‌ ସମୟରେ ଜୟପୁର ଆଗ୍ରା ଜାତୀୟ ରାଜପଥରେ ଏକ ଯାତ୍ରୀବାହୀ ବସ୍ ଅଟକିଥିବା ବେଳେ ପଛପଟୁ ଏକ ଟ୍ରକ୍ ପ୍ରଚଣ୍ଡ ଧକ୍କା ଦେଇଥିଲା। 

ଘଟଣାସ୍ଥଳରେ ହିଁ ୧୦ ଜଣଙ୍କ ମୃତ୍ୟୁ ଘଟିଥିବାବେଳେ ହସ୍ପିଟାଲରେ ଆଉ ୨ ଜଣଙ୍କ ମୃତ୍ୟୁ ଘଟିଛି। ଆହତଙ୍କ ମଧ୍ୟରୁ ୬ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି। ମିଳିଥିବା ସୂଚନାନୁଯାୟୀ ମୃତକମାନେ ହେଉଛନ୍ତି ଗୁଜରାଟର ଭାବନଗର ଜିଲ୍ଲାର। ବସ୍‌ ଗୁଜରାଟରୁ ଆସିଥିଲା ଏବଂ ଏହା ଉତ୍ତରପ୍ରଦେଶର ମଥୁରାକୁ ଯାଉଥିଲା। ପ୍ରଧାନମନ୍ତ୍ରୀ ମୃତକଙ୍କ ପରିବାର ସଦସ୍ୟଙ୍କୁ ୨ ଲକ୍ଷ ଟଙ୍କା କ୍ଷତିପୂରଣ ଘୋଷଣା କରିଛନ୍ତି |

ରେଳ ଅଧିକାରୀଙ୍କ ଘରେ ଖୋଜାଖୋଜି ବେଳେ ସିବିଆଇ 2.6 କୋଟି ଟଙ୍କା ଜବତ କରିଛି

 COASTAL NEWS Odia 712

ରେଳ ଅଧିକାରୀଙ୍କ ଘରେ ଖୋଜାଖୋଜି ବେଳେ ସିବିଆଇ 2.6 କୋଟି ଟଙ୍କା ଜବତ କରିଛି

ଉତ୍ତରପ୍ରଦେଶ - ଉତ୍ତର ପୂର୍ବ ରେଳ ଅଧିକାରୀ କେ.ସି ଯୋଶୀଙ୍କୁ 3 ଲକ୍ଷ ଟଙ୍କା ଲାଞ୍ଚ ଗ୍ରହଣ କରୁଥିବା ବେଳେ ସେଣ୍ଟ୍ରାଲ୍ ବ୍ୟୁରୋ ଅଫ୍ ଇନଭେଷ୍ଟିଗେସନ୍ ବ୍ୟୁରୋ (ସିବିଆଇ)  ନାଲି ହାତରେ ଧରାଯିବା ପରେ ଗିରଫ କରିଛି।ଦୁର୍ନୀତି ମାମଲାରେ ସର୍ଚ୍ଚ କରିବା ପରେ ସିବିଆଇ 2 କୋଟିରୁ ଅଧିକ ନଗଦ ଟଙ୍କା ଜବତ କରିଛି | 

ଦୁର୍ନୀତି ଅଭିଯୋଗରେ କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) ଗୋରଖପୁରର ଉତ୍ତର ପୂର୍ବାଞ୍ଚଳ ରେଳବାଇର ମୁଖ୍ୟ ପରିଚାଳକ କେସି ଯୋଶୀଙ୍କୁ ଗିରଫ କରିଛି।  ଉତ୍ତରପ୍ରଦେଶର ଗୋରଖପୁର ଏବଂ ନୋଏଡାସ୍ଥିତ ତାଙ୍କ ସରକାରୀ ତଥା ଆବାସିକ ପରିସରରେ ଅନୁସନ୍ଧାନ ବେଳେ ଅନୁସନ୍ଧାନକାରୀ ସଂସ୍ଥା ପ୍ରାୟ 2.61 କୋଟି ଟଙ୍କା ନଗଦ ଉଦ୍ଧାର କରିଛି।

1988 ମସିହାରେ ଭାରତୀୟ ରେଳ ଷ୍ଟୋରସ ସର୍ଭିସ (ଆଇଆରଏସଏସ) ବ୍ୟାଚ୍‌ର ଏହି ଅଧିକାରୀ ସିବିଆଇ ଦ୍ୱାରା ଏକ ଗୁପ୍ତ ଅପରେସନରେ 3 ଲକ୍ଷ ଟଙ୍କା ଲାଞ୍ଚ ଗ୍ରହଣ କରୁଥିବା ବେଳେ ରେଡ୍ଲା ହ୍ୟାଣ୍ଡ  ଧରାପଡିଥିବା ଅଭିଯୋଗ ହୋଇଥିଲା।

ଆଜିର ରାଶିଫଳ

 COASTAL NEWS ODIA 711

*🌼🌹꧁ ଆଜିର ରାଶିଫଳ꧂🌹🌼*

        *✧═════•❁❀❁•═════✧*

*🌷ମେଷ🌷👉 : ବ୍ୟବସାୟୀ ମାନଙ୍କ ପାଇଁ ଆଜିର ଦିନ ଲାଭଦାୟକ ହେବ। ଆର୍ଥିକ ଲାଭ ମିଳିବ। ଲମ୍ବା ସମୟର ଆର୍ଥିକ ଆୟୋଜନ ମଧ୍ୟ କରି ପାରିବେ। ଶରୀର ଏବଂ ମନ ସୁସ୍ଥ ରହିବ। ମିତ୍ରମାନଙ୍କ ଏବଂ ପାରିବାରିକ ସଦସ୍ୟମାନଙ୍କ ସହିତ ଆନନ୍ଦରେ ଦିନ କଟିବ।* 

*✧═════•❁❀❁•═════✧*

*🌷ବୃଷ🌷👉 : ଆଜି ଲୋକମାନଙ୍କ ସହିତ ସୌହାର୍ଦ୍ୟପୂର୍ଣ୍ଣ ସମ୍ବନ୍ଧ ରହିବ। ବୌଦ୍ଧିକ ଚର୍ଚ୍ଚା କିମ୍ବା ବାଦ-ବିବାଦରେ ସଫଳତା ମିଳିବ। ବିଦ୍ୟାର୍ଥିମାନଙ୍କ ପାଇଁ ଭଲ ସମୟ ଅଟେ। ପରିଶ୍ରମ ଅନୁପାତରେ କମ ସଫଳତା ମିଳିବ। ପାଚନତନ୍ତ୍ରର ସମସ୍ୟାରେ ସ୍ୱାସ୍ଥ୍ୟ ଖରାପ ହେବାର ଆଶଂକା ଅଛି।*

*✧═════•❁❀❁•═════✧*

*🌷ମିଥୁନ🌷👉 :ସମସ୍ତ କାର୍ଯ୍ୟରେ ଆପଣ ଦ୍ୱନ୍ଦ୍ୱ ଅନୁଭବ କରିବେ। ମାତା ଏବଂ ମହିଳାମାନଙ୍କ ମାମଲାରେ ଅଧିକ ସମ୍ବେଦନଶୀଳ ହେବେ। ବିଚାରର ଭରମାରରେ ମାନସିକ ଆଳସ୍ୟ ଅନୁଭବ କରିବେ। ଅନିଦ୍ରା କାରଣରୁ ଶାରୀରିକ ଅସୁସ୍ଥତା ହୋଇପାରେ। ପାଣି କିମ୍ବା ଅନ୍ୟ ତରଳ ପଦାର୍ଥ ଭୟାନକ ପ୍ରମାଣିତ ହୋଇପାରନ୍ତି।* 

*✧═════•❁❀❁•═════✧*

*🌷କର୍କଟ🌷👉 : କାର୍ଯ୍ୟସଫଳ ପାଇଁ ଆଜିର ଦିନ ଭଲ ରହିବ। ମିତ୍ରମାନଙ୍କ ତଥା ସ୍ଵଜନମାନଙ୍କ ସହିତ ସାକ୍ଷାତକରି ଆପଣ ଖୁସି ରହିବେ। ଲଘୁ ଯାତ୍ରାର ଯୋଗ ଅଛି। ଭାଇ-ବନ୍ଧୁମାନଙ୍କସହ ମିଳାମିଶା ରହିବ।  ଆର୍ଥିକ ଲାଭ ତଥା ସମାଜରେ ଆଦର ସମ୍ମାନ ମିଳିବ। ବିରୋଧିମାନଙ୍କୁ ପରାଜିତ କରି ପାରିବେ।*

*✧═════•❁❀❁•═════✧*

*🌷ସିଂହ🌷👉 : ଦୂରରେ ବାସ କରୁଥିବା ସ୍ନେହୀଜନ ତଥା ମିତ୍ରମାନଙ୍କ ସହିତ ସନ୍ଦେଶ ବ୍ୟବହାରରେ ଆପଣଙ୍କୁ ଲାଭ ହେବ। ପରିବାରରେ ସୁଖ-ଶାନ୍ତି ରହିବ। ଉତ୍ତମ ଭୋଜନର ପ୍ରାପ୍ତି ହେବ। ନିର୍ଦ୍ଧାରିତ କାମରେ ସଫଳତା ମିଳିବ। ମହିଳା ମିତ୍ର ଆପଣଙ୍କୁ ସହାୟକ ପ୍ରମାଣିତ ହେବେ।*

*✧═════•❁❀❁•═════✧*

*🌷କନ୍ୟା🌷👉 : ଆଜି ଆପଣ ସୌହାର୍ଦପୂର୍ଣ୍ଣ ସମ୍ବନ୍ଧ ବିକସିତ କରି ନିଜର କାମ କାଢ଼ି ପାରିବେ। ବ୍ୟବସାୟ ଦୃଷ୍ଟିରେ ଆଜିର ଦିନ ଲାଭଦାୟକ ପ୍ରମାଣିତ ହେବ। ଆପଣଙ୍କ ସ୍ଵାସ୍ଥ୍ୟ ଭଲ ରହିବ ଏବଂ ମନ ମଧ୍ୟ ସୁସ୍ଥ ରହିବ। ପରିଜନମାନଙ୍କ ସହିତ ସାକ୍ଷାତକରି ଏବଂ ସୁଖ-ଆନନ୍ଦ ପ୍ରାପ୍ତି ହେବ। ଧନ ଲାଭ ତଥା ପର୍ଯ୍ୟଟନର ଯୋଗ ଅଛି।*

*✧═════•❁❀❁•═════✧*

*🌷ତୁଳା🌷👉 : ଆଜି  ଆପଣ ଅନ୍ୟ ବ୍ୟକ୍ତି  କିମ୍ବା କୁଟୁମ୍ବଜନମାନଙ୍କ ସହିତ ଉଗ୍ର ବାର୍ତ୍ତାବିନିମୟ ହେବାର ସଂଭାବନା ଅଛି। ପରୋପକାର ବଦଳରେ ଉପକାର ମିଳିପାରେ। ଆୟ ଅପେକ୍ଷା ଖର୍ଚ୍ଚର ମାତ୍ରା ବଢ଼ିବ। ଦ୍ୱନ୍ଦ୍ୱ ଏବଂ ସମସ୍ୟା ମନର ଶାନ୍ତି ଭଙ୍ଗ କରିବ। ଆଧ୍ୟାତ୍ମିକ ବଚନ କିମ୍ବା ଈଶ୍ଵରଙ୍କର ନାମ ସ୍ମରଣ ଶାନ୍ତି ଦେବ।*

*✧═════•❁❀❁•═════✧*

*🌷ବିଚ୍ଛା🌷👉 : ଆଜି ଆପଣଙ୍କ ଗୃହସ୍ଥଜୀବନରେ ସୁଖ ଏବଂ ସନ୍ତୋଷର ଅନୁଭୂତି ମିଳିବ। ପତ୍ନୀ ତଥା ପୁତ୍ରଙ୍କ ତରଫରୁ ଶୁଭ ସମାଚାର ମିଳିବ। ମାଙ୍ଗଳିକ କାର୍ଯ୍ୟ ହେବ। ବିବାହ ପାଇଁ ସଂଯୋଗ ବନିବ। ଚାକିରି ଧନ୍ଦାରେ ଭଲ ଅବସର ଆସିବ। ଆୟରେ ବୃଦ୍ଧି ହେବ। ମହିଳା ମିତ୍ରମାନଙ୍କଠାରୁ ଲାଭ ହେବାର ଯୋଗ ଅଛି।* 

*✧═════•❁❀❁•═════✧*

*🌷ଧନୁ🌷👉: ଆଜି  ଆପଣଙ୍କ କାର୍ଯ୍ୟ ସଫଳତା ପୂର୍ବକ ସଂପନ୍ନ ହେବ। ପରୋପକାର ଭାବନା ଆଜି ବଲବତ୍ତର ରହିବ। ଆମୋଦ- ପ୍ରମୋଦ ସହିତ ଆପଣଙ୍କ ଦିନ କଟିବ। ଚାକିରି-ବ୍ୟବସାୟରେ ମାନ-ସମ୍ମାନ ପ୍ରାପ୍ତି ହେବ। ଗୃହସ୍ଥଜୀବନରେ ଆନନ୍ଦ ବ୍ୟାପ୍ତି ରହିବ।*

*✧═════•❁❀❁•═════✧*

*🌷ମକର🌷👉 : ଆପଣଙ୍କ ଆଜିର ଦିନ ମିଶ୍ର ଫଳଦାୟକ ପ୍ରମାଣିତ ହେବ। ବୌଦ୍ଧିକ କାର୍ଯ୍ୟଗୁଡ଼ିକରେ ଏବଂ ବ୍ୟବସାୟରେ ନୂଆ ବିଚାରଧାରା ଉଦ୍ରେକ ହେବ।  ତଥାପି ମଧ୍ୟ ମନର କୌଣସି କୋଣରେ ଆପଣ ଅସୁସ୍ଥତା ଅନୁଭବ ହୋଇପାରେ।ସନ୍ତାନମାନଙ୍କ ସମସ୍ୟା ବିଷୟରେ ଚିନ୍ତା ସୃଷ୍ଟି ହୋଇପାରେ।*

*✧═════•❁❀❁•═════✧*

*🌷କୁମ୍ଭ🌷👉 : ନକାରାତ୍ମକ ବିଚାରରେ ମନରେ ହତାସା ସୃଷ୍ଟି ହୋଇପାରେ। ଏହି ସମୟ ମାନସିକ ଉଦ୍ଵେଗ ଏବଂ କ୍ରୋଧର ଭାବନା ଅନୁଭବ କରିପାରନ୍ତି। ବାଣୀ ଉପରେ ନିୟନ୍ତ୍ରଣ ନ ରହିବା କାରଣରୁ ପରିବାରରେ ମନମାଳିନ୍ୟ ଏବଂ ଝଗଡ଼ା ହେବାର ଆଶଂକା ଅଛି। ସ୍ଵାସ୍ଥ୍ୟ ଖରାପ ହୋଇପାରେ ।*

*✧═════•❁❀❁•═════✧*

 *🌷ମୀନ🌷👉 : ଆଜିର ଦିନ ସୁଖ-ଶାନ୍ତିରେ କଟିବ। ବ୍ୟାପାରିମାନଙ୍କ ଉତ୍ତମ ସମୟ ଅଟେ। ପତି-ପତ୍ନୀଙ୍କର ମଧ୍ୟରେ ଦାମ୍ପତ୍ୟ ଜୀବନରେ ନିକଟତା ଅନୁଭବ ହେବ। ମିତ୍ରମାନଙ୍କ ତଥା ସ୍ଵଜନମାନଙ୍କ ସହିତ ମିଳନ ତଥା ସାକ୍ଷାତ ସାର୍ବଜନିକ ଜୀବନରେ ପ୍ରସିଦ୍ଧି ମିଳିବ। ଉତ୍ତମ ବୈବାହିକ ସୁଖ ପ୍ରାପ୍ତି ହେବ।*

*✧═════•❁❀❁•═════✧*

ସଂକ୍ଷିପ୍ତ ସମ୍ବାଦ

 COASTAL NEWS Odia 710

ସଂକ୍ଷିପ୍ତ ସମ୍ବାଦ 

ଭୁବନେଶ୍ବର - କେନ୍ଦ୍ର କ୍ୟାବିନେଟ୍‌ ବୈଠକରେ ବଡ଼ ନିଷ୍ପତ୍ତି; ଲଞ୍ଚ ହେଲା ଉଜ୍ୱଳା ୨.୦ ସ୍କିମ୍‌, ୭୫ ଲକ୍ଷ ମାଗଣା ଏଲପିଜି ସଂଯୋଗକୁ ମଞ୍ଜୁରୀ ।

ଡେଙ୍ଗୁକୁ ନେଇ ଭୟ ଲାଗି ରହିଥିବାବେଳେ, ଆତଙ୍କ ଖେଳାଇଛି ସ୍କ୍ରବ ଟାଇଫସ । ସ୍କ୍ରବ ଟାଇଫଓ କାମୁଡିବା ଯୋଗୁଁ ବରଗଡ଼ରେ ୫ ଜଣଙ୍କ ଜୀବନ ଯାଇଥିବା ଜଣାପଡିବା ପରେ, ଆତଙ୍କିତ ହୋଇପଡିଛନ୍ତି ଲୋକେ । 

କାବେରୀ ବିବାଦ: ତାମିଲନାଡୁକୁ ପାଣି ଦେବାପାଇଁ ମନା କଲେ ସିଦ୍ଧ ରମୈୟା ।

ଜି-୨୦ ଶିଖର ସମ୍ମିଳନୀର ସଫଳତା ପାଇଁ ବିଜେପି ମୁଖ୍ୟାଳୟରେ ମୋଦୀଙ୍କୁ ଭବ୍ୟ ସ୍ୱାଗତ, ଗୋଲାପ ଦେଇ ବଧେଇ ଜଣାଇଲେ ନେତା ।

ଶାହରୁଖ ଖାନ୍ ଫିଲ୍ମ ‘ଜବାନ’ ବିଜେପିର ପ୍ରଶଂସା; ଦଳର ଦାବି- କଂଗ୍ରେସ ସରକାରଙ୍କ ଦୁର୍ନୀତିର ପୋଲ୍ ଖୋଲିଛି ଫିଲ୍ମ ।

ନିର୍ଣ୍ଣାୟକ ମୁକାବିଲା ପୂର୍ବରୁ ପାକିସ୍ତାନକୁ ଜୋରଦାର ଝଟକା, ଏସିଆ କପ୍‌ରୁ ବାଦ୍ ପଡ଼ିଲେ ନସୀମ ଶାହ ।

କେରଳରେ ପୁଣି ନିପାହା ଆତଙ୍କ ।କେରଳରେ ହାଇଆର୍ଲଟ । ନିପାରେ ସଂକ୍ରମିତ ହୋଇ ୨ଜଣଙ୍କ ମୃତ୍ୟୁ ଓ ୪ଜଣ ନୂଆ ସଂକ୍ରମିତ ଚିହ୍ନଟ ହେବା ପରେ ସାରା ରାଜ୍ୟରେ ଆଲର୍ଟ ଜାରି କରାଯାଇଛି ।

ସୌମ୍ୟରଂଜନ ପଟ୍ଟନାୟକଙ୍କ ସପକ୍ଷରେ ବାହାରିଲେ ବିରୋଧୀ: ରାଜାଙ୍କ କୋଳି ଉପଖ୍ୟାନ କହି ବିଜେଡିକୁ କଟାକ୍ଷ କଲେ ନରସିଂହ 

INDIA ମେଣ୍ଟର ପ୍ରଥମ ସମନ୍ୱୟ ସମିତିର ବୈଠକ ଅନୁଷ୍ଠିତ, ଭାଗନେଲାନି CPM, ଆସିଲେନି ଅଭିଷେକ ବାନାର୍ଜୀ ।

କୋର୍ଟ ପରିସରରେ ସାଥି ବିଚାରପତିଙ୍କ ଗହଣରେ ବୁଲିଲେ ପ୍ରଧାନବିଚାପତି ଚନ୍ଦ୍ରଚୂଡ, ଏକାଠି ବସି କଫି ଓ ସିଙ୍ଗଡ଼ାର ଆନନ୍ଦ ନେଲେ ।

କାର୍‌ରେ ୬ ଏୟାରବ୍ୟାଗ୍‌ ନିୟମକୁ ବାଧ୍ୟତାମୂଳକ କରିବେନି ସରକାର: ନିତିନ ଗଡକରୀ ।

ସ୍ୱତନ୍ତ୍ର ସଂକ୍ଷିପ୍ତ ଭୋଟର ତାଲିକା ପ୍ରସ୍ତୁତି ନିମନ୍ତେ ସମୀକ୍ଷା ବୈଠକ: ମୃତ ଭୋଟରଙ୍କ ନାମ ତାଲିକାରୁ ବାଦ୍ ଦେବାକୁ ନିର୍ଦ୍ଦେଶ 

ଭାରତ ଠାରୁ ୧.୯ ବିଲିୟନ ଡଲାର ଉପକରଣ କିଣିବାକୁ ଚାହୁଁଛି ଟେସ୍‌ଲା: କେନ୍ଦ୍ର ବାଣିଜ୍ୟ ମନ୍ତ୍ରୀ ପିୟୂଷ ଗୋୟଲ ।

କାଶ୍ମୀରରେ ଆତଙ୍କବାଦୀଙ୍କ ସହ ସେନାର ଲଢେଇ । କର୍ନଲ ସମେତ ୩ ଯବାନ ସହିଦ, ଗଡିଲା ୨ ଆତଙ୍କବାଦୀଙ୍କ ମୁଣ୍ଡ ।

ଯଯାତି କେଶରୀଙ୍କ ନାଁରେ ନାମିତ ହେବ ଯାଜପୁର ମେଡିକାଲ କଲେଜ.. ପ୍ରସ୍ତାବକୁ ଅନୁମୋଦନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଖୋଲିଲା ହୀରାକୁଦର ୨ଟି ଗେଟ୍‌ ।ଉଭୟ ବାମ ଓ ଦକ୍ଷିଣ ପାର୍ଶ୍ବରେ ଗୋଟିଏ ଲେଖାଏଁ ଖୋଲିଲା ।

ଏସିଆନ୍‌‌ ଗେମ୍ସ ପାଇଁ ଯୋଗ୍ୟ ୧୩ ଓଡ଼ିଆ ଆଥଲେଟଙ୍କୁ ସହାୟତା ।ଆର୍ଥିକ ସହାୟତା ଘୋଷଣା କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ସ୍କ୍ରବ ଟାଇଫସ୍‌ ହେଲେ ଦଶ ଦିନ ପରେ ଇନଫେକ୍ସନ ଜଣାପଡ଼ିବ, ସତର୍କ ହୋଇ ଚଳିବାକୁ ପଡ଼ିବ: ଡାକ୍ତର ନୀରଜ ମିଶ୍ର ।

୧୮ରୁ ଆରମ୍ଭ ସଂସଦର ସ୍ୱତନ୍ତ୍ର ଅଧିବେଶନ, ୧୭ରେ ବସିବ ସର୍ବଦଳୀୟ ବୈଠକ ।

ଲିବିୟା ବନ୍ୟା: ବନ୍ଦର ସହର ଡେର୍ନା ଛାରଖାର, ସବୁଠି କୁଢ଼ କୁଢ଼ ଶବ ।

ସଂସଦର ସ୍ୱତନ୍ତ୍ର ଅଧିବେଶନ ପାଇଁ ୪ ବିଲ୍ ଆଲୋଚନା ହେବ, ଅସ୍ଥାୟୀ ତାଲିକା ଜାରି କଲେ କେନ୍ଦ୍ର ସରକାର   ।

ଆସନ୍ତା ୨୪ ଘଣ୍ଟାରେ ପ୍ରବଳ ବର୍ଷା ସମ୍ଭାବନା: ପାଣିପାଗ ବିଭାଗର ସୂଚନା ପରେ ସତର୍କ ଘଣ୍ଟି ବଜାଇଲେ ଏସ୍‌ଆରସି ।

ସଂକ୍ଷିପ୍ତ ସମ୍ବାଦ

 COASTAL NEWS Odia 709

ସଂକ୍ଷିପ୍ତ ସମ୍ବାଦ 

*୧-ପ୍ରାଥମିକ ଶିକ୍ଷାରେ ଅଚଳ ଅବସ୍ଥା! ଜିଦ୍ ରେ ଅଟଳ ପ୍ରାଥମିକ ଶିକ୍ଷକ, ଗଲେ ସମୂହ ଛୁଟିରେ।*

*୨-ଜନ ଅଭିଯୋଗ ଶୁଣାଣୀ ସମୀକ୍ଷା କଲେ ୫ଟି ସଚିବ, ପାନୀୟ ଜଳ ଏବଂ ବିଦ୍ୟୁତ୍ ସମସ୍ୟା ସମାଧାନ ଉପରେ ଗୁରୁତ୍ବ।*

*୩-ସ୍ବତନ୍ତ୍ର ସଂକ୍ଷିପ୍ତ ଭୋଟର ତାଲିକା ପ୍ରସ୍ତୁତି ସମୀକ୍ଷା, ତାଲିକରେ ୩.୪୫ ଲକ୍ଷ ମୃତ ଭୋଟର।*

*୪-ଯଯାତି କେଶରୀଙ୍କ ନାମରେ ଯାଜପୁର ମେଡିକାଲ କଲେଜ, ୨୦୨୪ରୁ ହେବ କାର୍ଯ୍ୟକ୍ଷମ।*

*୫-ଲୋକକଳା ଜରିଆରେ ସୂଚନା, ଶିକ୍ଷା ଓ ଯୋଗାଯୋଗ, ଜାରି ହେଲା ମାର୍ଗଦର୍ଶିକା।*

*୬-ଉପର ମୁଣ୍ଡରେ ପ୍ରବଳ ବର୍ଷା, ଖୋଲିଲା ହୀରାକୁଦ ଜଳଭଣ୍ଡାରର ୨ ଗେଟ୍।*

*୭-କିମସରେ ସାନ୍ଧ୍ୟ କ୍ଲିନିକ୍ ଆରମ୍ଭ, ୭୬୮୨୮୦୬୫୭୧କୁ ଫୋନ୍ କରି ଅଗ୍ରିମ ବୁକିଂ କରିପାରିବେ।*

*୮-ଚିନ୍ତା ବଢାଉଛି ସ୍କ୍ରବ୍ ଟାଇଫସ୍‌ ! ବିଷାକ୍ତ ପୋକ କାମୁଡ଼ା ସଂକ୍ରମଣରୁ ୬ ମୃତ୍ୟୁ।ବରଗଡ଼ରେ ୫ ଓ ସୁନ୍ଦରଗଡ଼ରେ ଜଣଙ୍କର ମୃତ୍ୟୁ।*

*୯-ଆଜିଠାରୁ ୫ ଦିନ ପର୍ଯ୍ୟନ୍ତ ରାଜ୍ୟରେ ବର୍ଷା ଲାଗି ରହିବା ନେଇ ସମ୍ଭାବନା।*

*୧୦-ଏଥର ବି ହେବନି ଛାତ୍ର ସଂସଦ ନିର୍ବାଚନ, ଗତ ୫ ବର୍ଷ ଧରି ହେଉ ନାହିଁ ନିର୍ବାଚନ।କୋର୍ଟ ଯିବାକୁ ବିଜେପି ଯୁବମୋର୍ଚ୍ଚାର ଚେତାବନୀ।*

*୧୧-ରେଳ ଧାରଣା ଉପରେ ପଡ଼ିଲା ବିରାଟ ପଥର ଖଣ୍ଡ, ରାୟଗଡ଼ା-କୋରାପୁଟକୁ ଟ୍ରେନ ଚଳାଚଳ ପ୍ରଭାବିତ।*

*୧୨-ଏସିଆନ ଗେମ୍ସରେ ଚୟନ ହୋଇଥିବା ୧୩ ଓଡ଼ିଆ ଖେଳାଳିଙ୍କୁ ୧୦ ଲକ୍ଷ ଟଙ୍କା ସହାୟତା ଦେବେ ମୁଖ୍ୟମନ୍ତ୍ରୀ।*

*୧୩-ହାଇକୋର୍ଟରେ ଟ୍ରକ ମାଲିକ ସଂଘ ନିର୍ବାଚନ ପ୍ରସଙ୍ଗ; ସୋମବାର ପରବର୍ତ୍ତୀ ଶୁଣାଣୀ ପର୍ଯ୍ୟନ୍ତ ଅନ୍ତରୀଣ ଆଦେଶ ବଳବତ୍ତର।*

*୧୪-ନେତାଜୀ ବସ୍ ଟର୍ମିନାଲରୁ ଗଡିଲା ବସ୍, ୨ଟି ସରକାରୀ ବସ୍ ଜରିଆରେ  ଟ୍ରାଏଲ ରନ୍ ଆରମ୍ଭ।*

*୧୫-ଜି -୨୦ ସମ୍ମିଳନୀରେ ମୁତୟନ ହୋଇଥିବା ପୁଲିସ ଅଧିକାରୀଙ୍କ ସହ ରାତ୍ରୀ ଭୋଜନ କରିବେ ପ୍ରଧାନମନ୍ତ୍ରୀ । ସଫଳ ସମ୍ମିଳନୀ ପାଇଁ ବିଜେପି ମୁଖ୍ୟାଳୟରେ ପ୍ରଧାନମନ୍ତ୍ରୀଙ୍କୁ ଜୋରଦାର ସ୍ୱାଗତ।*

*୧୬-ଭରତପୁର: ବସ୍ କୁ ପଛରେ ପିଟିଲା ଟ୍ରକ୍,୧୧ ତୀର୍ଥ ଯାତ୍ରୀ ମୃତ।*

*୧୭-୧୮ରୁ ସଂସଦର ସ୍ୱତନ୍ତ୍ର ଅଧିବେଶନ, ୧୭ରେ ସର୍ବଦଳୀୟ ବୈଠକ।*

*୧୮-ଭାରତରେ ଜି- ୨୦ ସମ୍ମିଳନୀ; ପାକିସ୍ତାନ ଜଳକା, ଚୀନ୍ ର ଛାତି ଫାଟିଯାଉଛି।*

*୧୯-ସ୍ପେନ୍‌ଠାରୁ ସି-୨୯୫ ଏମଡବ୍ଲ୍ୟୁ ପରିବହନ ବିମାନ ଗ୍ରହଣ କଲା ଭାରତ।*

*୨୦-କାଶ୍ମୀର- ଆତଙ୍କବାଦୀ ଆକ୍ରମଣରେ କର୍ଣ୍ଣେଲଙ୍କ ସହ ଜଣେ ମେଜର ଏବଂ ପୁଲିସ ଡିଏସ୍‌ପି ସହିଦ।*

ଓମଫେଡ ଘିଅରେ ପ୍ରସ୍ତୁତ ହେବ ମହାପ୍ରଭୁ ଶ୍ରୀଜଗନ୍ନାଥଙ୍କ ମହାପ୍ରସାଦ

 COASTAL NEWS Odia 708

ଓମଫେଡ ଘିଅରେ ପ୍ରସ୍ତୁତ ହେବ ମହାପ୍ରଭୁ ଶ୍ରୀଜଗନ୍ନାଥଙ୍କ ମହାପ୍ରସାଦ

ପୁରୀ : ଶ୍ରୀମନ୍ଦିରରେ ଆନନ୍ଦ ବଜାର ଶୃଙ୍ଖଳା ନେଇ ଶୃଙ୍ଖଳା କମିଟି ବୈଠକରେ ଗୁରୁତତ୍ୱପୂର୍ଣ୍ଣ ଆଲୋଚନା ହୋଇଥିଲା । ଶ୍ରୀମନ୍ଦିର ସ୍ଵତନ୍ତ୍ର ପ୍ରଶାସକ ଅଜୟ କୁମାର ଜେନାଙ୍କ ଅଧ୍ୟକ୍ଷତାରେ ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟରେ ବୈଠକ ଅନୁଷ୍ଠିତ ହୋଇଛି। ତେବେ ଭକ୍ତଙ୍କ ପାଇଁ ମହାପ୍ରସାଦ ଦର ତାଲିକା ଚୂଡ଼ାନ୍ତ ହୋଇନାହିଁ। ସେହିପରି ଭକ୍ତଙ୍କୁ ମାଗଣା ମହାପ୍ରସାଦ ବଣ୍ଟନ ନେଇ ମଧ୍ୟ କୌଣସି ନିଷ୍ପତ୍ତି ହୋଇନାହିଁ। ଆନନ୍ଦ ବଜାରରେ ଅଣ ସୁଆରଙ୍କୁ ଚିହ୍ନଟ କରି ବାହାର କରି ଦିଆଯାଇଛି। କେବଳ ସୁଆର ମହାସୁଆରଙ୍କୁ ସହାୟତା କରିବା ପାଇଁ ୨ ଜଣ ସହାୟକ ନିୟୋଜିତ ରହିବେ।

ଭକ୍ତଙ୍କ ପାଇଁ ପର୍ଯ୍ୟାପ୍ତ ପାନୀୟ ଜଳ , ଆନନ୍ଦ ବଜାରରେ ହେଲ୍ପ ଡେସ୍କ ଗଠନ , ଆନନ୍ଦ ବଜାରରେ ସଫେଇ ଓ ସ୍ବଚ୍ଛତା ପ୍ରତି ଗୁରୁତ୍ଵ ଦେବା , ଜରି କାଢି ଶେଡ୍ ର ବ୍ୟବସ୍ଥା ପାଇଁ ସୁଆର ମହାସୁଆର ନିଯୋଗ ପକ୍ଷରୁ ପ୍ରସ୍ତାବ ଦିଆଯାଇଛି। ଭଲ ଘିଅ ଅର୍ଥାତ୍ ଓମଫେଡ୍ ଘିଅରେ ମହାପ୍ରସାଦ ପ୍ରସ୍ତୁତି ପାଇଁ ଆଜିର ବୈଠକରେ ଆଲୋଚନା ହୋଇଛି। ଆନନ୍ଦ ବଜାରରେ ଥିବା ଦୁଇଟି ଖଜା ଦୋକାନ ଭାଙ୍ଗି ରାସ୍ତା ବ୍ୟବସ୍ଥା ହେବ। ଗଠିତ ହୋଇଥିବା କୋର୍ କମିଟି ନିଷ୍ପତ୍ତି ନେବା ପରେ ମୁଖ୍ୟ ପ୍ରଶାସକ ଏହାକୁ ଅନୁମୋଦନ କରିବେ। ସେହି ଆଧାରରେ ଶ୍ରୀମନ୍ଦିର ଆନନ୍ଦ ବଜାରରେ ଶୃଙ୍ଖଳା ଅଣାଯାଇପାରିବ ବୋଲି ସୁଆର ମହାସୁଆର ନିଯୋଗର ସଭାପତି ଓ ସମ୍ପାଦକ କହିଛନ୍ତି। ବିଶେଷ କରି ଆନନ୍ଦବଜାରରେ ଶୃଙ୍ଖଳା ଆଣିବା ପାଇଁ ଅଣସୁପକାର ଓ ଅଣସେବାୟତଙ୍କ ଆନନ୍ଦବଜାର ପ୍ରବେଶ ଉପରେ ରୋକ ଲଗାଯାଇଛି।

ଲାଇଫ୍‌ ଜ୍ୟାକେଟ୍‌ ବିନା ନୌଚଳାଚଳ ବିପଦରେ ଯାତ୍ରୀ

 COASTAL NEWS Odia 707

ଲାଇଫ୍‌ ଜ୍ୟାକେଟ୍‌ ବିନା ନୌଚଳାଚଳ ବିପଦରେ ଯାତ୍ରୀ 

 

କେନ୍ଦ୍ରାପଡ଼ା - ସମଗ୍ର କେନ୍ଦ୍ରାପଡ଼ା ଜିଲାରେ ୭ ନଦୀ ଏବଂ ୨୭ ନାଳ ରହିଛି। ଏହି ସବୁ ନଦୀ, ନାଳ ଘେରରେ ଥିବା ୧୭ ପଞ୍ଚାୟତକୁ ସଂଯୋଗ ପାଇଁ ସେତୁ ନାହିଁ। ସବୁଦିନ ଡଙ୍ଗା ଦ୍ୱାରା ଯାତାୟାତ ଚାଲିଛି। ସେହି ପରିମାଣରେ ଡଙ୍ଗାବୁଡ଼ି ଘଟଣା ବାରମ୍ବାର ଦେଖିବାକୁ ମିଳୁଛି। ଏହା ସତ୍ତ୍ୱେ ଜିଲା ପ୍ରଶାସନ କିମ୍ବା ଜନସାଧାରଣଙ୍କୁ ସେଥିରୁ କୌଣସି ଶିକ୍ଷା ମିଳିବା ପରି ମନେ ହେଉନାହିଁ। ସାଧାରଣତଃ ଡଙ୍ଗାରେ ଯାତ୍ରା କରୁଥିବା ବ୍ୟକ୍ତିଙ୍କୁ ଯାତ୍ରୀମାନେ ଲାଇଫ୍‌ ଜ୍ୟାକେଟ ପିନ୍ଧିବାର ଗାଇଡଲାଇନ ଥିବାବେଳେ କେହି ଯାତ୍ରୀ ଲାଇଫ ଜ୍ୟାକେଟ ପିନ୍ଧିବାର କେହି କେବେ ଦେଖି ନଥିବେ, ଏହି ଗାଇଡଲାଇନ ପୋଥିର ପାଠ ସଦୃଶ l ଅନ୍ୟପକ୍ଷରେ ମାଛଧରା ବୋଟ୍‌ରେ ଯାତ୍ରୀ ପରିବହନ ଯୋଗୁ ଜୀବନମରଣର ସମସ୍ୟା ସୃଷ୍ଟି ହେଉଛି । ନିରାପଦ ଯାତ୍ରା ପାଇଁ ବୋଟ୍‌ ଗାଇଡଲାଇନ ଥିଲେ ମଧ୍ୟ ତାହାକୁ ଠିକ୍‌ ଭାବେ ଅନୁପାଳନ କରାଇବାରେ ପ୍ରଶାସନ ବିଫଳ ।

କେନ୍ଦ୍ରାପଡ଼ା ଜିଲା ଆଳି ବ୍ଲକ ର ପଦନୀପାଳ, ଏକମାଣିଆ, ପଟ୍ଟମୁଣ୍ଡାଇ ବ୍ଲକ ର ସିଂହଗାଁ ଓ ମହାକାଳପଡା ବ୍ଲକ ର ବତିଘର ଆଦି ୧୭ ପଞ୍ଚାୟତ ଅଦ୍ୟାବଧି ନଦୀ ଘେରାବନ୍ଦୀରେ ଅଛି। ଏହି ୧୭ ପଞ୍ଚାୟତରେ ୧୨୦ରୁ ଊର୍ଦ୍ଧ୍ୱ ଡଙ୍ଗା ଘାଟ ଥିବାବେଳେ ସରକାରୀ ସ୍ତରରେ ଚିହ୍ନଟ ୬୩ ଘାଟରୁ ଅନବରତ ଡଙ୍ଗା ଚାଲୁଛି। କିନ୍ତୁ ସବୁଠି ବିପଦସଙ୍କୁଳ ଭାବେ ଯାତ୍ରୀ ପରିବହନ କରାଯାଉଛି। ନୌକା ଅଥବା ଦେଶୀ ଡଙ୍ଗା ଯାତାୟାତ ମାଧ୍ୟମ ହୋଇଥିବାବେଳେ ରାଜ୍ୟ ସରକାରଙ୍କ ୨୦୦୪ର ବୋଟ୍‌ ରୁଲ୍‌ସ କାର୍ଯ୍ୟକାରୀ ହେଉନାହିଁ। ଲାଇଫ୍‌ ଜ୍ୟାକେଟ୍‌ ନ ଥାଇ ପର୍ଯ୍ୟଟକ ଓ ଯାତ୍ରୀ ଡଙ୍ଗାରେ ଯାତ୍ରା କରୁଛନ୍ତି । ବିଶେଷକରି ଜାତୀୟ ଉଦ୍ୟାନ ଭିତରକନିକା ଅଞ୍ଚଳରେ ଥିବା ହୁକିଟୋଲା, ହାବେଳିଖଟି, ବତିଘର, ବରୁଣେଇ ଆଦି ପର୍ଯ୍ୟଟନସ୍ଥଳକୁ ବିପଜ୍ଜନକ ଭାବେ ପର୍ଯ୍ୟଟକ ଡଙ୍ଗା, ଭୁଟୁଭୁଟି, ମାଛଧରା ବୋଟ ଆଦିରେ ଯାତ୍ରା କରୁଛନ୍ତି ।

ରାଜ୍ୟ ସରକାରଙ୍କ ବୋଟ୍‌ ରୁଲ୍‌ସ ଅନୁଯାୟୀ ଜିଲାରେ ଥିବା ଅଧିକାଂଶ ବୋଟ୍‌, ଡଙ୍ଗା ଓ ଏହାର ଚାଳକ ବୀମାଭୁକ୍ତ ହେବାର ଆବଶ୍ୟକତା ଅଛି ହେଲେ ତାହା ମଧ୍ଯ ସରକାରୀ ଅବହେଳାରୁ ଫେଲ ମାରିଛି । ଏପରିକି ଫିଟନେସ୍‌ ନ ଥିବା ଫଟା ପୁରୁଣା ବୋଟ୍‌ରେ ଯାତ୍ରୀ ଯାତାୟାତ କରୁଛନ୍ତି। କୌଣସି କାରଣରୁ ଡଙ୍ଗାବୁଡ଼ି ହେଲେ ମୃତ ଯାତ୍ରୀଙ୍କ ପରିବାରକୁ କ୍ଷତିପୂରଣ ମିଳିବା ସମ୍ଭବ ନୁହେଁ  l ଏବେ ୬୦ରୁ ଊର୍ଦ୍ଧ୍ୱ ବୋଟ୍‌ ଫିଟ୍‌ନେସ ନ ଥାଇ ଜାତୀୟ ଉଦ୍ୟାନ ମଧ୍ୟରେ ଚାଲୁଛି। ଏହା ବିରୋଧରେ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଉନାହିଁ। ରାଜନଗର ବ୍ଲକ  ଜାତୀୟ ଉଦ୍ୟାନ ମଧ୍ୟରେ ୧୭୦୦ରୁ ଊର୍ଦ୍ଧ୍ୱ କୁମ୍ଭୀର ଅଛନ୍ତି। ଏହି ଅଞ୍ଚଳକୁ ଗୁପ୍ତି, ଚାନ୍ଦବାଲି, ଖୋଳା, ଜୟନଗର, ଖରିନାସୀ, ବାହାକୁଦ, ଜମ୍ବୁ ଅଞ୍ଚଳରୁ ବୋଟ ଯାତାୟତ କରୁଛି । ଏଥିରେ କେତେଜଣ ନାବାଳକ ଚାଳକ ହୋଇଥିବା ଲକ୍ଷ୍ୟ କରାଯାଇଛି। ଅର୍ଥ ଲୋଭରେ ଅଧିକ ଯାତ୍ରୀ ଡଙ୍ଗା ଅଥବା ବୋଟ୍‌ରେ ପରିବହନ ହେଉଥିଲେ ମଧ୍ୟ କୌଣସି ସରକାରୀ କଟକଣା ନାହିଁ।

୨୦୨୨ ଜୁନ ୧୬ରେ ରାଜନଗର ବ୍ଲକ ତାଳଚୁଆ ଥାନା ଅଧୀନ ଏକ ମାଛଧରା ଟ୍ରଲର ବୁଡ଼ିଗଲା। ଏଥିରେ ୧୨ ଜଣ ଉଦ୍ଧାର ହୋଇଥିବା ବେଳେ ଜଣଙ୍କର ମୃତ୍ୟୁ ହୋଇଥିଲା। ୨୦୨୦ ଜୁନ ୧୯ରେ ମହାକାଳପଡ଼ା ବ୍ଲକ ପୀତାପାଟ ନିକଟରେ ଡଙ୍ଗା ଓଲଟି ପଡ଼ିଥିଲା। ଏଥିରେ ଥିବା ୫ ଶ୍ରମିକ କୌଣସି ପ୍ରକାରେ ଜୀବନ ବଞ୍ଚାଇଥିଲେ। ଏହି ସ୍ଥାନରେ ୨୦୧୩ ମାର୍ଚ୍ଚ ୧ରେ ଡଙ୍ଗା ବୁଡ଼ି ଘଟଣାରେ ଜଗତ୍‌ସିଂହପୁର ଜିଲାର ୧୩ କିଶୋର କ୍ରିକେଟ ଖେଳାଳିଙ୍କ ଜୀବନ ଯାଇଥିଲା। ସେହିପରି ୨୦୧୯ ଜାନୁୟାରୀ ୨ରେ ନିପାଣିଆଠାରେ ଡଙ୍ଗା ବୁଡ଼ି ଘଟଣାରେ ୧୦ ମହିଳା ଓ ଶିଶୁଙ୍କ ପ୍ରାଣହାନି ହୋଇଥିଲା। ୨୦୨୩ ଏପ୍ରିଲ ୨୭ରେ ଆଳି ବ୍ଲକ୍‌ ଏକମାଣିଆା ଘାଟରେ ଡଙ୍ଗାବୁଡ଼ି ୨ ଜଣଙ୍କର ମୃତ୍ୟୁ ଘଟିଥିଲା। ସେତୁ ନିର୍ମାଣରେ ଅହେତୁକ ବିଳମ୍ବ ଡଙ୍ଗା ବୁଡ଼ିର ଅନ୍ୟ ଏକ କାରଣ ହୋଇଛି। ବାହାକୁଦ ଓ ଖରିନାସୀ ସେତୁ ଅଦ୍ୟାବଧି ନିର୍ମାଣ ଶେଷ ହୋଇନାହିଁ। ସେହିପରି ବର୍ଷାଋତୁରେ ଜିଲାର ଅଧିକାଂଶ ସ୍ଥାନରେ ଡଙ୍ଗା ହିଁ ଯାତାୟାତର ମାଧ୍ୟମ ହୋଇଛି। ସରକାର ତୁରନ୍ତ ନିର୍ମାଣାଧୀନ ନଦୀ ସେତୁ କୁ ପୂର୍ଣ୍ଣାଙ୍ଗ କରିବାର ଆବଶ୍ୟକତା ଥିବାବେଳେ ସରକାରୀ ତନ୍ତ୍ର ଫେରି ଘାଟ କୁ ସରକାରୀ ନିୟମ ଅନୁସାରେ ଚଳେଇଲେ ଯାତ୍ରୀ ସୁରକ୍ଷିତ ଯାତ୍ରା କରି ପାରିବେ l

ସଂସଦର ସ୍ୱତନ୍ତ୍ର ଅଧିବେଶନ 18 ସେପ୍ଟେମ୍ବରରୁ ଆରମ୍ଭ

 COASTAL NEWS Odia 706

ସଂସଦର ସ୍ୱତନ୍ତ୍ର ଅଧିବେଶନ 18 ସେପ୍ଟେମ୍ବରରୁ ଆରମ୍ଭ

 

ନୂଆଦିଲ୍ଲୀ - ସବୁ କଳ୍ପନା ଜଳ୍ପନାର ଅନ୍ତ ଘଟାଇ ସରକାର ସ୍ଵତନ୍ତ୍ର ଅଧିବେଶନର ଏଜେଣ୍ଡା ପ୍ରକାଶ କରିଛନ୍ତି l ସଂସଦର ସ୍ୱତନ୍ତ୍ର ଅଧିବେଶନ 18 ସେପ୍ଟେମ୍ବରରୁ ଆରମ୍ଭ ହେବ |  ସରକାରଙ୍କ କାର୍ଯ୍ୟକାରିତାକୁ ବିଚାରକୁ ନେଇ ଏହା ସେପ୍ଟେମ୍ବର 22 ପର୍ଯ୍ୟନ୍ତ ଚାଲିବ।  ଏଥିରେ କୁହାଯାଇଛି ଯେ ଅଧିବେଶନ ସାଧାରଣତ ସକାଳ 11 ଟାରୁ 1 ଟା ଏବଂ ପରେ ଅପରାହ୍ନ 2 ଟାରୁ 6 ଟା ପର୍ଯ୍ୟନ୍ତ ଚାଲିବ।

ସଂସଦର ସ୍ୱତନ୍ତ୍ର ଅଧିବେଶନ ପାଇଁ ସରକାର ଏଜେଣ୍ଡା ପ୍ରକାଶ କରିଛନ୍ତି।  ଏହା ଅଧୀନରେ, ବିଧାନସଭା ଠାରୁ ଆରମ୍ଭ ହୋଇଥିବା '75 ବର୍ଷର ସଂସଦୀୟ ଯାତ୍ରା 'ଅଧିବେଶନର ପ୍ରଥମ ଦିନରେ ସେପ୍ଟେମ୍ବର 18 ରେ ଆଲୋଚନା ହେବ।  ଲୋକସଭା ସଚିବାଳୟ ଦ୍ଵାରା ଜାରି କରାଯାଇଥିବା ବୁଲେଟିନ୍ ଅନୁଯାୟୀ ସଂସଦର 75 ବର୍ଷର ଯାତ୍ରା, ସଫଳତା, ଅଭିଜ୍ଞତା, ସ୍ମୃତି ଏବଂ ବିଧାନସଭା ଠାରୁ ଆଜି ପର୍ଯ୍ୟନ୍ତ ଶିକ୍ଷା ବିଷୟରେ ଆଲୋଚନା କରିବା ବ୍ୟତୀତ ଚାରୋଟି ବିଲ୍ ମଧ୍ୟ ତାଲିକାଭୁକ୍ତ ହୋଇଛି।

ତାଲିକାଭୁକ୍ତ ଚାରୋଟି ବିଲରେ ଆଡଭୋକେଟ୍ ସଂଶୋଧନ ବିଲ୍ 2023 ଏବଂ ପ୍ରେସ୍ ଏବଂ ପେରିଓଡିକାଲ୍ସ ରେଜିଷ୍ଟ୍ରେସନ୍ ବିଲ୍ 2023 ଅନ୍ତର୍ଭୁକ୍ତ, ଯାହା ରାଜ୍ୟସଭାରେ ପାରିତ ହୋଇ ଲୋକସଭାରେ ବିଚାରାଧୀନ ଅଛି।  ଏହା ସହିତ ପୋଷ୍ଟ ଅଫିସ୍ ବିଲ୍ 2023 ଏବଂ ମୁଖ୍ୟ ନିର୍ବାଚନ କମିଶନରଙ୍କ ନିଯୁକ୍ତି, ଅନ୍ୟ ନିର୍ବାଚନ କମିଶନର, ସେବା ସର୍ତ୍ତ ବିଲ୍ 2023 ମଧ୍ୟ ତାଲିକାଭୁକ୍ତ |

ଅପରାଧିକ ମାମଲାରେ ଦେଶର ଗଣାମାଧ୍ୟମ ନିଜ ଇଚ୍ଛାର କରୁଥିବା ଖବର ପ୍ରସାରଣ ବା ମିଡିଆ ଟ୍ରାଏଲକୁ ନେଇ ସୁପ୍ରିମକୋର୍ଟ ଅସନ୍ତୋଷ ପ୍ରକାଶ କରିଛନ୍ତି।

COASTAL NEWS Odia 705

ଅପରାଧିକ ମାମଲାରେ ଦେଶର ଗଣାମାଧ୍ୟମ ନିଜ ଇଚ୍ଛାର କରୁଥିବା ଖବର ପ୍ରସାରଣ ବା ମିଡିଆ ଟ୍ରାଏଲକୁ ନେଇ ସୁପ୍ରିମକୋର୍ଟ ଅସନ୍ତୋଷ ପ୍ରକାଶ କରିଛନ୍ତି। 

ନୂଆଦିଲ୍ଲୀ - ଅପରାଧିକ ମାମଲାରେ ଦେଶର ଗଣାମାଧ୍ୟମ ନିଜ ଇଚ୍ଛାର କରୁଥିବା ଖବର ପ୍ରସାରଣ ବା ମିଡିଆ ଟ୍ରାଏଲକୁ ନେଇ ସୁପ୍ରିମକୋର୍ଟ ଅସନ୍ତୋଷ ପ୍ରକାଶ କରିଛନ୍ତି। ଏକପାଖିଆ ରିପୋର୍ଟିଂ ଯୋଗୁ ଲୋକଙ୍କ ମନରେ ଜଣେ ଅଭିଯୁକ୍ତ ହିଁ ଅପରାଧୀ ବୋଲି ଲୋକମାନେ ଭାବି ନେଉଛନ୍ତି। ତେଣୁ ଏହାକୁ ଅନୁମତି ଦେବା କଥା ନୁହେଁ ବୋଲି ସର୍ବୋଚ୍ଚ ଅଦଲତ କହିଛନ୍ତି।

ଏଥିସହ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରଣାଳୟକୁ ପୁଲିସ ପାଇଁ ଗାଇଡଲାଇନ ପ୍ରସ୍ତୁତ କରିବାକୁ ନିର୍ଦ୍ଦେଶ ଦେଇଛନ୍ତି। ମିଡିଆକୁ ସୂଚନା ଦେବା ବେଳେ ପୁଲିସ୍‌ କେଉଁ ସବୁ ନିୟମ ପାଳନ କରିବ, ସେ ବିଷୟରେ ଗାଇଡଲାଇନରେ ଉଲ୍ଲେଖ ରହିବ। ଏଥିପାଇଁ ମନ୍ତ୍ରଣାଳୟକୁ ସୁପ୍ରିମକୋର୍ଟ ୩ ମାସ ସମୟ ଦେଇଛନ୍ତି।

ଗାଇଡଲାଇନରେ କ’ଣ ସବୁ ବିଷୟବସ୍ତୁ ରହିବ, ସେବାବଦରେ ସବୁ ରାଜ୍ୟର ଡିଜିପି ଓ ଜାତୀୟ ମାନବାଧିକାର କମିଶନ ଗୋଟିଏ ମାସ ମଧ୍ୟରେ ସ୍ୱରାଷ୍ଟ୍ର ମନ୍ତ୍ରଣାଳୟକୁ ପ୍ରସ୍ତାବ ଦେଇ ପାରିବେ। ଏବେ ମାମଲା ପରବର୍ତ୍ତୀ ଶୁଣାଣି ୨୦୨୪ ମସିହା ଜାନୁଆରୀ ଦ୍ୱିତୀୟ ସପ୍ତାହରେ ହେବ ବୋଲି ପ୍ରଧାନ ବିଚାରପତି ଜଷ୍ଟିସ ଡିୱାଇ ଚନ୍ଦ୍ରଚୂଡ଼ଙ୍କ ନେତୃତ୍ୱାଧୀନ ଖଣ୍ଡପୀଠ କହିଛନ୍ତି।

ଖଣ୍ଡପୀଠ କହିଛନ୍ତି, ମିଡିଆ ଟ୍ରାଏଲ ଦ୍ୱାରା ନ୍ୟାୟ ପ୍ରଦାନ ପ୍ରଭାବିତ ହେଉଛି। ପୁଲିସ ପାଖରେ ସମ୍ବେଦନଶୀଳତା ରହିବା ଦରକାର। କେଉଁ ପର୍ଯ୍ୟାୟରେ ଅନୁସନ୍ଧାନର ସବିଶେଷ ତଥ୍ୟ ପ୍ରକାଶ କରାଯିବାର ଆବଶ୍ୟକ ରହିଛି, ତା’ର ନିଷ୍ପତ୍ତି ନେବା ଉଚିତ। ଏହା ଏକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ପ୍ରସଙ୍ଗ କାରଣ ଏଥିରେ ପୀଡ଼ିତ ଓ ଅଭିଯୁକ୍ତଙ୍କ ସ୍ୱାର୍ଥ ଜଡ଼ିତ ହୋଇ ରହିଛି। ଏହାବାଦ ଜନସାଧାରଣଙ୍କ ସ୍ୱାର୍ଥ ସହ ମଧ୍ୟ ଏହାର ସମ୍ପର୍କ ଅଛି। ଅପରାଧ ସମ୍ପର୍କିତ ମିଡିଆ ରିପୋର୍ଟ ସହ ସାର୍ବଜନୀନ ହିତର ଅନେକ ସ୍ୱାର୍ଥ ରହିଛି।

ମୌଳିକ ଭାବରେ ଦେଖିଲେ, ବାକ ସ୍ୱାଧୀନତା ମଧ୍ୟରେ ଗଣମାଧ୍ୟମର ଖବର ଚିତ୍ରଣ ଓ ପ୍ରସାରଣ ଅଧିକାର ଅନ୍ତର୍ଭୁକ୍ତ। କିନ୍ତୁ ଆମକୁ ମିଡିଆ ଟ୍ରାଏଲ ପାଇଁ ଅନୁମତି ଦେବା କଥା ନୁହେଁ। ସୂଚନା ହାସଲ କରିବା ଲୋକଙ୍କ ଅଧିକାର। କିନ୍ତୁ ତଦନ୍ତ ବେଳେ ଯଦି ଗୁରୁତ୍ୱପୂର୍ଣ୍ଣ ପ୍ରମାଣ ବା ତଥ୍ୟ ସାର୍ବଜନୀନ ହୋଇଯାଏ, ତା’ହେଲେ ଏହାର ପୂରା ମାମଲାକୁ ମଧ୍ୟ ପ୍ରଭାବିତ କରିପାରେ ବୋଲି ଖଣ୍ଡପୀଠ କହିଛନ୍ତି।

ଖଣ୍ଡପୀଠ ଆହୁରି କହିଛନ୍ତି, “ଗୋଟିଏ ଅପରାଧିକ ମାମଲାର ଅଭିଯୁକ୍ତ ମଧ୍ୟ ନିରପେକ୍ଷ ତଦନ୍ତର ହକଦାର। ପ୍ରତିଟି ପର୍ଯ୍ୟାୟରେ ଓ ପ୍ରତିଟି ଅଭିଯୁକ୍ତକୁ ନିରୀହ ଭାବି ତଦନ୍ତ କରାଯିବା ଦରକାର। ମିଡିଆ ରିପୋର୍ଟରେ ଅଭିଯୁକ୍ତଙ୍କୁ ଦୋଷୀ ଭାବେ ବିବେଚନା କରିବା ଆଦୌ ଠିକ ନୁହେଁ। ଏକପାଖିଆ ରିପୋର୍ଟ ମଧ୍ୟ ଜନସାଧାରଣଙ୍କ ମନରେ ସନ୍ଦେହ ସୃଷ୍ଟି କରେ ଯେ ଅଭିଯୁକ୍ତ ଜଣଙ୍କ ହିଁ ଅପରାଧ କରିଛନ୍ତି।

ମିଡିଆ ରିପୋର୍ଟ ମଧ୍ୟ ପୀଡ଼ିତଙ୍କ ଗୋପନୀୟତାକୁ ଉଲ୍ଲଂଘନ କରିପାରେ। କେତେକ କ୍ଷେତ୍ରରେ ପୀଡ଼ିତ/ପୀଡ଼ିତା ନାବାଳକ ହୋଇପାରନ୍ତି। ତେଣୁ ସେମାନଙ୍କର ଗୋପନୀୟତା ପ୍ରଭାବିତ ହେବା ଉଚିତ ନୁହେଁ। ଗଣମାଧ୍ୟମକୁ ପୁଲିସ୍‌ କେମିତି ସୂଚନା ଦେବ? ଏ ସମ୍ପର୍କରେ ପୁଲିସ୍‌କୁ କେମିତି ପରାମର୍ଶ ଦିଆଯିବ? ୨୦୧୪ରେ ଆମେ ଦେଇଥିବା ନିର୍ଦ୍ଦେଶ ଉପରେ ଭାରତ ସରକାର କ’ଣ ସବୁ ପଦକ୍ଷେପ ନେଇଛନ୍ତି?” ଏହା ଶୁଣି ଖୁବଶୀଘ୍ର ଗାଇଡଲାଇନ ପ୍ରସ୍ତୁତ ହେବ ଓ ଏ ବିଷୟରେ କୋର୍ଟଙ୍କୁ ଅବଗତ କରାଯିବ ବୋଲି କେନ୍ଦ୍ର ସରକାର କହିଛନ୍ତି।

ଲିଙ୍ଗ ନିରୂପଣ ମେସିନ୍‌ ଜବତ

 COASTAL NEWS Odia 704

ଲିଙ୍ଗ ନିରୂପଣ ମେସିନ୍‌ ଜବତ

କଟକ - ବେଆଇନ୍‌ ଭାବେ କ୍ଲିନିକରେ ଚାଲୁଥିଲା ଲିଙ୍ଗ ନିରୂପଣ। ସେଥିପାଇଁ ଦଲାଲଙ୍କ ମାଧ୍ୟମରେ ଓଡ଼ିଶାର କୋଣ ଅନୁକୋଣରୁ ଗର୍ଭବତୀଙ୍କୁ ଅଣାଯାଉଥିଲା। ସେଠାରେ ଲିଙ୍ଗ ନିରୂପଣ କରାଯାଉଥିଲା। ଆଉ ମାଲାମାଲ୍‌ ହେଉଥିଲେ କ୍ଲିନିକ୍‌ ଓ ନର୍ସିଂ ହୋମ୍‌ ମାଲିକ। ସିଲ୍‌ଭର ସିଟି କଟକରୁ ଆସିଛି ଏପରି ଅଭିଯୋଗ। ଆଜି ସ୍ୱାସ୍ଥ୍ୟ ବିଭାଗର ୩ଟି ଟିମ୍‌ କଟକରେ ବିଭିନ୍ନ ସ୍ଥାନରେ ଚଢ଼ଉ କରି ଲିଙ୍ଗ ନିରୂପଣ ମେସିନ୍‌ ଜବତ କରିଛି। ତେବେ ମୁଖ୍ୟ ଅଭିଯୁକ୍ତ ଫେରାର ହୋଇଯାଇଛି।

କଟକ ଟାଉନ୍‌ରେ ମାଳ ମାଳ କ୍ଲିନିକ୍ ଓ ଡାଇଗ୍ନୋଷ୍ଟିକ ସେଣ୍ଟର ଖୋଲିଛି। ସେଥିରେ ବେଆଇନ୍‌ ଭାବେ ଲିଙ୍ଗ ନିରୂପଣ ହେଉଥିବା ଅଭିଯୋଗ ହେଉଥିଲା। ହେଲେ ପ୍ରମାଣ ଅଭାବରୁ ପ୍ରଶାସନ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିପାରୁନଥିଲା। ଆଜି ବିଶେଷ ସୂତ୍ରରୁ ଖବର ପାଇ ସ୍ୱାସ୍ଥ୍ୟ ବିଭାଗର ସ୍ୱତନ୍ତ୍ର ଟିମ୍‌ ବାଦାମବାଡ଼ି ରକ୍ସି ଲେନ୍‌, ଲିଙ୍କ ରୋଡ୍‌ ସମେତ ୩ଟି ସ୍ଥାନରେ  ଚଢ଼ଉ କରିଥିଲା। ଦୁଇଟି ସ୍ଥାନରୁ ଦୁଇଟି ଅଲଟ୍ରାସାଉଣ୍ଡ ମେସିନ, ଜେଲ୍‌ ଓ କିଛି ମେଡିସିନ୍‌ ଜବତ କରିଛି। ମେସିନ୍‌ଟି ବେଆଇନ୍‌ ଭାବେ ଲିଙ୍ଗ ନିରୁପଣ କାମରେ ବ୍ୟବହାର ହେଉଥିବା ଜଣାପଡ଼ିଛି।

ରାଜ୍ୟ ବାହାରୁ ଦଲାଲ୍‌ଙ୍କ ଜରିଆରେ ଗର୍ଭବତୀ ମହିଳାଙ୍କୁ ଅଣାଯାଉଥିଲା। ସେଠାରେ ଲିଙ୍ଗ ନିରୂପଣ କରାଯାଉଥିଲା। ଏଥିପାଇଁ ମୋଟା ଆକାରରେ ଟଙ୍କା ବେଆଇନ୍‌ ଭାବେ ଆଦାୟ କରାଯାଉଥିଲା। ସ୍ୱାସ୍ଥ୍ୟ ବିଭାଗର କହିବା ଅନୁସାରେ ଜଗତସିଂହପୁର ଜିଲ୍ଲାର ଭିକାରୀ ପରିଡ଼ା ହେଉଛନ୍ତି ମୁଖ୍ୟ ଅଭିଯୁକ୍ତ। ସେ ବର୍ତ୍ତମାନ ଫେରାର ଅଛନ୍ତି। ତାଙ୍କୁ ଗିରଫ କରାଗଲେ ପୂରା ଘଟଣା ଉପରୁ ପର୍ଦ୍ଦା ହଟିବ ବୋଲି ସ୍ୱାସ୍ଥ୍ୟ ବିଭାଗର ସ୍ୱତନ୍ତ୍ର ଟିମ୍‌ କହିଛି।

କଟକ ସହରରେ ଏଭଳି ବେଆଇନ୍‌ ଲିଙ୍ଗ ନିରୂପଣ ନୂଆ ନୁହେଁ। କିଛିଦିନ ତଳେ କଟକ ଫ୍ରେଣ୍ଡସ୍‌ କଲୋନୀଠାରେ ଜଣେ ଜଣାଶୁଣା ଡାକ୍ତରଙ୍କ ଘରୁ ବେଆଇନ୍‌ ଲିଙ୍ଗ ନିରୂପଣ ମେସିନ ଜବତ ହୋଇଥିଲା। ଅଲଟ୍ରାସାଉଣ୍ଡ ମେସିନ ସହ କିଛି କମ୍ପ୍ୟୁଟର ଜବତ କରିବା ସହ ଡାକ୍ତରଙ୍କୁ ଗିରଫ କରିଥିଲା ପୁଲିସ।

ବନ୍ଦ ଘର ଭିତରୁ ଅବସରପ୍ରାପ୍ତ ଡାକ୍ତରଙ୍କ ମୃତଦେହ ଉଦ୍ଧାର

 COASTAL NEWS Odia 703

ବନ୍ଦ ଘର ଭିତରୁ ଅବସରପ୍ରାପ୍ତ ଡାକ୍ତରଙ୍କ ମୃତଦେହ ଉଦ୍ଧାର

କେନ୍ଦୁଝର - ଗୋଟେ ବନ୍ଦ ଘର ଭିତରୁ ଅବସରପ୍ରାପ୍ତ ଡାକ୍ତରଙ୍କ ମୃତଦେହ ଉଦ୍ଧାର ହୋଇଛି। କେନ୍ଦୁଝର ସଦର ଥାନା ଅଞ୍ଚଳରୁ ଆସିଛି ଏପରି ଦୁଃଖଦ ଖବର। ଗାଁ ଲୋକଙ୍କଠାରୁ ଖବର ପାଇ ପୁଲିସ୍‌ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦେଇଛି।

ମହାଦେଈଜୋଡା ସ୍ଥିତ ନିଜ ଘରେ ରହୁଥିଲେ ଅବସରପ୍ରପର ଡାକ୍ତର ବଳରାମ ସାହୁ। ସେ ବିବାହ କରିନଥିଲେ। ତାଙ୍କର ନିକଟ ସମ୍ପର୍କୀୟମାନେ(ପରିବାର ଲୋକେ) ରାଜ୍ୟ ବାହାରେ ଚାକିରି କରୁଥିବାରୁ ଘରକୁ ପ୍ରାୟତଃ ଆସନ୍ତି ନାହିଁ। ତେଣୁ ଡାକ୍ତର ସାହୁ ଏକାକୀ ଘରେ ରୁହନ୍ତି। ଚାକିରିରୁ ଅବସର ପରେ ପରିବାର ଲୋକେ ତାଙ୍କୁ ବହୁତ ଡାକିଥିଲେ। ମାତ୍ର ସେ ଯିବାକୁ ରାଜି ହୋଇନଥିଲେ। କାରଣ ସେ ଗାଁ ଛାଡ଼ି ଯିବାକୁ ଚାହୁଁନଥିଲେ।

ହେଲେ ଗତ ଦୁଇ ଦିନ ହେଲା ଡାକ୍ତର ସାହୁ ଘରୁ ବାହାରୁନଥିଲେ। ଆଜି ଘର ଭିତରୁ ଦୁର୍ଗନ୍ଧ ବାହାରିଥିଲା। ସ୍ଥାନୀୟ ଲୋକଙ୍କ ମନରେ ନାନା ସନ୍ଦେହ ସୃଷ୍ଟି ହୋଇଥିଲା। ଏନେଇ ଗାଁ ଲୋକେ ପୁଲିସକୁ ଖବର ଦେଇଥିଲେ। ପୁଲିସ ଗାଁରେ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ଦେଇଛି। ଏନେଇ ତାଙ୍କ ନିକଟ ସମ୍ପର୍କୀୟଙ୍କୁ ଖବର ଦିଆଯାଇଥିବା ପୁଲିସ୍‌ ସୂତ୍ରରୁ ଜଣାପଡ଼ିଛି।

ଜି- ୨୦ ଶିଖର ସମ୍ମିଳନୀ ରେ ଚୀନ ପ୍ରତିନିଧିଙ୍କ ସନ୍ଦିଗ୍ଧ ବକ୍ସ

 COASTAL NEWS Odia 772

 ଜି- ୨୦ ଶିଖର ସମ୍ମିଳନୀ ରେ ଚୀନ ପ୍ରତିନିଧିଙ୍କ ସନ୍ଦିଗ୍ଧ ବକ୍ସ 

ନୂଆଦିଲ୍ଲୀ -ଦିଲ୍ଲୀରେ ଅନୁଷ୍ଠିତ ହୋଇଥିବା ଜି- ୨୦ ଶିଖର ସମ୍ମିଳନୀ ଶେଷ ହୋଇଛି । ଏହି ସମ୍ମିଳନୀ ଶେଷ ହେବା ପରେ ଜି-୨୦ କମିଟି ପକ୍ଷରୁ ଏକ ବଡ ଘଟଣା ସାମ୍ନାକୁ ଆସିଛି । ୨ ଦିନ ଧରି ଚାଲିଥିବା ଶିଖର ସମ୍ମିଳନୀରେ ଚୀନର ଅତିଥି ଦିଲ୍ଲୀର ହୋଟେଲ ତାଜ୍ ପ୍ୟାଲେସରେ ରହିଥିଲେ। ଆଉ ସେମାନଙ୍କ ପାଖରେ ଏକ ସନ୍ଦିଗ୍ଧ ବ୍ୟାଗ୍‌ ମିଳିବା ପରେ ଚାଞ୍ଚଲ୍ୟ ସୃଷ୍ଟି ହୋଇଥିଲା । ଆଉ ପୋଲିସ ଏହି ବ୍ୟାଗ୍‌ ଚେକ୍‌ କରିବାକୁ ଆସିଥିବା ବେଳେ ଚୀନର ପ୍ରତିନିଧି ଏହାକୁ ଦେଖାଇବା ପାଇଁ ମନା କରିଦେଇଥିଲେ ।

ପୋଲିସ କିଛି ସମୟ ପାଇଁ ଚୀନ ପ୍ରତିନିଧିଙ୍କୁ ବୁଝାଇବାକୁ ଚେଷ୍ଟା କରିଥିଲା କିନ୍ତୁ ସେମାନେ ବ୍ୟାଗ୍‌ ଦେଖାଇବାକୁ ମନା କରିଥିଲେ । ଏହା ପରେ ସେହି ବ୍ୟାଗଙ୍କୁ ଚୀନ ରାଷ୍ଟ୍ରଦୂତଙ୍କ ଅଫିସକୁ ପଠାଯାଇଥିଲା । ତେବେ ପୋଲିସ କହିବା ମୁତାବକ, ଏହା ପୂର୍ବରୁ ଯେଉଁ ଚୀନ ପ୍ରତିନିଧି ଆସିଥିଲେ, ସେ ତାଙ୍କର ବ୍ୟାଗକୁ ଚେକ୍‌ କରିବାକୁ ଦେଇଥିଲେ । କିନ୍ତୁ ସେହି ବ୍ୟାଗ୍‌ ଚେକିଂ କ’ଣ ପାଇଁ ଦେଇଥିଲେ, ତାହା ଏପର୍ଯ୍ୟନ୍ତ ଜଣାପଡିନାହିଁ ।

ସୂଚନାଯୋଗ୍ୟ, ଜି୨୦ ସମ୍ମିଳନୀକୁ ଆସିଥିବା ସମସ୍ତ ପ୍ରତିନିଧିଙ୍କ ବ୍ୟାଗ୍‌ ଚେକିଂ ପାଇଁ ଏକ ଗାଇଡଲାଇନ ଜାରି କରାଯାଇଥିଲା । କିନ୍ତୁ ଯେଉଁ ଚୀନ ପ୍ରତିନିଧି ହୋଟେଲ ହୋଟେଲ ତାଜ ପ୍ୟାଲେସରେ ପହଞ୍ଚିଥିଲେ ସେମାନଙ୍କ ମଧ୍ୟରୁ ଜଣଙ୍କ ପାଖରେ ଏହି ବ୍ୟାଗ ରହିଥିଲା । ଆଉ ପ୍ରୋଟୋକଲ ହିସାବରେ ବ୍ୟାଗକୁ ଭିତରକୁ ନେବାକୁ ଅନୁମତି ମିଳିଥିଲା । ଏହା ପରେ ହୋଟେଲ ଷ୍ଟାଫ ବ୍ୟାଗରେ କିଛି ସନ୍ଦିଗ୍ଧ ରହିଥିବା ସୂଚନା ଦେଇଥିଲେ । ଆଉ ଯେତେବେଳେ ଏହି ବ୍ୟାଗକୁ ସ୍କାନ ପାଇଁ ନିଆଯିବାକୁ କୁହାଯାଇଥିଲା, ସେତେବେଳେ ଚୀନ ପ୍ରତିନିଧି ଏହାକୁ ନେବାକୁ ମନା କରିଦେଇଥିଲେ ।

ଏହାପରେ ୧୨ ଘଣ୍ଟା ପର୍ଯ୍ୟନ୍ତ ଏପରି ହାଇଡ୍ରାମା ଚାଲିଥିଲା । ଚୀନ ଦୂତାବାସକୁ ବ୍ୟାଗ ପଠାଯିବା ପରେ ମାମଲା ଶାନ୍ତ ପଡିଥିଲା । ତେବେ ବ୍ୟାଗରେ କ’ଣ ସନ୍ଦିଗ୍ଧ ରହିଥିଲା, ତାହା ଏପର୍ଯ୍ୟନ୍ତ ସାମ୍ନାକୁ ଆସିନାହିଁ ।

ବଜ୍ରପାତରେ ଅତି 10 ଜଣଙ୍କର ମୃତ୍ୟୁ

 COASTAL NEWS Odia 701

ବଜ୍ରପାତରେ ଅତି  10 ଜଣଙ୍କର ମୃତ୍ୟୁ

ଭୁବନେଶ୍ବର - ଓଡିଶାର ଛଟି ଜିଲ୍ଲାରେ ବଜ୍ରପାତରେ ଅତି କମରେ 10 ଜଣଙ୍କର ମୃତ୍ୟୁ ଘଟିଛି।  ଶନିବାର ଏହି ଜିଲ୍ଲାଗୁଡ଼ିକରେ ପ୍ରବଳ ବର୍ଷା ହୋଇଥିଲା।  ସ୍ୱତନ୍ତ୍ର ରିଲିଫ୍ କମିଶନରଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି ଯେ ବଜ୍ରପାତ ଯୋଗୁଁ ଖୋର୍ଦ୍ଧା ଜିଲ୍ଲାରେ ଚାରିଜଣ, ବଲାଙ୍ଗୀରରେ ଦୁଇ ଜଣ ଏବଂ ଅନୁଗୁଳ , ବୌଦ , ଜଗତ୍ସିଂହପୁର ଏବଂ ଢେଙ୍କାନାଳ ରେ ଜଣେ ଲେଖା ଲୋକଙ୍କର ମୃତ୍ୟୁ ହୋଇଛି।  କାର୍ଯ୍ୟାଳୟ ପକ୍ଷରୁ କୁହାଯାଇଛି ଯେ ବଜ୍ରପାତ ଯୋଗୁଁ ଖୋର୍ଦ୍ଧା ଠାରେ ତିନି ଜଣ ଆହତ ହୋଇଛନ୍ତି।

ପାଣିପାଗ ବିଭାଗ ଚେତାବନୀ ଦେଇଛି, ମୌସୁମୀ ପୁଣି ସକ୍ରିୟ ହୋଇଛି

 ଅଧିକାରୀ କହିଛନ୍ତି ଯେ ଭୁବନେଶ୍ୱର ଏବଂ କଟକ ସହର ସମେତ ଓଡିଶାର ଉପକୂଳବର୍ତ୍ତୀ ଅଞ୍ଚଳରେ ବଜ୍ରପାତ ସହିତ ପ୍ରବଳ ବର୍ଷା ହୋଇଛି।  ଆଗାମୀ ଚାରି ଦିନ ମଧ୍ୟରେ ରାଜ୍ୟର ଅନେକ ଅଞ୍ଚଳରେ ସମାନ ପରିସ୍ଥିତି ପୂର୍ବାନୁମାନ କରିଛି ଭାରତ ପାଣିପାଗ ବିଭାଗ (IMD) |  ଏହି ବିବୃତ୍ତିରେ କୁହାଯାଇଛି ଯେ ସାଇକ୍ଲୋନିକ୍ ଚକ୍ର ମୌସୁମୀ କୁ ସକ୍ରିୟ କରି ସାରା ରାଜ୍ୟରେ ପ୍ରବଳ ବର୍ଷା ସୃଷ୍ଟି କରିଛି।  ଶନିବାର ଦିନ 90 ମିନିଟ ମଧ୍ୟରେ ଭୁବନେଶ୍ୱର ଏବଂ କଟକ ଯଥାକ୍ରମେ 126 ମିଲିମିଟର ଏବଂ 95.8 ମିଲିମିଟର ବର୍ଷା ରେକର୍ଡ କରିଛି।

ରାଜ୍ୟ ଅପରାହ୍ନରେ 36,597 ସିସି (କ୍ଲାଉଡ୍-ଟୁ-କ୍ଲାଉଡ୍) ବଜ୍ରପାତ ଏବଂ 25,753 ସିଜି (କ୍ଲାଉଡ୍-ଟୁ-ଗ୍ରାଉଣ୍ଡ) ବଜ୍ରପାତ ରେକର୍ଡ କରିଛି ବୋଲି ଓଡିଶା ରାଜ୍ୟ ବିପର୍ଯ୍ୟୟ ପରିଚାଳନା ପ୍ରାଧିକରଣ (OSDMA) ଟ୍ୱିଟରରେ କହିଛି।  ବାତ୍ୟା ସମୟରେ ଲୋକଙ୍କୁ ସୁରକ୍ଷିତ ସ୍ଥାନରେ ଆଶ୍ରୟ ନେବାକୁ ପାଣିପାଗ ବିଭାଗ ପରାମର୍ଶ ଦେଇଛି।  ଏଠାରେ ଥିବା ଆଞ୍ଚଳିକ ପାଣିପାଗ କେନ୍ଦ୍ରର ନିର୍ଦ୍ଦେଶକ ଏଚ୍.ଆର୍.ସ୍ୱାସ କହିଛନ୍ତି ଯେ ଉତ୍ତର-ପୂର୍ବ ବଙ୍ଗୋପସାଗରରେ ଏକ ସାଇକ୍ଲୋନିକ୍ ଝଡ଼ ମଧ୍ୟ ସୃଷ୍ଟି ହୋଇଥିବାବେଳେ ସେପ୍ଟେମ୍ବର 3 ରେ ଉତ୍ତର ବଙ୍ଗୋପସାଗରରେ ଆଉ ଏକ ସାଇକ୍ଲୋନିକ୍ ଝଡ଼ ସ୍ରୁଷ୍ଟି ହେବାର ସମ୍ଭାବନା ରହିଛି।  ଏହାର ପ୍ରଭାବ ହେତୁ, ପରବର୍ତ୍ତୀ 48 ଘଣ୍ଟା ମଧ୍ୟରେ ଏକ ନିମ୍ନ ଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ଅଛି |

OSDMA କହିଛି ଯେ ଘୂର୍ଣ୍ଣିବଳୟ ଏବଂ ସମ୍ଭାବ୍ୟ ନିମ୍ନ ଚାପ ଅଞ୍ଚଳ ଯୋଗୁଁ ଦକ୍ଷିଣ-ପଶ୍ଚିମ ମୌସୁମୀ ଓଡିଶା ଉପରେ ଦୁର୍ବଳ ହୋଇପଡିଛି, ବର୍ତ୍ତମାନ ଆସନ୍ତା ତିନି ଚାରି ଦିନ ମଧ୍ୟରେ ପ୍ରବଳ ବର୍ଷା ହେବ ବୋଲି ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି ।

ନୂଆ ସଂସଦ ଭବନରେ ବଦଳିବ କର୍ମଚାରୀ ଏବଂ ମାର୍ଶଲଙ୍କ ୟୁନିଫର୍ମ, କର୍ମଚାରୀଙ୍କ ସାର୍ଟରେ ରହିବ ପଦ୍ମ ଫୁଲ

 COASTAL NEWS Odia 700

ନୂଆ ସଂସଦ ଭବନରେ ବଦଳିବ କର୍ମଚାରୀ ଏବଂ ମାର୍ଶଲଙ୍କ ୟୁନିଫର୍ମ, କର୍ମଚାରୀଙ୍କ ସାର୍ଟରେ ରହିବ ପଦ୍ମ ଫୁଲ

ନୂଆଦିଲ୍ଲୀ -୧୯ ତାରିଖ ଗଣେଶ ପୂଜା ଅବସରରେ ନୂଆ ସଂସଦ ଭବନରେ ସ୍ୱତନ୍ତ୍ର ଅଧିବେଶନ ଆରମ୍ଭ ହେବ । ନୂଆ ସଂସଦ ଭବନରେ ପ୍ରବେଶ ସହିତ କର୍ମଚାରୀ ଏବଂ ସୁରକ୍ଷା କର୍ମୀଙ୍କ ପୋଷାକ ମଧ୍ୟ ପରିବର୍ତ୍ତନ ହେବ । ଏହାଛଡା ଦୁଇ ସଦନର ମାର୍ଶଲଙ୍କ ୟୁନିଫର୍ମ ମଧ୍ୟ ବଦଳିଯିବ । ଗଣେଶ ଚତୁର୍ଥ ଅବସରରେ ବିଧିବିଧନ ସହିତ ପୂଜା ହେବ ଏବଂ ଏହାପରେ ସ୍ୱତନ୍ତ୍ର ଅଧିବେଶନ ଆରମ୍ଭ ହେବ ।

ନୂଆ ସଂସଦ ଭବନରେ କର୍ମଚାରୀଙ୍କ ସାର୍ଟ ଗାଢ ଗୋଲାପୀ ରଙ୍ଗର ରହିବ । ଆଉ ପ୍ୟାଣ୍ଟର ରଙ୍ଗ ଖାକି ରଙ୍ଗର ରହିବ । ଏହାଛଡା କର୍ମଚାରୀଙ୍କ ସାର୍ଟରେ ପଦ୍ମ ଫୁଲ ଦେଖିବାକୁ ମିଳିବ । ନୂଆ ସଂସଦ ଭବନର ମାର୍ଶଲ ମଣିପୁର ପଗଡି ପିନ୍ଧିବେ । ସଂସଦର ସୁରକ୍ଷାକର୍ମୀ ଏପର୍ଯ୍ୟନ୍ତ ସଫାରୀ ସୁଟ ପିନ୍ଧୁଥିଲେ, ଏବେ ସେମାନେ ସୈନିକ ଭଳି କେମୋପ୍ଲେଜ ଡ୍ରେସ ପିନ୍ଧିବେ ।

ତେବେ ଏହାକୁ ନେଇ ରାଜନୈତକ ବୟାନବାଜି ଆରମ୍ଭ ହୋଇଯାଇଛି । କଂଗ୍ରେସ ନେତା ରାଶିଦ ଅଲ୍ଵି ଏହି ମାମଲାରେ କେନ୍ଦ୍ର ସରକାରଙ୍କ ଉପରେ ଆରୋପ ଲାଗିଛନ୍ତି । ସେ କହିଛନ୍ତି, ବିଜେପି ସଂସଦରେ ପଶି ମଧ୍ୟ ରାଜନୀତି କରୁଛି । ଏମିତି ହେଲେ ଆମେ ନିଶ୍ଚିତ ବିରୋଧ କରିବୁ ।

ସୂଚନାଯୋଗ୍ୟ, ଆସନ୍ତା ୧୮-୨୨ ପର୍ଯ୍ୟନ୍ତ ହେବାକୁ ଯାଉଥିବା ସଂସଦର ସ୍ୱତନ୍ତ୍ର ଅଧିବେଶନ ନୂଆ ସଂସଦ ଭବନରେ ଅନୁଷ୍ଠିତ ହେବ । ୧୮ ସେପ୍ଟେମ୍ବରରେ ପୁରୁଣା ସଂସଦ ଭବନରେ ସ୍ୱତନ୍ତ୍ର ଅଧିବେଶନ ହେବ ଏବଂ ପରଦିନ ଅର୍ଥାତ୍ ୧୯ ସେପ୍ଟେମ୍ବର ଗଣେଶ ପୂଜା ଅବସରେ ନୂଆ ସଂସଦ ଭବନରେ ଅଧିବେଶନ କରାଯିବ ।  ନୂଆ ସଂସଦ ଭବନରେ ଲୋକସଭାରେ ଏକାସାଥିରେ ୧୨୨୪ ସଦସ୍ୟ ବସିବାର ସାମର୍ଥ ରହିଛି ।

୨୦୨୦ ମସିହା ମେ ମାସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନୂଆ ସଂସଦ ଭବନର ଶିଳାନ୍ୟାସ କରିଥିଲେ । ଟାଟା ପ୍ରକଳ୍ପ ଏହି ନୂଆ ସଂସଦ ଭବନର ନିର୍ମାଣ କରିଥିଲା । ୮୬୨ କୋଟି ଟଙ୍କା ଖର୍ଚ୍ଚରେ ନିର୍ମାଣ ହୋଇଥିବା ଏହି ବିଲଡିଂକୁ ଗତ ମେ ମାସ ୧୮ ତାରିଖରେ ପ୍ରଧାନମନ୍ତ୍ରୀ ଉଦଘାଟନ କରିଥିଲେ । ଏହି ବିଲଡିଂ ଭିତରେ ଏକ ଲାଉଞ୍ଜ, ଏକ ଲାଇବ୍ରେରୀ, ଅନେକ ସମିତି କକ୍ଷ, ଭୋଜନ କ୍ଷେତ୍ର, ବଡ଼ ପାର୍କିଂ ସ୍ଥଳ ରହିଛି ।

ଆଉ ଚାଲିବନି କି ଡିଜେଲ୍‌ ଗାଡ଼ି

 COASTAL NEWS Odia 699

ଆଉ ଚାଲିବନି କି ଡିଜେଲ୍‌ ଗାଡ଼ି! ୧୦% GST ବୃଦ୍ଧି ପାଇଁ ପ୍ରସ୍ତାବ ଦେଲେ ନୀତିନ ଗଡକରୀ

ନୂଆଦିଲ୍ଲୀ -ଦେଶରେ ଡିଜେଲ୍‌ ଗାଡ଼ି ଉପରେ ଲଗାମ୍‌ ଲାଗିବ। କେନ୍ଦ୍ର ସଡ଼କ ପରିବହନ ମନ୍ତ୍ରୀ ନୀତିନ ଗଡକରୀ ଏହା କହିଛନ୍ତି। ବାୟୁ ପ୍ରଦୂଷଣକୁ କମ୍‌ କରିବା ଲକ୍ଷ୍ୟରେ ଦେଶରେ ଗଡ଼ୁଥିବା ଡିଜେଲ୍‌ ଗାଡ଼ିଗୁଡ଼ିକ ଉପରେ ପ୍ରତିବନ୍ଧକ ଲଗାଇବାକୁ ଗଡକରୀ ଦାବି କରିଛନ୍ତି।

କେନ୍ଦ୍ରମନ୍ତ୍ରୀ ପ୍ରସ୍ତାବ ଦେଇଛନ୍ତି ଯେ ଡିଜେଲ୍‌ ଗାଡ଼ି ଉପରେ ୧୦ ପ୍ରତିଶତ ଅତିରିକ୍ତ ଜିଏସ୍‌ଟି ଲଗାଯାଉ, ଯାହାଫଳରେ କମ୍ପାନୀଗୁଡ଼ିକ ଡିଜେଲ୍‌ ଗାଡ଼ି ନିର୍ମାଣ କରିବାକୁ ଆଗ୍ରହ ପ୍ରକାଶ କରିବେ ନାହିଁ। ଡିଜେଲ୍‌ ସର୍ବାଧିକ ବାୟୁ ପ୍ରଦୂଷଣ ସୃଷ୍ଟିକାରୀ ଇନ୍ଧନ।

ସୋସାଇଟି ଅଫ୍‌ ଇଣ୍ଡିଆନ୍‌ ଅଟୋମୋବାଇଲ୍‌ ମାନୁଫ୍ୟାକ୍ଚର୍ସର ଏକ କାର୍ଯ୍ୟକ୍ରମରେ ଯୋଗଦେଇ ନୀତିନ ଗଡକରୀ ଏହା ବିଷୟରେ କହିଛନ୍ତି। କେନ୍ଦ୍ରମନ୍ତ୍ରୀ ଗଡକରୀ କହିଛନ୍ତି ଯେ ଏ ସମ୍ବନ୍ଧରେ ସେ ପ୍ରସ୍ତାବ ପ୍ରସ୍ତୁତ କରିଛନ୍ତି, ଯାହାକୁ ସେ ଆଜି ହିଁ ଅର୍ଥମନ୍ତ୍ରୀଙ୍କୁ ହସ୍ତାନ୍ତର କରିବେ। ଦାବି ମୁତାବକ, କେନ୍ଦ୍ର ସରକାର ଡିଜେଲ୍‌ ଗାଡ଼ି କିମ୍ବା ଡିଜେଲ୍‌ ଚାଳିତ ପ୍ରତ୍ୟେକ ଇଞ୍ଜିନ ଉପରେ ୧୦ ପ୍ରତିଶତ ଅତିରିକ୍ତ ଜିଏସ୍‌ଟି ଲାଗୁ କରନ୍ତୁ।

କେନ୍ଦ୍ରମନ୍ତ୍ରୀ କହିଛନ୍ତି, ଅଟୋ ଇଣ୍ଡଷ୍ଟ୍ରୀ ନିଜେ ହିଁ ଏହା ଉପରେ ଆକ୍ସନ ନେବା ଆବଶ୍ୟକ। ଡିଜେଲ୍‌ ଗାଡ଼ିକୁ ‘ବାଏ-ବାଏ’ କରିଦେବା ଉଚିତ୍‌। ନଚେତ୍‌ ସରକାର ଏହା ଉପରେ ଏତେ ଟ୍ୟାକ୍ସ ବଢ଼ାଇ ଦେବେ ଯେ ଏହାକୁ ବିକ୍ରି କରିବା ମୁସ୍କିଲ ହୋଇଯିବ।

୨୦୧୪ରୁ ଏ ପର୍ଯ୍ୟନ୍ତ ଦେଶରେ ଡିଜେଲ କାର୍‌ଗୁଡ଼ିକର ସଂଖ୍ୟା କମିଛି। ୯ ବର୍ଷ ପୂର୍ବେ ଏହା ମୋଟ କାର୍‌ର ପ୍ରାୟ ୩୩.୫ ପ୍ରତିଶତ ଥିଲା, ଯାହା ବର୍ତ୍ତମାନ ୨୮ ପ୍ରତିଶତକୁ ଖସି ଆସିଛି। ଗଡକରୀ ଏହା ଉପରେ ମଧ୍ୟ ଗୁରୁତ୍ୱାରୋପ କରିଛନ୍ତି ଯେ ସରକାରଙ୍କ ପଦକ୍ଷେପର ଉଦ୍ଦେଶ୍ୟ ହେଉଛି, ଅଟୋମୋବାଇଲ ଶିଳ୍ପକୁ ଡିଜେଲରୁ ହଟାଇ ସ୍ୱଚ୍ଛ ତଥା ଶୁଦ୍ଧ ଇନ୍ଧନ ବିକଳ୍ପକୁ ସ୍ଥାନାନ୍ତର କରିବା।

ଆଳି ବ୍ଲକ ର ମେଣ୍ଢପୁରରେ ଡେଙ୍ଗୁ ମ୍ଯାଲେରିଆ ଆତଙ୍କ

 COASTAL NEWS Odia 698

ଆଳି ବ୍ଲକ ର ମେଣ୍ଢପୁରରେ ଡେଙ୍ଗୁ ମ୍ଯାଲେରିଆ ଆତଙ୍କ

 

ଆଳି - ଆଳି ବ୍ଲକ୍ ଅନ୍ତର୍ଗତ ମେଣ୍ଢପୁର ଗ୍ରାମରେ ୧୨ ଜଣ ରୋଗୀ ଡେଙ୍ଗୁ ରୋଗରେ ଆକ୍ରାନ୍ତ ହୋଇଛନ୍ତି। ଚିହ୍ନଟ ହୋଇଥିବା ରୋଗୀମାନେ ଆଳି,କେନ୍ଦ୍ରାପଡ଼ା ଓ କଟକରେ ଥିବା ବିଭିନ୍ନ ମେଡିକାଲ ରେ ରହି ଚିକିତ୍ସିତ ହେଉଛନ୍ତି । ଏହାକୁ ନେଇ ମେଣ୍ଢପୁର ଗ୍ରାମ ସମେତ ଆଖପାଖ ଗ୍ରାମରେ ଆତଙ୍କ ଖେଳି ଯାଇଛି। ଏହି ଖବର ପ୍ରଚାରିତ ହେବା ପରେ ଆଜି ଆଳି ସ୍ବାସ୍ଥ୍ୟକେନ୍ଦ୍ର ପକ୍ଷରୁ ଜନସ୍ବାସ୍ଥ୍ୟ ସଂପ୍ରସାରଣ ଅଧିକାରୀ ରଶ୍ମିରଂଜନ ବାରିକ ଓ ସତ୍ୟରଞ୍ଜନ ନାୟକଙ୍କ ନେତୃତ୍ବରେ ସ୍ୱାସ୍ଥ୍ୟ ବିଭାଗର ଏକ ଟିମ୍ ମେଣ୍ଢପୁର ଗାଁରେ ଘର ଘର ବୁଲି ଲୋକଙ୍କୁ ସଚେତନ କରିଥିଲେ। ବିଭିନ୍ନ ସ୍ଥାନରେ ଜମି ରହୁଥିବା ପାଣି ରେ ମଶା ବଂଶ ବୃଦ୍ଧି ହେଉଥିବା କଥା ଲୋକଙ୍କୁ ସଚେତନ କରାଇବା ସହିତ ଜାଣି ଡେଙ୍ଗୁ ମ୍ଯାଲେରିଆ ରୋଗ ବାହି ମଶାଙ୍କୁ ନିପାତ କରିବା ପାଇଁ ବିଶୋଧନ ସାମଗ୍ରୀ ପ୍ରୟୋଗ କରିବା ପାଇଁ ପରାମର୍ଶ ଦେବା ସହିତ ଦୂଷିତ ଜଳ ଜମିଥିବା ଆବର୍ଜନା ରହିଥିବା ସ୍ଥାନରେ ବ୍ଲିଚିଙ୍ଗ ପ୍ରୟୋଗ କରିଛନ୍ତି । ଏହା ସହିତ ଗ୍ରାମରୁ ୪ ଜଣଙ୍କ ରକ୍ତ ନମୁନା ସଂଗ୍ରହ କରିଛନ୍ତି । ବୁଧବାର ଦିନ ଗ୍ରାମରେ ଗଣ ସଚେନତା ପାଇଁ ସ୍ୱାସ୍ଥ୍ୟ ବିଭାଗ ପକ୍ଷରୁ ଏକ କାର୍ଯ୍ୟକ୍ରମ କରାଯିବ ବୋଲି ଶ୍ରୀ ବାରିକ ସୂଚନା ଦେଇଛନ୍ତି। 

ଡେଙ୍ଗୁ ଆତଙ୍କ ଆଳି ରେ ଭୟର ବାତାବରଣ ଖେଳାଇ ଦେଇଛି l ଡେଙ୍ଗୁ ମ୍ଯାଲେରିଆ ର ବିପଦଜ୍ଜନକ ଆକ୍ରମଣାତ୍ମକ ବୃଦ୍ଧିକୁ ପ୍ରତିହତ କରିବା ପାଇଁ ସ୍ୱାସ୍ଥ୍ୟ ବିଭାଗ ତରଫରୁ ଜନସଚେତନତା ସୃଷ୍ଟି କରିବା ସହିତ  ମଶା ଉପଦ୍ରବ ରୋକିବା ପାଇଁ ବିପୁଳ ପରିମାଣର ବ୍ଲିଚିଙ୍ଗ ପାଉଡର ଯୋଗାଣ କରାଯିବାକୁ ଦାବି ହେଉଛି l ଜନଗହଳିପୂର୍ଣ୍ଣ ରାସ୍ତାରେ ଥିବା ପରିତ୍ୟକ୍ତ ଜଳାଶୟ, ନାଳ ଓ ବର୍ଜ୍ୟ ଜଳ ଜମିଥିବା ସ୍ଥାନରେ ବ୍ଲିଚିଙ୍ଗ ପ୍ରୟୋଗ କରିବା ସହିତ ଡେଙ୍ଗୁ ନିରାକରଣ ପାଇଁ ସ୍ୱାସ୍ଥ୍ୟ ବିଭାଗ କୁ ଆଲର୍ଟ ରଖିବାକୁ ଆତଙ୍କିତ ଲୋକେ ସରକାରଙ୍କ ଠାରେ ଦାବି ଜଣାଇଛନ୍ତି l

ଇଣ୍ଡିଆକୁ ଭାରତ କରିବାରେ ଖର୍ଚ୍ଚ ହେବ ୧୪୦୦୦ କୋଟି!

 COASTAL NEWS Odia 697

ଇଣ୍ଡିଆକୁ ଭାରତ କରିବାରେ ଖର୍ଚ୍ଚ ହେବ ୧୪୦୦୦ କୋଟି!

ନୂଆଦିଲ୍ଲୀ - ‘ଇଣ୍ଡିଆ’ ବନାମ ‘ଭାରତ’କୁ ନେଇ ବିବାଦ ଆରମ୍ଭ ହୋଇଛି। ଚର୍ଚ୍ଚା ହେଉଛି, କେନ୍ଦ୍ର ସରକାର ସମ୍ବିଧାନରୁ ଇଣ୍ଡିଆ ଶବ୍ଦକୁ ହଟାଇ ଭାରତ ରଖିବାର ପ୍ରସ୍ତାବ ଆଣିପାରନ୍ତି। ଏ କଥା ମଧ୍ୟ ଆଲୋଚନା ହେଉଛି ଯେ ନାମ ବଦଳାଇବାରେ ଦେଶକୁ କେତେ ଟଙ୍କା ଖର୍ଚ୍ଚ କରିବାକୁ ପଡ଼ିବ?

ବିଶ୍ୱରେ ୧୯୦ରୁ ଅଧିକ ଦେଶ ଅଛନ୍ତି, ଯେଉଁମାନଙ୍କ ମଧ୍ୟରୁ ଅନେକ ଦେଶ କିଛି ନା କିଛି କାରଣରୁ ନିଜର ନାମ ପରିବର୍ତ୍ତନ କରିଛନ୍ତି। ଅର୍ଥାତ୍‌ ଭାରତ ଯଦି ଏହା କରିବାକୁ ଚାହିଁବ, ତେବେ ଇତିହାସରେ ଏହା ପ୍ରଥମ ଦେଶ ହେବ ନାହିଁ। ହେଲେ କଥା ଉଠୁଛି, ଯଦି ଦେଶର ନାମ ପରିବର୍ତ୍ତନ ହୁଏ, ତେବେ କେବଳ ଭାଷାରେ ‘ଇଣ୍ଡିଆ’ରୁ ‘ଭାରତ’ ହେବ ନାହିଁ, ବରଂ କାଗଜପତ୍ର, ୱେବସାଇଟ୍‌, ସେନା ପୋଷାକ, ଏପରି କି ଲାଇସେନ୍ସ ପ୍ଲେଟ୍‌ରେ ମଧ୍ୟ ପରିବର୍ତ୍ତନ ଦେଖାଯିବ। ଆଉ ଏ ସବୁ ବହୁତ ମହଙ୍ଗା ହୋଇପାରେ।

ଅବଶ୍ୟ, ଏହି ଖର୍ଚ୍ଚ ଆକଳନରେ କୌଣସି ସ୍ଥିର ସୂତ୍ର ନାହିଁ। ଦେଶର ଆକାର ଏବଂ ଏହାର ଡକ୍ୟୁମେଣ୍ଟେସନ୍ ଉପରେ ବହୁତ କିଛି ନିର୍ଭର କରିଥାଏ। ଦକ୍ଷିଣ ଆଫ୍ରିକାର ଇଣ୍ଟେଲେକ୍‌ଚୁଆଲ୍‌ ପ୍ରପର୍ଟି ଓକିଲ ଡାରେନ୍ ଅଲିଭିଅର୍ ଏହା ଉପରେ ଦୀର୍ଘ ଦିନ ଧରି କାର୍ଯ୍ୟ କରିଆସୁଛନ୍ତି। ସେ ଆଫ୍ରିକୀୟ ଦେଶମାନଙ୍କରେ ନାମ ପରିବର୍ତ୍ତନର ଅଧ୍ୟୟନ ଉପରେ ଅନେକ କଥା କହିଛନ୍ତି।

୨୦୧୮ରେ ଦକ୍ଷିଣ ଆଫ୍ରିକୀୟ ଦେଶ ସ୍ୱାଜିଲାଣ୍ଡର ନାମ ପରିବର୍ତ୍ତନ ଉପରେ ଅଲିଭିଅର୍ ଏକ ଦୀର୍ଘ ଅଧ୍ୟୟନ କରିଥିଲେ। ଏହାର ନାମ ଇସ୍ୱାତିନି (Eswatini) କରାଯିବାରେ ପାଖାପାଖି ୫୦୦ କୋଟି ଟଙ୍କା ଖର୍ଚ୍ଚ ଆସିଥିଲା। ଡାରେନ୍ ଅଲିଭିଅର୍ ପୂର୍ବରୁ ଏହି ହିସାବ କରିସାରିଥିଲେ।

ଦେଶର ନାମ ପରିବର୍ତ୍ତନ କଲେ କେତେ ଟଙ୍କା ଖର୍ଚ୍ଚ ଆସିବ, ତାହା ସେହି ଦେଶର ଟିକସଯୋଗ୍ୟ ଏବଂ ଅଣ ଟିକସଯୋଗ୍ୟ ଆୟ ଉପରେ ନିର୍ଭର କରିଥାଏ। କୌଣସି ଏକ ବୃହତ୍‌ କର୍ପୋରେଟ୍ ଗ୍ରୁପ୍‌ର ରିବ୍ରାଣ୍ଡିଙ୍ଗ୍‌ ଯେପରି କରାଯାଏ, ଠିକ୍‌ ସେହିପରି ନାମ ପରିବର୍ତ୍ତନ ହୋଇଥାଏ।

ଅଲିଭିଅର୍‌ ମଡେଲ୍‌ ଅନୁସାରେ, ଭାରତର ନାମ ପରିବର୍ତ୍ତନରେ ପ୍ରାୟ ୧୪ ହଜାର କୋଟି ଟଙ୍କା ଖର୍ଚ୍ଚ ହୋଇପାରେ। ଦେଶବାସୀଙ୍କ ଖାଦ୍ୟ ସୁରକ୍ଷା ପାଇଁ କେନ୍ଦ୍ର ଯେତିକି ଟଙ୍କା ଖର୍ଚ୍ଚ କରେ, ରିବ୍ରାଣ୍ଡିଙ୍ଗ୍‌ରେ ପ୍ରାୟ ସମାନ ପରିମାଣର ଖର୍ଚ୍ଚ ଆସିପାରେ।

ଆଉଟଲୁକ୍‌ର ଏକ ରିପୋର୍ଟ ମୁତାବକ, ୨୦୨୩ରେ ଶେଷ ହୋଇଥିବା ଆର୍ଥିକ ବର୍ଷ ପାଇଁ ଭାରତକୁ ୨୩ ଲକ୍ଷ ୮୪ ହଜାର କୋଟି ଟଙ୍କା ରାଜସ୍ୱ ପ୍ରାପ୍ତ ହୋଇଥିଲା। ଏଥିରେ ଉଭୟ ଟିକସଯୋଗ୍ୟ ଏବଂ ଅଣ ଟିକସଯୋଗ୍ୟ ରାଜସ୍ୱ ଅନ୍ତର୍ଭୁକ୍ତ ରହିଛି। ଏହି ତଥ୍ୟକୁ ଯଦି ଅଲିଭିଅର୍ ମଡେଲରେ ଫିଟ୍ କରାଯାଏ, ତେବେ ଭାରତର ନାମ ପରିବର୍ତ୍ତନ ପ୍ରକ୍ରିୟାରେ ପ୍ରାୟ ୧୪,୩୦୪ କୋଟି ଟଙ୍କା ଖର୍ଚ୍ଚ ଆସିପାରେ।

ଓଡ଼ିଶାରେ ଗଡ଼ିଲା ଦ୍ୱିତୀୟ ବନ୍ଦେ ଭାରତ ଏକ୍ସପ୍ରେସ

 COASTAL NEWS Odia 696

ଓଡ଼ିଶାରେ ଗଡ଼ିଲା ଦ୍ୱିତୀୟ ବନ୍ଦେ ଭାରତ ଏକ୍ସପ୍ରେସ

ଭୁବନେଶ୍ବର -ଓଡ଼ିଶାରେ ଗଡ଼ିଲା ଦ୍ୱିତୀୟ ବନ୍ଦେ ଭାରତ ଏକ୍ସପ୍ରେସ। ପୁରୀରୁ ତଳଚେର ମଧ୍ୟରେ ଟ୍ରାଏଲ ରନ୍ କରାଯାଇଛି। ପୁରୀ ଷ୍ଟେସନରୁ ସକାଳ ୯ଟା ୩୦ରେ ବାହାରିଛି ଏକ୍ସପ୍ରେସ। ଦିନ ୧୨ଟା ରେ ତାଳଚେରରେ ପହଞ୍ଚିବ ଟ୍ରେନ୍। ତାଳଚେର ରୋଡ୍ ଯାଇ ପୁଣି ପୁରୀ ଫେରିବ ଟ୍ରେନ୍। ଟ୍ରାଏଲ ରନ୍ ବେଳେ ଖୋର୍ଦ୍ଧା, ଭୁବନେଶ୍ବର, କଟକ ଓ ଢେଙ୍କାନାଳ ଷ୍ଟେସନରେ ମାତ୍ର ୨ଟି ମିନିଟ୍ ଲେଖାଏ ଟ୍ରେନ୍ ରହିବ। ଚଳିତ ବର୍ଷ ମେ ୧୮ ତାରିଖରେ ପୁରୀରୁ ହାୱଡ଼ା ପର୍ଯ୍ୟନ୍ତ ଗଡ଼ିଥିଲା ବନ୍ଦେ ଭାରତ ଏକ୍କପ୍ରେସ। ।

ବଢିଲା ବାଇଡେନଙ୍କ ଅଡୁଆ, ମହାଭିଯୋଗ ତଦନ୍ତ ଆରମ୍ଭ କରିବାକୁ ମିଳିଲା ମଞ୍ଜୁରୀ

 COASTAL NEWS Odia 695

ବଢିଲା ବାଇଡେନଙ୍କ ଅଡୁଆ, ମହାଭିଯୋଗ ତଦନ୍ତ ଆରମ୍ଭ କରିବାକୁ ମିଳିଲା ମଞ୍ଜୁରୀ

 

ଓ୍ବାଶିଂଟନ୍‌,୧୩।୯: ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପରେ ବର୍ତ୍ତମାନ ରାଷ୍ଟ୍ରପତି ଜୋ ବାଇଡେନଙ୍କ ମଧ୍ୟ ଅଡୁଆ ବଢିଛି। ଆମେରିକା ସଂସଦର ବାଚସ୍ପତି କେଭିନ ମାକ୍କାର୍ଥୀ ରାଷ୍ଟ୍ରପତି ବାଇଡେନଙ୍କ ବିରୋଧରେ ମହାଭିଯୋଗ ତଦନ୍ତ ଆରମ୍ଭ କରିବାକୁ ମଞ୍ଜୁରୀ ଦେଇଛନ୍ତି। ବିଦେଶୀ ଗଣମାଧ୍ୟମ ରିପୋର୍ଟ ଅନୁଯାୟୀ, ବାଇଡେନ ପରିବାରର ବ୍ୟବସାୟିକ କାରବାରକୁ ନେଇ ମାକ୍କାର୍ଥୀ ତଦନ୍ତ ଆରମ୍ଭ କରିବାକୁ ନିର୍ଦ୍ଦେଶ ଦେଇଛନ୍ତି।

ମଙ୍ଗଳବାର ଆମେରିକାର କ୍ୟାପିଟାଲ ହିଲରେ ମାକ୍କାର୍ଥୀ କହିଛନ୍ତି ଯେ, ମୁଁ ରାଷ୍ଟ୍ରପତି ବାଇଡେନଙ୍କ ବିରୋଧରେ ଆନୁଷ୍ଠାନିକ ମହାଭିଯୋଗ ତଦନ୍ତ ଆରମ୍ଭ କରିବାକୁ ହାଉସ କମିଟିଗୁଡ଼ିକୁ ନିର୍ଦ୍ଦେଶ ଦେଉଛି। ମାକ୍କାର୍ଥୀ କହିଛନ୍ତି, ଗୃହ ତଦାରଖ ଏବଂ ଉତ୍ତରଦାୟିତ୍ୱ କମିଟିର ଅଧ୍ୟକ୍ଷ ଜେମ୍ସ କୋମର ଯାଞ୍ଚର ତଦାରଖ କରିବେ। ଏହା ସହିତ ହାଉସ ଜୁଡିସିଆରୀ କମିଟିର ଅଧ୍ୟକ୍ଷ ଜିମ ଜୋର୍ଡାନ ଏବଂ ହାଉସ ୱେଜ ଏଣ୍ଡ ମିନ୍ସ କମିଟି ଅଧ୍ୟକ୍ଷ ଜେସନ ସ୍ମିଥ ଜେମ୍ସ କୋମରଙ୍କୁ ସାହାଯ୍ୟ କରିବେ। ତେବେ ହ୍ବାଇଟ ହାଉସ ମହାଭିଯୋଗ ଯାଞ୍ଚକୁ ବିରୋଧ କରିଛି।