ରୁଷର ମିଶନ ମୁନ ‘ଲୁନା-୨୫’ରେ ଯାନ୍ତ୍ରିକ ତ୍ରୁଟି

 COASTAL NEWS 440 

ରୁଷର ମିଶନ ମୁନ ‘ଲୁନା-୨୫’ରେ ଯାନ୍ତ୍ରିକ ତ୍ରୁଟି 

ରୁଷ - ରୁଷର ମିଶନ ମୁନ ‘ଲୁନା-୨୫’ରେ ଯାନ୍ତ୍ରିକ ତ୍ରୁଟି । ଏହି ସ୍ପେସ୍କ୍ରାପ୍ଟ ଅବତରଣ କରିବା ପୂର୍ବରୁ ଜରୁରୀକାଳିନ ସ୍ଥିତିର ସମ୍ମୁଖୀନ ହୋଇଥିବା ଜଣାପଡିଛି । ଏନେଇ ରୁଷିଆ ମହାକାଶ ଗବେଷଣା ସଂସ୍ଥା ପକ୍ଷରୁ ଟୁଇଟ କରି ସୂଚନା ଦିଆଯାଇଛି । ଲୁନା ୨୫ର ବର୍ତ୍ତମାନ ସ୍ଥିତି କ’ଣ ରହିଛି ଏନେଇ ବୈଜ୍ଞାନିକମାନ ତଥ୍ୟ ସଂଗ୍ରହ ଜାରି ରଖିଛନ୍ତି । ମସ୍କୋ ଟାଇମ ଅନୁସାରେ ରାତି ୨ଟା ୧୦ ମିନିଟରେ ସ୍ପେସକ୍ରାପ୍ଟର କାର୍ଯ୍ୟ କରିବାରେ ବାଧା ସୃଷ୍ଟି ହୋଇଥିଲା ।

ଗୋଲାପ ଫୁଲ ର ମୂଲ୍ୟ ୧୧୨ କୋଟିରୁ ଉର୍ଦ୍ଧ୍ୱ

 COASTAL NEWS 439 

ଗୋଲାପ ଫୁଲ ର ମୂଲ୍ୟ ୧୧୨ କୋଟିରୁ ଉର୍ଦ୍ଧ୍ୱ

ଗୋଲାପ ଫୁଲର ସୌନ୍ଦର୍ଯ୍ୟ କାହାକୁ ବି ଆନମନା କରିବାକୁ ଯଥେଷ୍ଟ। ଏମିତି କେହି ନ ଥିବେ ଯିଏକି ଏହାକୁ ପସନ୍ଦ କରୁ ନ ଥିବେ। ଯେକୌଣସି ରଙ୍ଗର ହେଲେ ବି ଗୋଲାପ ଫୁଲ ଖୁବ୍‌ ସୁନ୍ଦର। ତେଣୁ ବଜାରରେ ଏହାର ଚାହିଦା ବହୁତ ଥାଏ। ତେବେ ଏମିତି ବି ଏକ ଗୋଲାପ ଅଛି ଯାହାକୁ ସାଧାରଣ ଫୁଲ ଦୋକାନରେ ଖୋଜିଲେ ମିଳିବ ନାହିଁ। ଏହାର ସୌନ୍ଦର୍ଯ୍ୟ ଆପଣଙ୍କୁ ଆକର୍ଷିତ କରିବ, କିଣିବାକୁ ପ୍ରବର୍ତ୍ତାଇବ। ହେଲେ ଏହାକୁ କିଣିବା ତ ଦୂର କଥା ଧରିବାକୁ ସୁଯୋଗ ପାଇବେ ନାହିଁ କି ତା’ର ମଧୁର ସୁଗନ୍ଧକୁ ଆଘ୍ରାଣ କରିବା ବି ସାତ ସପନ। କାରଣ ଏ ହେଉଛି ପୃଥିବୀର ସବୁଠାରୁ ଦାମୀ ଗୋଲାପ ଫୁଲ। ଆଉ ଏହାର ଦାମ ଜାଣିଲେ ତ ହୋସ୍‌ ଉଡ଼ିଯିବ। ଏହାର ମୂଲ୍ୟ ୧୧୨ କୋଟିରୁ ଉର୍ଦ୍ଧ୍ୱ। ବିଶ୍ୱାସ ନ ହେଲେ ବି ଏହା ସତ। ହୀରାଠାରୁ ବି ଏହାର ଦାମ ଅଧିକ। କାରଣ ଏହି ଖାସ୍‌ ଫୁଲଗଛକୁ ଲଗାଇବା ଓ ସେଥିରେ ଫୁଲ ହେବା ଲାଗି ୧୦ ବର୍ଷରୁ ଉର୍ଦ୍ଧ୍ୱ ସମୟ ଲାଗେ। ଆଉ ଏହା ଦେଖିବାକୁ ବହୁତ ସୁନ୍ଦର ଓ ଏହାର ମହକ ତ ସ୍ବର୍ଗୀୟ ଅନୁଭବ ପ୍ରଦାନ କରେ। ଏହା ‘ଜୁଲିଏଟ୍‌ ରୋଜ୍‌’ ନାମରେ ବେଶ୍‌ ପରିଚିତ। ଉକ୍ତ ଗୋଲାପକୁ ପ୍ରଥମେ ୨୦୦୬ରେ ଡେଭିଡ ଅଷ୍ଟିନ ନାମକ ଜଣେ ବ୍ୟକ୍ତି ଅନେକ ଗବେଷଣା କରିବା ପରେ ଲଗାଇଥିଲେ। ୧୫ ବର୍ଷ ଯତ୍ନ ନେବା ପରେ ଯାଇ ଏଥିରେ ଫୁଲ ଧରେ। ଉକ୍ତ ଫୁଲକୁ ଅନେକ ପ୍ରଜାତିର ଗୋଲାପକୁ ମିଶାଇ ତିଆରି କରାଯାଇଛି। ସେଥିପାଇଁ ଏହା ବହୁମୂଲ୍ୟ।

ଦିଲ୍ଲୀ ସରକାରଙ୍କ ମହିଳା ଓ ଶିଶୁ ବିକାଶ ବିଭାଗର ଜଣେ ଅଧିକାରୀଙ୍କ ନାଁରେ ଆସିଛି ଦୁଷ୍କର୍ମ ଅଭିଯୋଗ

 COASTAL NEWS 438 

ଦିଲ୍ଲୀ ସରକାରଙ୍କ ମହିଳା ଓ ଶିଶୁ ବିକାଶ ବିଭାଗର ଜଣେ ଅଧିକାରୀଙ୍କ ନାଁରେ ଆସିଛି ଦୁଷ୍କର୍ମ ଅଭିଯୋଗ

ଦିଲ୍ଲୀ - ଦିଲ୍ଲୀ ସରକାରଙ୍କ ମହିଳା ଓ ଶିଶୁ ବିକାଶ ବିଭାଗର ଜଣେ ଅଧିକାରୀଙ୍କ ନାଁରେ ଆସିଛି ଦୁଷ୍କର୍ମ ଅଭିଯୋଗ। ସେ ତାଙ୍କର ଜଣେ ସାଙ୍ଗର ୧୪ ବର୍ଷର ଝିଅକୁ ଅନେକ ଥର ଦୁଷ୍କର୍ମ କରିଥିବା ଅଭିଯୋଗ ହୋଇଛି। ଦିଲ୍ଲୀ ପୁଲିସ ତାଙ୍କ ବିରୋଧରେ ଆଇପିସିର ଏକାଧିକ ଧାରା ସହିତ ପୋକ୍ସୋ ଆକ୍ଟ ଲଗାଇ ମାମଲା ରୁଜୁ କରିଛି ଏବଂ ଘଟଣାର ତଦନ୍ତ କରୁଛି। ଉକ୍ତ ଅଧିକାରୀଙ୍କ ପତ୍ନୀଙ୍କ ନାଁରେ ମଧ୍ୟ ମାମଲା ରୁଜୁ ହୋଇଛି।

ଦୁଷ୍କର୍ମର ଶିକାର ହୋଇଥିବା ନାବାଳିକା ଜଣଙ୍କ ନବମ ଶ୍ରେଣୀରେ ପଢ଼ୁଛନ୍ତି। ୨୦୨୦ରେ ସେ ତାଙ୍କ ବାପାଙ୍କୁ ହରାଇଥିଲେ। ଏହା ପରେ ଅଭିଯୁକ୍ତ ତାଙ୍କୁ ନିଜ ଘରକୁ ନେଇ ଆସିଥିଲେ। ଅଭିଯୋଗ ଅନୁଯାୟୀ, ୨୦୨୦ରୁ ୨୦୨୧ ମଧ୍ୟରେ ଅଭିଯୁକ୍ତ ଝିଅଟିକୁ ଅନେକ ଥର ଦୁଷ୍କର୍ମ କରିଛନ୍ତି। ଏପରିକି ନାବାଳିକା ଜଣଙ୍କ ଥରେ ଗର୍ଭବତୀ ହୋଇଥିଲେ। ଅଭିଯୁକ୍ତ ଏ ବିଷୟରେ ତାଙ୍କ ପତ୍ନୀଙ୍କୁ ଜଣାଇଥିଲେ। ତାଙ୍କ ପତ୍ନୀ ତାଙ୍କ ପୁଅ ହାତରେ ଔଷଧ ମଗାଇ ଝିଅଟିର ଗର୍ଭପାତ କରାଇଥିଲେ।

ନାବାଳିକା ଜଣଙ୍କ ଏବେ ଚିକିତ୍ସାଧୀନ ଅଛନ୍ତି। ସେ ସୁସ୍ଥ ହେଲେ ମାଜିଷ୍ଟ୍ରେଟଙ୍କ ସମ୍ମୁଖରେ ତାଙ୍କ ବୟାନ ରେକର୍ଡ କରାଯିବ। ଅନ୍ୟପକ୍ଷରେ ଦିଲ୍ଲୀ ପୁଲିସ ପକ୍ଷରୁ ଏହି ଘଟଣା ନେଇ ତଦନ୍ତ ଜାରି ରହିଛି।

ପାକିସ୍ତାନ ଏକ ଚଳନ୍ତା ବସରେ ନିଆଁ ଲାଗି ଅନ୍ୟୁନ ୩୦ ଜଣ ଯାତ୍ରୀଙ୍କ ଶୋଚନୀୟ ମୃତ୍ୟୁ ଘଟିଛି

COASTAL NEWS 437

ପାକିସ୍ତାନ ଏକ ଚଳନ୍ତା ବସରେ ନିଆଁ ଲାଗି ଅନ୍ୟୁନ ୩୦ ଜଣ ଯାତ୍ରୀଙ୍କ ଶୋଚନୀୟ ମୃତ୍ୟୁ ଘଟିଛି

ପାକିସ୍ତାନ -ପଡୋଶୀ ପାକିସ୍ତାନରୁ ଏକ ଦୁଖଦଃ ସମ୍ବାଦ ଆସିଛି। ଏକ ଚଳନ୍ତା ବସରେ ନିଆଁ ଲାଗି ଯିବା ଫଳରେ ଅନ୍ୟୁନ ୩୦ ଜଣ ଯାତ୍ରୀଙ୍କ ଶୋଚନୀୟ ମୃତ୍ୟୁ ଘଟିଛି। ଜିଓ ନିୟୁଜ ସୂଚନା ଅନୁଯାୟୀ, ପାକିସ୍ତାନ ପଞ୍ଜାବର ପିଣ୍ଡି ଭଟିୟା ସହରରେ ଫୈସଲାଵାଦ ରାସ୍ତାରେ ଆଜି ପାହାନ୍ତା ପ୍ରହରରେ ଏକ ଚଳନ୍ତା ବସରେ ନିଆଁ ଲାଗି ଯାଇଥିଲା। ବସଟି କରାଚୀରୁ ଇସ୍ଲାମାବାଦ ଯାଉଥିଲା।

ବସରେ ୪୦ ଜଣ ଯାତ୍ରୀ ଓ ୪ ଜଣ ବସ କର୍ମଚାରୀ ରହିଥିଲେ। ପ୍ରତ୍ୟେକ୍ଷଦର୍ଶୀଙ୍କ କହିବାନୁଯାୟୀ, ବସଟି ଦ୍ରୁତ ଗତିରେ ଯାଉଥିବା ବେଳେ ଏକ ଡିଜେଲ ବୋଝେଇ ପିକଅପ ଭ୍ୟାନ ସହ ଧକ୍କା ଖାଇଥିଲା। ଡିଜେଲ ବସ ଉପରେ ପଡିଯିବାରୁ ନିଆଁ ଲାଗି ଯାଇଥିଲା। ପାହାନ୍ତା ସମୟ ହୋଇଥିବାରୁ ଯାତ୍ରୀମାନେ ଶୋଇ ଥିବାରୁ ହଠାତ ବାହାରକୁ ବାହାରିବା ସମ୍ଭବ ହୋଇ ନ ଥିଲା।

ସୂଚନା ଅନୁଯାୟୀ, ଉଭୟ ଗାଡିର ଚାଳକଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ସ୍ଥାନୀୟ ଲୋକମାନେ ବସର ଝରକା ଭାଙ୍ଗି ଯାତ୍ରୀମାନଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ। ଅଗ୍ନିକାଣ୍ଡ ଏତେ ଭୟଙ୍କର ଥିଲା ଯେ ବସଟି ସମ୍ପୂର୍ଣ୍ଣ ଜଳିଯାଇଛି।

ଲଦାଖରେ ଭାରତୀୟ ସେନାର ଏକ ଟ୍ରକ୍ ଦୁର୍ଘଟଣାଗ୍ରସ୍ତ ହେବାରୁ ୯ ଜଣ ଯବାନଙ୍କ ମୃତ୍ୟୁ ଘଟିଛି

 COASTAL NEWS 436

ଲଦାଖରେ ଭାରତୀୟ ସେନାର ଏକ ଟ୍ରକ୍ ଦୁର୍ଘଟଣାଗ୍ରସ୍ତ ହେବାରୁ ୯ ଜଣ ଯବାନଙ୍କ ମୃତ୍ୟୁ ଘଟିଛି

ଲାଦାଖ୍ - ଲାଦାଖ ରେ ଭାରତୀୟ  ସେନାର ଏକ ଟ୍ରକ୍ ଦୁର୍ଘଟଣାଗ୍ରସ୍ତ ହେବାରୁ ୯ ଜଣ ଯବାନଙ୍କ ମୃତ୍ୟୁ ଘଟିଛି। ସେମାନଙ୍କ ମଧ୍ୟରେ ଜଣେ ଜୁନିୟର କମିଶନ୍‌ଡ ଅଫିସର (ଜେସିଓ) ଅଛନ୍ତି।  

 ଲେହ ଠାରୁ ୧୫୦ କିଲୋମିଟର ଦୂର କିୟାରୀ ନିକଟରେ ଏହି ଘଟଣା ଘଟିଛି। ୧୦ ଜଣ ଯବାନଙ୍କୁ ନେଇ ଯାଉଥିବା ସେନାର ‌ଏହି ଟ୍ରକ୍ ରାସ୍ତାରୁ ଖସି ନଦୀରେ ପଡ଼ି ଯାଇଥିଲେ। ଏଥିରେ ୯ ଜଣଙ୍କ ମୃତ୍ୟୁ ଘଟିଥିବା ବେଳେ ଜଣେ ଆହତ ହୋଇଛନ୍ତି। 

ସେନାର ମୋଟ ୫ଟି ଗାଡ଼ି ସାଙ୍ଗ ହୋଇ ଯାଉଥିବା ବେଳେ ସେଥିରୁ ଏହି ଟ୍ରକ୍‌ଟି ଦୁର୍ଘଟଣାଗ୍ରସ୍ତ ହୋଇଥିଲା। ସେନାର ଏହି ଗାଡ଼ି ଗୁଡ଼ିକ ମୋଟ ୩୪ ଜଣ ଯବାନଙ୍କୁ ନେଇ କାରୁରୁ କିୟାରୀ ଆସୁଥିଲେ। ତେବେ କିୟାରୀ ଠାରୁ ମାତ୍ର ୭ କିଲୋମିଟର ଦୂରରେ ଟ୍ରକ୍‌ଟି ଦୁର୍ଘଟଣାଗ୍ରସ୍ତ ହୋଇଥିଲା। 

୨୩ ତାରିଖରେ ଚନ୍ଦ୍ରପୃଷ୍ଠର ଦକ୍ଷିଣ ମେରୁରେ ଅବତରଣ କରିବ ଚନ୍ଦ୍ରଯାନର ଲ୍ୟାଣ୍ଡର ବିକ୍ରମ

 COASTAL NEWS 435

 ୨୩ ତାରିଖରେ ଚନ୍ଦ୍ରପୃଷ୍ଠର ଦକ୍ଷିଣ ମେରୁରେ ଅବତରଣ କରିବ ଚନ୍ଦ୍ରଯାନର ଲ୍ୟାଣ୍ଡର ବିକ୍ରମ

ନୂଆଦିଲ୍ଲୀ --ମୁନ୍ ମିଶନକୁ ନେଇ ସାରା ଦେଶ ଉତ୍କଣ୍ଠିତ ହୋଇ ରହିଛି । ଲ୍ୟାଣ୍ଡିଂ ନେଇ ଆରମ୍ଭ ହୋଇ ସାରିଛି କାଉଣ୍ଟଡାଉନ୍ । ମଝିରେ ରହିଲା ଆଉ ମାତ୍ର ୨ ଦିନ । ୨୩ ତାରିଖରେ ଚନ୍ଦ୍ରପୃଷ୍ଠର ଦକ୍ଷିଣ ମେରୁରେ ଅବତରଣ କରିବ ଚନ୍ଦ୍ରଯାନର ଲ୍ୟାଣ୍ଡର ବିକ୍ରମ । ଏବେ ଚନ୍ଦ୍ରପୃଷ୍ଠକୁ ଆଉ ଦୂରତା ୨୫ କିଲୋମିଟର ରହିଲା । ଗତକାଲି ବିଳମ୍ବିତ ରାତିରେ ଦ୍ବିତୀୟ ତଥା ଶେଷ ଡି-ବୁଷ୍ଟିଂ ମାନ୍ୟୁଭର ଅପରେସନ୍ ସଫଳତାର ସହ ଶେଷ ହୋଇଛି । ନୂଆ କକ୍ଷପଥରେ ସ୍ଥାପିତ ହୋଇଛି ଲ୍ୟାଣ୍ଡର । ଏବେ ଚନ୍ଦ୍ରର ୨୫ କିଲୋମିଟର ଗୁଣନ ୧୩୪ କିଲୋମିଟର କକ୍ଷପଥରେ ପ୍ରବେଶ କରିଛି ବିକ୍ରମ । ଏଥିସହ ଆରମ୍ଭ ହୋଇଛି ଲ୍ୟାଣ୍ଡିଂ ପ୍ରକ୍ରିୟା । ନିର୍ଦ୍ଦିଷ୍ଟ ଲ୍ୟାଣ୍ଡିଂ ସ୍ଥାନ ପାଇଁ ସୂର୍ଯ୍ୟୋଦୟକୁ ଅପେକ୍ଷା କରିବାକୁ ପଡ଼ିବ ।

ଏଯାଏ ଲ୍ୟାଣ୍ଡର ଠିକ୍ କାମ କରୁଛି । ସବୁ କିଛି ଠିକ ଠାକ ରହିଲେ ୨୩ ତାରିଖ ସନ୍ଧ୍ୟା ସାଢ଼େ ୫ଟାରୁ ସାଢ଼େ ୬ଟା ଭିତରେ ଅବତରଣ କରିବ ଚନ୍ଦ୍ରଯାନ । ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରିବ ବିକ୍ରମ ଲ୍ୟାଣ୍ଡର । ଲ୍ୟାଣ୍ଡିଂ ସଫଳ ହେଲେ ଚନ୍ଦ୍ର ପୃଷ୍ଠରେ ସ୍ପେସକ୍ରାଫ୍ଟ ଅବତରଣ କରାଇବାରେ ଭାରତ ହେବ ବିଶ୍ବର ଚତୁର୍ଥ ରାଷ୍ଟ୍ର । ଚନ୍ଦ୍ରଯାନ-୩ ଉପରେ ସାରା ଦେଶ ଓ ବିଶ୍ବ ନଜର ରଖିଛି ।

5T ସଚିବ ଭିକେ ପାଣ୍ଡିଆନଙ୍କୁ କାଳିମାଡ଼

 COASTAL NEWS 434

5T ସଚିବ ଭିକେ ପାଣ୍ଡିଆନଙ୍କୁ କାଳିମାଡ଼ 

5T ସଚିବ ଭିକେ ପାଣ୍ଡିଆନଙ୍କୁ କାଳିମାଡ଼ 

ଭୁବନେଶ୍ବର - 5T ସଚିବ ଭିକେ ପାଣ୍ଡିଆନଙ୍କୁ କାଳିମାଡ଼ ଘଟଣାରେ ଗିରଫ ଅଭିଯୁକ୍ତ ଭାସ୍କର ସାହୁଙ୍କୁ ପୁଲିସ ଛାଡ଼ି ଦେଇଛି। ଗତକାଲି ବିଳମ୍ବିତ ରାତିରେ ଲେଖାପଢ଼ା କରି ଭାସ୍କରଙ୍କୁ ପୁଲିସ ଛାଡ଼ି ଦେଇଥିବା ଜଣାପଡ଼ିଛି। ଭାସ୍କରଙ୍କ ବଡ଼ଭାଇଙ୍କ ବ୍ୟକ୍ତିଗତ ମୁଚାଲିକା ପରେ ପୁଲିସ ତାଙ୍କୁ ଛାଡ଼ିଥିବା ସୂଚନା ମିଳିଛି।

 

ମୁଖ୍ୟମନ୍ତ୍ରୀଙ୍କ ସଚିବ ତଥା ଫାଇଭଟି ସଚିବ ଭିକେ ପାଣ୍ଡିଆନ ଦୁଇ ଦିନ ଧରି ପୁରୀ ଜିଲ୍ଲା ଗସ୍ତରେ ରହିଥିଲେ । ଗତକାଲି ସତ୍ୟବାଦୀ କଲେଜ ପଡ଼ିଆଠାରେ ଏକ ସାଧାରଣ ସଭା (ଅଭିଯୋଗ ଶୁଣାଣି) କାର୍ଯ୍ୟକ୍ରମ ଥିଲା। ସଭାସ୍ଥଳକୁ ଯିବାବେଳେ ହିଁ ପଡ଼ିଆ ନିକଟରେ କଣାସ ଅଂଚଳର ଭାସ୍କର ସାହୁ ତାଙ୍କ ଉପରକୁ କାଳିମାଡ଼ କରିଥିଲେ। ଲୋକଙ୍କ ଗହଳି ମଧ୍ୟରେ ଥାଇ ସେ ଯେଉଁ କାଳି ଫୋପାଡ଼ି ଥିଲେ ତାହା ଉଭୟ ଶ୍ରୀ ପାଣ୍ଡିଆନ ଓ ପୁରୀ ଜିଲ୍ଲାପାଳ ସମର୍ଥ ବର୍ମାଙ୍କ ମୁହଁ ଓ ଦେହରେ ପଡ଼ିଥିଲା।

କାଳିମାଡ଼ ପରେ ପୁଲିସ ସଙ୍ଗେ ସଙ୍ଗେ ଭାସ୍କରଙ୍କୁ କାବୁ କରି ଗିରଫ କରିଥିଲା। ଆଉ ୫ଟି ସଚିବ ଚିରାଚରିତ ଢଙ୍ଗରେ ସେଠାରେ ଉପସ୍ଥିତ ଲୋକଙ୍କୁ ଭେଟିଥିଲେ। ମାତ୍ର ଏତେ ବ୍ୟାପକ ସୁରକ୍ଷା ବନ୍ଦୋବସ୍ତ ଥାଇ ମଧ୍ୟ ଗୃହ ରାଷ୍ଟ୍ରମନ୍ତ୍ରୀଙ୍କ ଜିଲ୍ଲାରେ ମୁଖ୍ୟମନ୍ତ୍ରୀଙ୍କ ସଚିବଙ୍କୁ କାଳିମାଡ଼ କରାଯିବାକୁ ନେଇ ରାଜ୍ୟ ପୁଲିସ ପ୍ରଶାସନର କାର୍ଯ୍ୟଶୈଳୀ ଓ ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି। ମୁଖ୍ୟମନ୍ତ୍ରୀଙ୍କ ସଚିବ ଶ୍ରୀ ପାଣ୍ଡିଆନଙ୍କୁ ବିଭିନ୍ନ ସ୍ଥାନରେ କଳାପତାକା ପ୍ରଦର୍ଶନ କରାଯିବା ପରଠୁ ତାଙ୍କ ସୁରକ୍ଷାକୁ ଅଧିକ କଡ଼ାକଡ଼ି କରାଯାଇଥିଲା।

ସ୍କୁଲ୍ ନିର୍ମାଣରେ ଅନିୟମିତତା

 COASTAL NEWS 433

ସ୍କୁଲ୍ ନିର୍ମାଣରେ ଅନିୟମିତତା 

ଫୁଲବାଣୀ :  ରାଜ୍ୟ ସରକାର ୫- ଟି ଅଧୀନରେ ଲକ୍ଷାଧିକ ଟଙ୍କା ଖର୍ଚ୍ଚ କରି ବିଦ୍ୟାଳୟ ମାନଙ୍କର ରୂପାନ୍ତରଣ କାମ କରୁଛନ୍ତି। ଗୁଣାତ୍ମକ ମାନର ଶିକ୍ଷା ପାଇଁ ଏହି ସ୍ମାର୍ଟ ସ୍କୁଲ ମାନଙ୍କରେ ଅତ୍ୟାଧୁନିକ ଶ୍ରେଣୀ କୋଠରୀ ନିର୍ମାଣ କରାଯାଇଥିବା ବେଳେ ସ୍କୁଲର କଳାପଟା ଠାରୁ ଆରମ୍ଭ କରି ସାଇନ୍ସ ଲ୍ୟାବ କମ୍ପ୍ୟୁଟର ଲ୍ୟାବ, ଅତ୍ୟାଧୁନିକ ପାଠାଗାର ସହ  ସମସ୍ତ ପ୍ରକାର ଆନୁସଙ୍ଗିକ ବ୍ୟବସ୍ଥା କରାଯାଇଛି। କିନ୍ତୁ ଏହି ବିଦ୍ୟାଳୟ ଗୁଡିକର ରୂପାନ୍ତରିତ କାର୍ଯ୍ୟରେ କିଛି ଅସାଧୁ ଠିକାଦାର ଓ ବିଭାଗର କିଛି ଲାଞ୍ଚୁଆ ଯନ୍ତ୍ରୀ ମାନଙ୍କ ପାଇଁ ବିଦ୍ୟାଳୟର କୋଠା ଗୁଡିକ ଅତି ନିମ୍ନ ମାନର ନିର୍ମାଣ ହୋଇଥିବା ବେଳେ କେଉଁଠି କାମ ସରିବାର ତିନିମାସ ନପୂରୁଣୁ କୋଠା ଗୁଡିକର ଛାତରୁ ପାଣି ଝରିଲାଣି ତ ଆଉ କେଉଁଠି କୋଠା ଗୁଡିକର କାନ୍ଥ ସାମାନ୍ୟ ବର୍ଷା ହେଲେ ପାଣି ପଶି ଖରାପ ହେବାକୁ ବସିଲାଣି। ଏମିତି ଏକ ୫-ଟି ଅଧୀନରେ ନିର୍ମାଣ କରାଯାଇଥିବା ବା ରୂପାନ୍ତରିତ କରାଯାଇଥିବା ସ୍ମାର୍ଟ ବିଦ୍ୟାଳୟ ଦେଖିବାକୁ ମିଳିଛି ଆଦିବାସୀ ବହୁଳ କନ୍ଧମାଳ ଜିଲ୍ଲାର ଉପାନ୍ତ ଅଞ୍ଚଳ ଜାଜେଶପଙ୍ଗା ଗାଁ ରେ। ଫିରିଙ୍ଗିଆ ବ୍ଲକରେ ପ୍ରଥମ ପର୍ଯ୍ୟାୟରେ ହୋଇଥିବା  ସ୍ମାର୍ଟ ସ୍କୁଲର ସଫଳ ରୂପାୟନ ପରେ ଦ୍ୱିତୀୟ ପର୍ଯ୍ୟାୟରେ ଏହି ବ୍ଲକରେ ଆଠଟି ବିଦ୍ୟାଳୟକୁ ସ୍ମାର୍ଟ ସ୍କୁଲ ଭାବରେ ରୂପାନ୍ତରିତ କରାଯାଇଥିଲା। ସେମାନଙ୍କ ମଧ୍ୟରୁ ଏହି ଜାଜେସପାଙ୍ଗା ଠାରେ ଥିବା ଆଦିବାସୀ ଉଚ୍ଚ ବିଦ୍ୟାଳୟକୁ ମଧ୍ୟ୍ୟ ସ୍ମାର୍ଟ ସ୍କୁଲ ଭାବରେ ରୂପାନ୍ତରିତ କରାଯାଇଥିଲା। ଏହି ବିଦ୍ୟାଳୟର ନିର୍ମାଣ କାମ ବ୍ଲକରେ କାର୍ଯ୍ୟରତ ଜଣେ କନିଷ୍ଠ ଯନ୍ତ୍ରୀଙ୍କ ପ୍ରତକ୍ଷ ତତ୍ୱାବଧାନରେ ହୋଇଥିବା ବେଳେ କାମଟିକୁ ଫିରିଙ୍ଗିଆ ବ୍ଲକ ସୁମେରବନ୍ଧ ପଞ୍ଚାୟତ ରିବିଳଦା ଗାଁ ର ଚନ୍ଦ୍ରମଣି ରଣା ନାମକ ଜଣେ ଠିକାଦାରଙ୍କ ଦ୍ୱାରା କରାଯାଇଥିଲା। ବର୍ତ୍ତମାନ ବିଦ୍ୟାଳୟର କାର୍ଯ୍ୟ ଶେଷ ହୋଇଥିବା ବେଳେ ଗତ ତନିମାସ ହେବ ବିଦ୍ୟାଳୟର ଉଦଘାଟନ ମଧ୍ୟ୍ୟ ହୋଇସାରିଛି। କିନ୍ତୁ କାମ ସାରିବାର ଚାରି ମାସ ନପୂରୁଣୁ ବିଦ୍ୟାଳୟ ଛାତରେ ପାଣି ଜମି ରହିବା ସହ ବିଦ୍ୟାଳୟର କାନ୍ଥ ଗୁଡିକରୁ ପାଣି ବାହାରୁଛି। ଏହାସହ ଛାତ କାମଟି ଏତେ ନିମ୍ନ ମାନର ହୋଇଛି ଯେ ଛାତରେ ହାତ ମାରିଦେଲେ ସିମେଣ୍ଟ ଗୋଡି ବଦଳରେ କେବଳ ବାଲି ହିଁ ବାହାରୁଛି। ଯାହାପାଇଁ ଏହି ବିଦ୍ୟାଳୟର ସ୍ଥାୟିତ୍ୱ ଉପରେ ପ୍ରଶ୍ନ ବାଚି ସୃଷ୍ଟି ହୋଇଛି। ଅନ୍ୟପଟେ ଏହି ବିଦ୍ୟାଳୟ ନିର୍ମାଣ କାର୍ଯ୍ୟରେ ସମୃକ୍ତ ଯନ୍ତ୍ରୀଙ୍କ ଉପସ୍ଥିତିରେ ବ୍ୟାପକ ଦୁର୍ନୀତି ହୋଇଥିବା ଓ ବିଦ୍ୟାଳୟ ନିର୍ମାଣ କାର୍ଯ୍ୟ ଟି ଅତି ନିମ୍ନ ମାନର ହୋଇଥିବା ଅଭଯୋଗ କରିଛନ୍ତି ସ୍ଥାନୀୟ ବାସିନ୍ଦାଙ୍କ ସହ ଅଭିଭାବକମାନେ। ଏହି ନିମ୍ନ ମାନର କାର୍ଯ୍ୟ ପାଇଁ ଦାୟିତ୍ୱରେ ଥିବା ସମ୍ପୃକ୍ତ ଯନ୍ତ୍ରୀ ଓ ଯନ୍ତ୍ରୀଙ୍କ ସହ ମିଶି ନିମ୍ନ ମାନର କାର୍ଯ୍ୟ କରିଥିବା ସମ୍ପୃକ୍ତ ଠିକାଦାରଙ୍କ ବିରୁଦ୍ଧରେ ଦୃଢ଼ କର୍ଯ୍ୟାନୁଷ୍ଠାନ ଦାବି କରିଛନ୍ତି ଜାଜେଶପଙ୍ଗା ଗାଁ ର ଜନସାଧାରଣ ଓ ବୁଦ୍ଧିଜିବୀ ମାନେ।

ମଇଁଷି ଫାର୍ମ ହାଉସରେ ଥିବା ଗୁହାଳ ଘରୁଦୁଇଜଣ ଯୁବକଙ୍କ ମୃତଦେହ ଉଦ୍ଧାର

 COASTAL NEWS Odia 432

ମଇଁଷି ଫାର୍ମ ହାଉସରେ ଥିବା ଗୁହାଳ ଘରୁ ଦୁଇଜଣ ଯୁବକଙ୍କ ମୃତଦେହ ଉଦ୍ଧାର 

ବାଲିଅନ୍ତା -ଖୋର୍ଦ୍ଧା ଜିଲା ବାଲିଅନ୍ତା ଥାନା ଅନ୍ତର୍ଗତ ଭିଙ୍ଗାରପୁର ପଞ୍ଚାୟତର ରାମଚନ୍ଦ୍ରପୁର ନାଳନିକଟରେ ଥିବା ମଇଁଷି ଫାର୍ମ ହାଉସରେ ଥିବା ଗୁହାଳ ଘରୁଦୁଇଜଣ ଯୁବକଙ୍କ ମୃତଦେହ ବାଲିଅନ୍ତା ଥାନା ପୁଲିସ ଉଦ୍ଧାର କରିଛି । ମୃତକ ହେଲେ କଟକ ନିଆଳି ଥାନା କୂଳସାହିର ଜଗବନ୍ଧୁ ବେହେରା (୨୨) ଓ ପଳଶା ଗ୍ରାମର ସୁଶାନ୍ତ ଦାସ (୪୨) । ମୃତ୍ୟୁର କାରଣ ଅସ୍ପଷ୍ଟଥି ବାବେଳେ ସେମାନେ ଫାର୍ମ ହାଉସର ମଇଁଷି ଜଗୁଆଳି ଭାବେ କାର୍ଯ୍ୟ କରିଥାଆନ୍ତି। ଏ ନେଇ ଫାର୍ମ ହାଉସ ମାଲିକ ଅନ୍ତର୍ଯ୍ୟାମୀ ଦାସ ବାଲିଅନ୍ତା ଥାନାରେ ଅଭିଯୋଗ କରିଛନ୍ତି। ପୁଲିସ ଘଟଣାସ୍ଥଳରେ ପହଞ୍ଚି ଦୁଇ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ଲାଗି ରାଜଧାନୀ ଚିକିତ୍ସାଳୟକୁ ପଠାଇଛି । ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଲାଇଥିବା ଥାନା ଅଧିକାରୀ କହିଛନ୍ତି।

.-

ପୁଲିସ ସୂଚନା ମୁତାବକ ନିଆଳି ଥାନା ପଳଶା ଗ୍ରାମର ଅନ୍ତର୍ଯ୍ୟାମୀ ଭୁବନେଶ୍ବର ୟୁନିଟ୍ - ୯ରେ ରହନ୍ତି। ସେ ରାମଚନ୍ଦ୍ରପୁର କାଜ ନିକଟରେ ଏକ ଫାର୍ମ ହାଉସ କରିଥିଲେ।ଏଠାରେ ୫ବର୍ଷ ଧରି ସୁଶାନ୍ତ ମଇଁଷିଙ୍କ ସେବା ଯତ୍ନ କରୁଥିବାବେଳେ ୨୦ ଦିନ ହେବ ନୂତନ ଭାବେ ଜଗବନ୍ଧୁ ଏହି କାର୍ଯ୍ୟରେ ନିୟୋଜିତ ଥିଲେ l ଗୁରୁବାର ରାତିରେ ସବୁଦିନ ପରି ସେମାନେ ମଇଁଷିଙ୍କ କାର୍ଯ୍ୟ ସାରି ଘରର କବାଟ ଝରକା ବନ୍ଦକରି ଶୋଇପଡ଼ିଥିଲେ। ଅନ୍ତର୍ଯ୍ୟାମୀ ରାତିରେ ଫୋନ୍ କରି ମଇଁଷିଙ୍କ କଥା ପଚାରି ବୁଝିଥିଲେ। ପରେ ରାତି ୧.୩୦ରେ ଅନ୍ତର୍ଯ୍ୟାମୀଙ୍କୁ ସୁଶାନ୍ତ ଫୋନ୍ କରିଥିଲା । ଅନ୍ତର୍ଯ୍ୟାମୀ ଶୋଇ ପଡ଼ିଥିବାରୁ ଫୋନ୍ ଉଠାଇ ପାରି ନ ଥିଲେ । ଅନ୍ତର୍ଯ୍ୟାମୀ ଆଜିସକାଳୁ ଫୋନ୍ କରିଥିଲେ ମଧ୍ୟ କେହି ଉଠାଇ ନ ଥିଲେ। ଅନ୍ତର୍ଯ୍ୟାମୀ ଆସି କବାଟ ବାଡ଼େଇ ଦେଖିବାରୁ ସେମାନେ ଅଚେତ ଅବସ୍ଥାରେ ପଡ଼ିରହିଥିଲେ। ଏନେଇ ସେ ପ୍ରଥମେ ବାଲିଅନ୍ତା ପୁଲିସକୁ ଜଣାଇଥିଲେ। ପୁଲିସ ଘଟଣାସ୍ଥଳରେପହଞ୍ଚି ପାରିପାର୍ଶ୍ବକ ସ୍ଥିତି ଯାଞ୍ଚ କରିଥିଲେ ମଧ୍ୟ ମୃତ୍ୟୁର କାରଣ ଜଣାପଡ଼ି ନ ଥିଲା। ପ୍ରାଥମିକ ତଦନ୍ତରୁ ଉଭୟଙ୍କ ଶ୍ବାସରୁଦ୍ଧ କିମ୍ବା ବିଷାକ୍ତ ଖାଦ୍ୟ ଯୋଗୁଁ ମୃତ୍ୟୁ ଘଟିଥିବା ସନ୍ଦେହ କରାଯାଉଛି । ଘଟଣାସ୍ଥଳରେ ହତ୍ୟାର କୌଣସି ଚିହ୍ନବର୍ଣ୍ଣ ନଥିଲା। ଶବ ବ୍ୟବଚ୍ଛେଦ ବିବରଣୀ ଆସିଲା ପରେ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ଜୋନ୍ ୪ ଏସିପି ଶୁଭନାରାୟଣମୁଦୁଲି କହିଛନ୍ତି । ଉପସ୍ଥିତ ଲୋକେ କହିବା କଥା ଏହିପରି ଭାବେ ୫ବର୍ଷ ତଳେ ରାମଚନ୍ଦ୍ରପୁର ଅଞ୍ଚଳରେ ଥିବା ଏକ ଫାର୍ମ ହାଉସରେ ଜଣେ କର୍ମଚାରୀଙ୍କ ଅପମୃତ୍ୟୁ ଘଟିଥିଲା । 

ରାଜଧାନୀରେ ବଢ଼ିଛି ନିଶା ମାଫିଆଙ୍କ ଦୌରାତ୍ମ୍ୟ

 COASTAL NEWS 431

ରାଜଧାନୀରେ ବଢ଼ିଛି ନିଶା ମାଫିଆଙ୍କ ଦୌରାତ୍ମ୍ୟ

ଭୁବନେଶ୍ବର - ରାଜଧାନୀରେ ବଢ଼ିଛି ନିଶା ମାଫିଆଙ୍କ ଦୌରାତ୍ମ୍ୟ। ନିଶା ମାଫିଆଙ୍କ ଆଡ୍ଡା ଉପରେ ଚଢ଼ାଉ କରିବାକୁ ଯାଇ ଆକ୍ରମଣରେ ଶିକାର ହୋଇଛନ୍ତି ଧଉଳି ଥାନା SI ରମେଶ ଭୋଳ। ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଏହି ଘଟଣାରେ ୪ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି।

 

ଧଉଳି ଅଞ୍ଚଳରେ ଏକ ପରିତ୍ୟକ୍ତ ଘରେ କିଛି ଲୋକ ନିଶା କାରବାର ଚଲାଇଥିବା ଧଉଳି ଥାନା ପୁଲିସ କୌଣସି ସୁତ୍ରରୁ ଖବର ପାଇଥିଲା। ଗତକାଲି ରାତିରେ ଧଉଳି ଥାନା SI ରମେଶ ଭୋଳ ପୁଲିସ ଟିମ୍‌କୁ ନେଇ ପରିତ୍ୟକ୍ତ ଘରେ ଚଢ଼ାଉ କରିବାକୁ ପିସିଆର ଭ୍ୟାନ ନେଇ ପହଞ୍ଚିଥିଲେ। ଚଢ଼ାଉ ବେଳେ ନିଶା ମାଫିଆମାନେ ପୁଲିସ ଉପରେ ଆକ୍ରମଣ କରିଥିଲେ।

ନିଶା ମାଫିଆଙ୍କ ଆକ୍ରମଣରେ ଧଉଳି ଥାନା SI ଆହତ ହୋଇଥିଲେ। ପୁଲିସର ଅନ୍ୟ ଏକ ଟିମ୍ ଘଟଣାସ୍ଥଳରେ ପହଞ୍ଚି ୪ଜଣ ନିଶା ମାଫିଆଙ୍କୁ ଗିରଫ କରିଥିଲା। ଅନ୍ୟ ନିଶା ମାଫିଆମାନେ ପୁଲିସକୁ ଚକମା ଦେଇ ଚମ୍ପଟ ମାରିଥିଲେ। ଏନେଇ ଧଉଳି ଥାନାରେ ମାମଲା ରୁଜୁ କରାଯାଇ ଘଟଣାର ତଦନ୍ତ କରାଯାଉଛି। 

ବ୍ରିଟେନରେ ଥିବା ଜଣେ ନର୍ସ ସ୍ୱୀକାର କରିଛନ୍ତି ଯେ, ମୁଁ ସୈତାନ

 COASTAL NEWS 430

ବ୍ରିଟେନରେ ଥିବା ଜଣେ ନର୍ସ ସ୍ୱୀକାର କରିଛନ୍ତି ଯେ, ମୁଁ ସୈତାନ

ବ୍ରିଟେନ୍- ଡାକ୍ତର ଦ୍ୱିତୀୟ ଭଗବାନ ବୋଲି କୁହାଯାଉଥିବା ବେଳେ ନର୍ସମାନେ ବି ସମାନ ସମ୍ମାନର ହକଦାର ଅଟନ୍ତି। ସେମାନେ ମରଣ ମୁହଁରୁ ମଣିଷକୁ ଫେରାଇ ଆଣିବାକୁ ଆପ୍ରାଣ ଚେଷ୍ଟା କରିଥାନ୍ତି। ମାତ୍ର ବ୍ରିଟେନରେ ଥିବା ଜଣେ ନର୍ସ ସ୍ୱୀକାର କରିଛନ୍ତି ଯେ, ମୁଁ ସୈତାନ ।’ କାରଣ ସେ ନିଜ ହାତରେ ୭ ନବଜାତ ଶିଶୁଙ୍କ ଜୀବନ ନେଇଥିବା ସ୍ୱୀକାର କରିଛନ୍ତି। ପୁଲିସ୍‌ ସମ୍ପୃକ୍ତ ନର୍ସଙ୍କୁ ଗିରଫ କରିଥିବା ବେଳେ ଘଟଣାର ଖୁଲାସା ହୋଇଛି। ଏହି ନର୍ସଙ୍କୁ ଧରାଇବାରେ ଜଣେ ଭାରତୀୟ ଡାକ୍ତର ବି ପୁଲିସ୍‌କୁ ସହଯୋଗ କରିଥିବା ଜଣାଯାଇଛି।

୩୩ ବର୍ଷୀୟା ଏପରି ନୃଶଂସ ନର୍ସ ହେଉଛନ୍ତି ଲେଟବୀ । ସେ ଉତ୍ତର ବ୍ରିଟେନର ଏକ ହସ୍ପିଟାଲରେ କାର୍ଯ୍ୟରତ ଥିଲେ। ଏହି ସମୟରେ ୨୦୧୫ ଜୁନ୍‌ରେ ୩ ସୁସ୍ଥ ଶିଶୁଙ୍କ ମୃତ୍ୟୁ ପରେ ଚିକିତ୍ସକମାନେ ଚିନ୍ତା ପ୍ରକଟ କରିଥିଲେ। ମାତ୍ର ଧୀରେ ଧୀରେ ଏହି ସଂଖ୍ୟା ବଢ଼ି ୭ରେ ପହଞ୍ଚିଥିଲା।

ପୁଲିସ୍‌ ଏହି ଘଟଣାର ତଦନ୍ତ ଆରମ୍ଭ କରି ଲେଟବୀଙ୍କୁ ଗିରଫ କରିଥିଲା। ଏହି ମାମଲାର ବିଚାର ଚାଲିଥିବା ବେଳେ ଗତକାଲି ସେ ଦୋଷୀ ସାବ୍ୟସ୍ତ ହୋଇଛନ୍ତି। ଆସନ୍ତା ସୋମବାର ତାଙ୍କ ବିରୋଧରେ ଦଣ୍ଡ ବିଧାନ ଘୋଷଣା କରାଯିବ ।

ଲେଟବୀ ଏପରି ନୃଶଂସ ଭାବେ ଛୋଟ ଛୁଆଙ୍କୁ ମାରି ଦେଉଥିଲେ ଯିଏ ଶୁଣିବ ତା’ ଲୋମ ଟାଙ୍କୁରି ଉଠିବ । ସେ କେତେବେଳେ ନବଜାତଙ୍କୁ ଅତ୍ୟଧିକ କ୍ଷୀର ପିଆଇ ତାଙ୍କ ଜୀବନ ନେଉଥିଲେ ତ କେତେବେଳେ ତାଙ୍କ ରକ୍ତରେ ପବନ ପଶାଇ ଦେଉଥିଲେ ତ କେତେବେଳେ ଇନସୁଲିନ ଦେବାକୁ ପଛାଉ ନ ଥିଲେ। ଆଉ ଏହା ସମ୍ପର୍କରେ ଯେପରି କେହି ଜାଣି ନ ପାରିବେ ସେତେବେଳେ ସେ ଏହାକୁ ସ୍ୱାଭାବିକ ମୃତ୍ୟୁ ପରି ଚିତ୍ରଣ କରୁଥିଲେ।

ମାତ୍ର ସ୍ୱାଭାବିକ ଶିଶୁଙ୍କ ଏପରି ମୃତ୍ୟୁ ଘଟଣାକୁ ଚିକିତ୍ସକମାନେ ଗୁରୁତର ସହ ନେଇଥିବା ବେଳେ ଏହାପରେ ପୁଲିସ୍‌ ଖୋଳତାଡ଼ ଆରମ୍ଭ କରି ଲେବବୀଙ୍କୁ ବାନ୍ଧିଥିଲେ। ଏହାପରେ ଲେବବୀଙ୍କ ଘର ଯାଞ୍ଚ ବେଳେ ପୁଲିସ୍‌ ଯେଉଁ ସବୁ ନୋଟ୍‌ ପାଇଲା ପୁଲିସ୍‌ ପାଦ ତଳୁ ମାଟି ଖସିଗଲା। ଉକ୍ତ ଚିଠିରେ ଲେଖାଥିଲା, ମୁଁ ସୈତାନ । ମୁଁ ଜାଣିଶୁଣି ସମସ୍ତ ଶିଶୁଙ୍କୁ ମାରି ଦେଇଛି। ମୁଁ ବହୁତ ଖରାପ ।

ମଞ୍ଚେଷ୍ଟର କ୍ରାଉନ କୋର୍ଟରେ ଏହି ମାମଲାର ଶୁଣାଣି ଚାଲିଥିବା ବେଳେ ନର୍ସ ଲେଟବୀ ୭ ଶିଶୁଙ୍କୁ ହତ୍ୟା କରିଥିବା ପ୍ରମାଣିତ ହେଲା। ଏଥିସହ ୬ ଶିଶୁଙ୍କୁ ସେ ହତ୍ୟା ଉଦ୍ୟମ କରିଥିବା ଜଣାଯାଇଛି।

ଏ ସମ୍ପର୍କରେ ଇଂଲଣ୍ଡରେ କାର୍ଯ୍ୟରତ ଭାରତୀୟ ଡାକ୍ତର ରବି ଜୟରାମ କହିଛନ୍ତି, ପୂର୍ବରୁ ନର୍ସ ଲୁସି ଲେଟବୀଙ୍କ ଉପରେ ଧ୍ୟାନ ଦିଆଯାଇଥିଲେ ହୁଏତ କିଛି ନୀରିହ ଶିଶୁ ବଞ୍ଚି ଯାଇଥାନ୍ତେ। ଫଳରେ ସେମାନେ ଏବେ ସ୍କୁଲ ଯାଉଥାନ୍ତେ।

ଏପଟେ ନିଆଁରେ ଜଳୁଥିଲା ହସ୍ପିଟାଲ୍, ସେପଟେ ଚାଲିଥିଲା ଅପରେସନ୍

 COASTAL NEWS 429

ଏପଟେ ନିଆଁରେ ଜଳୁଥିଲା ହସ୍ପିଟାଲ୍, ସେପଟେ ଚାଲିଥିଲା ଅପରେସନ୍

ବାରିପଦା - ଏମିତି ଏକ ଖବର ଯାହା ଭୟ ଓ ଆତଙ୍କ ଭିତରେ ଆଣିଦେଇଛି ଖୁସିର ଲହରି । ଏପଟେ ନିଆଁରେ ଜଳୁଥିଲା ହସ୍ପିଟାଲ୍, ସେପଟେ ଚାଲିଥିଲା ଅପରେସନ୍ । ମନରେ ବଢୁଥିଲା ଭୟ, ତଥାବି ହାର ମାନିନଥିଲେ ଭଗବାନ ରୂପି ଡାକ୍ତର ।

ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ ଓଟିରେ ଚାଲିଥିଲା ଅପରେସନ । ଅପରେସନ ଟେବୁଲରେ ଶୋଇଥିଲେ ପ୍ରସୁତି । ଆଉ ଖବର ଆସିଲା ହସ୍ପିଟାଲରେ ଲାଗିଯାଇଛି ନିଆଁ । ରୋଗୀଙ୍କୁ ସ୍ଥାନାନ୍ତର କରିବା ଥିଲା ବଡ ଚ୍ୟାଲେଞ୍ଜ । ହେଲେ ପ୍ରସୁତିଙ୍କୁ ଅନ୍ୟତ୍ର ସ୍ଥାନାନ୍ତର କରାଯାଇ ଅପରେସନ ଶେଷ କରିଥିଲେ ଡାକ୍ତର । ଆଉ ଅପରେସନ୍ ସରିବା ପରେ ହସ୍ପିଟାଲରେ ଖେଳିଯାଇଥିଲା ଖୁସିର ଲହରି । ସଫଳ ଅପରେସନ୍ ପରେ ଜନ୍ମ ନେଇଛି ଶିଶୁପୁତ୍ର । ତେବେ ଉଭୟ ମାଆ ଓ ଶିଶୁ ସୁରକ୍ଷିତ ଥିବା ସୂଚନାରୁ ଜଣାପଡିଛି । ଏସଏନସିୟୁରେ ଶିଶୁ ଓ ଆଇସିୟୁରେ ଅଛନ୍ତି ମା’

ଏଥିରୁ ଅନୁମାନ କରନ୍ତୁ କେତେ ଭୟାବହ ଥିଲା ମେଡିକାଲରେ ଅଗ୍ନିକାଣ୍ଡ ଘଟଣା । ସୌଭାଗ୍ୟରୁ କାହାରି ଜୀବନ ହାନି ହୋଇନାହିଁ । ଏକ ବଡ ଦୁର୍ଘଟଣାରୁ ବର୍ତି ଯାଇଛନ୍ତି ଚିକତ୍ସିତ ହେଉଥିବା ରୋଗୀ । ଅଗ୍ନିକାଣ୍ଡ ଯୋଗୁଁ ପ୍ରସୂତୀ ବିଭାଗ ଓଟି ଓ ଆଇସିୟୁ କ୍ଷତିଗ୍ରସ୍ତ ହୋଇଥିଲେ ବି ସମସ୍ତ ରୋଗୀଙ୍କୁ ସୁରକ୍ଷିତ ଉଦ୍ଧାର କରିବାରେ ସକ୍ଷମ ହୋଇଛନ୍ତି ଅଗ୍ନିଶମ ବାହିନୀ ଓ ମେଡିକାଲ କର୍ତୁପକ୍ଷ ।

ଦେଶର ପ୍ରଥମ ଥ୍ରୀଡି ଡାକଘର

 COASTAL NEWS 428

ଦେଶର ପ୍ରଥମ ଥ୍ରୀଡି ଡାକଘର

ବେଙ୍ଗାଲୁରୁ - ଦେଶର ପ୍ରଥମ ଥ୍ରୀଡି ଡାକଘର । ଶୁଣିବାକୁ ନୂଆ ଲାଗୁଥିଲେ ବି କଥାଟି ସମ୍ପୂର୍ଣ୍ଣ ଭାବେ ସତ । ଦେଶର ପ୍ରଥମ ଥ୍ରୀଡି ପ୍ରିଣ୍ଟିଂ ଡାକଘର ଏବେ ବେଙ୍ଗାଲୁରରେ ଖୋଲିଛି । କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ ଥ୍ରୀଡି ପୋଷ୍ଟ ଅଫିସର ଉଦଘାଟନ କରିଛନ୍ତି । ଏକହଜାର ୨୧ ସ୍କୋୟର ଫିଟରେ ନିର୍ମିତ ହୋଇଛି ଏହି ଅତ୍ୟାଧୁନିକ ଡାକଘର । ଆଇଆଇଟି ମାଡ୍ରାସର ତତ୍ୱାବଧାନରେ ବିଦେଶୀ କମ୍ପାନୀ ଲାର୍ସନ ଆଣ୍ଡ ଟ୍ରୁବୋ ଏହାର ନିର୍ମାଣ କରିଛି ।

ଉଦଘାଟନ ଅବସରରେ କେନ୍ଦ୍ରମନ୍ତ୍ରୀ କହିଛନ୍ତି, ଗତକାଲି ଯାହା ସ୍ୱପ୍ନ ପରି ଲାଗୁଥିଲା ତାକୁ ଏବେ ସତ କରି ଦେଖାଉଛନ୍ତି ମୋଦୀ ସରକାର । ବିକାଶ କ୍ଷେତ୍ରରେ ଆଉ ପାଦେ ବଢିଛି ଦେଶ । ୪୫ ଦିନରେ ଶେଷ ହୋଇଛି ଏହି ଥ୍ରୀଡି ଡାକଘର । ଥ୍ରୀଡି ଉପାୟରେ ନିର୍ମାଣ କାର୍ଯ୍ୟ ଖୁବ କମ ସମୟରେ ସମ୍ଭବ ହୋଇପାରିଛି ।

ଜଣେ ବ୍ୟକ୍ତି ଏକ ଧାରୁଆ ଅସ୍ତ୍ରରେ ନିଜ ଆଙ୍ଗୁଠି କାଟୁଥିବାର ଭିଡିଓ ଭାଇରାଲ ହେବାରେ ଲାଗିଛି

 COASTAL NEWS 427

ଜଣେ ବ୍ୟକ୍ତି ଏକ ଧାରୁଆ ଅସ୍ତ୍ରରେ ନିଜ ଆଙ୍ଗୁଠି କାଟୁଥିବାର ଭିଡିଓ ଭାଇରାଲ ହେବାରେ ଲାଗିଛି

ମହାରାଷ୍ଟ୍ର - ମୋ’ ଭାଇ, ଭାଉଜ ଆତ୍ମହତ୍ୟା କରିଥିବା ବେଳେ ଉଜଡ଼ିଗଲା ମୋ’ ପରିବାର। ହେଲେ ସେମାନଙ୍କୁ ଆତ୍ମହତ୍ୟା କରିବାକୁ ବାଧ୍ୟ କରିଥିବା ଅଭିଯୁକ୍ତଙ୍କୁ ଗିରଫ କରିବାକୁ ପଛଘୁଞ୍ଚା ଦେଉଛି ପୁଲିସ୍‌। ତେଣୁ ପୁଲିସ୍‌ ଅଭିଯୁକ୍ତଙ୍କୁ ଗିରଫ ନ କରିବା ପର୍ଯ୍ୟନ୍ତ ମୁଁ ପ୍ରତି ସପ୍ତାହରେ ମୋ’ ଶରୀରର ଏକ ଅଙ୍ଗ କାଟିବି।’ ଭିଡିଓରେ ଏପରି କହି ଜଣେ ବ୍ୟକ୍ତି ଏକ ଧାରୁଆ ଅସ୍ତ୍ରରେ ନିଜ ଆଙ୍ଗୁଠି କାଟୁଥିବାର ଭିଡିଓ ଭାଇରାଲ ହେବାରେ ଲାଗିଛି। ଉକ୍ତ ଆଙ୍ଗଠିକୁ ସେ ମହାରାଷ୍ଟ୍ରର ଗୃହମନ୍ତ୍ରୀ ଦେବେନ୍ଦ୍ର ଫଡନାବିଶଙ୍କ ନିକଟକୁ ପଠାଇଥିବା ଜଣାଯାଇଛି। ପୁଲିସ୍‌ ସମ୍ପୃକ୍ତ ବ୍ୟକ୍ତିଙ୍କୁ ହସ୍ପିଟାଲରେ ଭର୍ତ୍ତି କରିଥିବା ବେଳେ ଘଟଣାର ଯାଞ୍ଚ ଆରମ୍ଭ କରିଛି। ଏପରି ଏକ ଘଟଣା ମହାରାଷ୍ଟ୍ରର ଉଲ୍ଲାସ ନଗରରେ ଘଟିଛି। 

ଭିଡିଓରେ ଦେଖିବାକୁ ମିଳିଛି ଧନଞ୍ଜୟ ନାନାବରେ ନାମକ ବ୍ୟକ୍ତି କହୁଛନ୍ତି, ମୋ’ ଭାଇ, ଭାଉଜ ଆତ୍ମହତ୍ୟା ପୂର୍ବରୁ ସେମାନଙ୍କୁ ଆତ୍ମହତ୍ୟା କରିବାକୁ ବାଧ୍ୟ କରୁଥିବା ସମସ୍ତ ଅଭିଯୁକ୍ତଙ୍କ ନାମ କହି ସାରିଛନ୍ତି। ସେମାନଙ୍କ ମଧ୍ୟରେ ବହୁ କ୍ଷମତାଶାଳୀ ଲୋକ ଥିବାରୁ ପୁଲିସ୍‌ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନି। ତେଣୁ ରାଜ୍ୟ ସରକାର ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ ନ କଲେ ମୁଁ ପ୍ରତି ସପ୍ତାହରେ ଏହିପରି ମୋ’ ଶରୀରର ଅଙ୍ଗ କାଟୁଥିବି।

ଧନଞ୍ଜୟଙ୍କ ଭାଇ ନନ୍ଦ କୁମାର ଓ ଭାଉଜ ଉର୍ମିଳା ନିଜ ପରିବାର ସହ ଉଲ୍ଲାସନଗରରେ ରହୁଥିଲେ। ନନ୍ଦକୁମାର ପ୍ରଥମେ ପୂର୍ବତନ ବିଧାୟକ ଜ୍ୟୋତି କଲାନୀଙ୍କ ବ୍ୟକ୍ତିଗତ ସହାୟକ ରୂପେ କାମ କରୁଥିଲେ। ଏହାପରେ ସେ ବିଧାୟକ ବାଲାଜୀ କିନିକରଙ୍କ ବ୍ୟକ୍ତିଗତ ସହାୟକ ରୂପେ କାମ କରୁଥିଲେ।

ମାତ୍ର ୨୦ ଦିନ ପୂର୍ବେ ନନ୍ଦ କୁମାର ନିଜ ପତ୍ନୀ ଉର୍ମିଳାଙ୍କ ସହ ମିଶି ଛାତରୁ ଡେଇଁ ଆତ୍ମହତ୍ୟା କରିଛନ୍ତି। ଆତ୍ମହତ୍ୟାର କିଛି ଦିନ ପୂର୍ବରୁ ଧନଞ୍ଜୟ ଏକ ଭିଡିଓ କରିଥିବା ବେଳେ ସେଥିରେ ସେ କିଛି ବ୍ୟକ୍ତିଙ୍କ ନାମ ନେଇଛନ୍ତି। ସଂଗ୍ରାମ ନିକଲଜେ, ରଞ୍ଜିତସିଂହ ନାଇକ ନିମ୍ବାଲକର, ଜ୍ଞାନେଶ୍ୱର ଦେଶମୁଖ ଓ ନିତୀନ ଦେଶମୁଖ ନାମକ ବ୍ୟକ୍ତିମାନେ ସେମାନଙ୍କୁ ଆତ୍ମହତ୍ୟା କରିବାକୁ ବାଧ୍ୟ କରୁଥିବା ସେ କହିଛନ୍ତି। ଏଥିସହ ଏ ସଂକ୍ରାନ୍ତୀୟ ଏକ ଚିଠି ବି ସେ ନିଜ ପକେଟରେ ରଖିଥିଲେ।

ସବୁ ପ୍ରମାଣ ଥାଇ ବି ପୁଲିସ୍‌ ଅଭିଯୁକ୍ତଙ୍କୁ ଗିରଫ କରିବାକୁ ପଛଘୁଞ୍ଚା ଦେଉଛି। ଥାନାକୁ ଦୌଡ଼ି ଦୌଡ଼ି ନୟାନ୍ତ ହେଲିଣି। ହେଲେ କିଛି ଫଳ ମିଳୁନି। ତେଣୁ ନିଜ ଆଙ୍ଗୁଠି କାଟିବାକୁ ବାଧ୍ୟ ହେଉଛି। ପୁଲିସ୍‌ ଘଟଣାର ତଦନ୍ତ ନ କରି ଅଭିଯୁକ୍ତଙ୍କୁ ଗିରଫ ନ କଲେ ସବୁ ସପ୍ତାହରେ ଶରୀରର ଏପରି ଗୋଟିଏ ଲେଖା ଅଙ୍ଗ କାଟୁଥିବା ବୋଲି ସେ କହିଛନ୍ତି ।

ଖବର ପାଇ ପୁଲିସ୍‌ ସମ୍ପୃକ୍ତ ବ୍ୟକ୍ତିଙ୍କୁ ମେଡିକାଲରେ ଭର୍ତ୍ତି କରାଯାଇଛି। ଏଥିସହ ଏହି ଘଟଣାର ତଦନ୍ତ ଆରମ୍ଭ ହୋଇଥିବା ବରିଷ୍ଠ ଅଧିକାରୀ ସୂଚନା ଦେଇଛନ୍ତି।

ଚନ୍ଦ୍ରଯାନ-୩ର ଲ୍ୟାଣ୍ଡର (ବିକ୍ରମ) ଚନ୍ଦ୍ରପୃଷ୍ଠର ଅଧିକ ନିକଟତର ହୋଇଛି

 COASTAL NEWS 426

ଚନ୍ଦ୍ରଯାନ-୩ର ଲ୍ୟାଣ୍ଡର (ବିକ୍ରମ) ଚନ୍ଦ୍ରପୃଷ୍ଠର ଅଧିକ ନିକଟତର ହୋଇଛି

ବେଙ୍ଗାଲୁରୁ :  ଚନ୍ଦ୍ରଯାନ-୩ର ଲ୍ୟାଣ୍ଡର (ବିକ୍ରମ) ଚନ୍ଦ୍ରପୃଷ୍ଠର ଅଧିକ ନିକଟତର ହୋଇଛି। ପ୍ରୋପୁଲଜନ ମଡ୍ୟୁଲ (ପିଏମ୍‌)ରୁ ଅଲଗା ହୋଇଥିବା ବିକ୍ରମକୁ ଶୁକ୍ରବାର ଡିବୁଷ୍ଟିଂ (ବେଗ ହ୍ରାସ) କରାଯାଇ ଚନ୍ଦ୍ର ପୃଷ୍ଠର ନିକଟତର କରାଯାଇଛି। ଯେତେବେଳେ ଲ୍ୟାଣ୍ଡର(ବିକ୍ରମ) ୯୦ଡିଗ୍ରୀ ବୁଲାଣି ନେଇ ଚନ୍ଦ୍ରପୃଷ୍ଠ ଆଡ଼କୁ ଗତି କରିଥାଏ ଓ ଏହା ଚନ୍ଦ୍ରପୃଷ୍ଠ ଠାରୁ ପ୍ରାୟ ୩୦କି.ମି. ଦୂରରେ ଥାଏ ସେତେବେଳେ ବୈଜ୍ଞାନିକମାନେ ଏହାର ଗତି କମାଇଥାନ୍ତି। ଏହି ପ୍ରକ୍ରିୟାକୁ ଡିବୁଷ୍ଟିଂ କୁହାଯାଏ। ଚନ୍ଦ୍ରପୃଷ୍ଠରେ ମହାକାଶଯାନ ଅବତରଣ ପାଇଁ ଡିବୁଷ୍ଟିଂ ଜରୁରୀ।

ଯୋଜନା ଅନୁଯାୟୀ ଅଗଷ୍ଟ ୨୩ରେ ବିକ୍ରମକୁ ଚନ୍ଦ୍ରପୃଷ୍ଠରେ ଅବତରଣ କରାଯିବ। ତେଣୁ ବିକ୍ରମକୁ ଚନ୍ଦ୍ରପୃଷ୍ଠର ନିକଟରୁ ନିକଟତମ ସ୍ତରକୁ ନେବା ଲାଗି ଏହାର ଡିବୁଷ୍ଟିଂ ପ୍ରକ୍ରିୟା ଜାରି ରହିବ। ଶୁକ୍ରବାର ପ୍ରଥମ ପର୍ଯ୍ୟାୟ ଡିବୁଷ୍ଟିଂ ସଫଳତାର ସହ ଶେଷ ହୋଇଥିବା ଇସ୍ରୋ ପକ୍ଷରୁ କୁହାଯାଇଛି। ଡିବୁଷ୍ଟିଂ ପରେ ବିକ୍ରମ ଚନ୍ଦ୍ରର ୧୧୩ କି.ମି.x ୧୫୭ କି.ମି. କକ୍ଷ ପଥରେ ରହିଛି। ଅଗଷ୍ଟ ୨୦ ରବିବାର ଏହାକୁ ଦ୍ବିତୀୟ ଡିବୁଷ୍ଟିଂ କରାଯିବ। ଏପରିକି ବିକ୍ରମକୁ ଚନ୍ଦ୍ରପୃଷ୍ଠର ୩୦ କି.ମି. ନିକଟକୁ ନେବାକୁ ପ୍ରୟାସ କରାଯିବ। ଡିବୁଷ୍ଟିଂ ହେଉଛି ଏକ ପ୍ରକ୍ରିୟା ଯେଉଁଥିରେ ବିକ୍ରମର ବେଗକୁ ହ୍ରାସ କରାଯାଇ ନିମ୍ନ କକ୍ଷ ପଥକୁ ନିଆଯାଇଥାଏ। ଗୁରୁବାର ବିକ୍ରମ ସହିତ ପ୍ରଜ୍ଞାନ ପ୍ରୋପୁଲଜନ ମଡ୍ୟୁଲରୁ ଅଲଗା ହୋଇଥିଲା।

ଅନ୍ୟପକ୍ଷରେ ଶୁକ୍ରବାର ଇସ୍ରୋ ଚନ୍ଦ୍ରର କେତେକ ଫଟୋକୁ ଜାରି କରାଯାଇଛି। ଅଗଷ୍ଟ ୧୫ ଓ ୧୭ ତାରିଖରେ ଲ୍ୟାଣ୍ଡର ବିକ୍ରମ ଉତ୍ତୋଳନ କରିଥିବା ଫଟୋକୁ ଇସ୍ରୋ ଜାରି କରିଛି। ଲ୍ୟାଣ୍ଡର ପୋଜିସନ୍ ଡିଟେକସନ୍ କ୍ୟାମେରା ଏହି ଫଟୋକୁ ଉତ୍ତୋଳନ କରିଥିଲା। ଜୁଲାଇ ୧୪ରେ ଚନ୍ଦ୍ରଯାନ-୩କୁ ଆନ୍ଧ୍ରପ୍ରଦେଶ ଶ୍ରୀହରିକୋଟାସ୍ଥିତ ସତୀଶ ଧାୱନ ମହାକାଶ କେନ୍ଦ୍ରରୁ ଚନ୍ଦ୍ର ଅଭିମୁଖେ ଉତ୍‌କ୍ଷେପଣ କରାଯାଇଥିଲା। ଏହାପୂର୍ବରୁ ଚନ୍ଦ୍ରଯାନ-୩ର ଅବତରଣକାରୀ ଅଂଶ (ଲ୍ୟାଣ୍ଡିଂ ମଡ୍ୟୁଲ)କୁ ପ୍ରୋପ୍ୟୁଲଜନ୍

ମଡ୍ୟୁଲରୁ ସଫଳତାର ସହିତ ଅଲଗା କରାଯାଇଥିଲା। ଲ୍ୟାଣ୍ଡିଂ ମଡ୍ୟୁଲ୍‌ରେ ଦୁଇଟି ଅଂଶ ରହିଛି। ଗୋଟିଏ ହେଉଛି ବିକ୍ରମ (ଲ୍ୟାଣ୍ଡର) ଓ ଅନ୍ୟଟି ହେଉଛି ପ୍ରଜ୍ଞାନ (ରୋଭର)। ପ୍ରୋପ୍ୟୁଲଜନ ମଡ୍ୟୁଲରୁ ଲ୍ୟାଣ୍ଡିଂ ମଡ୍ୟୁଲକୁ ଅଲଗା କରାଯିବା ଚନ୍ଦ୍ରଯାନ-୩ର ଅଭିଯାନ ପାଇଁ ଏକ ମାଇଲଖୁଣ୍ଟ। ବିକ୍ରମକୁ ଚନ୍ଦ୍ରପୃଷ୍ଠରେ ସଫ୍ଟ ଲ୍ୟାଣ୍ଡିଂ କରାଯିବା ପରେ ଏହା ମଧ୍ୟରେ ଥିବା ପ୍ରଜ୍ଞାନ ବାହାରକୁ ବାହାରି ଚନ୍ଦ୍ରପୃଷ୍ଠରୁ ଆବଶ୍ୟକ ତଥ୍ୟ ସଂଗ୍ରହ କରିବ। ବୁଧବାର ଚନ୍ଦ୍ରଯାନ-୩କୁ ଚନ୍ଦ୍ରର ଧାର୍ଯ୍ୟ କକ୍ଷପଥ ୧୫୩ କି.ମି x ୧୬୩ କି.ମିରେ ପହଞ୍ଚିବା ପରେ ପ୍ରୋପ୍ୟୁଲଜନ ମଡ୍ୟୁଲ୍‌ରୁ ଲ୍ୟାଣ୍ଡିଂ ମଡ୍ୟୁଲକୁ ଅଲଗା କରିବା ପ୍ରକ୍ରିୟାର ଆରମ୍ଭ ହୋଇଥିଲା। ଲ୍ୟାଣ୍ଡିଂ ମଡ୍ୟୁଲକୁ ଚନ୍ଦ୍ରର ଧାର୍ଯ୍ୟ କକ୍ଷପଥ​‌େ​‌ର ପହଞ୍ଚାଇବା ପରେ ଅଲଗା ହୋଇଯାଇଥିବା ପ୍ରୋପ୍ୟୁଲଜନ ମଡ୍ୟୁଲ ଏବେ ଅନ୍ୟ ମହାଜାଗତିକ ଜୀବନ ସମ୍ପର୍କରେ ସନ୍ଧାନ କରିବ। ବିଶେଷକରି ସୌରମଣ୍ଡଳ ବାହାରେ ରହିଥିବା ଅନ୍ୟଗ୍ରହରେ ଜୀବଜଗତ ଅଛି କି ନାହିଁ ତା’ ଉପରେ ସନ୍ଧାନ କରିବ। ପ୍ରୋପ୍ୟୁଲଜନ ମଡ୍ୟୁଲ ଏହାର ସ୍ପୋ‌େକ୍ଟ୍ରାପୋଲାରିମେଟ୍ରି ଅଫ୍ ହାବିଟେବୁଲ ପ୍ଲାନେଟ ଆର୍ଥ (ସେପ୍‌) ନାମକ ପ୍ଲେଲୋଡକୁ ଉପଯୋଗ କରି ଏହି ସନ୍ଧାନ କାର୍ଯ୍ୟ କରିବ। ସେପ୍‌କୁ ବ୍ୟବହାର କରି ପ୍ରୋପ୍ୟୁଲଜନ ମଡ୍ୟୁଲ ସଂଗ୍ରହ କରିଥିବା ତଥ୍ୟ ପୃଥିବୀର ବାୟୁମଣ୍ଡଳ ବାବଦରେ ଅଧିକ ବେଜ୍ଞାନିକ ଗବେଷଣା କରିବାରେ ସହାୟକ ହେବ। ପ୍ରୋପ୍ୟୁଲଜନ ମଡ୍ୟୁଲ ଏହାର ବର୍ତ୍ତମାନର କକ୍ଷ ପଥରେ କିଛି ମାସ କିମ୍ବା ବର୍ଷ ପାଇଁ ଯାତ୍ରା ଜାରି ରଖିବ ବୋଲି ଇସ୍ରୋ ପକ୍ଷରୁ କୁହାଯାଇଛି। ଇସ୍ରୋ ସୂଚନାନୁଯାୟୀ, ୨୦୧୯ରେ ଭାରତ ପଠାଇଥିବା ଚନ୍ଦ୍ରଯାନ-୨ର ଅର୍ବିଟର ଏବେ ମଧ୍ୟ କାର୍ଯ୍ୟକ୍ଷମ ରହିଛି। ଚନ୍ଦ୍ରଯାନ-୩ର ଅର୍ବିଟର ମଧ୍ୟ ଏକ ଯୋଗାଯୋଗ ଉପଗ୍ରହ ଭଳି କାର୍ଯ୍ୟ କରିବ। ଭାରତ ବ୍ୟତୀତ ଚୀନ୍‌, ଆମେରିକା, ଦକ୍ଷିଣ କୋରିଆ ଓ ରୁଷିଆ ଚନ୍ଦ୍ର ପୃଷ୍ଠକୁ ନେଇ ଗବେଷଣା ଚଳାଇଛନ୍ତି। ନିକଟରେ ରୁଷିଆ ‘ଲୁନା’ ନାମରେ ଏକ ମହାକାଶ ଯାନ ଚନ୍ଦ୍ରକୁ ପଠାଇଛି। ଏହାକୁ ଅନେକ ଭାରତ ଓ ରୁଷିଆ ମଧ୍ୟରେ ଚନ୍ଦ୍ର ଅଭିଯାନର ପ୍ରତିଦ୍ବନ୍ଦ୍ବିତା ବୋଲି ଆଖ୍ୟା ଦେଉଛନ୍ତି।

୨୦୨୪ରେ ବିଜେପିକୁ ବହୁମତ ସମ୍ଭାବନା

 COASTAL NEWS 425

୨୦୨୪ରେ ବିଜେପିକୁ ବହୁମତ ସମ୍ଭାବନା

 

ନୂଆଦିଲ୍ଲୀ – ଇଣ୍ଡିଆଟୁଡେ ଏବଂ ସିନଏନ୍‌ଏକ୍ସ ପକ୍ଷରୁ କିଛି ଦିନ ତଳେ କରାଯାଇଥିବା ଜନମତ ସର୍ବେକ୍ଷଣରେ ବିଜେପି ନେତୃତ୍ୱାଧୀନ ଏନ୍‌ଡିଏକୁ ବହୁମତ ମିଳିବାର ସମ୍ଭାବନା ବ୍ୟକ୍ତ କରାଯାଇଛି । ନିର୍ବାଚନ ହେଲେ ବିଜେପି ଏବଂ ଏହା ସହଯୋଗୀ ଦଳ ୩୧୮ଟି ଆସନ ପାଇବେ ବୋଲି ଏହି ଜନମତ ସର୍ବେକ୍ଷଣରେ କୁହାଯାଇଥିଲା । କଂଗ୍ରେସ ଏବଂ ଏହାର ସହଯୋଗୀ ଆଇଏନ୍‌ଡିଆଇଏକୁ ୧୧୯ରୁ ୧୯୦ ମଧ୍ୟରେ ଆସନ ମିଳିପାରେ ବୋଲି ଜନମତ ସର୍ବେକ୍ଷଣ ବା ଏକ୍ସିଟ୍‌ ପୋଲ୍‌ରେ ଦର୍ଶାଯାଇଥିଲା । ଏବେ ଟାଇମସ୍‌ନାଓ ଏବଂ ନବଭାରତ ପକ୍ଷରୁ କରାଯାଇଥିବା ସର୍ବେକ୍ଷଣରେ ବିଜେପି ଏବଂ ଏହାର ସହଯୋଗୀ ୨୯୦ରୁ ଅଧିକ ଆସନରେ ବିଜୟ ଲାଭ କରିବେ ବୋଲି କୁହାଯାଇଛି ।

ମାତ୍ର ତିନୋଟି ରାଜ୍ୟ ବିଜେପିର ଚିନ୍ତା ବଢାଇଛନ୍ତି । ତାମିଲନାଡୁ, ପଞ୍ଜାବ ଏବଂ କେରଳରେ ବିଜେପି ଭଲ ପ୍ରଦର୍ଶନ କରିବ ନାହିଁ ବୋଲି ପୂର୍ବାନୁମାନ କରାଯାଇଛି । ତାମିଲନାଡୁରେ ୩୯ ଲୋକ ସଭା ଆସନରୁ କଂଗ୍ରେସ, ଡିଏମ୍‌କେ ଏବଂ ଆଇଏନ୍‌ଡିଆଇଏ ୩୦ରୁ୩୪ ଆସନରେ ବିଜୟ ଲାଭ କରିବେ ବୋଲି ପୂର୍ବାନୁମାନ କରାଯାଇଛି । ଏନ୍‌ଡିଏକୁ ଏଠାରେ୪ରୁ୮ ଆସନ ମିଳିପାରେ ।

ପଞ୍ଜାବରେ ୧୩ଟି ଆସନରେ ଏନ୍‌ଡିଏ ୨ରୁ୩ଟି ଆସନରେ ବିଜୟଲାଭ କରିପାରେ ଏଠାରେ କଂଗ୍ରେସ ଏବଂ ଏହାର ସହଯୋଗୀଙ୍କୁ୮ରୁ୧୨ ଆସନ ମିଳିପାରେ ବୋଲି ପୂର୍ବାନୁମାନ କରାଯାଇଛି । ସେହିପରି କେରଳ ୨୦ଟି ଆସନରୁ ଗୋଟିକରେ ଏନ୍‌ଡିଏକୁ ସଫଳତା ମିଳିପାରେ ବୋଲି କୁହାଯାଇଛି । ହେଲେ ସାରା ଦେଶରେ ଅନ୍ୟ ରାଜ୍ୟମାନଙ୍କରେ ବିଜେପି ଏବଂ ଏହାର ସହଯୋଗୀମାନେ ଭଲ ପ୍ରଦର୍ଶନ କରିବେ ବୋଲି ଏହି ଜନମତ ସର୍ବେକ୍ଷଣରେ ସୂଚନା ଦିଆଯାଇଛି

ଭତ୍ତା ପାଇଁ ଟ୍ରଲିରେ ବୁହାହେଲେ ବୃଦ୍ଧା

 COASTAL NEWS 424

ଭତ୍ତା ପାଇଁ ଟ୍ରଲିରେ ବୁହାହେଲେ ବୃଦ୍ଧା 

 

ପାରଳାଖେମୁଣ୍ଡି : ଭତ୍ତା ଟଙ୍କା ସିଧାସଳଖ ବ୍ୟାଙ୍କ ଖାତାକୁ ଟ୍ରାନ୍ସଫର ବ୍ୟବସ୍ଥା ବନ୍ଦ କରି ହିତାଧିକାରୀଙ୍କ ହାତରେ ଭତ୍ତା ଦେବା ବ୍ୟବସ୍ଥା କରିଛନ୍ତି ରାଜ୍ୟ ସରକାର। ଯେଉଁ ହିତାଧିକାରୀ ଚାଲି ପାରୁନାହାନ୍ତି ସେମାନଙ୍କୁ ଘରେ ଭତ୍ତା ଟଙ୍କା ଦିଆଯିବା ବ୍ୟବସ୍ଥା ମଧ୍ୟ କରିଛନ୍ତି। ହେଲେ ଜଣେ ୯୫ ବର୍ଷର ବୃଦ୍ଧାଙ୍କୁ ଭତ୍ତା ପାଇବା ପାଇଁ ନାକେଦମ ହେବାକୁ ପଡ଼ିଛି। ଗଜପତି ଜିଲା ପାରଳାଖେମୁଣ୍ଡି ୱାର୍‌ ନମ୍ବର ୧୨ର ଲବଙ୍ଗ ଗୟାଙ୍କୁ ତିନିମାସ ହେଲା ବାର୍ଦ୍ଧକ୍ୟ ଭତ୍ତା ମିଳି ନ ଥିଲା। ସମ୍ପର୍କୀୟ ଏକ ଟ୍ରଲିରେ ତାଙ୍କୁ ବୋହି ପ୍ରଥମେ ବ୍ୟାଙ୍କ ଓ ପରେ ପୌରପାଳିକା କାର୍ଯ୍ୟାଳୟକୁ ଆଣିବା ପରେ ତାଙ୍କୁ ଭତ୍ତା ଟଙ୍କା ମିଳିଛି।

ବୟସାଧିକ କାରଣରୁ ଲବଙ୍ଗ ଏବେ ଚାଲିବାକୁ ଅକ୍ଷମ। ଫଳରେ ସେ ଭତ୍ତା ଆଣିବା ପାଇଁ ଆଉ ଯାଇପାରୁ ନାହାନ୍ତି। ତେଣୁ ତାଙ୍କ ନାତି ଏକ ଟ୍ରଲିରେ ଭତ୍ତା ଟଙ୍କା ଆଣିବାକୁ ବ୍ୟାଙ୍କକୁ ନେଇଥିଲେ। ପୌରପାଳିକା ଅଫିସକୁ ଟଙ୍କା ପଠାଇ ଦିଆଯାଇଥିବା ବ୍ୟାଙ୍କ କର୍ତ୍ତୃପକ୍ଷ କହିଥିଲେ। ପରେ ବୃଦ୍ଧାଙ୍କ ଝିଅ ଡାଳିମ୍ବ ବେଣିଆ ଓ ନାତି ଟ୍ରଲିରେ ଲବଙ୍ଗଙ୍କୁ ନେଇ ପୌର ପରିଷଦ କାର୍ଯ୍ୟାଳୟରେ ପହଞ୍ଚିଥିଲେ। ସେଠାରେ ଲବଙ୍ଗଙ୍କୁ ବକେୟା ଭତ୍ତା ଟଙ୍କା ମିଳିଥିଲା। ଏ ସମ୍ପର୍କରେ ପାରଳା ପୌରପାଳିକା ନିର୍ବାହୀ ଅଧିକାରୀ ବନମାଳୀ ଶତପଥୀଙ୍କୁ ପଚାରିବାରୁ ଘଟଣା ସମ୍ପର୍କରେ ଅନୁଧ୍ୟାନ କରି ତଦନ୍ତ ପରେ କାର୍ଯ୍ୟନୁଷ୍ଠାନ ନିଆଯିବ ବୋଲି କହିଥିଲେ।

ଟାଟା ପାୱାର ର ମନମାନି ହନ୍ତସନ୍ତ ହେଉଛନ୍ତି ଖାଉଟି

 COASTAL NEWS 423

ଟାଟା ପାୱାର ର ମନମାନି ହନ୍ତସନ୍ତ ହେଉଛନ୍ତି ଖାଉଟି 

ରାଜଗାଙ୍ଗପୁର - ଘରେ ନା ଅଛି ଏସି ନା ଅଛି ଟିଭି। ନା ଅଛି କୌଣସି ସୌଖିନ ଜିନିଷ। ଘର ବାହାରେ ଓ ଭିତରେ ଜଳୁଛି ଦୁଇଟି ବଲ୍‌। ତଥାପି ଗତ ମାସ ବିଦ୍ୟୁତ ବିଲ୍‌ ଆସିଛି ଅଧିକ ଟଙ୍କା। ଖାଲି ବିଲ୍‌ ଆସିନି, ନାଲି ଆଖି ମଧ୍ୟ ଦେଖାଇଛି ଟାଟା ପାୱାର୍‌। ଯାହାକୁ ନେଇ ଚିନ୍ତାରେ ଖାଉଟି। ଚାଷବାସ କରି ଚଳୁଥିବା ଗରିବ ମଳିମୁଣ୍ଡିଆଟିଏ। ପାଟିକୁ ଦାନା ଓ ଗାଣ୍ଡିକୁ କନା ଖଣ୍ଡିଏ ପାଇଁ କାହିଁ ତେକେ ସଂଘର୍ଷ କରିବାକୁ ପଡ଼ୁଥିବା ବେଳେ ଏତେ ଟଙ୍କା ଦେବେ କେମିତି ଜୋସେଫ କୁଜୁର?

ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ବ୍ଲକ୍‌ ସୋନାଖାନ୍‌ ଗାଁରେ ବାସ କରୁଥିଲେ ଜୋସେଫ କୁଜୁର। ଚାଷ କାମ କରି ଚଳୁଥିଲେ। ପରିବାର କହିଲେ ବାପାମାଆ ଓ ଝିଅ। ସକାଳ ହେଲେ ସମସ୍ତେ ଚାଷ କାମ ପାଇଁ ଚାଲି ଯାଉଥିଲେ। ଆଉ ସନ୍ଧ୍ୟାରେ ଘରକୁ ଫେରୁଥିଲେ। ସେହି ରାତି କେଇ ଘଣ୍ଟା ପାଇଁ ବିଦ୍ୟୁତ ବଲ୍‌ ଜଳାଉ ଥିଲେ ଜୋସେଫ୍‌। ୨୦୧୯ ମସିହାରେ ସେ ଘରକୁ ବିଦ୍ୟୁତ ସଂଯୋଗ ନେଇଥିଲେ। ପ୍ରତି ମାସ ଆସୁଥିବା ବିଲ୍‌ ପୈଠ କରୁଥିଲେ। ବେଳେ ବେଳେ କିଛି ବକେୟା ବାକି ରହିଯାଉଥିଲା। ତେବେ ୨୦୨୧ ମସିହାରେ ତାଙ୍କ ଘରକୁ ୬୯୯୯ ଟଙ୍କାର ବକେୟା ବିଲ୍‌ ଆସିଥିଲା। ଜୋସେଫ୍‌ ଜାଣିବା ପରେ ସମ୍ପୂର୍ଣ୍ଣ ବିଲ୍‌ ପୈଠ କରିଥିଲେ।

ପରବର୍ତ୍ତୀ ସମୟରେ ଜୋସେଫଙ୍କ ପରିବାର ମାଲିଢି ପଞ୍ଚାୟତ ଶୁଖାନଳା ଗାଁକୁ ପଳାଇ ଆସିଥିଲେ। ସେଠାରେ ଘର କରି ଆଜି ପର୍ଯ୍ୟନ୍ତ ରହି ଆସୁଛନ୍ତି। ଘରକୁ ନୂଆ ବିଦ୍ୟୁତ ସଂଯୋଗ ନେଇଥିଲେ। ସେଥିପାଇଁ ଆବଶ୍ୟକ ହୋଇଥିବା ଅର୍ଥ ମଧ୍ୟ ଜମା କରିଥିଲେ। ବିଦ୍ୟୁତ କନେକ୍‌ସନ୍‌ ନେଲା ପରେ ଘରେ କେବଳ ଦୁଇଟି ବଲ୍‌ ଜଳାଉଥିଲେ। ତାହା ପୁଣି ରାତିରେ କେଇ ଘଣ୍ଟା ପାଇଁ। ସେଥିପାଇଁ ତାଙ୍କ ଘରକୁ ପ୍ରତି ମାସ ୧୧୩ ବା ୧୧୫ ଟଙ୍କା ବିଲ୍‌ ଆସୁଥିଲା। ହେଲେ ଜୁଲାଇ ମାସରେ ଜୋସେଫଙ୍କ ଘରକୁ ୩୦,୯୦୮ ଟଙ୍କାର ବିଲ୍‌ ଆସିଥିଲା। ବିଲ୍‌ ପୈଠ କରିବା ପାଇଁ ତାଗିଦ୍‌ କରିଥିଲା ବିଦ୍ୟୁତ ବିତରଣ କମ୍ପାନୀ TPWODL। ନହେଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଧମକ ଦେଇଥିଲା।

ତେବେ ଏଠି ପ୍ରଶ୍ନ ଉଠୁଛି, ଘରେ କୌଣସି ସୌଖୁନ୍‌ ସାମଗ୍ରୀ ନାହିଁ, ଦୁଇଟି ବଲ୍‌ ଜଳୁଛି, ତଥାପି ଏତେ ବିଲ୍‌ କେମିତି ଆସିଲା? TPWODL ଜାଣିଶୁଣି ଏମିତି ବିଲ୍‌ ପଠାଇଛି ନା ଅଜାଣତରେ ପଠାଇଛି। ଏହାକୁ ନେଇ ନାନା ପ୍ରଶ୍ନ ଉଠିଥିବା ବେଳେ ସ୍ଥାନୀୟ ଲୋକେ କହିଛନ୍ତି, TPWODL ଏମିତି ବିଲ୍‌ ପଠାଇ ଗରିବ ଲୋକଙ୍କୁ ହଇରାଣ ହରକତ କରୁଛି। ଏନେଇ ଅଭିଯୋଗ କଲେ ମଧ୍ୟ କୌଣସି ସୁଫଳ ମିଳୁନାହିଁ।

ତେବେ ଏନେଇ TPWODL ଏସ୍‌ଡିଇଓ ପବିତ୍ର ମୁଖାର୍ଜୀଙ୍କୁ ଯୋଗାଯୋଗ କରାଯାଇଥିଲା। ସେ ସଙ୍ଗେ ସଙ୍ଗେ ଜୋସେଫ୍‌ଙ୍କ ବିଲ୍‌ ଯାଞ୍ଚ କରିଥିଲେ। ଯାଞ୍ଚ ବେଳେ ଦେଖିବାକୁ ମିଳିଥିଲା, ତାଙ୍କର ବକେୟା ବିଲ୍‌ ପୈଠ ହୋଇଛି। ତେବେ ଜୁଲାଇ ମାସରେ କାହିଁକି ଏତେ ବିଲ୍‌ ଆସିଛି? ମିଟରରେ କେଉଁଠି ତ୍ରୁଟି ଥାଇପାରେ ବୋଲି ସେ କହିଛନ୍ତି।

21 ରୁ 23 ଭିତରେ ଲ୍ୟାଣ୍ଡ କରିବ ଚନ୍ଦ୍ର ଜାନ 3

 COASTAL NEWS 422

21 ରୁ 23 ଭିତରେ ଲ୍ୟାଣ୍ଡ କରିବ ଚନ୍ଦ୍ର ଜାନ 3

ନୂଆଦିଲ୍ଲୀ - ଆଗାମୀ ସପ୍ତାହ ଭାରତୀୟ ବିଜ୍ଞାନ ଜଗତ ପାଇଁ ବହୁତ ଖାସ ହେବାକୁ ଯାଉଛି । ଭାରତର ଗୁରୁତ୍ୱପୂର୍ଣ୍ଣ ମହାକାଶ ମିଶନ ଚନ୍ଦ୍ରଯାନ – ୩ ଚନ୍ଦ୍ରରେ ଲ୍ୟାଣ୍ଡ କରିବ । କୁହାଯାଉଛି ଯେ ଚନ୍ଦ୍ରଯାନ-୩ ଅଗଷ୍ଟ ୨୧-୨୩ ମଧ୍ୟରେ ଚନ୍ଦ୍ରର ସ୍ଥଳଭାଗରେ ଲ୍ୟାଣ୍ଡ କରିବ ଏବଂ ଏହା ନିଜର ସୁବର୍ଣ୍ଣ ନାମ ଇତିହାସ ପୃଷ୍ଠାରେ ସାମିଲ କରିବ । ଭାରତ ପାଇଁ ଏହା ହେଉଛି ଏକମାତ୍ର ଗୁରୁତ୍ୱପୂର୍ଣ୍ଣ ମିଶନ, କିନ୍ତୁ ଆପଣ ଜାଣିଛନ୍ତି କି ଏହି ପ୍ରକାର ମିଶନ ଯୋଗୁଁ ଚନ୍ଦ୍ରରେ ‘ଟ୍ରାଫିକ ଜାମ୍’ ଭଳି ପରିସ୍ଥିତି ସୃଷ୍ଟି ହୋଇଛି । ତେବେ ଭାରତ ଯେଉଁଭଳି ଭାବରେ ନିଜର ମିଶନ ପଠାଇଛି, ଠିକ ସେହିଭଳି ଅନେକ ଦେଶ ନିଜର ମିଶନ ଚନ୍ଦ୍ରକୁ ପଠାଇଛନ୍ତି ଏବଂ ଚନ୍ଦ୍ରର କକ୍ଷପଥରେ ଅନ୍ୟ ଦେଶର ଅନେକ ମିଶନ ରହିଛି, ଯାହା ଶୀଘ୍ର ଚନ୍ଦ୍ରରେ ଲ୍ୟାଣ୍ଡ କରିବ । ତେବେ ଆପଣ ଜାଣି ପାରୁଥିବେ ଯେ ଚନ୍ଦ୍ରର କକ୍ଷପଥରେ ବର୍ତ୍ତମାନ କିପରି ଭିଡ଼ ଲାଗିଛି ଏବଂ ମହାକାଶର ପରିବେଶ କିପରି ଅଛି ।

ଇଣ୍ଡିଆ ଟୁଡେରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ବର୍ତ୍ତମାନ ଚନ୍ଦ୍ରର କକ୍ଷପଥରେ ୬ଟି ଆକ୍ଟିଭ ମିଶନ ଏବଂ ଅନ୍ୟାନ୍ୟ ପ୍ରୋଜେକ୍ଟ ଲାଇନରେ ରହିଛି । ଚନ୍ଦ୍ରଯାନ ବ୍ୟତୀତ ଚନ୍ଦ୍ରର ଅର୍ବିଟରେ ନାସାର ଲୁନାର ରିକୋନାଇସନ୍ସ ଅର୍ବିଟର୍ (LRO) , ନାସାର ଆର୍ଟେମିସ୍ର ଦୁଇଟି ଭିନ୍ନ ମିଶନ, କୋରିଆ ପ୍ୟାଥ୍ ଫାଇଣ୍ଡର ଲୁନାର ଅର୍ବିଟର୍ ଏବଂ ନାସାର କ୍ୟାଷ୍ଟୋନ ସାମିଲ ରହିଛି । ଚନ୍ଦ୍ରଯାନ ବ୍ୟତୀତ ଏହି ସମସ୍ତ ମିଶନ ଚନ୍ଦ୍ରର କକ୍ଷପଥରେ ରହିଛି ।

ସୂଚନା ଥାଉ କି ନାସାର ଲୁନାର ରିକୋନାଇସନ୍ସ ଅର୍ବିଟର୍ ୨୦୦୯ରେ ଲଞ୍ଚ କରାଯାଇଥିଲା ଏବଂ ଏହା ମାଧ୍ୟମରେ ଚନ୍ଦ୍ର ପୃଷ୍ଠ ଭାଗର ମ୍ୟାପ ଜାଣିବା ପାଇଁ ଚେଷ୍ଟା କରାଯାଉଛି । ଏହା ବ୍ୟତୀତ, ARTEMIS ର P1 ଏବଂ P2 ମିଶନ୍ ଜୁନ୍ ୨୦୨୨ରୁ ଚନ୍ଦ୍ର କକ୍ଷପଥରେ ରହିଛି । ଏହା ସହିତ ନାସାର କ୍ୟାପ୍ଷ୍ଟୋନ NRH କକ୍ଷପଥରେ ଅଛି ।

ଏହା ସହିତ, ବର୍ତ୍ତମାନ ଋଷିଆର ଲୁନା ୨୫ ମିଶନ୍ ଲଞ୍ଚ କରାଯାଇଛି, ଯାହା ୧୬ ଅଗଷ୍ଟରେ ଚନ୍ଦ୍ର କକ୍ଷପଥରେ ପ୍ରବେଶ କରିଥିବା ସୂଚନା ମିଳିଛି। । ଏହା ମାଧ୍ୟମରେ ଚନ୍ଦ୍ରର ସାଉଥ ପୋଲ ଅନୁସନ୍ଧାନ କରାଯିବ ଏବଂ ଏହା ଚନ୍ଦ୍ରଯାନ ଲ୍ୟାଣ୍ଡ ହେବାର କିଛି ସମୟ ପରେ ଚନ୍ଦ୍ରରେ ମଧ୍ୟ ଲ୍ୟାଣ୍ଡ କରିବ ବୋଲି କୁହାଯାଉଛି । ମୁନ ମିଶନ ସଂଖ୍ୟା ବଢ଼ିବା ସହିତ ଚନ୍ଦ୍ର ବୈଜ୍ଞାନିକମାନଙ୍କ ପାଇଁ ଅନୁସନ୍ଧାନର କେନ୍ଦ୍ର ପାଲଟିଛି । ତେବେ ଅଧିକ ମିଶନ ପଠାଯିବା ଦ୍ବାରା ପରସ୍ପର ମଧ୍ୟରେ ଏହି ସମସ୍ତ ମିଶନ ଧକ୍କା ହେବାର ସମ୍ଭାବନା ମଧ୍ୟ ବୃଦ୍ଧି ପାଉଛି । ତେବେ ଏହାକୁ ଦୃଷ୍ଟିରେ ରଖି ସମସ୍ତ ଦେଶ ଯଦି ନିର୍ଦ୍ଦିଷ୍ଟ ସମୟ ମଧ୍ୟରେ ଚନ୍ଦ୍ରକୁ ମିଶନ ପଠାଇବେ ତେବେ ଏଭଳି ସମସ୍ୟାରୁ ହୁଏତ ବଞ୍ଚି ହେବ l

ସ୍ପେଶାଲ ଟାସ୍କ ଫୋର୍ସ (STF) ଜଣେ ନକଲି ସୂଚନା ଅଧିକାର (RTI) କର୍ମୀଙ୍କୁ ଗିରଫ କରିଛି

 COASTAL NEWS Odia 421

ସ୍ପେଶାଲ ଟାସ୍କ ଫୋର୍ସ (STF) ଜଣେ ନକଲି ସୂଚନା ଅଧିକାର (RTI) କର୍ମୀଙ୍କୁ ଗିରଫ କରିଛି

କୋରାପୁଟ - ସ୍ପେଶାଲ ଟାସ୍କ ଫୋର୍ସ (STF) ଜଣେ ନକଲି ସୂଚନା ଅଧିକାର (RTI) କର୍ମୀଙ୍କୁ ଗିରଫ କରିଛି। ତାଙ୍କ ନାଁ କିଶୋର କୁମାର ମିଶ୍ର। ସେ ନିଜକୁ ଆରଟିଆଇ କର୍ମୀ ବୋଲି କହୁଥିଲେ। ସେଥିପାଇଁ ଏକ ମିଛ ପରିଚୟ ପତ୍ର ମଧ୍ୟ ତିଆରି କରିଥିଲେ। ତାଙ୍କ ଠାରୁ ମିଛ ପରିଚୟ ପତ୍ର ସହିତ ଅନ୍ୟାନ୍ୟ କାଗଜପତ୍ର ଜବତ କରାଯାଇଛି।

ଏସ୍‌ଟିଏଫ୍‌ରୁ ମିଳିଥିବା ସୂଚନା ଅନୁଯାୟୀ, କିଶୋର କୁମାର ମିଶ୍ର ରାଜନୀତି ବିଜ୍ଞାନରେ ସ୍ନାତକୋତ୍ତର କରିଛନ୍ତି। ଇଂରାଜୀ ଭାଷାରେ ମଧ୍ୟ ତାଙ୍କର ବେଶ୍ ଦଖଲ ରହିଛି। ସେ ବ୍ରହ୍ମପୁରର ଲୋକ। କିନ୍ତୁ ଅନେକ ବର୍ଷ ହେଲାଣି ସେ କୋରାପୁଟରେ ରହୁଛନ୍ତି।

କିଶୋର ନିଜକୁ ଆରଟିଆଇ କର୍ମୀ କହି ଲୋକଙ୍କୁ ଡରାଇ ଟଙ୍କା ଆଦାୟ କରୁଥିଲେ। ସେହିଭଳି ସରକାରଙ୍କ ବିଭିନ୍ନ ବିଭାଗର ବରିଷ୍ଠ ଅଧିକାରୀଙ୍କ ସହିତ ତାଙ୍କର ଭଲ ସଂପର୍କ ଅଛି କହି କାମ କରାଇ ଦେବାକୁ ପ୍ରତିଶ୍ରୁତି ଦେଇ ଲୋକଙ୍କଠାରୁ ଟଙ୍କା ନେଉଥିଲେ। କ୍ରସର ଲାଇସେନ୍ସ ଓ ମଦ ଦୋକାନ ଲାଇସେନ୍ସ କରାଇ ଦେବାକୁ କହି ସେ ଟଙ୍କା ଲୁଟୁ ଥିଲେ। ଏମିତିକି ସରକାରୀ ଚାକିରିଆଙ୍କୁ ମଧ୍ୟ ସେ ଭକୁଆ ବନାଇଥିଲେ। ମନ ମୁତାବକ ସ୍ଥାନକୁ ବଦଳି କରାଇ ଦେବାକୁ କହି ସେ ଟଙ୍କା ନେଇ ଠକି ଦେଉଥିଲେ।

ଦୁଇ-ତିନି ବର୍ଷ ହେଲାଣି ସେ ଲୋକଙ୍କୁ ଏଭଳି ଢଙ୍ଗରେ ଠକି ଟଙ୍କା ଆଦାୟ କରୁଥିଲେ। ଏହି ଦୁଇ-ତିନି ବର୍ଷରେ ତାଙ୍କ ଆକାଉଣ୍ଟରେ ୨ କୋଟିରୁ ଅଧିକ ଟଙ୍କା ଜମା ହୋଇଥିବା ଏସ୍‌ଟିଏଫ୍ ଜାଣିବାକୁ ପାଇଛି। ସେଥିରୁ ଅଧିକାଂଶ ନଗଦ ଟଙ୍କା ଜମା କରାଯାଇଛି।

ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ କିଶୋର ଏକ ବଡ଼ ଠକେଇ ଗ୍ରୁପର ସଦସ୍ୟ। ଏନେଇ ଅଧିକ ତଦନ୍ତ ଜାରି ରହିଛି।

ବାରିପଦା ମେଡିକାଲ କଲେଜରେ ଭୟାବହ ଅଗ୍ନିକାଣ୍ଡ

 COASTAL NEWS ODIA 420

ବାରିପଦା ମେଡିକାଲ କଲେଜରେ ଭୟାବହ ଅଗ୍ନିକାଣ୍ଡ

 

ବାରିପଦା : ବାରିପଦା ମେଡିକାଲ କଲେଜରେ ଶୁକ୍ରବାର ଭୟାବହ ଅଗ୍ନିକାଣ୍ଡ ଘଟିଛି। ମେଡିକାଲର ତୃତୀୟ ମହଲା ପ୍ରସୂତୀ ବିଭାଗରେ ନିଆଁ ଲାଗିଛି। ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି । ଆଇସିୟୁ ଓ ୱାର୍ଡରେ ଥିବା ରୋଗୀଙ୍କୁ ସ୍ଥାନାନ୍ତର କରାଯାଉଛି। ଅଗ୍ନିକାଣ୍ଡ ପରେ ଅଞ୍ଚଳ ଧୂଆଁମୟ ହୋଇଛି। ଖବର ପାଇ ଅଗ୍ନିଶମ କର୍ମଚାରୀ ଘଟଣା ସ୍ଥଳରେ ପହଞ୍ଚି ନିଆଁ ଲିଭାଇବା ଜାରି ରଖିଛନ୍ତି। ବିଦ୍ୟୁତ ସର୍ଟ ସର୍କିଟ କାରଣରୁ ଅଗ୍ନିକାଣ୍ଡ ଘଟିଥିବା ନେଇ ସନ୍ଦେହ କରାଯାଉଛି। ଅଗ୍ନିକାଣ୍ଡରେ କାହାର କିଛି କ୍ଷତି ହୋଇ ନାହିଁ ବୋଲି ସୂଚନା ମିଳିଛି।

ସପ୍ତମ ଶ୍ରେଣୀ ଛାତ୍ରୀଙ୍କୁ ଅସଦାଚରଣ ଅଭିଯୋଗ : ଶିକ୍ଷକ ନିଲମ୍ବିତ

 COASTAL NEWS Odia 419

ସପ୍ତମ ଶ୍ରେଣୀ ଛାତ୍ରୀଙ୍କୁ ଅସଦାଚରଣ ଅଭିଯୋଗ : ଶିକ୍ଷକ ନିଲମ୍ବିତ

 

ଢ଼େଙ୍କାନାଳ: ସପ୍ତମ ଶ୍ରେଣୀ ଛାତ୍ରୀଙ୍କୁ ଅସଦାଚରଣ ଅଭିଯୋଗରେ ଢେଙ୍କାନାଳ ଜିଲା ପରଜଙ୍ଗ ବ୍ଲକ ଖଇରପଶି ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକ ତ୍ରିନାଥ ବିଶ୍ବାଳ ନିଲମ୍ବିତ ହୋଇଛନ୍ତି । ସପ୍ତମ ଶ୍ରେଣୀ ଛାତ୍ରୀଙ୍କୁ ଅସଦାଚରଣ ଅଭିଯୋଗ ପରେ ହିନ୍ଦୋଳ ଏସଡିପିଓ ମାମଲାର ତଦନ୍ତ କରିଥିଲେ । ତଦନ୍ତ ପରେ କାର୍ଯ୍ୟାନୁଷ୍ଠାନ ନିଆଯାଇଛି। ଅନ୍ୟପକ୍ଷରେ ଅଭିଯୋଗକୁ ଖଣ୍ଡନ କରିବା ସହ ମିଥ୍ୟା ଆରୋପ ଲଗାଯାଇଥିବା କହିଛନ୍ତି ନିଲମ୍ବିତ ଶିକ୍ଷକ।