ଜମ୍ମୁରେ ସେନା ଟ୍ରକ୍ରେ ଆତଙ୍କବାଦୀ ଆକ୍ରମଣ ଘଟଣା: ୫ ଶହୀଦ ଯବାନଙ୍କ ନାମ ଜାରି କଲା ସେନା---
ନୂଆଦିଲ୍ଲୀ, ୨୧/୦୪: ଜମ୍ମୁ-କାଶ୍ମୀରର ପୁଞ୍ଚରେ ଗୁରୁବାର ଆତଙ୍କବାଦୀ ସେନା ଟ୍ରକ୍ ଉପରକୁ ଗ୍ରେନେଡ୍ ମାଡ଼ କରିଥିଲେ। ଯେଉଁଥିରେ ପାଞ୍ଚ ଯବାନ ଶହୀଦ ହୋଇଛନ୍ତି। ଜମ୍ମୁର ରଜୌରୀ ସେକ୍ଟରରେ ଏହି ଆତଙ୍କୀ ଘଟଣା ଗୁରୁବାର ଦ୍ବିପ୍ରହରରେ ହୋଇଥିଲା। ଯେତେବେଳେ ସେନାର ଟ୍ରକ୍ ଭୀମବେର ଗଳି ଏବଂ ପୁଞ୍ଚ ମଧ୍ୟରେ ଥିଲା। ଏହି ସମୟରେ ଆତଙ୍କବାଦୀ ସେନାର ଟ୍ରକ୍ ଉପରକୁ ଗ୍ରେନେଡ୍ ମାଡ଼ କରିଥିଲେ। ଏହି ଆକ୍ରମଣରେ ପାଞ୍ଚ ଯବାନଙ୍କ ମୃତ୍ୟୁ ହୋଇଥିଲା ଏବଂ ଜଣେ ଯବାନ ଆହତ ହୋଇଥିଲେ। ଆହତ ଯବାନଙ୍କୁ ସଙ୍ଗେ ସଙ୍ଗେ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା।
ସୂଚନା ଅନୁଯାୟୀ, ଏହି ଆତଙ୍କୀ ହମଲାରେ ତିନିରୁ ଚାରି ଆତଙ୍କବାଦୀ ସାମିଲ୍ ଥିଲେ। ସେମାନେ ଯବାନଙ୍କୁ ଭ୍ରମିତ କରିବା ପାଇଁ ଲଗାତାର ଗୁଳି ଚଳାଇଥିଲେ। ଏହି ଯବାନ ଅନ୍ୟ ଯବାନଙ୍କ ପାଇଁ ଖାଦ୍ୟ ଏବଂ ପାଣି ନେଇ ଯାଉଥିଲେ। ଏତିକିବେଳେ ଆତଙ୍କବାଦୀମାନେ ଆକ୍ରମଣ କରିଥିଲେ।
ତେବେ ଶହୀଦଙ୍କ ନାମ ଜାରି କରିଛି ସେନା। ଶହୀଦ ହୋଇଥିବା ପାଞ୍ଚ ଯବାନଙ୍କ ମଧ୍ୟରେ ପାଞ୍ଚ ଯବାନ ପଞ୍ଜାବର ଥିବାବେଳେ ଜଣେ ଯବାନ ଓଡ଼ିଶାର। ଶହୀଦ ହୋଇଥିବା ଯବାନଙ୍କ ମଧ୍ୟରେ ହାବିଲଦାର ମନଦୀପ ସିଂହ, ଲାନ୍ସ ନାଏକ ଦେବାଶିଷ ବିଶ୍ବାଳ, ଲାନ୍ସ ନାଏକ କୁଲଓ୍ବନ୍ତ ସିଂହ, ସିପାହୀ ହରିକିଶନ ସିଂହ ଏବଂ ସିପାହୀ ସେବକ ସିଂହଙ୍କ ନାମ ସାମିଲ୍ ରହିଛି ଏହି ସବୁ ଯବାନ ନାସନାଲ ରାଇଫଲ୍ସର ୟୁନିଟ୍ ସହ ଜଡ଼ିତ ଥିଲେ। ଆତଙ୍କବାଦ ବିରୋଧୀ ଅଭିଯାନ ପାଇଁ ଏମାନଙ୍କୁ ନିୟୋଜିତ କରାଯାଇଥିଲା।
୧. ହାବିଲଦାର ମନଦୀପ ସିଂହ
ଗାଁ – ଚାନକୋୟାନ୍ କାକାନ୍
ତହସିଲ – ପାଇକ
ଜିଲ୍ଲା – ଲୁଧିଆନା
ରାଜ୍ୟ – ପଞ୍ଜାବ
୨. କନଷ୍ଟେବଳ ହରିକିଶନ୍ ସିଂ
ଗାଁ – ତାଲୱାଣ୍ଡି ଜନ୍ମ
ତହସିଲ – ବାଟାଲା
ଜିଲ୍ଲା – ଗୁରୁଦାସପୁର
ରାଜ୍ୟ – ପଞ୍ଜାବ
୩. ଲାନ୍ସ ନାୟକ କୁଲୱନ୍ତ ସିଂ
ଗାଁ – ଚାରିକ୍
ତହସିଲ – ମୋଗା
ଜିଲ୍ଲା – ମୋଗା
ରାଜ୍ୟ – ପଞ୍ଜାବ
୪. ସେପୋଇ ସେବା ସିଂ
ଗାଁ – ବାଗା
ତହସିଲ – ତଲୱାଣ୍ଡି ସାବୋ
ଜିଲ୍ଲା – ଭଟିଣ୍ଡା
ରାଜ୍ୟ – ପଞ୍ଜାବ
୫. ଲାନ୍ସ ନାୟକ ଦେବାଶିଷ ବିଶ୍ୱାଳ
ଗାଁ – ଆଲଗୁମ ଖଣ୍ଡାୟତ
ତହସିଲ – ସତ୍ୟବାଦୀ
ଜିଲ୍ଲା – ପୁରୀ
ରାଜ୍ୟ – ଓଡ଼ିଶା
No comments:
Post a Comment