COASTAL NEWS ODIA ଆସନ୍ତାକାଲି ତୃତୀୟ ପର୍ଯ୍ୟାୟ ମତଦାନ, ୧୧ଟି ରାଜ୍ୟରେ ୯୩ ଆସନରେ ହେବ ଭୋଟିଂ

COASTAL NEWS ODIA 1845

ଆସନ୍ତାକାଲି ତୃତୀୟ ପର୍ଯ୍ୟାୟ ମତଦାନ, ୧୧ଟି ରାଜ୍ୟରେ ୯୩ ଆସନରେ ହେବ ଭୋଟିଂ

ଭୁବନେଶ୍ବର - (CNO) ଆସନ୍ତାକାଲି ଅର୍ଥାତ୍ ମେ ୭ ତାରିଖରେ ଲୋକସଭା ନିର୍ବାଚନର ତୃତୀୟ ପର୍ଯ୍ୟାୟ ମତଦାନ ଅନୁଷ୍ଠିତ ହେବାକୁ ଯାଉଛି । ଏଥର ବହୁ ହେବିୱେଟ୍ ନେତାଙ୍କର ହେବ ଭାଗ୍ୟ ପରୀକ୍ଷା । ଗୃହମନ୍ତ୍ରୀ ଅମିତ ଶାହ, ପୂର୍ବତନ ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ, କେନ୍ଦ୍ରମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ, ଶରଦ ପାୱରଙ୍କ ଝିଅ ସୁପ୍ରିୟା ସୁଲେ, ଅଖିଳେଶ ଯାଦଙ୍କ ପତ୍ନୀ ଡିମ୍ପଲ ପ୍ରମୁଖଙ୍କର ଭାଗ୍ୟ ନିର୍ଦ୍ଧାରଣ କରିବେ ଭୋଟର ।

ତେବେ ଏଥର ଦ୍ୱିତୀୟ ଥର ପାଇଁ ଗୁଜୁରାଟର ଗାନ୍ଧୀନଗରରୁ ନିର୍ବାଚନ ଲଢୁଛନ୍ତି ଗୃହମନ୍ତ୍ରୀ ଅମିତ ଶାହ । ସେହିପରି କେନ୍ଦ୍ରମନ୍ତ୍ରୀ ମନସୁଖ ମାଣ୍ତଭ୍ୟ ପୋରବନ୍ଦର ଆସନରୁ, ଗୁନା ଲୋକସଭା ଆସନରୁ ନିର୍ବାଚନ ଲଢୁଛନ୍ତି ଜ୍ୟୋତିରାଦିତ୍ୟ ସିନ୍ଧିଆ, ଶିବରାଜ ସିଂହ ଚୌହାନ ବିଦିଶା ଆସନରୁ, ମଧ୍ୟପ୍ରଦେଶର ରାଜଗଡ଼ ଆସନରୁ ଦିଗବିଜୟ ସିଂହ, ମୈନପୁରୀରୁ ସପା ନେତ୍ରୀ ଡିମ୍ପଲ ଯାଦବ, କର୍ଣ୍ଣାଟକ ହାଭେରୀ ଆସନରୁ ପୂର୍ବତନ ମୁଖ୍ୟମନ୍ତ୍ରୀ ବାସବରାଜ ବୋମାଇ, ଆସାମ ଧୁମରି ଆସନରୁ ବଦରୁଦ୍ଦିନ ଆଜମଲ ନିଜର ଭାଗ୍ୟ ପରୀକ୍ଷା କରିବା ପାଇଁ ଯାଉଛନ୍ତି ।

ଏଥର ଦ୍ୱିତୀୟ ଥର ପାଇଁ ଗୁଜୁରାଟର ଗାନ୍ଧୀନଗରରୁ ନିର୍ବାଚନ ଲଢୁଛନ୍ତି  ଗୃହମନ୍ତ୍ରୀ ଅମିତ ଶାହ, ପୂର୍ବତନ ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ, କେନ୍ଦ୍ରମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ, ଶରଦ ପାୱରଙ୍କ ଝିଅ ସୁପ୍ରିୟା ସୁଲେ, ଅଖିଳେଶ ଯାଦଙ୍କ ପତ୍ନୀ ଡିମ୍ପଲ ପ୍ରମୁଖଙ୍କର ଭାଗ୍ୟ ନିର୍ଦ୍ଧାରଣ କରିବେ ଭୋଟର ।

 

ଆସନ୍ତାକାଲି ତୃତୀୟ ପର୍ଯ୍ୟାୟ ମତଦାନ

ଆସନ୍ତାକାଲି ତୃତୀୟ ପର୍ଯ୍ୟାୟ ମତଦାନ: ୧୧ଟି ରାଜ୍ୟରେ ୯୩ ଆସନରେ ହେବ ମତଦାନ ।

1. ଆସାମ: 14 ଟି ସିଟ୍ ମଧ୍ୟରୁ 4 ଟି |

 1. କୋକ୍ରାଝର 

 2. ଧୁବ୍ରି |

 3. ବାରପେଟା |

 4. ଗୁଆହାଟି

 2. ବିହାର:  40 ଟି ସିଟ୍ ମଧ୍ୟରୁ 5 ଟି |

 1. ଝଞ୍ଜାରପୁର୍ 

  2. ସୁପାଲ୍ |

 3. ଆରାରିଆ

 4. ମାଧେପୁରା |

 5. ଖାଗରିଆ |

 3. ଛତିଶଗଡ: 11 ଟି ସିଟ୍ ମଧ୍ୟରୁ 7 ଟି ସିଟ୍ |

 1. ସୁରଗୁଜା 

 2. ଜାନଜଗିର-ଚମ୍ପା |

 3. କୋରବା

 4. ବିଲାସପୁର

 5. ଦୁର୍ଗ

 6. ରାୟପୁର

 7. ରାୟଗଡ |

 4. ଦାଦ୍ରା ଏବଂ ନଗର ହାବେଳି ଏବଂ ଡାମନ ଓ ଡିଉ :        ସମସ୍ତ 2 ଟି ସିଟ୍ |

 1. ଦାମନ୍ ଏବଂ ଡିୟୁ |

 2. ଦାଦ୍ରା ଏବଂ ନାଗର ହାଭେଲି |

 5. ଗୋଆ: ସମସ୍ତ 2 ଟି ସିଟ୍ |

 1. ଉତ୍ତର ଗୋଆ

 2. ଦକ୍ଷିଣ ଗୋଆ

 6. ଗୁଜୁରାଟ: 25 ଟି ସିଟ୍ |

 1. କଚ୍ଛ 

 2. ବନାସ୍ କଣ୍ଟା 

 3. ପାଟନ୍

 4. ମହେସାନା

 5. ସାବରକାନ୍ତ |

 6. ଗାନ୍ଧିନଗର

 7. ଅହମ୍ମଦାବାଦ ପୂର୍ବ

 8. ଅହମ୍ମଦାବାଦ ପଶ୍ଚିମ

 9. ସୁରେନ୍ଦ୍ରନଗର

 10. ରାଜକୋଟ |

 11. ପୋରବନ୍ଦର |

 12. ଜାମନଗର

 13. ଜୁନାଗଡ |

 14. ଆମ୍ରେଲି |

 15. ଭବନଗର

 16. ଆନନ୍ଦ

 17. ଖେଡା |

 18. ପଞ୍ଚମାହଲ୍ |

 19. ଦହୋଦ

 20. ଭଦୋଦରା |

 21. ଛୋଟା ଉଦୟପୁର |

 22. ଭାରୁଚ |

 23. ବାର୍ଡୋଲି |

 24. ନାଭସାରି |

 25. ୱାଲ୍ଟଜ୍

 7. କର୍ଣ୍ଣାଟକ: 28 ଟି ସିଟ୍ ମଧ୍ୟରୁ 14 ଟି |

 1. ଚିକକୋଡି

 2. ବେଲଗାମ୍

 3. ବାଗାଲକଟ୍ |

 4. ବିଜାପୁର

 5. ଗୁଲବାରଗା

 6. ରାଇଚୁର |

 7. ବିଦାର

 8. କପାଲ୍ |

 9. ବେଲାରୀ

 10. ହାଭେରୀ |

 11. ଧରୱାଡ |

 12. ଉତ୍ତରା କନ୍ନଡ |

 13. ଡାଭାନାଗେର୍ |

 14. ଶିମୋଗା |

 8. ମଧ୍ୟପ୍ରଦେଶ: 29 ଟି ସିଟ୍  ମଧ୍ୟରୁ 9 ଟି |

 1. ମୋରେନା

 2. ଗ୍ୱାଲିଅର୍ |

 3. ଗୁନା

 4. ସାଗର

 5. ବିଦ୍ୟା

 6. ଭୋପାଳ

 7. ରାଜଗଡ଼

 8. ପଛରେ

 9. ବେତୁଲ୍ |

 9. ମହାରାଷ୍ଟ୍ର: 48 ଟି ସିଟ୍ ମଧ୍ୟରୁ 11 ଟି |

 1. ରାୟଗଡ |

 2. ବାରାମାଟି

 3. ଓସମାନାବାଦ

 4. ଲାଟୁର |

 5. ସୋଲାପୁର

 6. ମାଧା

 7. ସାଙ୍ଗଲି |

 8. ସାତାରା

 9. ରତ୍ନଗରି - ସିନ୍ଧୁ ଦୁର୍ଗ |

 10. କୋହ୍ଲାପୁର 

 11. ହାଟକାନଙ୍ଗଲେ |

 10. ଉତ୍ତରପ୍ରଦେଶ: 80 ଟି ସିଟ୍ ମଧ୍ୟରୁ 10 ଟି |

 1. ସମ୍ୱାଲ୍ |

 2. ହାଥରସ୍|

 3. ଆଗ୍ରା

 4. ଫତେହପୁର ସିକ୍ରି |

 5. ଫିରୋଜାବାଦ |

 6. ମେନପୁରୀ |

 7. ଏଟା

 8. ବାଦାଉନ୍ |

 9. ଆନ୍ଲା |

 10. ବରେଲି |

 11. ପଶ୍ଚିମବଙ୍ଗ: 42 ଟି ଆସନ ମଧ୍ୟରୁ 4 ଟି |

 1. ମାଲଦା ଉତ୍ତର

 2. ମାଲଦା ଦକ୍ଷୀଣ ଜେନ୍ 

 3. ଜାଙ୍ଗିପୁର ଜେନ

 4. ମୁର୍ସିଦାବାଦ |

ସାତଟି ପର୍ଯ୍ୟାୟରେ ସାରା ଦେଶରେ ଲୋକସଭା ନିର୍ବାଚନ 2024 ଘଟୁଛି |  ପ୍ରଥମ ପର୍ଯ୍ୟାୟ ପାଇଁ ମତଦାନ ଏପ୍ରିଲ 19 ରେ ହୋଇଥିଲାବେଳେ ଦ୍ୱିତୀୟ ପର୍ଯ୍ୟାୟ ପାଇଁ ଏପ୍ରିଲ 26 ରେ ହୋଇଥିଲା। ବର୍ତ୍ତମାନ ତୃତୀୟ ପର୍ଯ୍ୟାୟ ମତଦାନ ମେ 7 ରେ ହେବ। ସମସ୍ତ ସାତୋଟି ପର୍ଯ୍ୟାୟ ଫଳାଫଳ ଜୁନ୍ 4 ରେ ଘୋଷଣା କରାଯିବ। 

COASTAL NEWS ODIA 1844 ପାଣିପାଗ ବିଭାଗର ସତର୍କ ସୂଚନା; ୩ ଘଣ୍ଟା ଭିତରେ ଓଡିଶାର ୪ ଜିଲ୍ଲାରେ ବିଜୁଳି ଘଡ଼ଘଡ଼ି ସହ ବର୍ଷା !

COASTAL NEWS ODIA 1844

ପାଣିପାଗ ବିଭାଗର ସତର୍କ ସୂଚନା; ୩ ଘଣ୍ଟା ଭିତରେ ଓଡିଶାର ୪ ଜିଲ୍ଲାରେ ବିଜୁଳି ଘଡ଼ଘଡ଼ି ସହ ବର୍ଷା ! 

ଭୁବନେଶ୍ବର - (CNO) ତାତିରୁ ମିଳିବ ବଡ଼ ଆଶ୍ୱସ୍ତି। ଗ୍ରୀଷ୍ମପ୍ରବାହ ମଧ୍ୟରେ ଲୋକେ ଆଶ୍ୱସ୍ତି ଅନୁଭବ କରିବେ ।  ତାତିରେ ଓଡ଼ିଶା ସିଝୁଥିବା ବେଳେ ଓଡ଼ିଶାବାସୀଙ୍କୁ ଆରାମ୍ ମିଳିବାକୁ ଯାଉଛି । କାଳେବୖଶାଖୀ ଫଳରେ ପ୍ରବଳ ବର୍ଷା ହେବ। ଯାହା ପାଗକୁ ଥଣ୍ଡା ପବନ ଓ ବର୍ଷାରେ ଶୀତଳ କରି ପକାଇବ । ବିଜୁଳି ଘଡ଼ଘଡ଼ି ସହ ବର୍ଷା ନେଇ 

ପାଣିପାଗ ବିଭାଗର ସତର୍କ ସୂଚନା । ଆଗାମୀ ୩ ଘଣ୍ଟା ଗଞ୍ଜାମ, ଖୋର୍ଦ୍ଧା, ପୁରୀ, ନୟାଗଡ଼କୁ ଅରେଞ୍ଜ ୱାର୍ଣ୍ଣିଂ । ୪୦-୫୦ କିମି ବେଗରେ ପବନ ସହ ସ୍ବଳ୍ପରୁ ମଧ୍ୟମ ଧରଣର ବର୍ଷା ସମ୍ଭାବନା । 

 ଆସନ୍ତାକାଲି ଅର୍ଥାତ୍ ମଙ୍ଗଳବାର ଦିନ ୨୦ଟି ଜିଲ୍ଲାରେ ବର୍ଷା ପାଇଁ ଆଲର୍ଟ ଜାରି କରାଯାଇଛି । ଏହି ୨୦ଟି ଜିଲ୍ଲା ମଧ୍ୟରୁ ଅନେକ ଜିଲ୍ଲାରେ ପ୍ରବଳରୁ ଅତିପ୍ରବଳ ବର୍ଷା ହେବ ବୋଲି ପାଣିପାଗ ବିଭାଗ ଆକଳନ କରିଛି । ତେବେ ଏହି ତିନି ଦିନ ଖରା ଟିକେ କମିବ । ଲୋକେ ତାତିରୁ ଆଶ୍ୱସ୍ତି ପାଇବେ ।

 

କୋରାପୁଟ, ରାୟଗଡ଼ା, ଗଞ୍ଜାମ, ନବରଙ୍ଗପୁର, କଳାହାଣ୍ଡି, ଗଜପତି, କନ୍ଧମାଳ, ନୟାଗଡ଼, ଖୋର୍ଦ୍ଧା, ପୁରୀ, ଜଗତସିଂହପୁର, କଟକ, ଢେଙ୍କାନାଳ, ଅନୁଗୁଳ, କେନ୍ଦ୍ରାପଡ଼ା, ଯାଜପୁର, କେନ୍ଦୁଝର, ଭଦ୍ରକ, ବାଲେଶ୍ବର ଏବଂ ମୟୁରଭଞ୍ଜରେ ବର୍ଷା ହୋଇପାରେ । ରାଜ୍ୟରେ ଗ୍ରୀଷ୍ମ ପ୍ରବାହ ଦିନକୁ ଦିନ ବୃଦ୍ଧି ହେଉଥିବା ବେଳେ ଏହା କିଛି ଆଶ୍ୱସ୍ତି ଦେବ ।

ଆସନ୍ତା ୯ ତାରିଖ ଯାଏ ରାଜ୍ୟର ବିଭିନ୍ନ ସ୍ଥାନରେ ଝଡ ତୋଫାନ ସହ ବର୍ଷା ସମ୍ଭାବନା ରହିଛି । ୭ ତାରିଖରୁ ବଢିବ ବର୍ଷା ବିସ୍ତୃତି । ୭ ଓ ୮ ତାରିଖରେ ଅଧିକ ରହିବ ବର୍ଷାର ପରିମାଣ । 

ଉତ୍ତର ଉପକୂଳ ଓଡ଼ିଶା-ପାଶ୍ବବର୍ତ୍ତୀ ପଶ୍ଚିମବଙ୍ଗ ଉପକୂଳ ଅଞ୍ଚଳରେ ପବନର ବେଗ ୪୦ରୁ ୫୦ କିମି ରହିବା ସମ୍ଭାବନା ରହିଛି । ସମ୍ଭାବ୍ୟ ପରିସ୍ଥିତିକୁ ନଜରରେ ରଖି ୮ ତାରିଖ ଯାଏ ମତ୍ସ୍ୟଜୀବୀଙ୍କ ସମୁଦ୍ରକୁ ଯିବାକୁ ବାରଣ କରାଯାଇଛି । 

 ବଦଳିବ ପାଗ, ଆଜି ଏହି ୬ ଜିଲ୍ଲାରେ ବିଜୁଳି ସହ ବର୍ଷା ଘଡ଼ଘଡ଼ି ସମ୍ଭାବନା ଗତ ୧୫ ବର୍ଷରେ ସର୍ବାଧିକ ଗ୍ରୀଷ୍ମପ୍ରବାହ ୨୦୧୦ରେ ଏପ୍ରିଲ ମାସରେ ୨୩ ଦିନ ଦୁଇଟି ଅବଧିରେ ଅନୁଭୂତ ହୋଇଥିଲା । କିନ୍ତୁ ୨୦୧୬ରେ ଲଗାତର ଭାବେ ୨୧ ଦିନ ଅର୍ଥାତ୍ ୧୦ ଏପ୍ରିଲରୁ ୩୦ ଏପ୍ରିଲ ଯାଏଁ ରହିଥିଲା ଗ୍ରୀଷ୍ମପ୍ରବାହ ।

COASTAL NEWS ODIA 1843 ମୁଁ ପ୍ରଭୁ ଜଗନ୍ନାଥଙ୍କ ପୁଅ କହିଲେ ପ୍ରଧାନମନ୍ତ୍ରୀ

COASTAL NEWS ODIA 1843

ମୁଁ ପ୍ରଭୁ ଜଗନ୍ନାଥଙ୍କ ପୁଅ କହିଲେ ପ୍ରଧାନମନ୍ତ୍ରୀ

ବ୍ରହ୍ମପୁର - (CNO) ମୁଁ ମହାପ୍ରଭୁ ଶ୍ରୀଜଗନ୍ନାଥଙ୍କଜଗନ୍ନାଥଙ୍କ ପୁଅ କହିଲେ ପ୍ରଧାନମନ୍ତ୍ରୀ ମୋଦୀ । ବ୍ରହ୍ମପୁର ସଭାରେ ଏହା କହିଛନ୍ତି ପ୍ରଧାନମନ୍ତ୍ରୀ ମୋଦି । ଜୟ ଜଗନ୍ନାଥ, ଜୟ ଶ୍ରୀରାମ କହି ଭାଷଣ ଆରମ୍ଭ କରିଥିଲେ ମୋଦି । ଅଧିକରୁ ଅଧିକ ଘରକୁ ଯିବାକୁ କର୍ମୀଙ୍କୁ ପରାମର୍ଶ ଦେଇଛନ୍ତି ମୋଦି । ମୋଦି ସମ୍ବୋଧନ କରି କହିଲେ ଜୟ ଜଗନ୍ନାଥ , ପ୍ରତି ଘରକୁ ଯାଇ ଜୟ ଜଗନ୍ନାଥ ସମ୍ବୋଧନ କରନ୍ତୁ ବୋଲି ପ୍ରଧାନମନ୍ତ୍ରୀ ମୋଦୀ କର୍ମୀ ମାନଙ୍କୁ  କହିଛନ୍ତି । ଆପଣ ଜୟ ଜଗନ୍ନାଥ କହିଲେ, ସେମାନେ ମୋତେ ଆଶୀର୍ବାଦ ଦେବେ । ସେମାନେ ମୋତେ ଆଶୀର୍ବାଦ କଲେ, ମୋର ତାକତ ବଢ଼ିଯିବ । ମୋର ତାକତ ବଢ଼ିଲେ, ପୁଣି ଥରେ ଆସିବ ମୋଦି ସରକାର ବୋଲି ସେ କହିଛନ୍ତି ।  

ମୋଦି ଆହୁରି କହିଛନ୍ତି ଯେ, ଓଡ଼ିଆ ସଂସ୍କୃତି ପ୍ରତି ସମର୍ପିତ ବିଜେପିର ମୁଖ୍ୟମନ୍ତ୍ରୀ ହେବ । ଓଡ଼ିଶାର ଯୁବକଙ୍କ ମଧ୍ୟରେ ପ୍ରତିଭାର କୌଣସି ଅଭାବ ନାହିଁ । ଥରେ ସୁଯୋଗ ଦିଅନ୍ତୁ, ୫ ବର୍ଷରେ ଓଡ଼ିଶାକୁ ନମ୍ବର ୱାନ୍‌ କରିବୁ । ଯେଉଁଠି ବିଜେପିକୁ ସୁଯୋଗ ମିଳିଛି, ସେଠି ବିକାଶ ଗତିଶୀଳ ହୋଇଛି। 

ଝାଡ଼ଖଣ୍ଡରେ ଇଡିର ବଡ କାର୍ଯ୍ୟନୁଷ୍ଠାନ,ମନ୍ତ୍ରୀଙ୍କ ସଚିବଙ୍କ ଘରୋଇ ସହାୟକଙ୍କ ଘରୁ ମିଳିଲା ୩୦ କୋଟି ଟଙ୍କା ଓଡ଼ିଶାର ଝିଅକୁ ବିଜେପି ଦେଶର ସବୁଠାରୁ ବଡ଼ ପଦବୀ ଦେଇଛି । ଓଡ଼ିଶାର ଦ୍ରୌପଦୀ ମୁର୍ମୁଙ୍କୁ ରାଷ୍ଟ୍ରପତି କରାଯାଇଛି । ଦ୍ରୌପଦୀ ମୁର୍ମୁଙ୍କ ମାର୍ଗଦର୍ଶନରେ ମୁଁ ଓଡ଼ିଶା ପାଇଁ ବହୁତ କିଛି କରିବି । ଦିଲ୍ଲୀରେ ବସିଥିବା ପ୍ରଭୁ ଶ୍ରୀଜଗନ୍ନାଥଙ୍କ ଏ ପୁଅ ଓଡ଼ିଶା ପାଇଁ ବହୁତ କିଛି କରିବ । 

ଓଡ଼ିଶାରେ ଡବଲ ଇଂଜିନ ସରକାର ହେଲେ ତ୍ବରିତ ବିକାଶ ହେବ। ଓଡ଼ିଶାର ତ୍ବରିତ ବିକାଶ ପାଇଁ ମୁଁ ଗ୍ୟାରେଣ୍ଟି ଦେଉଛି । ମୋଦି ବିକଶିତ ଭାରତ, ବିକଶିତ ଓଡ଼ିଶାର ସଂକଳ୍ପ ନେଇଛି । ବ୍ରହ୍ମପୁର ସଭାରେ ବିଜେଡ଼ି ଉପରେ ବର୍ଷିଲେ ମୋଦି; କହିଲେ ବିଜେପି ନେତୃତ୍ବର ଓଡ଼ିଶାରେ ମଜବୁତ ସରକାର ହେବାକୁ ହେଉଛି 

ବିଜେପି ସରକାର ମହିଳା ସଶକ୍ତୀକରଣ ପାଇଁ ପ୍ରତିବଦ୍ଧ ବୋଲି ସେ କହିଛନ୍ତି । ସୁଭଦ୍ରା ଯୋଜନା ଓଡ଼ିଶାର ମହିଳାଙ୍କୁ ଆର୍ଥିକ ଭାବେ ସଶକ୍ତ କରିବ । ଓଡ଼ିଶାରେ ୨୫ ଲକ୍ଷ ଲକ୍ଷପତି ଦିଦି ସୃଷ୍ଟି କରିବ ବିଜେପି ସରକାର । ସଭାରେ ଥିବା ଲୋକମାନେ ଯେଉଁ ମାନେ ମୋଦୀଙ୍କ ଚିତ୍ର ଆଙ୍କି ଆଣିଥିଲେ, ମୋଦି କମାଣ୍ଡୋ ମାନଙ୍କୁ କହି ସେ ସବୁ ସଂଗ୍ରହ କରିଥିଲେ । ଆଉ ଚିଠି ଲେଖିବେ ବୋଲି କହିଥିଲେ । ଆଉ ସେଥିରେ ଲେଖିଥିଲେ ଯେ ମୁଁ ଓଡ଼ିଆରେ ଚିଠି ଲେଖିବି, ଆପଣଙ୍କ ମୁଖ୍ୟମନ୍ତ୍ରୀ ଭଳି ମୁଁ ନୁହେଁ ।

COASTAL NEWS ODIA 1882 ଆଜିଠୁ ଓଜେଇଇ , ପରୀକ୍ଷା ଦେବେ ୬୫ ହଜାର ୭୪୨ ଜଣ ଛାତ୍ରଛାତ୍ରୀ

COASTAL NEWS ODIA 1882

ଆଜିଠୁ ଓଜେଇଇ , ପରୀକ୍ଷା ଦେବେ ୬୫ ହଜାର ୭୪୨ ଜଣ ଛାତ୍ରଛାତ୍ରୀ 

COASTAL NEWS ODIA 1882

ଆଜିଠୁ ଓଜେଇଇ , ପରୀକ୍ଷା ଦେବେ ୬୫ ହଜାର ୭୪୨ ଜଣ ଛାତ୍ରଛାତ୍ରୀ 

ଭୁବନେଶ୍ବର - (CNO) ଆଜିଠୁ ଓଜେଇଇ ପରୀକ୍ଷା । ରାଜ୍ୟରେ ଥିବା ସରକାରୀ ଓ ଘରୋଇ ବିଶ୍ବବିଦ୍ୟାଳୟ, କଲେଜର ବି.ଫାର୍ମା, ଏମ୍‌ସିଏ, ଏମ୍‌.ଏସ୍‌ସି(କମ୍ପ୍ୟୁଟର ସାଇନ୍ସ), ଏମ୍‌ବିଏ, ଇଣ୍ଟିଗ୍ରେଟେଡ୍‌ ଏମ୍‌ବିଏ, ବି.କାର୍ଟ, ଏମ୍‌.ଟେକ୍‌, ଏମ୍‌.ଟେକ୍‌(ପାର୍ଟ-ଟାଇମ୍‌), ଏମ୍‌.ଆର୍କ, ଏମ୍‌.ପ୍ଲାନ୍‌, ଏମ୍‌.ଫାର୍ମା ଓ ଲାଟେରାଲ ଏଣ୍ଟ୍ରି ବି.ଟେକ୍‌ ଓ ଲାଟେରାଲ୍‌ ଏଣ୍ଟ୍ରି ବି.ଫାର୍ମା ପାଠ୍ୟକ୍ରମରେ ନାମଲେଖା ପାଇଁ ସୋମବାରଠାରୁ ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା(ଓଜେଇଇ) ଆରମ୍ଭ ହେବାକୁ ଯାଉଛି । 

ଆଜିଠାରୁ ମେ' ୧୦ ତାରିଖ ପର୍ଯ୍ୟନ୍ତ ଚାଲିବାକୁ ଥିବା ଏହି ପରୀକ୍ଷା ପାଇଁ ରାଜ୍ୟ ଭିତରେ ୩୦ଟି ଓ ରାଜ୍ୟ ବାହାରେ ୩ଟି ସହରରେ ମୋଟ୍ ୬୦ଟି ପରୀକ୍ଷା କେନ୍ଦ୍ର ହୋଇଛି । ଭୁବନେଶ୍ବରରେ ସର୍ବାଧିକ ୧୧ଟି ପରୀକ୍ଷା କେନ୍ଦ୍ର ଖୋଲିଛି । ସେହିପରି କଟକରେ ୬, ବାଲେଶ୍ବର ଓ ବ୍ରହ୍ମପୁର ସହରରେ ୪ଟି ଲେଖାଏ, ବରଗଡ଼, ବାରିପଦା, ଭଦ୍ରକ, ଢେଙ୍କାନାଳ, ଜୟପୁର, ପୁରୀରେ ଦୁଇଟି ଲେଖାଏ ପରୀକ୍ଷା କେନ୍ଦ୍ର ହୋଇଛି । ଓଡ଼ିଶାର ଅନ୍ୟ ସମସ୍ତ ସହର ସମେତ ରାଜ୍ୟ ବାହାରେ କଲିକତା, ପାଟଣା ଓ ରାଞ୍ଚିରେ ଗୋଟିଏ ଲେଖାଏ ପରୀକ୍ଷା କେନ୍ଦ୍ର ହୋଇଛି । 

 

ମେ' ୬ରେ କେବଳ ଲାଟେରାଲ ଏଣ୍ଟ୍ରି(ଏଲ୍‌ଇ) ଟେକ୍ନୋଲୋଜି(ଡିପ୍ଲୋମା) ପାଇଁ ପରୀକ୍ଷା ହେବାକୁ ଥିବା ବେଳେ ୭ ତାରିଖରେ ପ୍ରଥମ ସିଫ୍ଟରେ ଏଲ୍‌ଇ-ଟେକ୍ନୋଲୋଜି(ଡିପ୍ଲୋମା), ଦ୍ବିତୀୟ ସିଫ୍ଟରେ ଇଣ୍ଟିଗ୍ରେଟେଡ୍‌ ଏମ୍‌ବିଏ, ତୃତୀୟ ସିଫ୍ଟରେ ଏଲ୍‌ଇ-ଟେକ୍ନୋଲୋଜି ବିଏସ୍‌ସି, ୮ ତାରିଖ ପ୍ରଥମ ଓ ଦ୍ବିତୀୟ ସିଫ୍ଟରେ ଏମ୍‌ବିଏ ଏବଂ ତୃତୀୟ ସିଫ୍ଟରେ ବି-କାଟ୍‌(ସିନେମାଟୋଗ୍ରାଫି/ସାଉଣ୍ଡ ରେକଡିଂ ଓ ଡିଜାଇନ୍‌), ୯ ତାରିଖରେ କେବଳ ବି.ଫାର୍ମା ପାଠ୍ୟକ୍ରମର ପ୍ରବେଶିକା ପରୀକ୍ଷା ହେବ। ୧୦ ତାରିଖର ପ୍ରଥମ ଦୁଇଟି ସିଫ୍ଟରେ ଏମ୍‌ସିଏ ଓ ତୃତୀୟ ସିଫ୍ଟରେ ବି.କାଟ୍‌(ଫିଲ୍ମ ଏଡିଟିଂ) ପାଠ୍ୟକ୍ରମରେ ନାମଲେଖା ପାଇଁ ପରୀକ୍ଷା ଅନୁଷ୍ଠିତ ହେବ। ସକାଳ ୮ଟା ୩୦ରୁ ୧୦ଟା ୩୦ ମଧ୍ୟରେ ପ୍ରଥମ ସିଫ୍ଟରେ ପରୀକ୍ଷା ହେବାକୁ ଥିବା ମଧ୍ୟାହ୍ନ ୧୨ଟା ୩୦ରୁ ଅପରାହ୍ଣ ୨ଟା ୩୦ ମଧ୍ୟରେ ଦ୍ବିତୀୟ ଓ ଅପରାହ୍ଣ ୪ଟା ୩୦ରୁ ସନ୍ଧ୍ୟା ୬ଟା ୩୦ ମଧ୍ୟରେ ତୃତୀୟ ସିଫ୍ଟରେ ପରୀକ୍ଷା ହେବ । ମୋଟ ୬୫ହଜାର ୭୪୨ଜଣ ଛାତ୍ରଛାତ୍ରୀ ଏହି ପ୍ରବେଶିକା ପରୀକ୍ଷାରେ ଅଂଶଗ୍ରହଣ କରିବାକୁ ନାମ ପଞ୍ଜିକରଣ କରିଛନ୍ତି । 

କମ୍ପ୍ୟୁଟର ବେସ୍‌ଡ ଟେଷ୍ଟ(ସିବିଟି) ମାଧ୍ୟମରେ ହେବାକୁ ଥିବା ଏହି ପରୀକ୍ଷାର ଲାଟେରାଲ ଏଣ୍ଟ୍ରି(ଏଲ୍‌ଟି) ଟେକ୍‌(ଡିପ୍ଲୋମା)ରେ ସର୍ବାଧିକ ୨୧ହଜାର ୭୧୦ଜଣ ପରୀକ୍ଷାର୍ଥୀ ରହିଥିବା ବେଳେ ବି.ଫାର୍ମା ପାଠ୍ୟକ୍ରମରେ ୧୫ହଜାର ୬୬୩, ଏମ୍‌ବିଏରେ ୧୧ ହଜାର ୩୯୯, ଏମ୍‌ସିଏ/ଏମ୍‌.ଏସ୍‌ସି କମ୍ପ୍ୟୁଟର ସାଇନ୍ସରେ ୮,୮୯୧, ଏମ୍‌.ଟେକ୍‌ରେ ୨୧୪୫, ଇଣ୍ଟ୍ରିଗେଟେଡ୍‌ ଏମ୍‌ବିଏରେ ୧୮୮୦, ଏମ୍‌.ଫାର୍ମାରେ ୧୫୨୪ ଜଣ ପରୀକ୍ଷାର୍ଥୀ ରହିଛନ୍ତି।

COASTAL NEWS ODIA 1841 ଓଡ଼ିଶାରେ ପହଞ୍ଚିଲେ ମୋଦି

COASTAL NEWS ODIA 1841

ଓଡ଼ିଶାରେ ପହଞ୍ଚିଲେ ମୋଦି 

ଭୁବନେଶ୍ବର (CNO) ଓଡ଼ିଶାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସ୍ବତନ୍ତ୍ର ବିମାନ ଯୋଗେ ଭୁବନେଶ୍ବରରେ ପହଞ୍ଚିଲେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଓଡ଼ିଶାରେ ଆସନ୍ତାକାଲି ଅର୍ଥାତ୍ ସୋମବାର ନିର୍ବାଚନୀ ପ୍ରଚାର କରିବେ  । ଏହି ପରିପ୍ରେକ୍ଷୀରେ ରବିବାର ରାତିରେ ଓଡ଼ିଶାରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ମୋଦି । ପ୍ରଧାନମନ୍ତ୍ରୀଙ୍କୁ ସ୍ବାଗତ କରିବା ପାଇଁ ରାଜ୍ୟ ବିଜେପିର ତୁଙ୍ଗ ନେତୃତ୍ବ ଭୁବନେଶ୍ବର ବିଜୁ ପଟ୍ଟନାୟକ ବିମାନବନ୍ଦରରେ ପହଞ୍ଚିଥିଲେ । 

ପ୍ରଧାନମନ୍ତ୍ରୀ ଭୁବନେଶ୍ବରରେ ରାତ୍ରି ଯାପନ କରିବେ  । ରାଜଭବନରେ ଆଜି ରାତିରେ ରହିବେ ମୋଦି । ଆସନ୍ତାକାଲି ବ୍ରହ୍ମପୁର ଏବଂ ନବରଙ୍ଗପୁର ଗସ୍ତ କରିବା ସହିତ ସେଠାରେ ଦଳୀୟ ସମାବେଶକୁ ଉଦବୋଧନ ଦେବେ । ପିଏମ୍ ମୋଦିଙ୍କ ସୁରକ୍ଷାକୁ ଦୃଷ୍ଟିରେ ରଖି ରାଜଧାନୀରେ ସୁରକ୍ଷା ବ୍ୟବସ୍ଥାକୁ ବ୍ୟାପକ କରାଯାଇଛି ।

COASTAL NEWS ODIA 1840 ଜାଣନ୍ତୁ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀଙ୍କ ସମ୍ପତ୍ତି କେତେ

COASTAL NEWS ODIA 1840

ଜାଣନ୍ତୁ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀଙ୍କ ସମ୍ପତ୍ତି କେତେ  

ଭୁବନେଶ୍ବର - (CNO) ଅପରାଜିତା ସମ୍ପତ୍ତି କେତେ । କେତେ ସମ୍ପତ୍ତିର ମଲ୍ଲିକା ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ । ନିର୍ବାଚନ ପୂର୍ବରୁ ନିଜର ସମ୍ପତ୍ତି ତାଲିକାର ସତ୍ୟପାଠ ଦାଖଲ କରିଛନ୍ତି ଭୁବନେଶ୍ୱର ବିଜେପି ସାଂସଦ ପ୍ରାର୍ଥୀ ଅପରାଜିତା ଷଡ଼ଙ୍ଗୀ । ମୋଟ ୨ କୋଟି ୫ ଲକ୍ଷ ଟଙ୍କାର ସ୍ଥାବର ଅସ୍ଥାବର ସମ୍ପତ୍ତି ରହିଛି ।

ଅପରାଜିତାଙ୍କ ପାଖରେ ଅଛି ନଗଦ ୨ ଲକ୍ଷ ଟଙ୍କା । ବାପୁଜୀ ନଗର କାନାରା ବ୍ୟାଙ୍କରେ ଅଛି ୨୨ ଲକ୍ଷ ଟଙ୍କା । ଲୁଇସ ରୋଡ୍ ଆଇଡିବିଆଇ ବ୍ୟାଙ୍କରେ ଅଛି ୪ ଲକ୍ଷ ଟଙ୍କା । ଆଇଆରସି ଭିଲେଜ ଏସବିଆଇରେ ଅଛି ୧୦ ଲକ୍ଷ ଟଙ୍କା । ନୂଆଦିଲ୍ଲୀ କୃଷିଭବନ ଏସବିଆଇରେ ରହିଛି ୨୨ ଲକ୍ଷ ଟଙ୍କା । 

ଅପରାଜିତାଙ୍କ ୧୦ ଲକ୍ଷ ମୂଲ୍ୟର ଏକ କାର୍ ରହିଛି । ୧୧୫୦ ଗ୍ରାମର ବିଭିନ୍ନ ଅଳଙ୍କାର ରହିଛି । ଏହି ଅଳଙ୍କାରର ବର୍ତ୍ତମାନ ମୂଲ୍ୟ ପ୍ରାୟ ୭୪ ଲକ୍ଷ ଟଙ୍କା ହେବ । ଅପରାଜିତାଙ୍କ ନାଁରେ ନାହିଁ କୌଣସି ବ୍ୟବସାୟିକ କୋଠା । ଏହାସହ ତାଙ୍କ ନାଁରେ କୌଣସି ଋଣ ମଧ୍ୟ ନାହିଁ । ୨୦୨୨-୨୩ରେ ଅପରାଜିତାଙ୍କ ଆୟ ହେଉଛି ୨୪ ଲକ୍ଷ ୨୨ ହଜାର ୩୩୦ ଟଙ୍କା । 

COASTAL NEWS ODIA 1839 କଂଗ୍ରେସ ଘୋଷଣା କଲା ୪୦ ଜଣିଆ ଷ୍ଟାର ପ୍ରଚାରକ ତାଲିକା

COASTAL NEWS ODIA 1839

କଂଗ୍ରେସ ଘୋଷଣା କଲା ୪୦ ଜଣିଆ ଷ୍ଟାର ପ୍ରଚାରକ ତାଲିକା  

ଭୁବନେଶ୍ବର - (CNO) ବିଜେଡି ଓ ବିଜେପି ନିଜ ନିଜର ପ୍ରଚାର ପାଇଁ ଷ୍ଟାର ପ୍ରଚାରକ ତାଲିକା ଘୋଷଣା କରି ପ୍ରଚାର ଆରମ୍ଭ କରିଥିବା ବେଳେ ଅନି କଂଗ୍ରେସ ତାହାର ଷ୍ଟାର ପ୍ରଚାରକ ତାଲିକା ଘୋଷଣା କରିଛି । ମେ' ୧୩ରେ ଓଡ଼ିଶାରେ ପ୍ରଥମ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହେବାକୁ ଥିବା ବେଳେ କଂଗ୍ରେସ ପକ୍ଷରୁ ଆଜି ୪୦ ଜଣିଆ ଷ୍ଟାର ପ୍ରଚାରକ ତାଲିକା ପ୍ରକାଶ କରାଯାଇଛି। 

ଏଥିରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କ ସହିତ ସୋନିଆ ଗାନ୍ଧି, ରାହୁଲ ଗାନ୍ଧି, ପ୍ରିୟଙ୍କା ଗାନ୍ଧି, ରାଜ୍ୟ ପ୍ରଭାରୀ ଡାକ୍ତର ଅଜୟ କୁମାର, ତେଲଙ୍ଗାନା ମୁଖ୍ୟମନ୍ତ୍ରୀ ଏ. ରେବନ୍ଥ ରେଡ୍ଡୀ, ଛତିଶଗଡ଼ର ପୂର୍ବତନ ମୁଖ୍ୟମନ୍ତ୍ରୀ ଭୂପେଶ ବାଘେଲ, ସଚିନ ପାଇଲଟ, ଅଳକା ଲାମ୍ବା, କହ୍ନେୟା  କୁମାର ଓ ମୀନାକ୍ଷର ନଟରାଜନ ପ୍ରମୁଖଙ୍କ ନାଁ ରହିଛି।  

ସେହିପରି ଏହି ତାଲିକରେ ଓଡ଼ିଶାରୁ ପିସିସି ସଭାପତି ଶରତ ପଟ୍ଟନାୟକଙ୍କ ସହିତ ପୂର୍ବତନ ମୁଖ୍ୟମନ୍ତ୍ରୀ ଗିରିଧର ଗମାଙ୍ଗ, କିଶୋର ପଟେଲ, ନିରଞ୍ଜନ ପଟ୍ଟନାୟକ, ଜୟଦେବ ଜେନା, ପ୍ରସାଦ ହରଚନ୍ଦନ, ଡକ୍ଟର ଆର୍‌.ସି ଖୁଣ୍ଟିଆ, ଭକ୍ତ ଚରଣ ଦାସ, ସୁଶୀଲା ତିରିଆ, ଶ୍ରୀକାନ୍ତ ଜେନା, ପଞ୍ଚାନନ କାନୁନଗୋ, ଜଗନ୍ନାଥ ପଟ୍ଟନାୟକ, ଶରତ ରାଉତ, ବିଜୟ କୁମାର ପଟ୍ଟନାୟକ, ଶିବାନନ୍ଦ ରାୟ, ବିଶ୍ୱରଞ୍ଜନ ମହାନ୍ତି ଓ ଜୟରାମ ପାଙ୍ଗି ପ୍ରମୁଖଙ୍କ ନାଁ ରହିଛି।

COASTAL NEWS ODIA 1838 ଅର୍ଥ ବିଭାଗର ସ୍ବତନ୍ତ୍ର ସଚିବ ଭାବେ ସୁଜାତା ଆର କାର୍ତ୍ତିକେୟନଙ୍କୁ ମିଳିଲା ନୂଆ ଦାୟିତ୍ଵ

COASTAL NEWS ODIA 1838

ଅର୍ଥ ବିଭାଗର ସ୍ବତନ୍ତ୍ର ସଚିବ ଭାବେ ସୁଜାତା ଆର କାର୍ତ୍ତିକେୟନଙ୍କୁ ମିଳିଲା ନୂଆ ଦାୟିତ୍ଵ 

ଭୁବନେଶ୍ବର - (CNO) ଅଭିଯୋଗ ପରେ ବଦଳିଲା ସୁଜାତାଙ୍କ ଦାୟିତ୍ଵ । ୨୦୦୦ ବ୍ୟାଚ୍ ଆଇଏଏସ୍ ସୁଜାତା ଆର କାତ୍ତିକେୟନଙ୍କୁ ମିଶନ ଶକ୍ତି ସଚିବ ପଦରୁ ହଟାଇ ଅର୍ଥ ବିଭାଗର ସ୍ୱତନ୍ତ୍ର ସଚିବ ଭାବେ ଅବସ୍ଥାପିତ କରାଯାଇଛି । 

ଅନ୍ୟପଟେ ବରିଷ୍ଠ ଆଇଏଏସ ଅଧିକାରୀ ଶାଲିନୀ ପଣ୍ଡିତଙ୍କୁ ମିଶନ ଶକ୍ତି ବିଭାଗର ଦାୟିତ୍ୱ ମିଳିଛି। ଭାଜପାର ଏକ ପ୍ରତିନିଧିମଣ୍ଡଳୀ ଗୁରୁବାର ଭାରତର ନିର୍ବାଚନ କମିଶନ(ଇସିଆଇ)ଙ୍କ ନିକଟରେ ଫେରାଦ ହେବା ପରେ ମିଶନ ଶକ୍ତି ସଚିବରୁ ସୁଜାତାଙ୍କୁ ବଦଳି କରିଥିଲେ ନିର୍ବାଚନ ଆୟୋଗ। 

ଏବେ ତାଙ୍କୁ ଅର୍ଥ ଭଳି ପ୍ରମୁଖ ବିଭାଗରେ ନିଯୁକ୍ତି ମିଳିଛି। ଲୋକସଭା ନିର୍ବାଚନ ୨୦୨୪ ଆସନ | ପ୍ରାର୍ଥୀ | ନିର୍ବାଚନ ତାରିଖ କ୍ଷମତାର ଦୁରୁପଯୋଗ କରି ସ୍ବୟଂ ସହାୟକ ଗୋଷ୍ଠୀର ମହିଳାଙ୍କୁ ଧମକଚମକ ଦେଇ ବିଜେଡି ସପକ୍ଷରେ ଭୋଟ କରାଇବା ନିମନ୍ତେ ସୁଜାତା ପ୍ରୟାସ କରୁଛନ୍ତି ବୋଲି ଭାଜପା ଅଭିଯୋଗ କରିଥିଲା।

 

ତାଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ନେଇ ତାଙ୍କୁ ନିର୍ବାଚନ ସରିବା ପର୍ଯ୍ୟନ୍ତ ସମସ୍ତ ସରକାରୀ କାର୍ଯ୍ୟରୁ ନିବୃତ୍ତ ରଖିବାକୁ ଭାଜପାର ସେଣ୍ଟ୍ରାଲ ଟିମ ଦାବି କରିଥିଲା। ସୁଜାତାଙ୍କ ବ୍ୟତୀତ ବରିଷ୍ଠ ଆଇଏଏସ ଅଧିକାରୀ ଶାଲିନୀ ପଣ୍ଡିତଙ୍କୁ ମିଶନ ଶକ୍ତି ବିଭାଗର ସଚିବ ଭାବେ ନିଯୁକ୍ତି କରାଯାଇଛି।

ମିଶନ ଶକ୍ତି ସଚିବଙ୍କ ବଦଳି ନିର୍ଦ୍ଦେଶ ଦେଲେ ଇସିଆଇ ।

COASTAL NEWS ODIA 1837

ମିଶନ ଶକ୍ତି ସଚିବଙ୍କ ବଦଳି ନିର୍ଦ୍ଦେଶ ଦେଲେ ଇସିଆଇ ।

ଭୁବନେଶ୍ୱର - (CNO) ମିଶନ ଶକ୍ତି ସଚିବ ସୁଜାତା ପାଣ୍ଡିଆନଙ୍କ ବିରୋଧରେ ମୁଖ୍ୟ ନିର୍ବାଚନ କମିଶନରଙ୍କ ନିକଟରେ ବିଜେପି ଫେରାଦ ହେଲା ପରେ, ମିଶନ ଶକ୍ତି ସଚିବ ସୁଜାତା ପାଣ୍ଡିଆନଙ୍କ ବଦଳି ନିର୍ଦ୍ଦେଶ ଦେଲେ ଇସିଆଇ ।

ମିଶନ ଶକ୍ତି ସଚିବ ସୁଜାତା ପାଣ୍ଡିଆନଙ୍କ ବିରୋଧରେ ମୁଖ୍ୟ ନିର୍ବାଚନ କମିଶନରଙ୍କ ନିକଟରେ ଫେରାଦ ହେଲା ବିଜେପି । ସରକାରୀ ଅଧିକାରୀ ହୋଇ ବିଜେଡି ଏଜେଣ୍ଟ ଭାବେ କାମ କରୁଥିବା ଅଭିଯୋଗ ହୋଇଛି । ବିଜେଡିକୁ ଫାଇଦା ପହଞ୍ଚିଇବାକୁ ସରକାରୀ କଳର ଅପବ୍ୟବହାର କରାଯାଉଥିବା ବିଜେପି କହିଛି ।

ବିଜେପି ଆହୁରି ଅଭିଯୋଗ କରିଛି ଯେ, ସୁଜାତା ସରକାରୀ କଳ ଏବଂ ଅଧିକାରୀଙ୍କ ଅପବ୍ୟବହାର କରି ସିଷ୍ଟମେଟିକ୍ ଭୋଟରସ ଏଜୁକେସନ ଆଣ୍ଡ ଇଲେକ୍ଟୋରାଲ ପାର୍ଟିସିପେସନ୍‌ ଜରିଆରେ ଭୋଟରଙ୍କୁ ପ୍ରଭାବିତ କରି ନିର୍ବାଚନରେ ବିଜେଡିକୁ ଫାଇଦା ପହଁଚାଇବାକୁ ଚେଷ୍ଟା କରୁଛନ୍ତି । ତାଙ୍କ ସ୍ୱାମୀ ତଥା ବିଜେଡି ନେତା ଭି.କାର୍ତ୍ତିକେୟନ ପାଣ୍ଡିଆନ୍‌ଙ୍କ ପ୍ରଭାବରେ ସେ ବିଜେଡିର ଏଜେଣ୍ଟ ଭଳି କାର୍ଯ୍ୟ କରୁଥିବା ବିଜେପି ଅଭିଯୋଗ କରିଛି ।

ଏପରିକି ଉଭୟ ଲୋକସଭା ଓ ବିଧାନସଭା ନିର୍ବାଚନରେ ବିଜୁ ଜନତା ଦଳକୁ ଭୋଟ୍ ଦେବାକୁ ମିଶନ ଶକ୍ତି ବିଭାଗକୁ ବ୍ୟବହାର କରି ଭୋଟରଙ୍କୁ ପ୍ରଭାବିତ କରାଯାଉଥିବା ବିଜେପି ନିର୍ବାଚନ କମିଶନଙ୍କୁ ଅବଗତ କରିଛି । ଏଥିସହ ବିଜେଡି ସପକ୍ଷରେ ଭୋଟ୍ ଦେବାକୁ ଏସଏଚଜି ମହିଳାଙ୍କୁ ଧମକା ଯାଉଥିବା ଅଭିଯୋଗ କରିଥିଲା ବିଜେପି ।

ଆଉ ନିର୍ବାଚନ ଆୟୋଗ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ସ୍ୱରୂପ ଓଡ଼ିଶା ମିଶନ ଶକ୍ତି ବିଭାଗର ସଚିବ ସୁଜାତା କାର୍ତ୍ତିକେୟନଙ୍କୁ ତୁରନ୍ତ ଅଣ-ପବ୍ଲିକ ଡିଲିଂ ଭୂମିକାରେ ନିଯୁକ୍ତ କରିଛନ୍ତି । ବିଜେପିର ଅଭିଯୋଗ ପରେ ବଦଳି ନିର୍ଦ୍ଦେଶ ଦେଲେ ଇସିଆଇ ବଦଳି ନିର୍ଦ୍ଦେଶ ହୋଇଥିବା ଖବର ସରବରାହ ସଂସ୍ଥା ଏଏନଆଇ ସୂତ୍ରରୁ ସୂଚନା ପ୍ରକାଶ ହୋଇଛି ।

COASTAL NEWS ODIA 1836 ରାହୁଲଙ୍କ ବଡ ଘୋଷଣା, କେନ୍ଦ୍ରରେ ସରକାର ଗଢିଲେ ମହିଳାଙ୍କୁ ମିଳିବ ଲକ୍ଷେ ଟଙ୍କା

COASTAL NEWS ODIA 1836

ରାହୁଲଙ୍କ ବଡ ଘୋଷଣା, କେନ୍ଦ୍ରରେ ସରକାର ଗଢିଲେ ମହିଳାଙ୍କୁ ମିଳିବ ଲକ୍ଷେ ଟଙ୍କା

ଭୁବନେଶ୍ବର - (CNO) ଆଜି ଓଡିଶା ଗସ୍ତରେ ଅଛନ୍ତି ରାହୁଲ ଗାନ୍ଧୀ । ସାଲେପୁର କୁଳିଆରେ ନ୍ୟାୟ ସମାବେଶରେ ଯୋଗ ଦେଇ ବଡ ଘୋଷଣା କରିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ଜନସଭାକୁ ସମ୍ବୋଧିତ କରି ରାହୁଲ କହିଛନ୍ତି ଯଦି କେନ୍ଦ୍ରରେ କଂଗ୍ରେସ ସରକାର ଗଢେ ତେବେ ୫ ଐତିହାସିକ ନିଷ୍ପତ୍ତି ନେବ ଯାହା କେହି କେବେ କଳ୍ପନା ମଧ୍ୟ କରିନଥିବେ । 

କେନ୍ଦ୍ରରେ ସରକାର ହେଲେ, କଂଗ୍ରେସ ଗରିବ ପରିବାରକୁ ଚିହ୍ନଟ କରିବା ସହ ସେହି ପରିବାରର ଜଣେ ମହିଳାଙ୍କ ଆକାଉଣ୍ଟକୁ ୧ ଲକ୍ଷ ଟଙ୍କା ପଠାଇବ । ଏହାଦ୍ୱାରା ମହିଳାଙ୍କ ଆକାଉଣ୍ଟକୁ ମାସିକ ୮୫୦୦ ଟଙ୍କା ଆସିବ ।

ସେହିଭଳି ଯୁବବର୍ଗଙ୍କୁ ଚାକିରି ପାଇଁ ଆଉ ଏଣେତେଣେ ହାତ ପତାଇବାକୁ ପଡିବନି । କାରଣ କଂଗ୍ରେସ ସରକାରକୁ ଆସିଲେ 'ପେହେଲି ନୌକରି ପକ୍କି' ଯୋଜନା ଆଣିବ ବୋଲି ଘୋଷଣା କରିଛନ୍ତି ରାହୁଲ । ଯେଉଁଥିରେ ବେରୋଜଗାର ଶିକ୍ଷିତ ଯୁବକଙ୍କୁ ମିଳିବ ଚାକିରି ଗ୍ୟାରେଣ୍ଟି । ସରକାରୀ, ପିଏସୟୁ, ପ୍ରାଇଭେଟ ସଂସ୍ଥାରେ ୧ ବର୍ଷ ପର୍ଯ୍ୟନ୍ତ ଚାକିରି ମିଳିବ । ସରକାରଙ୍କ ପାଖରେ ଚାକିରି ଆବେଦନ କରିବା ମାତ୍ରେ ୧ ବର୍ଷର ଆପ୍ରେଣ୍ଟିସିପ୍ ମିଳିବ ବୋଲି କହିଛନ୍ତି ରାହୁଲ ।

ରାହୁଲ କହିଛନ୍ତି, ମୋଦୀ ସରକାର ୨୨ ଜଣଙ୍କୁ କୋଟିପତି କରିଛନ୍ତି, କଂଗ୍ରେସ ସରକାର ଆସିଲେ, କୋଟି କୋଟି ଲୋକଙ୍କୁ ଲକ୍ଷପତି ବନାଇବୁ । ଉଭୟ ରାଜ୍ୟ ଓ କେନ୍ଦ୍ରରେ କଂଗ୍ରେସ ସରକାର ଗଢିଲେ ମହିଳାଙ୍କୁ ବାର୍ଷିକ ୧ ଲକ୍ଷ ୨୪ ହଜାର ଟଙ୍କା ମିଳିବ । ଆଉ ତାହା ବି ସିଧାସଳଖ ବ୍ୟାଙ୍କ ଆକାଉଣ୍ଟ ଜରିଆରେ ।

COASTAL NEWS ODIA 1835 *କେବଳ ନେପାଳ ରାଜାଙ୍କୁ ରତ୍ନସିଂହାସନରେ ମହାପ୍ରଭୁଙ୍କ ଆଳତୀର ଅଧିକାର କାହିଁକି ମିଳିଛି ?*

COASTAL NEWS ODIA 1835

*କେବଳ ନେପାଳ ରାଜାଙ୍କୁ ରତ୍ନସିଂହାସନରେ ମହାପ୍ରଭୁଙ୍କ ଆଳତୀର ଅଧିକାର କାହିଁକି ମିଳିଛି ?*

ପୁରୀ _(CNO) କେବଳ ନେପାଳ ରାଜାଙ୍କୁ ମହାପ୍ରଭୁଙ୍କର ରତ୍ନବେଦୀ ଉପରେ ଆଳତୀ କରିବାକୁ ଅନୁମତି ଦିଆଯାଇଛି। ଏହା କେବଳ ନେପାଳ ରାଜପରିବାରର ଅଧିକାର।  ଏମିତିକି, *ମହାପ୍ରଭୁଙ୍କର ପ୍ରଥମ ସେବକ ଗଜପତି ମହାରାଜଙ୍କର ମଧ୍ୟ ରତ୍ନବେଦୀ ଉପରେ ଆଳତୀ କରିବାର ଅଧିକାର ନାହିଁ।*  

ପରମ୍ପରା ଅନୁସାରେ, *କେବଳ ନେପାଳ ରାଜା ମହାପ୍ରଭୁଙ୍କ ଦର୍ଶନ ସମୟରେ ଇଚ୍ଛା ପ୍ରକାଶ କଲେ ରତ୍ନବେଦୀ ଉପରେ ଚଢ଼ି ଶ୍ରୀବିଗ୍ରହମାନଙ୍କର ଆଳତୀ କରିପାରିବେ।* ନେପାଳ ରାଜାଙ୍କୁ ମିଳିଥିବା ଏହି ସ୍ୱତନ୍ତ୍ର ଅଧିକାର ପଛରେ ରହିଛି ଶ୍ରୀ-ଜଗନ୍ନାଥ ମନ୍ଦିରର ଇତିହାସ,ପରମ୍ପରା ଏବଂ ସମ୍ମାନ ପ୍ରଦାନର ମହନୀୟ ବିଚାର।

ମାଦଳା ପାଞ୍ଜି ଅନୁସାରେ : *ମହାପ୍ରଭୁ ଜଗନ୍ନାଥଙ୍କ ଉପରେ ପ୍ରଥମ ଆକ୍ରମଣ କରିଥିଲା ଯବନ 'ରକ୍ତବାହୁ'।* ସେ ତତ୍କାଳୀନ *ପୁରୀ ରାଜା "ଶୋଭନ କେଶରୀ ଦେବ"ଙ୍କୁ ପରାସ୍ତ* କରିଥିଲା। 

ସେ ସମୟରେ ଅଣହିନ୍ଦୁମାନେ କୌଣସି ହିନ୍ଦୁ ରାଷ୍ଟ୍ର ଉପରେ ବିଜୟ ପାଇବା ମାତ୍ରେ,ସର୍ବପ୍ରଥମେ ଦେବାଦେବୀ ଓ ମନ୍ଦିରକୁ ନଷ୍ଟ କରିଦେଉଥିବାରୁ ;  ଶ୍ରୀ-ମନ୍ଦିର ଓ ତ୍ରି-ମୂର୍ତ୍ତି ବିଗ୍ରହଙ୍କ ପ୍ରତି ବିପଦ ଅଛି ଜାଣି ସେବକମାନେ ମହାନଦୀ କୂଳବାଟେ ମହାପ୍ରଭୁ ଜଗନ୍ନାଥ, ବଳଭଦ୍ର ଓ ସୁଭଦ୍ରାଙ୍କର ମୂର୍ତ୍ତିକୁ ମହାନଦୀ କୂଳବାଟେ ଅତି ଗୋପନରେ,ସ୍ଥାନେ ସ୍ଥାନେ ଲୁକ୍କାୟିତ ଭାବରେ ରଖି ;  ଶେଷରେ *ସୋନପୁର ରାଜାଙ୍କ ସହାୟତାରେ ନେଇ "ଗୋପାଲୀ ଗ୍ରାମରେ ଏକ ଗୁମ୍ଫା"ରେ ରଖି* ଗୁମ୍ଫାର ମୁହଁକୁ ବିରାଟ ଏକ ପଥର ଦେଇ ବନ୍ଦ କରିଦେଲେ। ପରବର୍ତ୍ତୀ ସମୟରେ ଉକ୍ତ ଗୁମ୍ଫାକୁ ଚିହ୍ନଟ କରିବା ପାଇଁ ଗୁମ୍ଫା ମୁହଁରେ ମାଟି ପକାଇ ଏକ ବରଗଛ ଲଗାଇଦେଲେ। 

ଧିରେ ଧିରେ ଯବନମାନେ ଦୁର୍ବଳ ହୋଇଯିବାରୁ, *ଯଯାତି କେଶରୀ ରାଜା* ହେଲେ। ତାଙ୍କର ୧୧ ଅଙ୍କରେ ସେ ସନ୍ନ୍ୟାସୀ ବ୍ରହ୍ମଚାରୀମାନଙ୍କୁ ଡାକି "ଓଡ଼ିଶାର ପ୍ରଭୁ ଜଗନ୍ନାଥ ମହାପ୍ରଭୁ କେଉଁଠାରେ ଅଛନ୍ତି",ବୋଲି ପଚାରି ପଚାରି ଆସି ସୋନପୁର ପର୍ଯ୍ୟନ୍ତ ପହଞ୍ଚିଲେ। ତଥାବି ଜଗନ୍ନାଥଙ୍କ ଠାବ ପାଇଲେ ନାହିଁ। 

ଅନେକ ସାଧୁ ଓ ସନ୍ୟାସୀମାନଙ୍କ ଠାରୁ ସୋନପୁରର ଗୋପାଲୀ ଗ୍ରାମରେ କାହିଁ କେତେକାଳରୁ ପୂଜାପାଉଥିବା *ଦାରୁକୋଣ ଗୁମ୍ଫା* ନିକଟରେ ପହଞ୍ଚିଲେ। ସେଠାକାର ସ୍ଥାନୀୟ ଲୋକମାନେ ସେମାନଙ୍କର ଜେଜେ-ବାପା ଓ ବାପାଙ୍କ ଅମଳରୁ ଏଠାରେ ବିଭିନ୍ନ ପ୍ରକାର ପୂଜାପର୍ବାଣୀରେ ଭୋଗରାଗ ହେଉଥିବା କଥା ପ୍ରକାଶ କରିବା ପରେ,ରାଜାଙ୍କ ମନରେ ସନ୍ଦେହ ଜାତ ହେବାରୁ ସେ ଉକ୍ତ ସ୍ଥାନରୁ ଗଛ କାଟି ତିନିଠାକୁରଙ୍କ ବିଗ୍ରହକୁ ଉଦ୍ଧାର କଲେ।  ମାଟିତଳେ ଶହ ଶହ ବର୍ଷ ପର୍ଯ୍ୟନ୍ତ ପୋତି ହୋଇଥିବାରୁ ତିନି-ମୂର୍ତ୍ତି ଜରାଜୀର୍ଣ୍ଣ ଦୃଶ୍ୟ ହେଉଥିଲେ। 

*ସୋମବଂଶୀ ରାଜା "ଯଯାତି କେଶରୀ" ଯେତେବେଳେ ୧୪୬ ବର୍ଷ ପରେ ମହାପ୍ରଭୁ ଜଗନ୍ନାଥ, ବଳଭଦ୍ର ଓ ସୁଭଦ୍ରାଙ୍କର ବିଗ୍ରହ ମାଟିତଳୁ ଖୋଳି ଉଦ୍ଧାର କଲେ,ସେତେବେଳେ ଆଦିଗୁରୁ ଶଙ୍କରାଚାର୍ଯ୍ୟ ତତ୍କାଳୀନ ମହାରାଜା ଯଯାତି କେଶରୀଙ୍କୁ ଶ୍ରୀବିଗ୍ରହମାନଙ୍କର ପୁନଃନିର୍ମାଣ ନିମନ୍ତେ ପରାମର୍ଶ* ଦେଇଥିଲେ। ଏଣୁ ମହାପ୍ରଭୁ *ଜଗନ୍ନାଥଙ୍କର ପ୍ରଥମ ନବକଳେବର ସେହି ବର୍ଷ ଅନୁଷ୍ଠିତ* ହୋଇଥିଲା। 

ସେତେବେଳେ ହିନ୍ଦୁ ପରମ୍ପରା ଅନୁସାରେ :  ବଳଭଦ୍ର,ସୁଭଦ୍ରା ଓ ଅନ୍ୟାନ୍ୟ ବିଗ୍ରହଙ୍କ ନିମନ୍ତେ *'ଶାଳଗ୍ରାମ' ପଥରର ଆବଶ୍ୟକତା* ପଡିଲା। ତେଣୁ *ଆଦିଗୁରୁ ଶଙ୍କରାଚାର୍ଯ୍ୟ ମାହାରାଜ ଯଯାତିକେଶରୀଙ୍କୁ ନେପାଳରୁ ସ୍ୱତନ୍ତ୍ର ଶାଳଗ୍ରାମ ଆଣିବାକୁ ପରାମର୍ଶ* ଦେଲେ। 

*ନେପାଳର ଗଣ୍ଡକୀ ନଦୀରେ ଉପଲବ୍ଧ ଶାଳଗ୍ରାମ,ସବୁଠାରୁ ପବିତ୍ର ପଥର ଭାବରେ ବିବେଚନା* କରାଯାଉଥିବାରୁ ନେପାଳରୁ ଶାଳଗ୍ରାମ ଆଣିବା ଜରୁରୀ ଥିଲା। ସେହି ସମୟରେ *ନେପାଳ ରାଜା 'ଶଙ୍କରଦେବ' ଏକ ଲକ୍ଷ ଶାଳଗ୍ରାମ ସହିତ କସ୍ତୁରୀ (ମୃଗ କସ୍ତୁରୀ) ଶ୍ରୀ ଜଗନ୍ନାଥଙ୍କ ନିକଟକୁ* ପଠାଇଲେ। 

ଇତିହାସରେ ଏହା ମହାପ୍ରଭୁ ଜଗନ୍ନାଥଙ୍କର *ପ୍ରଥମ ନବକଳେବର ଉତ୍ସବ।* ନେପାଳ ରାଜାଙ୍କର ସହାୟତା ବିନା ଏହା ସମ୍ଭବ ହୋଇନଥାନ୍ତା। 

ତେଣୁ *ସେହିଦିନ ଠାରୁ ନେପାଳ ରାଜ ପରିବାରଙ୍କୁ ଶ୍ରୀ-ମନ୍ଦିରରେ ସ୍ୱତନ୍ତ୍ର ସମ୍ମାନ ପ୍ରଦାନ ପୂର୍ବକ ରତ୍ନବେଦୀ ଉପରେ ମହାପ୍ରଭୁଙ୍କର ଆଳତୀ କରିବାକୁ ଅଧିକାର ପ୍ରଦାନ* କରାଯାଇଛି।

                        *ଜୟ ଶ୍ରୀଜଗନ୍ନାଥ* 

           🙏🏻🙏🏻🙏🏻

COASTAL NEWS ODIA 1834 ଗଛରୁ ପ୍ରେମୀ ଯୁଗଳଙ୍କ ଝୁଲନ୍ତା ମୃତଦେହ ଉଦ୍ଧାର

COASTAL NEWS ODIA 1834

ଗଛରୁ ପ୍ରେମୀ ଯୁଗଳଙ୍କ ଝୁଲନ୍ତା ମୃତଦେହ ଉଦ୍ଧାର

 

ମୟୁରଭଞ୍ଜ - (CNO)  ହାତ ଧରାଧରି ହୋଇ ଚାଲିଗଲେ ପ୍ରେମୀ ଯୁଗଳ । ପ୍ରେମୀ ଯୁଗଳଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ଉଦ୍ଧାର କରିଛି । ତେବେ ଦୁହିଁଙ୍କ ପ୍ରେମକୁ ପରିବାର ସ୍ବୀକୃତି ନ ମିଳିବାରୁ ସେମାନେ ଜୀବନ ହାରି ଥାଇପାରନ୍ତି ବୋଲି ସନ୍ଦେହ କରୁଛି ପୋଲିସ । ତେବେ ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲାରେ ।

ସୂଚନା ଅନୁସାରେ, ମୟୂରଭଞ୍ଜ ଜିଲ୍ଲା ବାରିପଦା ସଦର ଥାନା ଅନ୍ତର୍ଗତ ଶଙ୍ଖାଭଙ୍ଖା ଗ୍ରାମ ପଞ୍ଚାୟତର ଶିଖରଘାଟି ଗ୍ରାମର ଏକ ଗଛରୁ ପ୍ରେମୀ ଯୁଗଳଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି । ମୃତ ପ୍ରେମୀ ଯୁଗଳ ହେଲେ ଶିଖରଘାଟି ଗ୍ରାମର ସାଲଖାନ ମାରାଣ୍ଡି ଓ ମୁନୀ ମୁଖି ବୋଲି ଜଣାପଡ଼ିଛି । ଆଜି ଉଭୟଙ୍କ ଝୁଲନ୍ତା ମୃତଦେହ ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିବା ସହିତ ଉଭୟଙ୍କ ଝୁଲନ୍ତା ମୃତଦେହ ଉଦ୍ଧାର କରିଛି । 

ପରେ ପୋଲିସ ଗ୍ରାମବାସୀଙ୍କ ସହାୟତାରେ ଉଭୟଙ୍କୁ ଚିହ୍ନଟ କରିଥିଲା l ତେବେ ସାଲଖାନ ଗତକାଲି ରାତିରୁ ଘରୁ ବାହାରକୁ ଯାଇଥିବା ବେଳେ ଘରକୁ ଆଉ ଫେରିନଥିଲେ । ସେହିପରି ମୁନୀ ମଧ୍ୟ କାହାକୁ କିଛି ନ ଜଣାଇ ଘରୁ ବାହାରି ଥିଲେ । ହେଲେ ଆଜି ଉଭୟଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି । 

ଘଟଣାସ୍ଥଳରୁ ପୋଲିସ ଉଭୟ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ବାରିପଦା ସ୍ଥିତ ପିଆରଏମ ମେଡ଼ିକାଲ କଲେଜ ଏବଂ ହସ୍ପିଟାଲକୁ ପଠାଇଛନ୍ତି । ଏନେଇ ବାରିପଦା ସଦର ଥାନାରେ ପୃଥକ ଭାବେ ଅପମୃତ୍ୟୁ ମାମଲା ରୁଜୁ ହୋଇଛି । ଏକ ବିଫଳ ପ୍ରେମର କରୁଣ ପରିଣତି ବୋଲି ସାଧାରଣରେ ଚର୍ଚ୍ଚା ହେଉଛି ।  

ଦୁହିଁଙ୍କ ପ୍ରେମକୁ ପରିବାରର ସ୍ବୀକୃତି ନ ମିଳିବାରୁ ଦୁହେଁ ମାନସିକ ଭାରସାମ୍ୟ ହରାଇ ଚରମ ନିଷ୍ପତ୍ତି ନେଇ ଥାଇପାରନ୍ତି ବୋଲି ପ୍ରାଥମିକ ତଦନ୍ତରୁ ସନ୍ଦେହ କରିଛି ପୋଲିସ । ତେବେ ମୃତଦେହ ବ୍ୟବଚ୍ଛେଦ ରିପୋର୍ଟ ଆସିବା ପରେ ହିଁ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି ।

COASTAL NEWS ODIA 1833 ଓଡ଼ିଶାରେ ବିଜେପି ସରକାର ଆସିଲେ ଗରିବି ଦୂର ହେବ - ଅମିତ ଶାହା

COASTAL NEWS ODIA 1833

ଓଡ଼ିଶାରେ ବିଜେପି ସରକାର ଆସିଲେ ଗରିବି ଦୂର ହେବ - ଅମିତ ଶାହା

ସୋନପୁର - (CNO) ଓଡ଼ିଶାରେ ଗର୍ଜ୍ଜିଲେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ସୋନପୁର ଜିଲ୍ଲାର ରାମେଶ୍ୱର ଷ୍ଟାଡିୟମ୍‌ରେ ଆୟୋଜିତ ବିଶାଳ ନିର୍ବାଚନ ରାଲିକୁ ସମ୍ବୋଧିତ କରିଛନ୍ତି ଶାହ । ପ୍ରଥମେ ଜୟ ଜଗନ୍ନାଥ ଓ ଜୟ ଶ୍ରୀରାମ କହି ନିଜର ଭାଷଣ ଆରମ୍ଭ କରିଥିଲେ ଶାହ । ସେ କହିଛନ୍ତିଯେ, ନବୀନ ସରକାରଙ୍କ ୨୦ ବର୍ଷ ଶାସନକାଳରେ ଓଡ଼ିଶା ଅନେକ ପଛକୁ ଚାଲିଯାଇଛି ।

ଯେଉଁଠି ଡବଲ ଇଂଜିନ ସରକାର ହୋଇଛି, ସେଠି ବିକାଶ ହୋଇଛି । ତେଣୁ ଓଡ଼ିଶାକୁ ଏବେ ବିକାଶ, ସମୃଦ୍ଧଶାଳୀ କରିବାର ସମୟ ଆସିଛି ବୋଲି କହିଛନ୍ତି ଅମିତ ଶାହା । ଶାହ ଆହୁରି କହିଛନ୍ତି, ଓଡ଼ିଶାରେ ଖଣିଜ ସଂପଦ ପ୍ରଚରୁ ରହିଛି । ସବୁଠାରୁ ଅଧିକ ପାଣି ରହିଛି । ତଥାପି ଓଡ଼ିଶାର ବିକାଶ ହୋଇପାରୁ ନାହିଁ । ଓଡ଼ିଶାର ଜନତା ମୁମ୍ବାଇ, ଗୁଜରାଟ, ଦିଲ୍ଲୀ, ବେଙ୍ଗାଲୁରୁ ଦାଦନ ଖଟିବାକୁ ଯାଉଛନ୍ତି । ଭାରତୀୟ ଜନତା ପାର୍ଟିର ସରକାର ଆସିଲେ ଓଡ଼ିଶାର ଲୋକଙ୍କୁ ଦାଦନ ଖଟିବାକୁ ଯିବାକୁ ପଡ଼ିବ ନାହିଁ । ଲୋକଙ୍କୁ ଏଠାରେ ରୋଜଗାର ମିଳିବ ।

ଶାହ କହିଛନ୍ତି ଯେ, କେନ୍ଦ୍ର ସରକାର ଯେତିକି ଟଙ୍କା ଦେଉଛନ୍ତି, ରାଜ୍ୟ ସରକାର ତାହା ବିନିଯୋଗ କରିପାରୁ ନାହିଁ । ଭାରତୀୟ ଜନତା ପାର୍ଟିର ସରକାର ପ୍ରତ୍ୟେକ ଘରକୁ ପାଣି ଯୋଗାଇବ । ତେବେ ଓଡ଼ିଶାରେ ବିଜେପି ସରକାର ଆସିଲେ ଆୟୁଷ୍ମାନ ଯୋଜନା ଲାଗୁ ହେବ । କାଶୀ ବିଶ୍ୱନାଥ ଭଳି ପୁରୀକୁ ସାରା ବିଶ୍ୱରେ ମହିମାମଣ୍ଡିତ କରାଯିବ ବୋଲି ଅମିତ୍ ଶାହ ସୋନପୁର ସଭାରେ କହିଛନ୍ତି । ଗତ ୧୦ ବର୍ଷରେ ପ୍ରଧାନମନ୍ତ୍ରୀ ମୋଦି ଓଡ଼ିଶାକୁ ୪ ଲକ୍ଷ ୮୧ ହଜାର କୋଟି ଦେଇଛନ୍ତି ବୋଲି ଅମିତ୍ ଶାହ ହିସାବ ଦେଇଛନ୍ତି ।

ସୋନପୁରରେ ରାମେଶ୍ୱରମ ଷ୍ଟାଡିୟମରେ ନିର୍ବାଚନୀ ସଭାକୁ ସମ୍ବୋଧନ କରିଛନ୍ତି ଶାହ । ଏହି ଅବସରରେ ଶାହ ଜୟ ଜଗନ୍ନାଥ, ଜୟ ଶ୍ରୀରାମ କହି ଭାଷଣ ଆରମ୍ଭ କରିଥିଲେ । ସେ ଉପସ୍ଥିତ ଲୋକଙ୍କୁ ପଚାରିଥିଲେ ଯେ, ଓଡ଼ିଶାରେ ୨୦ ଲୋକସଭା ସିଟ୍ ଜିତିବା କି ନାହିଁ । ଓଡ଼ିଶାରେ ପ୍ରଥମ ଥର ବିଜେପି ସରକାର ବନେଇବା କି ନାହିଁ । ଓଡ଼ିଶାରେ ପ୍ରଥମ ଥର ବିଜେପି ସରକାର କରିବା ବୋଲି ସମର୍ଥକଙ୍କୁ ଆହ୍ୱାନ ଦେଇଛନ୍ତି ।

COASTAL NEWS ODIA 1832 ପଶ୍ଚିମବଙ୍ଗ ରେ ହଜାର ହଜାର ଶିକ୍ଷକ ହରାଇଲେ ଚାକିରି

COASTAL NEWS ODIA 1832

ପଶ୍ଚିମବଙ୍ଗ ରେ ହଜାର ହଜାର ଶିକ୍ଷକ ହରାଇଲେ ଚାକିରି

କୋଲକାତା - (CNO) ୨୬,୦୦୦ ଶିକ୍ଷକଙ୍କ ଚାକିରି ବାତିଲ କରିବା ନେଇ କଲିକତା ହାଇକୋର୍ଟଙ୍କ ନିର୍ଦ୍ଦେଶ ଉପରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ଟିଏମସି ସୁପ୍ରିମୋ ମମତା ବାନାର୍ଜୀ ପ୍ରତିକ୍ରିୟା ରଖିଛନ୍ତି । ମମତା କହିଛନ୍ତି" ସୁପ୍ରିମକୋର୍ଟରୁ ନ୍ୟାୟ ମିଳିବା ନେଇ ମୋର ଭରସା ଅଛି । ସିବିଆଇ କିଣାଯାଇଛି । ଏନଆଇଏ କିଣାଯାଇଛି । ଦୁରଦର୍ଶନକୁ ଗେରୁଆ ରଙ୍ଗ କରାଯାଇଛି । ବିଜେପି କେବଳ ବଡ଼ ବଡ଼ କଥା କୁହନ୍ତି କିନ୍ତୁ କିଛି କରନ୍ତି ନାହିଁ ।

କିଛି ଦିନ ପୂବରୁ କଲିକତା ହାଇକୋର୍ଟ ସରକାରୀ ପ୍ରାୟୋଜିତ ତଥା ସହାୟତା ପ୍ରାପ୍ତ ବିଦ୍ୟାଳୟଗୁଡ଼ିକ ପାଇଁ ୨୦୧୬ ନିଯୁକ୍ତି ପ୍ରକ୍ରିୟାକୁ ବନ୍ଦ କରି କହିଥିଲେ ଯେ କିଛି ପ୍ରାର୍ଥୀ ଚାକିରୀ ପାଇବା ପାଇଁ ଲାଞ୍ଚ ଦେଇଛନ୍ତି । ଶିକ୍ଷକ ନିଯୁକ୍ତି ମାମଲାରେ ପୂର୍ବତନ ଶିକ୍ଷା ମନ୍ତ୍ରୀ ପାର୍ଥ ଚାଟାର୍ଜୀଙ୍କ ସମେତ ଅନେକ ଟିଏମସି ନେତା ତଥା ପୂର୍ବତନ ଅଧିକାରୀ ଏବେ ଜେଲରେ ଅଛନ୍ତି । କିନ୍ତୁ କୋର୍ଟରୁ ଏହି ପଦକ୍ଷେପ କାରଣରୁ ୨୬,୦୦୦ ଶିକ୍ଷକଙ୍କୁ ବେକାର କରିଦେଇଛି । ତାଙ୍କୁ ୧୨% ସୁଧ ସହିତ ଦରମା ଫେରସ୍ତ କରିବାକୁ କୁହାଯାଇଥିଲା । ସୁପ୍ରିମକୋର୍ଟରେ ରାଜ୍ୟ ସରକାର ଏହି ହାଇକୋର୍ଟଙ୍କ ଆଦେଶକୁ ଚ୍ୟାଲେଞ୍ଜ କରିଛନ୍ତି ।

ଆସନ୍ତା ନିର୍ବାଚନରେ କୋର୍ଟଙ୍କ ଆଦେଶ ରାଜ୍ୟରେ ଏକ ଗେମଚେଞ୍ଜର ହୋଇପାରେ, ଯେଉଁଠାରେ ୨୦୧୯ ରେ ରାଜ୍ୟର ୪୨ ଟି ଆସନ ମଧ୍ୟରୁ ୧୮ ଟି ଜିତିଥିବା ବିଜେପି ଏବେ ଅଧିକ ଆସନ ଜିତିବାକୁ ଲକ୍ଷ ରଖିଥିବା ବେଳେ, ସନ୍ଦେଶଖାଲିରେ ବିବାଦ ଯୋଗୁଁ ମମତା ବାନାର୍ଜୀଙ୍କ ପାର୍ଟି ଜନସାଧାରଣଙ୍କ କ୍ରୋଧର ଶିକାର ହେବାର ସମ୍ଭାବନା ରହିଛି ।

ସମସ୍ତ ନିଯୁକ୍ତିକୁ ବାତିଲ କରିବାକୁ କୋର୍ଟଙ୍କ ଆଦେଶ ବିରୋଧରେ କୋଲକାତାରେ ପୂର୍ବରୁ ବ୍ୟାପକ ବିରୋଧ ପ୍ରଦର୍ଶନ କରାଯାଇଛି । ବିକ୍ଷୋଭକାରୀମାନେ ଯୁକ୍ତି ଦର୍ଶାଇଛନ୍ତି ଯେ ଦୁର୍ନୀତି ସହ ଜଡ଼ିତ ଅଳ୍ପ କେତେକ ଲୋକ ଯୋଗୁଁ ହଜାର ହଜାର ନିରୀହ ଶିକ୍ଷକ, ସେମାନଙ୍କ ପରିବାର ଏବଂ ଛାତ୍ରଛାତ୍ରୀମାନେ ଯନ୍ତ୍ରଣା ଭୋଗୁଛନ୍ତି ।

COASTAL NEWS ODIA 1831 ପ୍ରଧାନମନ୍ତ୍ରୀ ମୋଦି ତଥା ରାହୁଲ ଗାନ୍ଧୀଙ୍କୁ ନୋଟିସ୍ ପଠାଇଲା ନିର୍ବାଚନ ଆୟୋଗ

COASTAL NEWS ODIA 1831

ପ୍ରଧାନମନ୍ତ୍ରୀ ମୋଦି ତଥା ରାହୁଲ ଗାନ୍ଧୀଙ୍କୁ ନୋଟିସ୍ ପଠାଇଲା ନିର୍ବାଚନ ଆୟୋଗ  

ଭୁବନେଶ୍ବର - (CNO) ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ କଂଗ୍ରେସ ନେତା ରାହୁଲ ଗାନ୍ଧୀଙ୍କ ଆଚରଣ ବିଧି ଉଲ୍ଲଂଘନ ଅଭିଯୋଗକୁ ନିର୍ବାଚନ ଆୟୋଗ ଗ୍ରହଣ କରିଛନ୍ତି । ଧର୍ମ, ଜାତି, ସମ୍ପ୍ରଦାୟ କିମ୍ବା ଭାଷା ଆଧାରରେ ଉଭୟ ବିଜେପି ଓ କଂଗ୍ରେସ ପରସ୍ପରକୁ ଘୃଣା ଓ ବିଭାଜନ ସୃଷ୍ଟି କରିଥିବା ଅଭିଯୋଗ କରିଥିଲେ ।

ନିର୍ବାଚନ ଆୟୋଗ ଦୁଇ ଜଣ ନେତାଙ୍କୁ ଏପ୍ରିଲ ୨୯ ସକାଳ ୧୧ ଟା ସୁଦ୍ଧା ଉତ୍ତର ମାଗିଛନ୍ତି । ନିର୍ବାଚନ ଆୟୋଗ ଏହି ବିଜ୍ଞପ୍ତିଗୁଡ଼ିକୁ କଂଗ୍ରେସ ଏବଂ ବିଜେପିର ଜାତୀୟ ସଭାପତିଙ୍କ ନିକଟକୁ ପଠାଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ରାହୁଲ ଗାନ୍ଧୀଙ୍କ ବିବୃତ୍ତି ଉପରେ ନିର୍ବାଚନ ଆୟୋଗ ଆଜି କଂଗ୍ରେସ ସଭାପତି ମଲ୍ଲିକାର୍ଜୁନ ଖାର୍ଗେ ଏବଂ ବିଜେପି ସଭାପତି ଜେପି ନାଡାଙ୍କଠାରୁ ଉତ୍ତର ମାଗିଛନ୍ତି । 

ପ୍ରଧାନମନ୍ତ୍ରୀ ମୋଦୀ ଏବଂ ରାହୁଲ ଗାନ୍ଧୀଙ୍କ ଭାଷଣ ବିରୋଧରେ ଆସିଥିବା ଅଭିଯୋଗ ଉପରେ ଆୟୋଗ ଏହି ବିଜ୍ଞପ୍ତି ପଠାଇଛନ୍ତି । ଏହି ଅଭିଯୋଗଗୁଡିକରେ ଆଚରଣ ସଂହିତା ଉଲ୍ଲଂଘନ କରାଯାଇଥିବା ଅଭିଯୋଗ ହୋଇଛି । 

 

ଅଭିଯୋଗରେ କୁହାଯାଇଛି ଯେ ଏହି ନେତାମାନେ ଧର୍ମ, ଜାତି, ସମ୍ପ୍ରଦାୟ ଏବଂ ଭାଷା ଆଧାରରେ ଲୋକଙ୍କ ମଧ୍ୟରେ ଘୃଣା ଏବଂ ବିଭାଜନ ବିସ୍ତାର କରିବାକୁ କାର୍ଯ୍ୟ କରୁଛନ୍ତି । ବାସ୍ତବରେ ପ୍ରଧାନମନ୍ତ୍ରୀ ମୋଦି ତଥା କଂଗ୍ରେସ ନେତା ମଲ୍ଲିକାର୍ଜୁନ ଖାର୍ଗେ ଏବଂ ରାହୁଲ ଗାନ୍ଧୀଙ୍କ ଦ୍ୱାରା ଆଦର୍ଶ ଆଚରଣ ବିଧି ଉଲ୍ଲଂଘନ ହୋଇଥିବା ନେଇ ନିର୍ବାଚନ ଆୟୋଗ ସଂଜ୍ଞାନ କୁ ନେଇଛନ୍ତି  ।  

ନିର୍ବାଚନ ଆୟୋଗ କହିଛନ୍ତି ଯେ, ରାଜନୈତିକ ଦଳଗୁଡ଼ିକ ସେମାନଙ୍କ ପ୍ରାର୍ଥୀ ତଥା ଷ୍ଟାର ପ୍ରଚାରକଙ୍କ ଆଚରଣ ପାଇଁ ପ୍ରାଥମିକ ଦାୟିତ୍ୱ ଗ୍ରହଣ କରିବାକୁ ପଡ଼ିବ । ଶୀର୍ଷ ପଦବୀରେ ଥିବା ନେତାଙ୍କ ନିର୍ବାଚନୀ ଭାଷଣର ପରିଣାମ ଅଧିକ ଗୁରୁତର ଅଟେ ସୂଚନାଯୋଗ୍ୟ, ରାଜସ୍ଥାନର ବାନ୍‌ସୱାଡାଠାରେ ପ୍ରଧାନମନ୍ତ୍ରୀ ମୋଦି ଦେଇଥିବା ଭାଷଣ ସମ୍ପର୍କରେ କଂଗ୍ରେସ ତଥା ଅନ୍ୟ ବିରୋଧୀ ଦଳର ଅଭିଯୋଗ ଉପରେ ନିର୍ବାଚନ ଆୟୋଗ ଭାଜପା ମୁଖ୍ୟ ଜେପି ନଡାଙ୍କୁ ଉତ୍ତର ମାଗିଛନ୍ତି । 

ପ୍ରଧାନମନ୍ତ୍ରୀ ମୋଦି ଏବଂ ରାହୁଲଙ୍କ ବିରୋଧରେ ଆଚରଣ ବିଧି ଉଲ୍ଲଂଘନ ଅଭିଯୋଗକୁ ଭାଜପା ଏବଂ କଂଗ୍ରେସ ମୁଖିଆଙ୍କ ସହ ଶେୟାର କରିଥିବା ବେଳେ ଏପ୍ରିଲ ୨୯ ସୁଦ୍ଧା ଏହାର ଉତ୍ତର ମାଗିଛନ୍ତି ନିର୍ବାଚନ କମିଶନ । ସୋମବାର ଦିନ ବିଜେପି କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଦେଶରେ ଦାରିଦ୍ର‌୍ୟ ବୃଦ୍ଧି ନେଇ ମିଥ୍ୟା ଦାବି କରୁଥିବା ଅଭିଯୋଗ କରିଥିଲା ଏବଂ ତାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ବାଚନ ଆୟୋଗଙ୍କୁ ନିବେଦନ କରିଥିଲା । 

ନିର୍ବାଚନ ଆୟୋଗରେ ଅଭିଯୋଗ ଦାଖଲ କରୁଥିବାବେଳେ ବିଜେପି ମଧ୍ୟ ରାହୁଲ ଗାନ୍ଧୀଙ୍କୁ ଭାଷା ଏବଂ ଅଞ୍ଚଳ ଆଧାରରେ ଉତ୍ତର-ଦକ୍ଷିଣରେ ବିଭକ୍ତ କରିବା ଭଳି ଅଭିଯୋଗ କରିଥିଲେ । 

COASTAL NEWS ODIA 1830 ଓଡିଶାରେ ନିର୍ବାଚନୀ ମହାସମର ପାଇଁ ହିଞ୍ଜିଳିରେ ବାଜିଲା ବିଜେଡିର ରଣତୁରୀ

COASTAL NEWS ODIA 1830

ଓଡିଶାରେ ନିର୍ବାଚନୀ 

ମହାସମର ପାଇଁ ହିଞ୍ଜିଳିରେ ବାଜିଲା ବିଜେଡିର ରଣତୁରୀ 

ହିଞ୍ଜିଳିକାଟୁ - (CNO) ଓଡିଶା ବିକାଶରେ ବିରୋଧୀଙ୍କୁ ଟାର୍ଗେଟ ନିଜ ପାଇଁ ଓ ଆସିକା ସାଂସଦ ପ୍ରାର୍ଥୀନୀଙ୍କ ପାଇଁ ଭୋଟ ଭିକ୍ଷା କଲେ ମୁଖ୍ୟମନ୍ତ୍ରୀ ଯୋଡି ଶଙ୍ଖ ଓଡିଶାର ବିକାଶ ଓ ପରିଚୟ, ବିକାଶକୁ ବିରୋଧ କରି କେହି କେବେ ସଫଳ ହୋଇନାହିଁ ୨୦୨୪ ଠାରୁ ୨୦୩୪ ଯାଏଁ ଓଡିଶା ହେବ ସ୍ୱତନ୍ତ୍ର ଓ ୧ନଂ ରାଜ୍ୟ : ମୁଖ୍ୟମନ୍ତ୍ରୀ

ବିଜୁ ଜନତା ଦଳ ଓଡିଶାର ସାଢେ ୪ କୋଟି ଓଡିଆଙ୍କ ବିକାଶ ପାଇଁ ୨୪ ବର୍ଷ ଧରି ନିରନ୍ତର କାର୍ଯ୍ୟ କରି ଆସୁଛି । ଚାଷୀ, ମହିଳା ସଶକ୍ତିକରଣ, ସ୍ୱାସ୍ଥ୍ୟ, ଶିକ୍ଷା, ଗମନାଗମନ ଓ ସବୁ ବର୍ଗର ଲୋକଙ୍କ କଲ୍ୟାଣ ପାଇଁ ସର୍ମପିତ ସେବା ଯୋଗାଇ ଆସୁଛି । ହିଞ୍ଜିଳିରୁ ୫ଟି ହାଇସ୍କୁଲ ରୂପାନ୍ତରଣ କାର୍ଯ୍ୟାରମ୍ଭ, ଆମ ହସପିଟାଲ, ପଞ୍ଚାୟତରେ ମୋ ବ୍ୟାଙ୍କ ସେବା, ମା’ ତାରାତାରିଣୀ , ସମଲେଶ୍ୱରୀ, ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଆଦି ଓଡିଆଙ୍କ ସ୍ୱାଭିମାନ ଓ ବିକାଶର ପରିଚୟ ସୃଷ୍ଟି କରିଛି । ହିଞ୍ଜିଳିରୁ ସମସ୍ତ ବିକାଶ ପ୍ରକ୍ରିୟାର ଆରମ୍ଭ ହୋଇ ସାରା ରାଜ୍ୟରେ କାର୍ଯ୍ୟକାରୀ କରାଯାଇଛି । 

ମହିଳାଙ୍କ ପାଇଁ ୦% ସୁଧରେ ୫ଲକ୍ଷ ଟଙ୍କା ପର୍ଯ୍ୟନ୍ତ ବ୍ୟାଙ୍କ ଋଣ, ବିଏସକେୱାଇ କାର୍ଡରେ ମହିଳା ଓ ସଦସ୍ୟଙ୍କ ପାଇଁ ମାଗଣା ଚିକିତ୍ସା ସୁବିଧା, ସ୍ୱଂୟମ ଯୋଜନାରେ ୧୮ରୁ ୩୫ ବର୍ଷ ଯୁବବର୍ଗଙ୍କୁ ରୋଜଗାର ପନ୍ଥା , ଶିକ୍ଷାକ୍ଷେତ୍ରରେ ଯୁବବର୍ଗଙ୍କୁ ଛାତ୍ରବୃତ୍ତି ଆଦି ବହୁ ଲୋକହିତକର ଯୋଜନା କାର୍ଯ୍ୟକାରୀ କରାଯାଇଛି ।

୨୦୨୪ ସୁଦ୍ଧା ଆମ ଓଡିଶା- ନବୀନ ଓଡିଶା କାର୍ଯ୍ୟକ୍ରମ ଅନୁଯାୟୀ ଓଡିଶାକୁ ଏକ ସ୍ୱତନ୍ତ୍ର ରାଜ୍ୟ ଏବଂ ୧ନଂ ରାଜ୍ୟରେ ପରିଣତ କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆହ୍ୱାନ ଦେଇଥିଲେ । ୫ଟି ରୂପାନ୍ତରଣ ଉପକ୍ରମ ଅନୁସାରେ ରାଜ୍ୟରେ ବିକାଶ ପ୍ରକ୍ରିୟା ଦୃତଗତିରେ ଆଗେଇ ଚାଲିଛି । ସ୍କୁଲ, ମନ୍ଦିର, ଧର୍ମାନୁଷ୍ଠାନ ଗୁଡିକୁ ବିକଶିତ କରାଯାଇ ଲୋକଙ୍କ ସେବାରେ ସମର୍ପିତ କରାଯାଇଛି । 

ଏହି ବିକାଶ ଧାରାକୁ ବିରୋଧୀ ଆଦୌ ସହ୍ୟ କରିପାରୁ ନାହାନ୍ତି ବୋଲି ମୁଖ୍ୟମନ୍ତ୍ରୀ ଆୟୋଜିତ ସଭାରେ ବିରୋଧୀଙ୍କ ଉପରେ ପ୍ରବଳ ବର୍ଷିଥିଲେ । ସେମାନଙ୍କ ଏହି ଉଦ୍ୟମ କେବେ ସଫଳ ହେବ ନାହିଁ ବୋଲି ଦୃଢୋକ୍ତି ପ୍ରକାଶ କରିଥିଲେ । ଓଡିଶାର ବିକାଶ ପ୍ରକ୍ରିୟାକୁ ଜାଣିଶୁଣି ବିରୋଧ କରିବା ସହ ଚଳିତ ସାଧାରଣ ନିର୍ବାଚନରେ ବିଜୁ ଜନତା ଦଳ ବହୁମତ ହାସଲ କରିବ ବୋଲି ସେ, ଆଶାବ୍ୟକ୍ତ କରିଥିଲେ ।

ଓଡିଶାର ବିକାଶକୁ ଶିଖରରେ ପହଞ୍ଚାଇବା ପାଇଁ ଯୋଡି ଶଙ୍ଖ ଚିହ୍ନରେ ଭୋଟ ଦେଇ ବିଜେଡି ପ୍ରାର୍ଥୀଙ୍କୁ ବିପୁଳ ଭୋଟ ବ୍ୟବଧାନରେ ବିଜୟୀ କରିବା ପାଇଁ ନିବେଦନ କରିଥିଲେ । ନିଜ ସପକ୍ଷରେ ଓ ଆସିକା ସାଂସଦ ପ୍ରାର୍ଥୀନୀ ରଞ୍ଜିତା ସାହୁଙ୍କୁ ଶଙ୍ଖ ଚିହ୍ନରେ ଭୋଟ ଦେଇ ଲକ୍ଷାଧିକ ଭୋଟରେ ବିଜୟୀ କରିବାକୁ ଭୋଟରଙ୍କ ଆର୍ଶୀବାଦ ଭିକ୍ଷା କରିଥିଲେ । 

ବୁଧବାର ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦିନିକିଆ ନିଜ ନିର୍ବାଚନ ମଣ୍ଡଳୀ ହିଞ୍ଜିଳି ଗସ୍ତରେ ଆସିଥିଲେ । କଡା ସୁରକ୍ଷା ବଳୟ ମଧ୍ୟରେ ମୁଖ୍ୟମନ୍ତ୍ରୀ ସକାଳ ପ୍ରାୟ ୧୦.୪୫ମି ସମୟରେ ହିଞ୍ଜିଳିକାଟୁ ବ୍ଳକ ସମରଝୋଳ ଶଙ୍କର ଚକ୍ଷୁ ଚିକିତ୍ସାଳୟ ନିକଟସ୍ଥ ପଡିଆରେ ନିର୍ମିତ ଅସ୍ଥାୟୀ ହେଲିପ୍ୟାଡରେ ଅବତରଣ କରିଥିଲେ । ସେଠାରେ ତାଙ୍କୁ ଦଳୀୟ କର୍ମୀଙ୍କ ପକ୍ଷରୁ ଉଚ୍ଛ୍ବସତ ସମ୍ବର୍ଦ୍ଧନା ପ୍ରଦାନ କରାଯାଇ ସଭାସ୍ଥଳକୁ ପାଛୋଟି ଅଣାଯାଇଥିଲା । ସଭାମଞ୍ଚରେ ଏକ ବିରାଟ ପୁଷ୍ପଗୁଚ୍ଚ ପ୍ରଦାନ କରି ସ୍ୱାଗତ କରାଯାଇଥିଲା ।

ମୁଖ୍ୟମନ୍ତ୍ରୀଙ୍କ ସହ ଆମ ଓଡିଶା- ନବୀନ ଓଡିଶା ଅଧ୍ୟକ୍ଷ ତଥା ବିଜେଡିର ଷ୍ଟାର କ୍ୟମ୍ପେନର ଭି. କାର୍ତ୍ତିକେୟାନ ପାଣ୍ଡିଆନ, ରାଜ୍ୟ ଅର୍ଥମନ୍ତ୍ରୀ ବିକ୍ରମ କେଶରୀ ଆରୁଖ, ଆସିକା ସାଂସଦ ପ୍ରମିଳା ବିଷୋୟୀ, ମୁଖ୍ୟମନ୍ତ୍ରୀଙ୍କ ଜିଲ୍ଲା ପରିଷଦ ପ୍ରତିନିଧି ଶରତ ଚନ୍ଦ୍ର ମହାପାତ୍ର, ରାଜ୍ୟ ବିଜେଡି ସାଧାରଣ ସମ୍ପାଦକ ଦେବାନନ୍ଦ ମହାପାତ୍ର, ବ୍ଳକ ଅଧ୍ୟକ୍ଷା ସରସ୍ୱତୀ ସେଠି, ଆସିକା ଲୋକସଭା ପ୍ରାର୍ଥୀନୀ ରଞ୍ଜିତା ସାହୁ, ବିଜେଡି ବ୍ଳକ ସଭାପତି ସୁରେନ୍ଦ୍ର ନାଥ ପ୍ରଧାନ, ପୌରାଧ୍ୟକ୍ଷ ସୁବାଷ ପୋଲେଇ, ଉପାଧ୍ୟକ୍ଷା ସୁଚିତ୍ରା ପଣ୍ଡା, ଗ୍ରୀଟ୍ ଅଧ୍ୟକ୍ଷ ପବିତ୍ର ମୋହନ ପାଣିଗ୍ରାହୀ, ଓଆରଏଚଡିସି ଅଧ୍ୟକ୍ଷ ଡି. ବିଶ୍ୱନାଥ, ଜିଲ୍ଲା ପରିଷଦ ସଭ୍ୟ ଏ. ସୁଦର୍ଶନ, ବି. ଗିତାଞ୍ଜଳି, ପ୍ରିତି ସାହୁ, ଯୁବ ବିଜେଡି ସଭାପତି ସଞ୍ଜୟ ପଣ୍ଡା, ମନୋଜ ସାବତ, କନ୍ଧମାଳ ଜିଲ୍ଲା ପର୍ଯ୍ୟବେକ୍ଷକ ଅଜୟ ମହାରଣା, ରଣପୁର ପର୍ଯ୍ୟବେକ୍ଷକ ନିଳମଣି ପଟ୍ଟନାୟକ ପ୍ରମୁଖ ନେତୃମଣ୍ଡଳୀ ମଞ୍ଚାସିନ ଥିଲେ ।

ଓଡିଶାର ଜନପ୍ରିୟ ମୁଖ୍ୟମନ୍ତ୍ରୀ, ହିଞ୍ଜିଳି ବିଧାୟକ ପ୍ରାର୍ଥୀ ନବୀନ ପଟ୍ଟନାୟକଙ୍କୁ ରେକର୍ଡ ସଂଖ୍ୟକ ଭୋଟ ବ୍ୟବଧାନରେ ବିଜୟୀ କରାଇ ୬ଷ୍ଠ ଥର ଲାଗି ଓଡିଶାର ମୁଖ୍ୟମନ୍ତ୍ରୀ ଭାବେ ଗୌରବ ଅର୍ଜନ କରିବା ଏବଂ ସର୍ବ କନିଷ୍ଠ ଆସିକା ସାଂସଦ ପ୍ରାର୍ଥୀନୀ ରଞ୍ଜିତା ସାହୁଙ୍କୁ ଲକ୍ଷାଧିକ ଭୋଟ ବ୍ୟବଧାନରେ ବିଜୟୀ କରିବା ପାଇଁ ମଞ୍ଚାସିନ ଅତିଥି ବୃନ୍ଦ ଆହ୍ୱାନ ଦେଇଥିଲେ । ବ୍ଳକ ଅଧ୍ୟକ୍ଷା ଶ୍ରୀମତୀ ସେଠି ସ୍ୱାଗତ ସମ୍ଭାଷଣ ପ୍ରଦାନ କରିଥିବା ବେଳେ ପୌରାଧ୍ୟକ୍ଷ ଶ୍ରୀ ପୋଲେଇ ଧନ୍ୟବାଦ ଅର୍ପଣ କରିଥିଲେ । 

ଆୟୋଜିତ କାର୍ଯ୍ୟକ୍ରମରେ ଏନ. ରଘୁନାଥ, ପ୍ୟାରମୋହନ ପାଢି, ବିଭୁ ପ୍ରସାଦ ପଣ୍ଡା, ପ୍ରଦୀପ କୁମାର ପଣ୍ଡା, ଶିବରାମ ଗୌଡ, ହୃଦୟାନନ୍ଦ ମହାପାତ୍ରଙ୍କ ସମେତ ବହୁ ସରପଞ୍ଚ, ସମିତିସଭ୍ୟ, ସଭ୍ୟା, ପୂର୍ବତନ ସରପଞ୍ଚ, ସମିତିସଭ୍ୟ, କାଉନସିଲର, ବହୁ ଦଳୀୟ କର୍ମୀଙ୍କ ସମେତ ୫ ହଜାରରୁ ଉର୍ଦ୍ଧ୍ୱ ମହିଳା ଓ ପୁରୁଷ ଯୋଗ ଦେଇଥିଲେ । 

ମୁଖ୍ୟମନ୍ତ୍ରୀଙ୍କ ଗସ୍ତକୁ ଦୃଷ୍ଟିରେ ରଖି କଡା ନିରାପତ୍ତା ବ୍ୟବସ୍ଥା ଗ୍ରହଣ କରାଯାଇଥିଲା । ସୁରକ୍ଷା ଦାୟିତ୍ୱରେ ପୁଲିସ ଆଇଜି ଜୟ ନାରାୟଣ ପଙ୍କଜ, ଆରକ୍ଷୀ ଅଧିକ୍ଷକ ଜଗମୋହନ ମୀନା, ଆଇ ଆଇ ସି ଶ୍ରୀନିବାସ ସେଠୀଙ୍କ ସମେତ ୨ଜଣ ଅତିରିକ୍ତ ଏସପି , ୫ଜଣ ଡିଏସପି, ୧୨ ଜଣ ଇନିସପେକ୍ଟର, ୭୮ ଜଣ ଏସଆଇ ଓ ୧୫ ପ୍ଳାଟୁନ ପୁଲିସ ଫୋର୍ସ ମୃତୟନ କରାଯାଇଥିଲା । 

COASTAL NEWS ODIA 1830 *ଖବର ଆଜିର*

COASTAL NEWS ODIA 1830

*ଖବର ଆଜିର* 

ଭୁବନେଶ୍ବର - (CNO) 

୧-ଭୁବନେଶ୍ୱର:ସି-ଭିଜିଲ ଆପ୍ଲିକେସନରେ ୩୮୭୩ ଅଭିଯୋଗ, ବ୍ୟାନର ଓ ପୋଷ୍ଟର ଉପରେ ସର୍ବାଧିକ ଅଭିଯୋଗ ଆଣିଲେ ଜନସାଧାରଣ।

୨-ନିର୍ବାଚନ ଇସ୍ତାହାର ପ୍ରସ୍ତୁତ କରୁଛି ବିଜେଡି,ଏହାପୂର୍ବରୁ ଲୋକଙ୍କ ମତାମତ ଲୋଡିଲେ ୫ଟି ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ।

୩-ବିଜେଡିରେ ମିଶିଲେ ଓଲିଉଡ଼ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ,କଂଗ୍ରେସରେ ସାମିଲ ହେଲେ କେନ୍ଦ୍ରାପଡ଼ାର ପୂର୍ବତନ ବିଜେଡି ବିଧାୟିକା ସିପ୍ରା ମଲ୍ଲିକ।

୪-ଘରକଳିରୁ ସିଧା ନିର୍ବାଚନ ମୈଦାନରେ ମୁହାଁମୁହିଁ, ଅନୁଭବଙ୍କ ବିରୋଧରେ ପ୍ରଚାର କରିବେ ବର୍ଷା ! 

୫-ଭୁବନେଶ୍ୱର: ବିଜେଡ଼ି ପ୍ରାର୍ଥୀଙ୍କ ମଧ୍ୟରୁ ୨୧ଜଣଙ୍କ ବୟସ ୪୦ ବର୍ଷରୁ କମ୍, ଯୁବଗୋଷ୍ଠୀଙ୍କୁ ଦଳର ପ୍ରାଧାନ୍ୟ।

୬-ଆଳି: ଝିଅର ନିର୍ବାଚନୀ ଖର୍ଚ୍ଚ ପାଇଁ ଘର ଡିହ ବିକି ଦେଲେ ପୂର୍ବତନ ବିଧାୟକ ଦେବେନ୍ଦ୍ର ଶର୍ମା।

୭-ଭୁବନେଶ୍ୱର:୮୭ ସ୍ଥାନରେ ଜଳୁଛି ଜଙ୍ଗଲ,୯୯% ମନୁଷ୍ୟ କୃତ: ପ୍ରଧାନ ମୁଖ୍ୟ ବନ  ସଂରକ୍ଷକ।

୮-ବିଧାନସଭା ନିର୍ବାଚନ ପାଇଁ ୩୭ ସିଟ୍‌ରେ ଆପ୍‌ର ପ୍ରାର୍ଥୀ ଘୋଷଣା, ମାହାଙ୍ଗାରୁ ସାରଦା ପ୍ରସାଦ ଦାସ। ପାଟକୁରାରୁ ଅଶୋକ କୁମାର ତ୍ରିପାଠୀ ପ୍ରାର୍ଥୀ ଘୋଷଣା।

୯-ମାଲକାନଗିରି: ନିର୍ବାଚନ ପାଇଁ ଚିତ୍ରକୋଣ୍ଡାର ବଣ୍ଡାଘାଟୀ ସକ୍ରିୟ, ମତଦାନ କରିବେ ୫ ହଜାର ବଣ୍ଡା।

୧୦-୨୪ ନିର୍ବାଚନରେ ପୁଅଙ୍କ ପାଇଁ ସାରଥୀ ସାଜିଲେ ବାପା । ନିର୍ବାଚନ ଲଢ଼ୁଛନ୍ତି ପୁଅ, ପ୍ରଚାର କରି ଗୋଟି ଚଳାଉଛନ୍ତି ବାପା।

୧୧-ଭୁବନେଶ୍ୱର ସବୁଠାରୁ ଉତ୍ତପ୍ତ ସହର, ଦିନ ୨ଟା ୩୦ ସୁଦ୍ଧା ୪୩.୦୬ ଡିଗ୍ରୀ ତାପମାତ୍ରା ରେକର୍ଡ।

୧୨-ଆରମ୍ଭ ହେଲା ନାମାଙ୍କନ । ମେ’ ୧୩ରେ ୪ ସଂସଦୀୟ କ୍ଷେତ୍ର ଓ ୨୮ ବିଧାନସଭା ଆସନ ପାଇଁ ପଡିବ ଭୋଟ । ବିଜ୍ଞପ୍ତି ପ୍ରକାଶ ପାଇବା ପରେ ପ୍ରାର୍ଥୀପତ୍ର ଦାଖଲ କଲେ ନେତା।

୧୩-IPL:ସୂର୍ଯ୍ୟଙ୍କ ପରେ ବୁମରା-କୋଏତଜିଙ୍କ ଶାଣିତ ବୋଲିଂ, ରୋମାଞ୍ଚକର ମୁକାବିଲାରେ ପଞ୍ଜାବକୁ ମାତ୍ ଦେଲା ମୁମ୍ବାଇ।

୧୪-ପ୍ରଚଣ୍ଡ ତାତିରେ ଦୁର୍ଦ୍ଦଶା ବଢ଼ାଉଛି ଅଘୋଷିତ ପାୱାର କଟ୍, ମେଣ୍ଟେନାନ୍ସ ଆଳରେ ୨ରୁ ୩ ଘଣ୍ଟା ବିଜୁଳି ଗୁଲ୍।

୧୫-ଟିକେଟ୍‌ କଟିବା ପରେ ଏକାଠି ହେଲେ ସମର୍ଥକ; ଭାବବିହ୍ବଳ ହୋଇ କାନ୍ଦିଲେ ସମୀର ଦାଶ !

୧୬-କମିଶନରେଟ୍ ପୋଲିସ ହାତରେ ସାଇବର ଠକ, ସ୍ବାମୀ ସ୍ତ୍ରୀ ଗ୍ୟାଙ୍ଗ,୪ ଗିରଫ।

୧୭-ଆଜି ୧୭ଟି ରାଜ୍ୟ ଓ ୪ଟି କେନ୍ଦ୍ରଶାସିତ ଅଞ୍ଚଳର ୧୦୨ଟି ନିର୍ବାଚନ ମଣ୍ଡଳୀରେ ମତଦାନ ହେବ।

୧୮-ଓଡ଼ିଶା କ୍ୟାଡର ଆଇପିଏସ ସଞ୍ଜୟ କୁମାର ସିଂହ ସ୍ୱେଚ୍ଛାକୃତ ଅବସର ନେଲେ।

୧୯-ଦଶପଲ୍ଲା ଆଶିର୍ବାଦ ସମାବେଶରେ ଯୋଗ ଦେଇ ଭୋଟ୍ ଭିକ୍ଷା କଲେ କନ୍ଧମାଳ ସାଂସଦ ଡ଼ ଅଚ୍ୟୁତ ସାମନ୍ତ।

୨୦-ନୂଆଦିଲ୍ଲୀ:ECଙ୍କୁ ସର୍ବୋଚ୍ଚ ନ୍ୟାୟାଳୟଙ୍କ ନିର୍ଦ୍ଦେଶ EVM ତ୍ରୁଟି ଅଭିଯୋଗର ଅନୁଧ୍ୟାନ କର।

୨୧-କେଜ୍ରିୱାଲଙ୍କୁ ମିଳିବ କି ‘ୱାର୍କ ଫ୍ରମ୍‌ ଜେଲ୍‌’ ଅନୁମତି, ହାଇକୋର୍ଟରେ କଲେ ଗୁହାରୀ

୨୨-ପୁଣି ସମସ୍ୟାରେ ଅଭିନେତ୍ରୀ ଶିଳ୍ପା ସେଟୀଙ୍କ ସ୍ୱାମୀ ତଥା ବ୍ୟବସାୟୀ ରାଜ କୁନ୍ଦ୍ରା । ବିଟ କଏନ ସ୍କାମ ମାମଲାରେ ରାଜଙ୍କ ୯୮କୋଟି ମୂଲ୍ୟର ସମ୍ପତି ଜବତ।

    

COASTAL NEWS ODIA 1828 ମାହାଙ୍ଗା ଡବଲ ମର୍ଡର ମାମଲା; ଶୁଣାଣି ଶେଷ କରି ରାୟ ସଂରକ୍ଷିତ ରଖିଲେ ହାଇକୋର୍ଟ

COASTAL NEWS ODIA 1828

ମାହାଙ୍ଗା ଡବଲ ମର୍ଡର ମାମଲା; ଶୁଣାଣି ଶେଷ କରି ରାୟ ସଂରକ୍ଷିତ ରଖିଲେ ହାଇକୋର୍ଟ

ଭୁବନେଶ୍ବର (CNO) ମାହାଙ୍ଗା ଡବଲ ମର୍ଡର ମାମଲା । ପ୍ରତାପ ଜେନାଙ୍କ ଆବେଦନର ଶୁଣାଣି ଶେଷ । ଶୁଣାଣି ଶେଷ କରି ରାୟ ସଂରକ୍ଷିତ ରଖିଲେ ହାଇକୋର୍ଟ । ତଳ କୋର୍ଟଙ୍କ ନିର୍ଦ୍ଦେଶକୁ ହାଇକୋର୍ଟରେ ଚ୍ୟାଲେଞ୍ଜ କରିଥିଲେ ପ୍ରତାପ । ପ୍ରତାପଙ୍କ ବିରୋଧରେ ମାମଲା ଚାଲୁ ପାଇଁ ନିର୍ଦ୍ଦେଶ ଦେଇଥିଲେ ତଳ କୋର୍ଟ ।

ମାହାଙ୍ଗା ଡବଲ ମର୍ଡର ଘଟଣାରେ କୁଳମଣି ବରାଳ ଓ ଦିବ୍ୟସିଂହ ବରାଳଙ୍କ ମୃତ୍ୟୁ ଘଟିଥିଲା । ଏହି ଘଟଣାର ଅଭିଯୋଗକାରୀ ମୃତ କୁଳମଣିଙ୍କ ପୁଅ ରମାକାନ୍ତ ବରାଳ 13 ଜଣଙ୍କ ନାଁରେ ଅଭିଯୋଗ କରିଥିଲେ । 13 ଜଣ ଅଭିଯୁକ୍ତଙ୍କ ମଧ୍ୟରୁ 9 ଜଣ ଗିରଫ ହୋଇଥିଲେ । ଏତଲା ଅନୁଯାୟୀ 13 ତମ ଅଭିଯୁକ୍ତ ଥିଲେ ବିଧାୟକ ପ୍ରତାପ ଜେନା । ହେଲେ ପରବର୍ତ୍ତୀ ସମୟରେ ବିଧାୟକଙ୍କ ନାଁକୁ ଏଫ୍‌ଆଇଆର୍‌ରୁ ହଟାଇ ଦିଆଯାଇଥିଲା । 

ଏହା ବିରୋଧରେ କୋର୍ଟଙ୍କ ଦ୍ବାରସ୍ଥ ହୋଇଥିଲେ ଅଭିଯୋଗକାରୀ ରମାକାନ୍ତ । ଏହି ମାମଲାର ଶୁଣାଣି କରି ମାମଲାର ପୁନଃ ତଦନ୍ତ କରି ସାନି ଚାର୍ଜସିଟ୍ କରିବାକୁ ମାହାଙ୍ଗା ଥାନା ପୋଲିସ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ ସାଲେପୁର ଜେଏମ୍‌ଏଫ୍‌ସି ।

ସେହିବର୍ଷ ଅଗଷ୍ଟ ମାସରୁ ଏହି ନିର୍ଦ୍ଦେଶ ଦିଆଯାଇଥିଲେ ମଧ୍ୟ ୩ ମାସ ସମୟ ଗଡ଼ାଇ ଚାଲିଥିଲା ପୋଲିସ୍‌ । ଏହାକୁ ନେଇ କୋର୍ଟ କ୍ଷୋଭ ପ୍ରକାଶ କରିଥିଲେ । ସେହିବର୍ଷ ନଭେମ୍ବର ୨୫ ତାରିଖ ସୁଦ୍ଧା ଚାର୍ଜସିଟ୍ ଦାଖଲ କରିବାକୁ କୋର୍ଟ ନିର୍ଦ୍ଦେଶ ଦେଇଥିଲେ । ଏହାପରେ ଡିସେମ୍ବର ୯ରେ ଡବଲ ମର୍ଡର ଘଟଣାର ଏତଲାକାରୀ ରମାକାନ୍ତ ବରାଳଙ୍କର ଭୁବନେଶ୍ବରର ଏକ ଘରୋଇ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା ।

COASTAL NEWS ODIA 1827 ଓଡିଶା ବିଧାନସଭା ନିର୍ବାଚନ: କେବେ ସରିବ ଟିକେଟ ଘୋଷଣା ? କୋଉଠୁ କୋଉ ଦଳ ଘୋଷଣା କରିନି ପ୍ରାର୍ଥୀ ?

COASTAL NEWS ODIA 1827

ଓଡିଶା ବିଧାନସଭା ନିର୍ବାଚନ: କେବେ ସରିବ ଟିକେଟ ଘୋଷଣା ? କୋଉଠୁ କୋଉ ଦଳ ଘୋଷଣା କରିନି ପ୍ରାର୍ଥୀ ? 

ଭୁବନେଶ୍ବର - (CNO) ରାଜ୍ୟରେ ଜଳବାୟୁ ରେ ଭିଷଣ ତାତି ପରିଲକ୍ଷିତ ହେଉଥିବାବେଳେ ରାଜ୍ୟରେ ରାଜନୀତି ତାତି ଭାରି ଜୋର ଧରିଛି । ନିର୍ବାଚନ ଆଉ କେଇଟା ଦିନ ବାକି ଥିବା ବେଳେ ପ୍ରାର୍ଥୀ ଘୋଷଣା ହୋଇନାହିଁ । ଏପର୍ଯ୍ୟନ୍ତ ସମସ୍ତ ବିଧାନସଭା ଆସନରେ ତିନି ପ୍ରମୁଖ ଦଳ ସେମାନଙ୍କର ପ୍ରାର୍ଥୀ ଘୋଷଣା କରିନାହାନ୍ତି । 

ଅଧିକାଂଶ ଆସନରେ ପ୍ରାର୍ଥୀ ଦେଇ ସାରିଥିବା ବେଳେ ତଥାପି କେତେକ ଆସନରେ ବାକି ରହିଛି ବିଧାନସଭା ପ୍ରାର୍ଥୀଙ୍କ ନାଁ ଘୋଷଣା । କେବେ ସରିବ ଟିକେଟ ଘୋଷଣା ? ସାଧାରଣ ନିର୍ବାଚନରେ ଟିକେଟ ବଣ୍ଟାକୁ ନେଇ ଉଷ୍ମ ହେଉଛି ରାଜନୀତି । 

ଓଡ଼ିଶାରେ ଏପର୍ଯ୍ୟନ୍ତ ସମସ୍ତ ବିଧାନସଭା ଆସନରେ ତିନି ପ୍ରମୁଖ ଦଳ ସେମାନଙ୍କର ପ୍ରାର୍ଥୀ ଘୋଷଣା କରିନାହାନ୍ତି । ଲୋକସଭା ନିର୍ବାଚନ ୨୦୨ ୪: ଆସନ୍ତା ୨୫ ତାରିଖରେ ଓଡ଼ିଶା ଆସିବେ ଅମିତ ଶାହ, ସୋନପୁରରେ ଜନସଭାକୁ ସମ୍ବୋଧନ କରିବେ ୧୪୭ ଆସନରୁ ବିଜେଡି ଆହୁରି ୧୨ ଆସନରେ ପ୍ରାର୍ଥୀ ଘୋଷଣା କରିନି । 

ବିଜେପି ୧୬ ଏବଂ କଂଗ୍ରେସ ୯ ବିଧାନସଭା ଆସନରେ ପ୍ରାର୍ଥୀ ଘୋଷଣା କରି ନାହିଁ । ବିଜେଡି ଏହି ୧୨ ଆସନରୁ ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କରି ନାହିଁ ଓଡ଼ିଶା ବିଧାନସଭା ନିର୍ବାଚନ: ରଘୁନାଥପାଲି ହିନ୍ଦୋଳ ଖଣ୍ଡପଡା ବେଗୁନିଆ ଖୋର୍ଦ୍ଧା ବାଙ୍ଗିରିପୋଷି ଭୋଗରାଇ ନୀଳଗିରି ବରି କୋରେଇ ବାଲିକୁଦା-ଏରସମା କାକଟପୁର ବିଜେପି ଏହି ୧୬ ଆସନରୁ ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କରିନି ଜୟପୁର ତେଲକୋଇ ଘଷିପୁରା ଚଂପୁଆ ହିନ୍ଦୋଳ ବାରବାଟୀ-କଟକ ବେଗୁନିଆ ଖୋର୍ଦ୍ଧା ଭୋଗରାଇ ବସ୍ତା ନୀଳଗିରି ଭଣ୍ଡାରୀପୋଖରୀ ବାସୁଦେବପୁର ବରି ସାଲେପୁର କେନ୍ଦ୍ରାପଡା 

କଂଗ୍ରେସ ଘୋଷଣା କରିନଥିବା ଆସନଗୁଡିକ ଛତ୍ରପୁର ପାଲଲହଡା ବାରବାଟୀ-କଟକ ଜଳେଶ୍ୱର ବାଲେଶ୍ୱର ସଦର ନୀଳଗିରି ବଡଚଣା ଜଗତସିଂହପୁର କାକଟପୁର ତିନି ପ୍ରମୁଖ ଦଳ ବାକିଥିବା ଆସନରେ କେବେ ପ୍ରାର୍ଥୀ ଘୋଷଣା କରୁଛନ୍ତି ତା'ଉପରେ ସମସ୍ତଙ୍କ ନଜର । 

ବିଜେପି ଓ ବିଜେଡି ସମସ୍ତ ଲୋକସଭା ପ୍ରାର୍ଥୀ ଘୋଷଣା କରିସାରିଥିବା ବେଳେ କଂଗ୍ରେସର ଆହୁରି ୨ଟି ସିଟ୍ ବାକି ରହିଛି । କଟକ ଓ ମୟୂରଭଞ୍ଜ ଲୋକସଭା ଆସନ ପାଇଁ ଏପର୍ଯ୍ୟନ୍ତ ପ୍ରାର୍ଥୀ ଘୋଷଣା କରିନି କଂଗ୍ରେସ ।  ଆଜି ଆସିପାରେ ବିଜେଡି ଓ ବିଜେପିର ଥିବା ପ୍ରାର୍ଥୀ ତାଲିକା । ବାକି ଥିବା ଆସନ ପାଇଁ ପ୍ରାର୍ଥୀ ଘୋଷଣା କରିପାରେ ଦଳ । 

ବିଜେପି ୧୬, କଂଗ୍ରେସ ୯ଟି ଏବଂ ବିଜେଡି ୧୨ଟି ଆସନରେ ପ୍ରାର୍ଥୀ ଘୋଷଣା କରିବାକୁ ବାକି ରହିଛି । ତେଣୁ ଏବେବି ତିନି ଦଳର ଏହି ସବୁ ଆଶାୟୀ ନେତାଙ୍କ ମଧ୍ୟରେ ଛକାପଞ୍ଝା ଜାରି ରହିଛି । ଟିକେଟ୍ ନମିଳିବାରୁ ଅଭିନବ ପ୍ରତିବାଦ ।  ସଞ୍ଜଳି ମୁର୍ମୁଙ୍କୁ ଦଳ ବାଙ୍ଗିରିପୋଷିରୁ ଟିକେଟ୍ ଦେଇଥିବାବେଳେ ଏହାକୁ ପରିବର୍ତନ କରିବାକୁ ଦାବି କରିଛନ୍ତି ସମର୍ଥକ ।