ଆକସ୍ମିକ ବନ୍ୟାରେ ଭାସିଯାଇ ପୁଞ୍ଚ୍‌ରେ ୨ ଯବାନ ସହିଦ

 ଆକସ୍ମିକ ବନ୍ୟାରେ ଭାସିଯାଇ ପୁଞ୍ଚ୍‌ରେ ୨ ଯବାନ ସହିଦ

ଜମ୍ମୁ ଓ କଶ୍ମୀରର ପୁଞ୍ଚ୍‌ ଜିଲ୍ଲାରେ ପ୍ରବଳ ବର୍ଷାଜନିତ ଆକସ୍ମିକ ବନ୍ୟା ଜଳରେ ଭାସିଯାଇ ୨ଜଣ ଯବାନ ସହିଦ ହୋଇଥିବା ଭାରତୀୟ ସେନା ସୂଚନା ଦେଇଛି ।

ଭାରତୀୟ ସେନା କହିଛି, ଶନିବାର ଦିନ ସୁରନକୋଟ୍‌ ଅଞ୍ଚଳର ଡୋଗ୍ରା ନାଳ ପାରି ହେଉଥିବା ବେଳେ ପ୍ରଖର ସୁଅରେ ଯବାନ ଦୁଇଜଣ ଭାସି ଯାଇଥିଲେ। ଦୁହିଁଙ୍କ ମଧ୍ୟରୁ ନାଏବ ସୁବେଦାର କୁଳଦୀପ ସିଂହଙ୍କ ଶବକୁ ଶନିବାର ରାତିରେ ପାଣିରୁ ଉଦ୍ଧାର କରାଯାଇଥିବା ବେଳେ ସିପାହୀ ତେଲୁ ରାମଙ୍କ ଶବ ଆଜି ଉଦ୍ଧାର କରାଯାଇଛି।

ପ୍ୟାନ-ଆଧାର ଲିଙ୍କ ନଥିଲେ ସାମ୍ନା କରିବେ ୧୦ଟି ମୁଖ୍ୟ ସମସ୍ୟା

 ପ୍ୟାନ-ଆଧାର ଲିଙ୍କ ନଥିଲେ ସାମ୍ନା କରିବେ ୧୦ଟି ମୁଖ୍ୟ ସମସ୍ୟା

ଆଧାର-ପ୍ୟାନ ଲିଙ୍କ କରାଇବାର ଶେଷ ତାରିଖ ସମାପ୍ତ ହୋଇଯାଇଛି । ଗତ ଜୁନ୍ ମାସ ୩୦ ତାରିଖ ଲିଙ୍କ କରିବାର ଶେଷ ଦିନ ଥିଲା 

ଆଧାର-ପ୍ୟାନ ଲିଙ୍କ କରାଇବାର ଶେଷ ତାରିଖ ସମାପ୍ତ ହୋଇଯାଇଛି । ଗତ ଜୁନ୍ ମାସ ୩୦ ତାରିଖ ଲିଙ୍କ କରିବାର ଶେଷ ଦିନ ଥିଲା । ଯେଉଁମାନେ ସେମାନଙ୍କର ପ୍ୟାନ ସହ ଆଧାର କାର୍ଡ ଲିଙ୍କ କରିନାହାନ୍ତି ଏବେ ସେମାନଙ୍କର ପ୍ୟାନ କାର୍ଡ ନିଷ୍କ୍ରିୟ ହୋଇଯାଇଛି। ଏବେ ଜାଣନ୍ତୁ ଏମିତି ଯେଉଁ ମାନେ କରିନାହାନ୍ତି ସେମାନେ କେଉଁ ସମସ୍ୟାରେ ପଡିବେ । ଲିଙ୍କ କରିନଥିଲେ ଆପଣଙ୍କ ପାଇଁ ଡିପୋଜିଟ, ଟ୍ରାଞ୍ଜାକସନ, ଲୋନ ଓ କ୍ରେଡିଟ କାର୍ଡ ସହ ଜଡ଼ିତ କାର୍ଯ୍ୟ ମୁସ୍କିଲ ହୋଇପାରେ । ଏପରି କ୍ଷେତ୍ରରେ ଆପଣ ୧୦ଟି ବଡ଼ କ୍ଷତି ସହିପାରନ୍ତି ।

୧- ସେଣ୍ଟ୍ରାଲ ବୋର୍ଡ ଅଫ୍ ଡାଇରେକ୍ଟ ଟ୍ୟାକ୍ସେସ ବା ସିବିଡିଟି ମୁତାବକ, ଟ୍ୟାକ୍ସ ପେୟର୍ସ ଆୟକର ରିଟର୍ଣ୍ଣ ଦାଖଲ କରିପାରିବେ, ମାତ୍ର ନିଷ୍କ୍ରିୟ ପ୍ୟାନର ବ୍ୟବହାର କରି ରିଫଣ୍ଡ ପାଇଁ କ୍ଲେମ୍ କରିପାରିବେ ନାହିଁ ।

୨- ସେୟାର ବ୍ୟତୀତ ଅନ୍ୟ କୌଣସି ସିକ୍ୟୁରିଟିର କ୍ରୟ-ବିକ୍ରୟ କ୍ଷେତ୍ରରେ ୧ ଲକ୍ଷରୁ ଅଧିକ ଟଙ୍କାର ପେମେଣ୍ଟ କରିପାରିବେ ନାହିଁ ।

୩- ଡିମେଟରେ ଆକାଉଣ୍ଟ ଖୋଲି ପାରିବେ ନାହିଁ । ଏଥିସହିତ ମ୍ୟୁଚୁଆଲ ଫଣ୍ଡ ୟୁନିଟ କିଣିବା ପାଇଁ ୫୦ ହଜାରରୁ ଅଧିକ ଟଙ୍କାର ପେମେଣ୍ଟ କରିପାରିବେ ନାହିଁ ।

୪- ୧୦ ଲକ୍ଷରୁ ଟଙ୍କାରୁ ଅଧିକ ସମ୍ପତ୍ତି କିଣାବିକା ଉପରେ ଅଧିକ ଟ୍ୟାକ୍ସ ଦେବାକୁ ପଡ଼ିବ ।

୫- ଗୋଟିଏ ଆର୍ଥିକ ବର୍ଷରେ ୫୦ ହଜାର ଟଙ୍କାରୁ ଅଧିକ ବୀମା ପଲିସୀ ବା ପ୍ରିମିୟମ ଭରିପାରିବେ ନାହିଁ ।

୬- କ୍ରେଡିଟ କାର୍ଡ ଓ ଡେବିଡ କାର୍ଡ ପାଇଁ ଆବେଦନ କରିପାରିବେ ନାହିଁ ।

୭- ଯାନବାହାନ କିଣାବିକା କ୍ଷେତ୍ରରେ ଅଧିକ ଟ୍ୟାକ୍ସ ଦେବାକୁ ପନିବ ।

୮- ବ୍ୟାଙ୍କରେ ଫିକ୍ସଡ ଡିପୋଜିଟ ଓ ସେଭିଙ୍ଗ ଖାତାକୁ ଛାଡ଼ି ଅନ୍ୟ କୌଣସି ଆକାଉଣ୍ଟ ଖୋଲିପାରିବେ ନାହିଁ ।

୯- ଯେଉଁ କମ୍ପାନୀମାନେ ଷ୍ଟକ ଏକ୍ସଚେଞ୍ଜରେ ଲିଷ୍ଟେଡ ନାହାନ୍ତି, ସେଗୁଡ଼ିକର ଶେୟାର କିଣାବିକା ପାଇଁ ପ୍ରତି ପ୍ରତି ଟ୍ରାଞ୍ଜାକସନ ଏକ ଲକ୍ଷରୁ ଅଧିକ ଭରଣା କରିପାରିବେ ନାହିଁ ।

୧୦- କୌଣସି ସେବାର କିଣାବିକା ପାଇଁ ପ୍ରତି ଟ୍ରାଞ୍ଜାକସନ ୨ ଲକ୍ଷରୁ ଅଧିକ ଭରଣା କରୁଥିଲେ ଅଧିକ ଟ୍ୟାକ୍ସ ଲାଗିବ ।

ଲୋକ କଳାକାରଙ୍କ ପାରିଶ୍ରମିକ ବୃଦ୍ଧି ଘୋଷଣା କଲେ ମୁଖ୍ୟମନ୍ତ୍ରୀ

 ଲୋକ କଳାକାରଙ୍କ ପାରିଶ୍ରମିକ ବୃଦ୍ଧି ଘୋଷଣା କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର : ରାଜ୍ୟରେ ଲୋକକଳାର ପ୍ରସାର ପାଇଁ ରାଜ୍ୟ ସରକାର ଅନେକ ପ୍ରଗତିଶୀଳ ପଦକ୍ଷେପ ନେଇଛନ୍ତି । ୨୦୦୯ ମସିହା ରୁ ବ୍ଲକ୍‌ ଠାରୁ ଆରମ୍ଭ କରି ଜିଲ୍ଲା ତଥା ରାଜ୍ୟସ୍ତର ପର୍ଯ୍ୟନ୍ତ କଳାକାର ମାନଙ୍କ ସଂଘ ଗଠନ କରାଯାଇଛି। ରାଜ୍ୟ ସୂଚନା ଓ ଲୋକସଂପର୍କ ବିଭାଗ, ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଓ ଅନ୍ୟାନ୍ୟ ବିଭାଗ ଦ୍ବାରା ଲୋକକଳା କାର୍ଯ୍ୟକ୍ରମର ଆୟୋଜନ କରାଯାଇ ପ୍ରୋତ୍ସାହନ ଦିଆଯାଉଛି ।

କଳାକାର ମାନଙ୍କୁ ପ୍ରୋତ୍ସାହିତ କରିବା ପାଇଁ ସୂଚନା ଓ ଲୋକସଂପର୍କ ବିଭାଗ ଦ୍ବାରା ଆୟୋଜିତ ସଚେତନତା କାର୍ଯ୍ୟକ୍ରମ ଗୁଡିକରେ କଳାକାର ମାନଙ୍କ ପ୍ରଦର୍ଶନ ପାଇଁ ପାରିଶ୍ରମିକରେ ବୃଦ୍ଧି ବିଷୟରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି । ବିଭିନ୍ନ ଲୋକକଳା ଯଥା ଦାସକାଠିଆ, ପାଲା, ଘୋଡାନାଚ ତଥା ଲୋକନୃତ୍ୟ ଓ ଲୋକସଂଗୀତ ପାଇଁ ପାରିଶ୍ରମିକ ବୃଦ୍ଧି କରିବାକୁ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି। ପ୍ରକାଶ ଯୋଗ୍ୟ ଯେ ସୂଚନା ଓ ଲୋକସଂପର୍କ ବିଭାଗ ଦ୍ୱାରା ଲୋକକଳା ଜରିଆରେ ବିଭିନ୍ନ ସୂଚନା, ଶିକ୍ଷା ଓ ସଂଚାର କାର୍ଯ୍ୟକ୍ରମ ତଥା ସରକାରଙ୍କ ବିଭିନ୍ନ ଯୋଜନାର ସଫଳ ରୂପାୟନ ପାଇଁ ପ୍ରଚାର ପ୍ରସାର କରାଯାଇଥାଏ ।

ଏହି ନୂତନ ନିଷ୍ପତ୍ତି ଅନୁଯାୟୀ ପ୍ରତ୍ୟେକ ଲୋକକଳା ପାଇଁ ଗୋଟିଏ ଦିନରେ ୩ ଘଣ୍ଟାରେ ୩ଟି ପ୍ରଦର୍ଶନ କରିବା ପାଇଁ ବର୍ଦ୍ଧିତ ପାରିଶ୍ରମିକ ଘୋଷଣା କରାଯାଇଛି । ଦଳର ମୁଖ୍ୟଙ୍କୁ ଦିନକୁ ୧୦୦୦ ଟଙ୍କା ଓ ଅନ୍ୟ ସଦସ୍ୟ ମାନଙ୍କୁ ୮୦୦ ଟଙ୍କା ଲେଖାଏ ପ୍ରଦାନ କରାଯିବ। ଏହାସହିତ, କଳାକାର ମାନଙ୍କ ଗମନାଗମନ ଓ ଖାଦ୍ୟ ପାଇଁ ଜଣ ପିଛା ଦୈନିକ ୩୦୦ ଟଙ୍କା ଲେଖାଏ ଦିଆଯିବ।ଏହି ନୂତନ ପାରିଶ୍ରମିକ ଅନୁଯାୟୀ ଦାସକାଠିଆ ପ୍ରଦର୍ଶନ କ୍ଷେତ୍ରରେ ପୂର୍ବରୁ କାର୍ଯ୍ୟକ୍ରମ ପିଚ୍ଛା ୨୦୦ ଟଙ୍କା ଦିଆଯାଉଥିବା ବେଳେ, ବର୍ତ୍ତମାନ ଏକ ଦୁଇ ଜଣିଆ ଦଳକୁ ଏକକାଳୀନ ୨୪୦୦ ଟଙ୍କା ପ୍ରଦାନ କରାଯିବ।

ସେହିପରି ପାଲା ପ୍ରଦର୍ଶନ କ୍ଷେତ୍ରରେ ପୂର୍ବରୁ କାର୍ଯ୍ୟକ୍ରମ ପିଚ୍ଛା ୩୫୦ ଟଙ୍କା ଦିଆଯାଉଥିବା ବେଳେ, ଏବେ ଏକ ୬ ଜଣିଆ ଦଳକୁ ଏକକାଳୀନ ୬୮୦୦ ଟଙ୍କା ଦିଆଯିବ।

ଘୋଡାନାଚ କ୍ଷେତ୍ରରେ ପୂର୍ବରୁ କାର୍ଯ୍ୟକ୍ରମ ପିଚ୍ଛା ୩୫୦ ଟଙ୍କା ଦିଆଯାଉଥିବା ବେଳେ, ବର୍ତ୍ତମାନ ୮ ଜଣିଆ ଘୋଡାନାଚ ଦଳକୁ ଏକକାଳୀନ ୯୦୦୦ ଟଙ୍କା ଦିଆଯିବ ।

ସେହିପରି ଲୋକନୃତ୍ୟ ଓ ଲୋକସଂଗୀତ ପାଇଁ ପୂର୍ବରୁ କାର୍ଯ୍ୟକ୍ରମ ପିଚ୍ଛା ୪୦୦ ଟଙ୍କା ଦିଆଯାଉଥିଲା । ଏବେ ଏକ ୮ ଜଣିଆ ଦଳକୁ ଏକକାଳୀନ ୯୦୦୦ ଟଙ୍କା ଦିଆଯିବ।

ଲୋକକଳାର ସୁରକ୍ଷା ତଥା କଳାକାରମାନଙ୍କୁ ପ୍ରୋତ୍ସାହିତ କରିବା ଦିଗରେ ଏହି ପଦକ୍ଷେପ ବିଶେଷ ସହାୟକ ହେବ ବୋଲି ମୁଖ୍ୟମନ୍ତ୍ରୀ ଆଶା ବ୍ୟକ୍ତ କରିଛନ୍ତି ।

ଶାଶୂକୁ ବୋହୂର ନିର୍ଯାତନା : ଗୋଡ଼ରେ ବେଡି ପକାଇବା ସହ ଛାଞ୍ଚୁଣୀରେ ବାଡଉଥିବାର ଭିଡିଓ ଭାଇରାଲ

 ଶାଶୂକୁ ବୋହୂର ନିର୍ଯାତନା : ଗୋଡ଼ରେ ବେଡି ପକାଇବା ସହ ଛାଞ୍ଚୁଣୀରେ ବାଡଉଥିବାର ଭିଡିଓ ଭାଇରାଲ

 

ଶାଶୂକୁ ବୋହୂର ନିର୍ଯାତନା । ରାଜଧାନୀସ୍ଥିତ ମଞ୍ଚେଶ୍ୱର ଶିଳ୍ପାଞ୍ଚଳରେ ଜଣେ ବୋହୂ ତାଙ୍କ ଶାଶୂଙ୍କ ଗୋଡରେ ବେଡି ପକାଇଥିବା ଦେଖିବାକୁ ମିଳିଛି । ଦୀର୍ଘ ଦିନ ଧରି ବୋହୂ ଜଣଙ୍କ ତାଙ୍କ ଶାଶୂଙ୍କ ଗୋଡରେ ବେଡି ପକାଇଥିବା ଜଣାପଡିଛି । ଯାହାର ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଛି । ବୋହୂଟି ଝାଡୁରେ ମାଡ ମାରୁଥିବାର ଭିଡିଓ ସାମ୍ନାକୁ ଆସିଛି । ତେବେ ଖବର ପାଇ ମଞ୍ଚେଶ୍ୱର ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛି । ଅନ୍ୟପଟେ ପୋଲିସ ପହଞ୍ଚିବା ପରେ ଶାଶୂ ଗୋଡରୁ ବେଡି ଖୋଲି ଦିଆଯାଇଥିବା ଦେଖିବାକୁ ମିଳିଛି ।

ବିକାଶ ଆଢୁଆଳରେ ଆଦିବାସୀ ଗାଁ

 ବିକାଶ ଆଢୁଆଳରେ ଆଦିବାସୀ ଗାଁ। ବଞ୍ଚିବା ପାଇଁ ଭରସା ବାଉଁଶ କରଡି଼

 

 

କନକ ବ୍ୟୁରୋ: ଅବହେଳିତ ଆଦିବାସୀ ଗାଁ । ଆଜି ବି ବଂଚିବା ପାଇଁ ବାଉଁଶ କରଡା ଓ ଜଙ୍ଗଲଜାତ ଦ୍ରବ୍ୟ ଉପରେ ନିର୍ଭର କରୁଛନ୍ତି ଉପାନ୍ତ ଗାଁର ଆଦିବାସୀ ମଣିଷ । କାରଣ ଗାଁ ଠାରୁ ୧୫ କିଲୋମିଟର ଦୂର ପଂଚାୟତ ଅଫିସକୁ ଯାଇ ପିଡିଏସ ଚାଉଳ ଆଣିବା ସମ୍ଭବ ହେଉନାହିଁ । ମାଗଣା ଚାଉଳ ଆଣିବା ପାଇଁ ୩ଶହ ଟଙ୍କା ଅଟୋ ଭଡା କରିବାକୁ ପଡିବ, ତେଣୁ ଅସୁବିଧାର ସମ୍ମୁଖୀନ ହେଉଛନ୍ତି ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଆଦିବାସୀ ଅଧୁଷିତ କାଳିମେଘି ପଞ୍ଚାୟତବାସୀ । ପଞ୍ଚାୟତର ବାଙ୍କିମାଳ, ତେଲିମାଳ, ବରବରା ଓ ଜୋକଲୁଣ୍ଡି ଗାଁ ଗୁଡିକ ପଞ୍ଚାୟତ ଅଫିସ ଠାରୁ ୧୫ କିଲୋମିଟର ଦୂରରେ ଥିବା ବେଳେ ବ୍ଲକ ଅଫିସର ଦୂରତା ୨୫ କିଲୋମିଟର । ବାଙ୍କିମାଳ ଓ ତେଲିମାଳରେ ଅଙ୍ଗନୱାଡି କି ବିଦ୍ୟାଳୟ ନାହିଁ । ତେଣୁ ପିଲାଙ୍କୁ ପାଠ ପଢାଇବା ପାଇଁ ଘର ଠାରୁ ଦୂରରେ ଥିବା ଆଦିବାସୀ ଆବାସିକ ସ୍କୁଲରେ ଛାଡଥାନ୍ତି ଅଭିଭାବକ ।

ଆଦିବାସୀ ଗାଁରେ ରହୁଥିବା ଲୋକମାନେ ମୁଖ୍ୟତଃ ଜଙ୍ଗଲ ଜାତ ଦ୍ରବ୍ୟ ଓ ଚାଷବାସ ଉପରେ ନିର୍ଭର କରନ୍ତି । କିନ୍ତୁ ଧିରେ ଧିରେ ଆଦିବାସୀ ଯୁବକ ଚାଷରୁ ମୁହଁ ଫେରାଇ ଦାଦନ ମୁହାଁ ହେଉଛନ୍ତି । ଆଉ ଯେଉଁମାନେ ଅଛନ୍ତି ସେମାନେ ସରକାର ଦେଉଥିବା ଚାଉଳ ଓ ବାଉଁଶ କଡି ଖାଇ ଜୀବନ ବଂଚାଉଥିବା ଅଭିଯୋଗ କରିଛନ୍ତି । କେବଳ ଖାଦ୍ୟ ନୁହେଁ ପାନୀୟ ଜଳ, ଶିକ୍ଷା, ସ୍ୱାସ୍ଥ୍ୟ ଭଳି ମୌଳିକ ସୁବିଧାରୁ ବଂଚିତ ହେଉଛନ୍ତି ଆଦିବାସୀ ବହୁଳ ଗ୍ରାମବାସୀ ।

କେବେ ପୂର୍ଣ୍ଣ ହେବ ଏହି ଆଦିବାସୀ ଗ୍ରାମ ଗୁଡିକର ଅଧୁରା ବିକାଶ । ନେତାଙ୍କ ପ୍ରତିଶ୍ରୁତି ଓ ପ୍ରଶାସନର ନଜର ଆଢୁଆଳରେ ଥିବା ଗ୍ରାମ ଗୁଡିକର ବିକାଶ ଦାୟିତ୍ୱ କାହାର ତାକୁ ନେଇ ବିରାଟ ପ୍ରଶ୍ନବାଚୀ ସ୍ୃଷ୍ଟି ହୋଇଛି ।

ୱେଷ୍ଟମିନିଷ୍ଟର୍ ପ୍ୟାଲେସ

 ୱେଷ୍ଟମିନିଷ୍ଟର୍ ପ୍ୟାଲେସ 

ୱେଷ୍ଟମିନିଷ୍ଟର୍ ପ୍ୟାଲେସ ର ନାମ, ଯାହା ପଡୋଶୀ ୱେଷ୍ଟମିନିଷ୍ଟର ଆବେରୁ ଉତ୍ପନ୍ନ, ବୋଲି କୁହଯାଏ :: 1834 ମସିହାରେ ଅଗ୍ନି ଦ୍ୱାରା ନଷ୍ଟ ହୋଇଯାଇଥିବା ଏକ ମଧ୍ୟଯୁଗୀୟ ବିଲ୍ଡିଂ-କମ୍ପ୍ଲେକ୍ସ, କିମ୍ବା ଏହାର ସ୍ଥାନ ରେ ଆଜି ସ୍ଥାପିତ ନୂତନ ପ୍ୟାଲେସ୍ |  ଏହି ପ୍ରାସାଦଟି କ୍ରାଉନ୍ ର ମାଲିକାନା ରେ ପରିଚାଳିତ |  ଉଭୟ ଗୃହ ଦ୍ୱାରା ନିଯୁକ୍ତ କମିଟି ବିଲଡିଂ ପରିଚାଳନା କରନ୍ତି ଏବଂ ଲୋକସଭାର ବାଚସ୍ପତି ଏବଂ ହାଉସ ଅଫ୍ କମନସ୍ ଲର୍ଡ ସ୍ପିକର୍ ବା ବାଚସ୍ପତିଙ୍କୁ ରିପୋର୍ଟ କରନ୍ତି।

 ଏକାଦଶ ଶତାବ୍ଦୀରୁ ଏହି ସ୍ଥାନରେ ନିର୍ମିତ ପ୍ରଥମ ରାଜପ୍ରାସାଦ ଏବଂ ଟାୱାର୍ ଅଫ୍ ଲଣ୍ଡନ ପରେ ୱେଷ୍ଟମିନିଷ୍ଟର ଇଂଲଣ୍ଡର କିଙ୍ଗ୍ସ ଙ୍କର ପ୍ରାଥମିକ ବାସସ୍ଥାନ ହୋଇଗଲା ଯେପର୍ଯ୍ୟନ୍ତ ଅଗ୍ନି 1212 ମସିହାରେ ରାଜକୀୟ ଆପାର୍ଟମେଣ୍ଟକୁ ନଷ୍ଟ କରିଦେଲା (ଏହା ପରେ ନିକଟସ୍ଥ ହ୍ଵାଇଟ୍ ହଲ୍ ପ୍ୟାଲେସ୍ ପ୍ରତିଷ୍ଠା ହେଲା)  )  ରାଜପ୍ରାସାଦର ଅବଶିଷ୍ଟ ଅଂଶ 13 ତମ ଶତାବ୍ଦୀରୁ ସେଠାରେ ସାକ୍ଷାତ ହୋଇଥିବା ଇଂଲଣ୍ଡ ସଂସଦର ଗୃହ ଭାବରେ କାର୍ଯ୍ୟ କରିବା ଜାରି ରଖିଥିଲା ​​ଏବଂ ୱେଷ୍ଟମିନିଷ୍ଟର ହଲରେ ଏବଂ ଏହାର ଆଖପାଖରେ ଥିବା ରୟାଲ କୋର୍ଟ ଅଫ୍ ଜଷ୍ଟିସର ଆସନ ଭାବରେ ମଧ୍ୟ କାର୍ଯ୍ୟ କରିଥିଲା।  1834  ମସିହାରେ ଏକ ବୃହତ ଅଗ୍ନି ସଂସଦର ବହୁଳ ଭାବରେ ନିର୍ମିତ ଗୃହକୁ ନଷ୍ଟ କରିଦେଲା ଏବଂ ବଞ୍ଚିବା ପାଇଁ ଏକମାତ୍ର ମଧ୍ୟଯୁଗୀୟ ସଂରଚନା ହେଲା ୱେଷ୍ଟମିନିଷ୍ଟର୍ ହଲ୍, ସେଣ୍ଟ ଷ୍ଟିଫେନ୍ସର କ୍ଲୋଷ୍ଟର୍ସ, ସେଣ୍ଟ ମେରି ଅଣ୍ଡରକ୍ରଫ୍ଟର ଚାପେଲ ଏବଂ ଜୁଏଲ ଟାୱାର |

 ପ୍ୟାଲେସର ପୁନଃ ନିର୍ମାଣ ପାଇଁ ପରବର୍ତ୍ତୀ ପ୍ରତିଯୋଗିତାରେ, ସ୍ଥପତି ଚାର୍ଲ୍ସ ବାରି ଗୋଥିକ୍ ପୁନର୍ଜୀବନ ଶୈଳୀରେ ନୂତନ ଅଟ୍ଟାଳିକା ପାଇଁ ଏକ ଡିଜାଇନ୍ ସହିତ ଟେଣ୍ଡର ଜିତିଥିଲେ, ଯାହାକି ଚତୁର୍ଦ୍ଦଶ - 16 ଶତାବ୍ଦୀର ଇଂରାଜୀ ପର୍ପେଣ୍ଡିକୁଲାର୍ ଗୋଥିକ୍ ଶୈଳୀ ଦ୍ୱାରା ଅନୁପ୍ରାଣିତ ହୋଇଥିଲା |  ପୁରାତନ ପ୍ୟାଲେସର ଅବଶିଷ୍ଟାଂଶଗୁଡିକ (ଅଲଗା ଅଲଗା ଜୁଏଲ୍ ଟାୱାର ବ୍ୟତୀତ) ଏହାର ବହୁ ବୃହତ ପ୍ରତିସ୍ଥାପନରେ ଅନ୍ତର୍ଭୁକ୍ତ କରାଯାଇଥିଲା, ଯେଉଁଥିରେ 1100 ରୁ ଅଧିକ କୋଠରୀ ସମକକ୍ଷ ଭାବରେ ଦୁଇଟି ସିରିଜ୍ ପ୍ରାଙ୍ଗଣରେ ସଂଗଠିତ ହୋଇଥିଲା ଏବଂ ଏହାର ଚଟାଣ କ୍ଷେତ୍ର 112,476 m2 (1,210,680 ବର୍ଗଫୁଟ) |  ] 

 ନ୍ୟୁ ପ୍ୟାଲେସର କ୍ଷେତ୍ରର 3.24 ହେକ୍ଟର (8 ଏକର) ର ଏକ ଅଂଶ ଫେମସ ନଦୀରୁ ପୁନରୁଦ୍ଧାର କରାଯାଇଥିଲା, ଯାହା ଏହାର ପ୍ରାୟ 300 ମିଟର ଲମ୍ବ (980 ଫୁଟ) ଫାସେଡର ସେଟିଂ ଅଟେ, ଯାହାକୁ ମହାନଦୀ ଫ୍ରଣ୍ଟ କୁହାଯାଏ |  ଗୋଥିକ୍ ସ୍ଥାପତ୍ୟ ଏବଂ ଶୈଳୀ ଉପରେ ଅଗ୍ରଣୀ କର୍ତ୍ତୃପକ୍ଷ ଅଗଷ୍ଟସ୍ ପୁଗିନ୍ ବରୀଙ୍କୁ ସାହାଯ୍ୟ କରିଥିଲେ ଏବଂ ପ୍ୟାଲେସର ଭିତରର ଡିଜାଇନ୍ କରିଥିଲେ |  ନିର୍ମାଣ 1840 ମସିହାରେ ଆରମ୍ଭ ହୋଇଥିଲା ଏବଂ 30 ବର୍ଷ ପର୍ଯ୍ୟନ୍ତ ଚାଲିଥିଲା, ବହୁ ବିଳମ୍ବ ଏବଂ ବ୍ୟୟ ଅଟକଳ, ଏବଂ ଉଭୟ ଅଗ୍ରଣୀ ସ୍ଥପତିଙ୍କ ମୃତ୍ୟୁ;  ଆଭ୍ୟନ୍ତରୀଣ ସାଜସଜ୍ଜା ପାଇଁ କାର୍ଯ୍ୟଗୁଡିକ ବିଂଶ ଶତାବ୍ଦୀରେ ମଧ୍ୟବର୍ତ୍ତୀକାଳୀନ ଭାବରେ ଜାରି ରହିଲା |  ଲଣ୍ଡନର ବାୟୁ ପ୍ରଦୂଷଣର ପ୍ରଭାବକୁ ଓଲଟାଇବା ପାଇଁ ସେହି ଦିନଠାରୁ ପ୍ରମୁଖ ସଂରକ୍ଷଣ କାର୍ଯ୍ୟ ଚାଲିଥିଲା ​​ଏବଂ ଦ୍ୱିତୀୟ ବିଶ୍ୱଯୁଦ୍ଧ ପରେ ବ୍ୟାପକ ମରାମତି 1941 ମସିହାରେ ବିସ୍ଫୋରଣ ପରେ କମନ୍ସ ଚାମ୍ବରର ସରଳୀକୃତ ପୁନଃ ନିର୍ମାଣକୁ ଅନ୍ତର୍ଭୁକ୍ତ କରିଥିଲା।

 ବ୍ରିଟେନର ରାଜନୈତିକ ଜୀବନର ଅନ୍ୟତମ କେନ୍ଦ୍ର;  "ୱେଷ୍ଟମିନିଷ୍ଟର" ବ୍ରିଟେନ ସଂସଦ ଏବଂ ବ୍ରିଟିଶ ସରକାରଙ୍କ ପାଇଁ ଏକ ନାମ ପାଲଟିଛି ଏବଂ ୱେଷ୍ଟମିନିଷ୍ଟର ସରକାରୀ ବ୍ୟବସ୍ଥା ରାଜପ୍ରାସାଦର ନାମକୁ ସ୍ମରଣ କରୁଛି।  ବିଶେଷ ଭାବରେ ଏଲିଜାବେଥ୍ ଟାୱାର୍ ଏହାର ମୁଖ୍ୟ ଘଣ୍ଟି ବିଗ୍ ବେନ୍ ନାମରେ ପରିଚିତ, ଲଣ୍ଡନ ଏବଂ ସାଧାରଣତ  ଯୁକ୍ତରାଜ୍ୟର ଏକ ତୁରନ୍ତ ଚିହ୍ନିତ ସ୍ଥାନ ହୋଇପାରିଛି, ସହରର ଅନ୍ୟତମ ଲୋକପ୍ରିୟ ପର୍ଯ୍ୟଟନ ସ୍ଥଳୀ ଏବଂ  ସଂସଦୀୟ ଗଣତନ୍ତ୍ରର ପ୍ରତୀକ |  ରୁଷିଆର ଷର ରାଜା ନିକୋଲାସ୍ ପ୍ରଥମ ରାଜପ୍ରାସାଦକୁ “ପଥରରେ ସ୍ୱପ୍ନ” ବୋଲି କହିଥିଲେ। [3] [4]  ୱେଷ୍ଟମିନିଷ୍ଟରର ପ୍ୟାଲେସ୍ 1970 ମସିହାରୁ ପ୍ରଥମ ଶ୍ରେଣୀ ତାଲିକାଭୁକ୍ତ କୋଠା ଏବଂ 1987 ମସିହାରୁ ୟୁନେସ୍କୋ ବିଶ୍ୱ ହେରିଟେଜ୍ ସ୍ଥଳର ଏକ ଅଂଶ ଅଟେ |

ହ୍ଵାଇଟ୍ ହାଉସ

 ହ୍ଵାଇଟ୍ଆ ହାଉସ 

 ଆମେରିକାର ପ୍ରଥମ ରାଷ୍ଟ୍ରପତି ଜର୍ଜ ୱାଶିଂଟନ୍ 1791 ମସିହାରେ ହ୍ଵାଇଟ୍ ହାଉସ୍ ପାଇଁ ସ୍ଥାନ ନିରୂପଣ କରିଥିଲେ। ପରବର୍ତ୍ତୀ ବର୍ଷ ଭିତ୍ତିପ୍ରସ୍ତର ସ୍ଥାପନ କରାଯାଇଥିଲା ଏବଂ ଇଂରେଜ ଜନ୍ମିତ ସ୍ଥପତି ଜେମ୍ସ ହୋବାନ୍ଙ୍କ ଦ୍ ଦ୍ଵାରା ଦାଖଲ ହୋଇଥିବା ଏକ ଡିଜାଇନ୍ କୁ ମଞ୍ଜୁରୀ ପ୍ରଦାନ କରାଯାଇଥିଲା।  ଆଠ ବର୍ଷର ନିର୍ମାଣ ପରେ ରାଷ୍ଟ୍ରପତି ଜନ୍ ଆଡାମସ୍ ଏବଂ ତାଙ୍କ ପତ୍ନୀ ଅବୀଗାଇଲ୍ ଅସମାପ୍ତ ବାସଭବନକୁ ସ୍ଥାନାନ୍ତରିତ ହେଲେ ।  1812 ଯୁଦ୍ଧ ସମୟରେ ବ୍ରିଟିଶମାନେ ରାଷ୍ଟ୍ରପତିଙ୍କ ଘରେ ନିଆଁ ଲଗାଇ ଦେଇଥିଲେ ଏବଂ ଏହାକୁ ପୁନଃ ନିର୍ମାଣ ପାଇଁ ଜେମ୍ସ ହୋବାନ୍ ନିଯୁକ୍ତ ହୋଇଥିଲେ।  1817 ମସିହାରେ ଜେମ୍ସ ମୋନେରୋ ବିଲ୍ଡିଂକୁ ଚାଲିଗଲେ ଏବଂ ତାଙ୍କ ଶାସନ କାଳରେ ଦକ୍ଷିଣ ପୋର୍ଟିକୋ ନିର୍ମାଣ କରାଯାଇଥିଲା |  1829 ମସିହାରେ, ଆଣ୍ଡ୍ରିୟୁ ଜ୍ୟାକସନ ଉତ୍ତର ପୋର୍ଟିକୋ ଯୋଗର ତଦାରଖ କରିଥିଲେ | ଉନବିଂଶ ଶତାବ୍ଦୀର ଶେଷ ଭାଗରେ ରାଷ୍ଟ୍ରପତିଙ୍କ ଗୃହକୁ ବ୍ୟାପକ ଭାବରେ ସମ୍ପ୍ରସାରଣ କରିବାକୁ କିମ୍ବା ଏକ ନୂତନ ବାସଗୃହ ନିର୍ମାଣ କରିବାକୁ ବିଭିନ୍ନ ପ୍ରସ୍ତାବ ଦିଆଯାଇଥିଲା, କିନ୍ତୁ ଏହି ଯୋଜନାଗୁଡିକ କେବେହେଲେ ସଫଳ ହୋଇପାରିଲା ନାହିଁ।

 1902 ମସିହାରେ, ରାଷ୍ଟ୍ରପତି ଥିଓଡୋର ରୁଜଭେଲ୍ଟ ହ୍ଵାଇଟ୍ ହାଉସର ଏକ ପ୍ରମୁଖ ନବୀକରଣ କାର୍ଯ୍ୟ ଆରମ୍ଭ କରିଥିଲେ, ଯେଉଁଥିରେ ରାଷ୍ଟ୍ରପତିଙ୍କ କାର୍ଯ୍ୟାଳୟର ଦ୍ୱିତୀୟ ମହଲାରୁ ନୂତନ ଭାବରେ ନିର୍ମିତ ଅସ୍ଥାୟୀ କାର୍ଯ୍ୟନିର୍ବାହୀ କାର୍ଯ୍ୟାଳୟ ବିଲଡିଂ (ବର୍ତ୍ତମାନ ୱେଷ୍ଟ ୱିଙ୍ଗ ନାମରେ ଜଣାଶୁଣା) କୁ ସ୍ଥାନାନ୍ତରିତ ହୋଇଥିଲା।  ନ୍ୟୁୟର୍କର ପ୍ରସିଦ୍ଧ ସ୍ଥାପତ୍ୟ ସଂସ୍ଥା ମ୍ୟାକକିମ୍, ମେଡ୍ ଏବଂ  ରୁଜଭେଲ୍ଟ ଙ୍କ ଦ୍ଵାରା ହ୍ଵାଇଟ୍ ହାଉସ ନବୀକରଣ ଯୋଜନା କରାଯାଇଥିଲା ଏବଂ ସମ୍ପନ୍ନ କରାଯାଇଥିଲା।  ରୁଜଭେଲ୍ଟଙ୍କ ଉତ୍ତରାଧିକାରୀ, ରାଷ୍ଟ୍ରପତି ୱିଲିୟମ୍ ହାୱାର୍ଡ ଟାଫ୍ଟ, ଏକ ବର୍ଦ୍ଧିତ ଅଫିସ୍ ୱିଙ୍ଗ୍ ମଧ୍ୟରେ ଓଭାଲ୍ ଅଫିସ୍ ନିର୍ମାଣ କରିଥିଲେ |

 ରୁଜଭେଲ୍ଟ ନବୀକରଣର ପଚାଶ ବର୍ଷ ତଳେ ହ୍ଵାଇଟ୍ ହାଉସ୍ ଗମ୍ଭୀର ଗଠନମୂଳକ ଦୁର୍ବଳତାର ସଙ୍କେତ ଦେଖାଇ ସାରିଥିଲା।  ରାଷ୍ଟ୍ରପତି ହ୍ୟାରି ଏସ୍ ଟ୍ରୁମାନ ବିଲ୍ଡିଂର ନବୀକରଣ କାର୍ଯ୍ୟ ଆରମ୍ଭ କରିଥିଲେ ଯେଉଁଥିରେ ବାହ୍ୟ କାନ୍ଥ ସବୁ ଭାଙ୍ଗି ଦିଆଯାଇଥିଲା।  ପୁନଃ ନିର୍ମାଣ ସ୍ଥପତି ଲୋରେଞ୍ଜୋ ୱିନସ୍ଲୋଙ୍କ ଦ୍ଵାରା ତଦାରଖ କରାଯାଇଥିଲା ଏବଂ 1952 ମସିହାରେ ଟ୍ରୁମାନ ପରିବାର ପୁନର୍ବାର ହ୍ଵାଇଟ୍ ହାଉସକୁ ଚାଲିଗଲେ।

 ଜନ୍ ଆଡାମସ୍ ପରଠାରୁ ପ୍ରତ୍ୟେକ ରାଷ୍ଟ୍ରପତି ହ୍ଵାଇଟ୍ ହାଉସ୍ ଦଖଲ କରିଛନ୍ତି ଏବଂ ଏହି କୋଠାର ଇତିହାସ ଏହାର କାନ୍ଥ ନିର୍ମାଣଠାରୁ ବହୁ ଦୂରରେ ବିସ୍ତାର କରିଛି |  ଗ୍ରାଉଣ୍ଡ ଫ୍ଲୋର କରିଡର ରୁମରୁ, ସେବା କ୍ଷେତ୍ର ଭାବରେ ସେମାନଙ୍କର ପ୍ରାରମ୍ଭିକ ବ୍ୟବହାରରୁ ରାଜ୍ୟ ଚଟାଣ କୋଠରୀରେ ରୂପାନ୍ତରିତ, ଯେଉଁଠାରେ ଅଗଣିତ ନେତା ତଥା ମାନ୍ୟଗଣ୍ୟ ବ୍ୟକ୍ତି ମନୋରଞ୍ଜନ କରୁଥିଲେ , ହ୍ଵାଇଟ୍ ହାଉସ୍ ଉଭୟ ଆମେରିକାର ରାଷ୍ଟ୍ରପତି ଏବଂ ତାଙ୍କ ପରିବାରର ଘର ଅଟେ |  ଏବଂ ଆମେରିକାର ଇତିହାସର ଏକ ଜୀବନ୍ତ ସଂଗ୍ରହାଳୟ | ହ୍ଵାଇଟ୍ ହାଉସ୍ ଇତିହାସରେ ଏକ ଆମେରିକୀୟ ମାଇଲ ଖୁଣ୍ଟ l

 ରେସିଡେନ୍ସରେ 132 ରୁମ୍, 35 ବାଥରୁମ୍ ଏବଂ 6 ସ୍ତର ଅଛି |  ଏଠାରେ 412 କବାଟ, 147 ୱିଣ୍ଡୋ, 28 ଫାୟାରପ୍ଲେସ୍, 8 ଟି ସିଡ଼ି ଏବଂ 3 ଟି ଲିଫ୍ଟ ଅଛି |

 ହ୍ଵାଇଟ୍ ହାଉସର ରୋଷେଇ ଘର ପ୍ରାୟ 140 ରୁ ଅଧିକ ଅତିଥି ଏବଂ  1000 ରୁ ଅଧିକ ଲୋକଙ୍କୁ ରାତ୍ରୀ ଭୋଜନ କରେଇବାକୁ ସକ୍ଷମ ଅଟେ |

ହ୍ଵାଇଟ୍ ହାଉସ୍ ଏହାର ବାହ୍ୟ ପୃଷ୍ଠକୁ ଆଚ୍ଛାଦନ କରିବା ପାଇଁ 570 ଗ୍ୟାଲନ୍ ରଙ୍ଗ ଆବଶ୍ୟକ କରେ |

 ଇତିହାସର ବିଭିନ୍ନ ସମୟରେ ହ୍ଵାଇଟ୍ ହାଉସ୍ “ରାଷ୍ଟ୍ରପତିଙ୍କ ମହଲ”, “ରାଷ୍ଟ୍ରପତିଙ୍କ ଗୃହ” ଏବଂ “କାର୍ଯ୍ୟନିର୍ବାହୀ ମହଲ” ଭାବରେ ଜଣାଶୁଣା |

 1901 ମସିହାରେ ରାଷ୍ଟ୍ରପତି ଥିଓଡୋର ରୁଜଭେଲ୍ଟ ହ୍ଵାଇଟ୍ ହାଉସର ବର୍ତ୍ତମାନର ନାମ ଦେଇଥିଲେ।

ଓଡ଼ିଶା ହାଇକୋର୍ଟରେ ଦାୟର ଏକ ମାମଲାର ଶୁଣାଣି କରି ଏହି ରାୟ ଦେଇଛନ୍ତି କୋର୍ଟ

 ଓଡ଼ିଶା ହାଇକୋର୍ଟରେ ଦାୟର ଏକ ମାମଲାର ଶୁଣାଣି କରି ଏହି ରାୟ ଦେଇଛନ୍ତି କୋର୍ଟ

Source Argus News 

ଅର୍ଗସ ବ୍ୟୁରୋ: ଭଲ ସମ୍ପର୍କରେ ବିବାହ ପ୍ରତିଶୃତି ଦେଇ ଶାରୀରିକ ସମ୍ପର୍କ ରଖିବା ବଳାତ୍କାର ନୁହେଁ। ଓଡ଼ିଶା ହାଇକୋର୍ଟରେ ଦାୟର ଏକ ମାମଲାର ଶୁଣାଣି କରି ଏହି ରାୟ ଦେଇଛନ୍ତି କୋର୍ଟ। ଭଲ ସମ୍ପର୍କ ଥାଇ ବିବାହ ପ୍ରତିଶୃତି ଦେଇ ଶାରୀରିକ ସମ୍ପର୍କ ଓ ମନ୍ଦ ଉଦେଶ୍ୟରେ ମିଛ ପ୍ରତିଶୃତି ଦେଇ ଶାରୀରିକ ସମ୍ପର୍କ ଏକା କଥା ନୁହେଁ ବୋଲି କୋର୍ଟ କହିଛନ୍ତି ।

ଭୁବନେଶ୍ୱରର ଜଣେ ମହିଳା ତାଙ୍କ ପୁରୁଷ ବନ୍ଧୁଙ୍କ ନାଁରେ ୪୨୦, ୩୭୬ ଓ ୫୦୬ ଦଫାରେ ମାମଲା ରୁଜୁ କରିଥିଲେ। ଅଭିଯୋଗ ପରେ ଲକ୍ଷ୍ମୀସାଗର ଥାନା ପୋଲିସ ଅଭିଯୁକ୍ତଙ୍କୁ ଗିରଫ କରିଥିଲା। ଯାହାକୁ ଚ୍ୟାଲେଞ୍ଜ କରି ଅଭିଯୁକ୍ତ ଜଣଙ୍କ ହାଇକୋର୍ଟ ଯାଇଥିଲେ। ଏହି ମାମଲାର ଶୁଣାଣୀ କରି ବିଚାରପତି ଜଷ୍ଟିସ ଆର କେ ପଟ୍ଟନାୟକଙ୍କ ଖଣ୍ଡପୀଠ ଅଭିଯୁକ୍ତଙ୍କ ବିରୋଧରେ ଥିବା ଆଇପିସିର ଧାରା ୩୭୬ କୁ ଉଚ୍ଛେଦ କରିଛନ୍ତି।

ରାହୁଲଙ୍କ ଆବେଦନ ହାଇକୋର୍ଟରେ ଖାରଜ---

 ରାହୁଲଙ୍କ ଆବେଦନ ହାଇକୋର୍ଟରେ ଖାରଜ---

(Source-Argus News)

ଅର୍ଗସ ବ୍ୟୁରୋ: ରାହୁଲଙ୍କ ଗାନ୍ଧିଙ୍କୁ ଗୁଜରାଟ୍ ହାଇକୋର୍ଟଙ୍କ ଝଟକା। ରାହୁଲଙ୍କ ଆବେଦନ ହାଇକୋର୍ଟରେ ଖାରଜ। ସୁରତ କୋର୍ଟଙ୍କ ରାୟର ପୁନଃବିଚାର ପାଇଁ କରିଥିଲେ ଆବେଦନ। ‘ମୋଦି ସାଙ୍ଗିଆ’ ବିବାଦ ପ୍ରସଙ୍ଗରେ  ରାହୁଲଙ୍କୁ ଦୁଇ ବର୍ଷ ଜେଲ୍ ଦଣ୍ଡ ସହିତ ୧୫ ହଜାର ଜରିମାନା ଶୁଣାଇଥିଲେ ତଳ କୋର୍ଟ।

ଏହାକୁ ଚ୍ୟାଲେଞ୍ଜ କରି ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ରାହୁଲ। ଦୋଷୀ ସାବ୍ୟସ୍ତ ହେବା ପରେ ରାହୁଲ ଗାନ୍ଧୀଙ୍କୁ ଲୋକସଭା ସଦସ୍ୟ ପଦରୁ ଅଯୋଗ୍ୟ ଘୋଷିତ କରାଯାଇଛି।

ଦୁର୍ନୀତିଗ୍ରସ୍ତ ଅଧିକାରୀଙ୍କ ଉପରେ ମୁଖ୍ୟମନ୍ତ୍ରୀଙ୍କ ଆକ୍ସନ: ୩ ଚାକିରିରୁ ବରଖାସ୍ତ, ୬ ଜଣଙ୍କ ପେନ୍‌ସନ୍‌ ବନ୍ଦ

 ଦୁର୍ନୀତିଗ୍ରସ୍ତ ଅଧିକାରୀଙ୍କ ଉପରେ ମୁଖ୍ୟମନ୍ତ୍ରୀଙ୍କ ଆକ୍ସନ: ୩ ଚାକିରିରୁ ବରଖାସ୍ତ, ୬ ଜଣଙ୍କ ପେନ୍‌ସନ୍‌ ବନ୍ଦ

ଭୁବନେଶ୍ୱର  : ଦୁର୍ନୀତିଗ୍ରସ୍ତ ଓ ଅପାରଗଙ୍କ ବିରୁଦ୍ଧରେ ମୁଖ୍ୟମନ୍ତ୍ରୀଙ୍କ କଠୋର ଆଭିମୁଖ୍ୟ ଜାରି । ୯ ଜଣ ଅଧିକାରୀଙ୍କ ଉପରେ କାର୍ଯ୍ୟାନୁଷ୍ଠାନ । ୩ ଜଣ ଚାକିରିରୁ ବରଖାସ୍ତ ହୋଇଥିବାବେଳେ ୬ ଜଣଙ୍କ ପେନ୍‌ସନ ସ୍ଥାୟୀ ଭାବେ ବନ୍ଦ କରାଯାଇଛି । ଏପର୍ଯ୍ୟନ୍ତ ୧୯୭ ଅଧିକାରୀଙ୍କ ଉପରେ ହୋଇଛି କାର୍ଯ୍ୟାନୁଷ୍ଠାନ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସାଧାରଣ ଜୀବନରେ କ୍ଷେତ୍ରରେ ଉଚ୍ଚ ନୈତିକତା ଓ ସାଧୁତା ବଜାୟ ରଖିବା ଉପରେ ସବୁବେଳେ ଗୁରୁତ୍ବ ଦେଇଆସିଛନ୍ତି। ଅପାରଗ ତଥା ଦୁର୍ନୀତିଗ୍ରସ୍ତ ଅଧିକାରୀଙ୍କ ବିରୁଦ୍ଧରେ ସବୁବେଳେ ଶୂନ୍ୟ ସହିଷ୍ଣୁତା ଆଭିମୁଖ୍ୟ ଉପରେ ଜୋର ଦେଇଆସିଛନ୍ତି । ଜନସାଧାରଣଙ୍କୁ ସ୍ବଚ୍ଛ, ଦକ୍ଷ ଏବଂ ଉତ୍ତରଦାୟୀ ପ୍ରଶାସନ ମାଧ୍ୟମରେ ସେବା ଯୋଗାଇ ଦେବା ପାଇଁ ମୁଖ୍ୟମନ୍ତ୍ରୀ ନିରନ୍ତର ପ୍ରୟାସ ଜାରି ରଖିଛନ୍ତି।

ରାଜ୍ୟ ସରକାରଙ୍କ ଏହି ଆଭିମୁଖ୍ୟ ଅନୁଯାୟୀ ଏବେ ଆଉ ୯ ଜଣ ଅଧିକାରୀଙ୍କ ଉପରେ କାର୍ଯ୍ୟାନୁଷ୍ଠାନ ଏବଂ ଏଥିରେ ବିଭିନ୍ନ କ୍ଷେତ୍ରର ଅଧିକାରୀ, ଯଥା – ଏକ୍‌ଜିକ୍ୟୁଟିଭ ଇଂଜିନିୟର, ଓଏଏସ୍‌ ଅଧିକାରୀ, କୃଷି ବିଭାଗ ଅଧିକାରୀ, ସାମାଜିକ ଶିକ୍ଷା ଅଧିକାରୀ, ଅଡିଟର, ଜୁନିର ଇଂଜିନିୟର ପ୍ରମୁଖ ଅନ୍ତର୍ଭୁକ୍ତ । ଏହାକୁ ମିଶାଇ ବର୍ତ୍ତମାନ ସୁଦ୍ଧା ୧୯୭ ଜଣ ଅଧିକାରୀଙ୍କୁ ଚାକିରୀରୁ ବରଖାସ୍ତ ବା ବାଧ୍ୟତାମୂଳକ ଅବସର ଦିଆଯାଇଛି କିମ୍ବା ସେମାନଙ୍କର ପେନ୍‌ସନ ବନ୍ଦ କରାଯାଇଛି ।

ଏହି ୯ ଜଣଙ୍କ ମଧ୍ୟରୁ କଟକ ଜିଲ୍ଲା RWSS Division-IIର ପୂର୍ବତନ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ଶିବରାମ ବିଶ୍ବାଳ ଏକ ଦୁର୍ନୀତି ମାମଲାରେ ଦେଷୀସାବ୍ୟସ୍ତ ହୋଇଛନ୍ତି। ତାଙ୍କର ପେନ୍‌ସନକୁ ସ୍ଥାୟୀ ଭାବରେ ବନ୍ଦ କରାଯାଇଛି। ସେହିପରି କଳାହାଣ୍ଡି ଜିଲ୍ଲା କାର୍ଲାମୁଣ୍ଡା ବ୍ଳକ୍‌ର ପୂର୍ବତନ ବିଡିଓ (ଅବସରପ୍ରାସ୍ତ ଓଏଏସ ଅଧିକାରୀ) ଶ୍ରୀ ଗଣ୍ଡାରାମ ଖମାରୀ ଏକ ଦୁର୍ନୀତି ଅଭିଯୋଗରେ ଦୋଷୀ ସାବ୍ୟସ୍ତ ହେବାପରେ ତାଙ୍କ ପେନ୍‌ସନ ଓ ଗ୍ରାଚ୍ୟୁଇଟି ସ୍ଥାୟୀ ଭାବେ ବନ୍ଦ କରାଯାଇଛି।

ନବରଙ୍ଗପୁର ଜିଲ୍ଲା ଉମରକୋଟର ପୂର୍ବତନ ସହକାରୀ କୃଷି ଅଧିକାରୀ ଶ୍ରୀ ଗୋକୁଳ ଚନ୍ଦ୍ର ନାୟକ ଏକ ଦୁର୍ନୀତି ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି। ଦୁର୍ନୀତି, ଅପାରଗତା କାରଣରୁ ତାଙ୍କୁ ଚାକୀରିରୁ ବହିଷ୍କୃତ କରାଯାଇଛି। ଜି. ଉଦୟଗିରିର ପୂର୍ବତନ ସହକାରୀ କୃଷି ଅଧିକାରୀ ଶ୍ରୀ କୃଷ୍ଣଚନ୍ଦ୍ର ଗୌଡ ଦୁର୍ନୀତି ମାମଲାରେ ଦୋଷୀ ସାବ୍ୟସ୍ତ ହେବାରୁ ତାଙ୍କ ପେନ୍‌ସନ ଓ ଗ୍ରାଚ୍ୟୁଇଟିକୁ ସ୍ଥାୟୀ ଭାବେ ବନ୍ଦ କରାଯାଇଛି।

ମାଲକାନଗିରି ଜିଲ୍ଲାର ପୂର୍ବତନ ମୃତ୍ତିକା ସଂରକ୍ଷଣ ଅଧିକାରୀ ଶ୍ରୀ ଦାଶରଥୀ ତ୍ରିପାଠୀ ଦୁର୍ନୀତି ମାମଲାରେ ଦୋଷୀ ସାବ୍ୟସ୍ତ ହେବାରୁ ତାଙ୍କ ପେନ୍‌ସନ ଓ ଗ୍ରାଚ୍ୟୁଇଟିକୁ ସ୍ଥାୟୀ ଭାବେ ବନ୍ଦ କରାଯାଇଛି। ବରଗଡ ଜିଲ୍ଲା ସୋହେଲା RWSSର ପୂର୍ବତନ ଜୁନିଅର ଇଂଜିନିୟର ଶ୍ରୀ ଉପେନ୍ଦ୍ରଭଂଜ ନାୟକ ଜଣେ ସରକାରୀ ଅଧିକାରୀ ହେବା ସତ୍ତ୍ବେ କାର୍ଯ୍ୟରେ ସଚ୍ଚୋଟତା ରକ୍ଷା କରିବାରେ ଏବଂ କର୍ତ୍ତବ୍ୟ ପରାୟଣତାରେ ବିଫଳ ହୋଇଥିଲେ। ଏହାସହିତ ତାଙ୍କର ବ୍ୟବହାରରେ ଶିଷ୍ଟାଚାର ମଧ୍ୟ ନଥିଲା। ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ଚାକିରୀରୁ ବହିଷ୍କୃତ କରାଯାଇଛି।

ସୁନ୍ଦରଗଡ ଜିଲ୍ଲା ଲୋକାଲ ଫଣ୍ଡ ଅଡିଟ ବିଭାଗର ପୂର୍ବତନ ଅଡିଟର ଶ୍ରୀ ସୁଶିଲ କୁମାର ମେହେର ଏକ ଦୁର୍ନୀତି ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି। ଦୁର୍ନୀତି ଓ ଅପାରଗତା କାରଣରୁ ତାଙ୍କୁ ଚାକିରୀରୁ ବହିଷ୍କୃତ କରାଯାଇଛି। ମୟୁରଭଂଜ ଉଦଳାର ପୂର୍ବତନ ସାମାଜିକ ଶିକ୍ଷା ଅଧିକାରୀ ଶ୍ରୀ ଆନନ୍ଦ ଚନ୍ଦ୍ର ନାୟକ ଏକ ଦୁର୍ନୀତି ମାମଲାରେ ଦୋଷୀ ସାବ୍ୟସ୍ତ ହେବା ଯୋଗୁ ତାଙ୍କ ପେନ୍‌ସନ ଓ ଗ୍ରାଚ୍ୟୁଇଟିକୁ ସ୍ଥାୟୀ ଭାବେ ବନ୍ଦ କରାଯାଇଛି। ନୟାଗଡ ଜିଲ୍ଲା ଚାନ୍ଦପୁରର ପୂର୍ବତନ DMSN ସୁପରିନ୍‌ଟେଣ୍ଡେଟ ଡଃ ସୁରେନ୍ଦ୍ର ନାଥ ପତି ଏକ ଦୁର୍ନୀତି ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି। ସେ ପାଉଥିବା ପେନ୍‌ସନକୁ ସ୍ଥାୟୀ ଭାବେ ବନ୍ଦ କରାଯାଇଛି।

ଵାଦାମପାହାଡ-କେନ୍ଦୁଝର ପର୍ଯ୍ୟନ୍ତ ରେଳପଥ ସଂଯୋଗ ପାଇଁ ସରିଛି ପ୍ରାଥମିକ ସର୍ଭେ---

 ଵାଦାମପାହାଡ-କେନ୍ଦୁଝର ପର୍ଯ୍ୟନ୍ତ ରେଳପଥ ସଂଯୋଗ ପାଇଁ ସରିଛି ପ୍ରାଥମିକ ସର୍ଭେ---

(Source-Argus News)

ଅର୍ଗସ ବ୍ୟୁରୋ: ଦୀର୍ଘ ଦିନ ପରେ ମୟୂରଭଞ୍ଜର ଵାଦାମପାହାଡଠାରୁ କେନ୍ଦୁଝର ପର୍ଯ୍ୟନ୍ତ ରେଳପଥ ସଂଯୋଗ ପାଇଁ ସରିଛି ପ୍ରାଥମିକ ସର୍ଭେ । ୮୫ କିଲୋମିଟର ଦୂରତ୍ବ ଲାଗି ସେହି ନୂତନ ରେଳପଥ ସଂଯୋଗୀକରଣ ସର୍ଭେ ପାଇଁ ୨ ହଜାର କୋଟି ଟଙ୍କାର ପ୍ରାରମ୍ଭିକ ଆକଳନ କରାଯାଇଛି । ରେଳପଥ ନିର୍ମାଣ କାର୍ଯ୍ୟ ପାଇଁ ଯେତିକି ଆବଶ୍ୟକ ଜମି ଚିହ୍ନଟ ହୋଇ ସାରିଛି । 

ବାଦାମପାହାଡ-କେନ୍ଦୁଝର ମଧ୍ୟରେ ୯ଟି ବଡ ପୋଲ ଏବଂ ୬୨ଟି କ୍ଷୁଦ୍ର ପୋଲ ନିର୍ମାଣ ହେବ ବୋଲି ସର୍ଭେ ରିପୋର୍ଟରୁ ଜଣାଯାଏ । ତେବେ ଟ୍ରେନଟି ବାଦାମ ପାହାଡ଼ରୁ କଳସବନ୍ଧ, ଟଙ୍ଗାବିଲା, ସିଙ୍ଗଡ଼ା, ଘୋଷାଦା, ଚେମଣା, ଖିରେଇଟାଙ୍ଗିରି, କେନ୍ଦୁଝର ସମେତ 8ଟି ଷ୍ଟେସନ ରହିବ । ପାଞ୍ଚ ପୀଢ ଉପଖଣ୍ଡର ଜନସାଧାରଣ ଦୀର୍ଘ ବର୍ଷରୁ ଦାବି କରି ଆସୁଥିବା ସେହି ରେଳ ସଂଯୋଗର କେନ୍ଦ୍ରୀୟ ସର୍ଭେ ଟିମ୍ ସରକାରଙ୍କ ନିକଟରେ ସର୍ଭେ ରିପୋର୍ଟ ଦାଖଲ କରିବେ । କେନ୍ଦ୍ର ସରକାର ସର୍ଭେ ରିପୋର୍ଟକୁ ଅନୁଧ୍ୟାନ ପରେ ବାଦାମପାହାଡ-କେନ୍ଦୁଝର ରେଳପଥ ସଂଯୋଗ ହେବ କି ନାହିଁ ଘୋଷଣା କରିବେ।

ବଜ୍ରପାତ ନେଲା ୧୫ ଜୀବନ: ବିହାରରେ ବିର୍ଷା ସହ ବଜ୍ରପାତ ବିତ୍ପାତ

 ବଜ୍ରପାତ ନେଲା ୧୫ ଜୀବନ:  ବିହାରରେ ବିର୍ଷା ସହ ବଜ୍ରପାତ ବିତ୍ପାତ

 (Source-Kanak News)

କନକ ବ୍ୟୁରୋ: ବିହାରରେ ସପ୍ତାହେ ଧରି ଚାଲିଛି ମୂଷଳ ବର୍ଷା । ରାଜ୍ୟର ଭିନ୍ନ ଭିନ୍ନ ଜିଲ୍ଲାରେ ବର୍ଷା ସାଙ୍ଗକୁ ବଜ୍ରପାତ ହେବାରୁ ୧୫ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି । ସବୁଠୁ ଅଧିକ ମୃତ୍ୟୁ ବିହାର ରୋହତାସ ଜିଲ୍ଲାରେ ହୋଇଛି । କେବଳ ରୋହତାସରେ ୫ଜଣଙ୍କ ମୃତ୍ୟୁ ହୋଇଛି ।

ରୋହତାସ ବ୍ୟତୀତ ଖଗଡିୟା, କଟିହାର, ଗୟା, ଜହାନାବାଦ, କୈମୁର, ବକ୍ସର ଏବଂ ଭାଗଲପୁରେ ମୋଟ ୧୦ଜଣଙ୍କ ମୃତ୍ୟୁ ହୋଇଛି । ମଙ୍ଗଳବାର ବଜ୍ରପାତରେ ୯ଜଣଙ୍କ ପ୍ରାଣ ଯାଇଥିବାବେଳେ ବୁଧବାର ସନ୍ଧ୍ୟା ସମୟରେ ୬ଜଣଙ୍କ ମୃତ୍ୟୁ ହୋଇଛି ।

ରତ୍ନଭଣ୍ଡାର ଖୋଲିବା ପ୍ରସଙ୍ଗ: ସମସ୍ତ ପ୍ରତିପକ୍ଷଙ୍କୁ ନୋଟିସ ଜାରି କରିଛନ୍ତି ହାଇକୋର୍ଟ

 ରତ୍ନଭଣ୍ଡାର ଖୋଲିବା ପ୍ରସଙ୍ଗ: ସମସ୍ତ ପ୍ରତିପକ୍ଷଙ୍କୁ ନୋଟିସ ଜାରି କରିଛନ୍ତି ହାଇକୋର୍ଟ

 

କଟକ :  ଶ୍ରୀମନ୍ଦିର ରତ୍ନଭଣ୍ଡାର ଖୋଲିବା ସହିତ ରତ୍ନଭଣ୍ଡାରର ସବିଶେଷ ତାଲିକା ପ୍ରସ୍ତୁତ କରିବା ପାଇଁ ହାଇକୋର୍ଟରେ ଦାୟର ଜନସ୍ୱାର୍ଥ ମାମଲାର ଶୁଣାଣି । ସମସ୍ତ ପ୍ରତିପକ୍ଷଙ୍କୁ ନୋଟିସ ଜାରି କରିଛନ୍ତି ହାଇକୋର୍ଟ । ଜଷ୍ଟିସ ଶୁଭାଶିଷ ତାଳପତ୍ର ଓ ଜଷ୍ଟିସ ସାବିତ୍ରୀ ରଥଙ୍କୁ ନେଇ ଗଠିତ ଖଣ୍ଡପୀଠ ମାମଲାକୁ ବିଚାର ପାଇଁ ଗ୍ରହଣ କରି ଏହି ନୋଟିସ ଜାରି କରିଛନ୍ତି । ଅଗଷ୍ଟ ୭ ରେ ମାମଲାର ପରବର୍ତ୍ତୀ ଶୁଣାଣି ପାଇଁ ଦିନ ଧାର୍ଯ୍ୟ କରିବା ସହିତ ସମସ୍ତ ପ୍ରତିପକ୍ଷ ଜବାବ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି । ରତ୍ନଭଣ୍ଡାର ଖୋଲି ତାର ବିପଦଶଙ୍କୁଳ ଅଂଶ ମରାମତି ପାଇଁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେବା ପାଇଁ ଏହି ଆବେଦନରେ ପ୍ରାର୍ଥନା କରାଯାଇଛି ।

ପୂର୍ବତନ ରାଜ୍ୟପାଳ ଭଗବତ ଦୟାଲ ଶର୍ମାଙ୍କ ଅଧ୍ୟକ୍ଷତାରେ ଗଠିତ କମିଟି ଢାଞ୍ଚାରେ ରାଜ୍ୟପାଳ କିମ୍ବା ଜଣେ କାର୍ଯ୍ୟରତ ହାଇକୋର୍ଟ ବିଚାରପତିଙ୍କ ଅଧ୍ୟକ୍ଷତାରେ ଏକ ଯୁଗ୍ମ କମିଟି ଗଠନ କରାଯାଇ ରତ୍ନ ଅଳଙ୍କାର ତାଲିକା ପ୍ରସ୍ତୁତ କରିବା ପାଇଁ ପିଟିସନରେ ପ୍ରାର୍ଥନା ହୋଇଛି । ରତ୍ନଭଣ୍ଡାରର ଚାବି ହଜାଇଥିବା ଦାୟୀ ପୁରୀ ଜିଲ୍ଲାପାଳ କିମ୍ବା ସଂପୃକ୍ତ ଅଧିକାରୀଙ୍କ ବିରୋଧରେ ଫୌଜଦାରୀ ମାମଲା ଦାୟର କରି ସିବିଆଇ ଦ୍ଵାରା ତଦନ୍ତ କରିବା ପାଇଁ ମଧ୍ୟ ଆବେଦନ କରାଯାଇଛି । ହାଇକୋର୍ଟର ବୈଷୟିକ କମିଟି ଏବଂ ଏଏସଆଇ ଚିଠି ସତ୍ତ୍ୱେ ରତ୍ନଭଣ୍ଡାର ମରାମତି ନକରି ଏହାକୁ ବିପଦ ସଙ୍କୁଳ ଅବସ୍ଥାରେ ରଖିବା ହେତୁ ଏଥିପାଇଁ ଦାୟୀ ଅଧିକାରୀଙ୍କ ବିରୋଧରେ ସିବିଆଇ ଧ୍ଶଣ  ତଦନ୍ତ କରିବା ପାଇଁ ଆବେଦନରେ ପ୍ରାର୍ଥନା କରାଯାଇଛି ।

ରାଜ୍ୟ ବିଜେପିର ପୂର୍ବତନ ସଭାପତି ତଥା ବରିଷ୍ଠ ବିଜେପି ନେତା ସମୀର ମହାନ୍ତିଙ୍କ ପକ୍ଷରୁ ଏହି ଆବେଦନ କରାଯାଇଛି । ଏଥିରେ ମୁଖ୍ୟ ଶାସନ ସଚିବ, ପୁରୀ ଗଜପତି ମହାରାଜା, ଗୃହ ସଚିବ, ଶ୍ରୀ ମନ୍ଦିର ମୁଖ୍ୟ ପ୍ରଶାସକ, ଆଇନ ସଚିବ, ପୁରୀ ଜିଲ୍ଲାପାଳ, ଏଏସଆଇ, ସିବିଆଇ ନିର୍ଦ୍ଦେଶକଙ୍କୁ ପକ୍ଷଭୁକ୍ତ କରାଯାଇଛି । ଆବେଦନକାରୀଙ୍କ ପକ୍ଷରୁ ବରିଷ୍ଠ ଆଇନଜୀବୀ ପିତାମ୍ବର ଆଚାର୍ଯ୍ୟ ମାମଲା ରୁଜ୍ଜୁ କରିଛନ୍ତି । …

ଭୁବନେଶ୍ୱରରୁ ନିଖୋଜ,ଟିଟଲାଗଡରେ ଠାବ

 ଭୁବନେଶ୍ୱରରୁ ନିଖୋଜ,ଟିଟଲାଗଡରେ ଠାବ: ୨୪ ଘଣ୍ଟା ପରେ ଉଦ୍ଧାର ହେଲେ ଦୁଇ ଛାତ୍ର

ବାରଙ୍ଗ : ମିଳିଲା ନିଖୋଜ ଦୁଇ ଛାତ୍ରଙ୍କ ସନ୍ଧାନ । ଟିଟଲାଗଡ଼ରୁ ମିଳିଲା ଦୁଇ ଦଶମ ଶ୍ରେଣୀ ଛାତ୍ରଙ୍କ ସନ୍ଧାନ । ସ୍କୁଲ୍ ଯାଇ ହୋଇ ଥିଲେ ନିଖୋଜ । ଚନ୍ଦକା ଥାନା ପୁଲିସର ଏକ ସ୍ଵତନ୍ତ୍ର ଟିମ୍ ଜାରି ରଖିଥିଲା ସର୍ଚ୍ଚ ଅପରେସନ । ୨୪ ଘଣ୍ଟାରେ ମିଳିଲେ ଦୁଇ ନାବାଳକ । ତେବେ ନାବାଳକଙ୍କୁ କିଏ ଅପହରଣ କରିଥିଲା କି ଆଉ କଣ ତାହା ପୋଲିସ ତଦନ୍ତ ପରେ ସ୍ପଷ୍ଟ ହେବ ।

ସୂଚନା ଥାଉକି, ରାଜଧାନୀରୁ ଦୁଇ ଦଶମ ଶ୍ରେଣୀ ଛାତ୍ର ନିଖୋଜ ନେଇ ଚନ୍ଦକା ଥାନାରେ ହୋଇଥିଲା ଅଭିଯୋଗ । ସ୍କୁଲ୍ ଯାଇ ଘରକୁ ଫେରି ନଥିଲେ ଦୁଇ ନାବାଳକ ଛାତ୍ର । ସକାଳୁ ରାତି ଯାଏ ଖୋଜିଖୋଜି ନୟାନ୍ତ ହୋଇଥିଲେ ହେଲେ ଦୁଇ ନାବାଳକଙ୍କ ବାପା ମାଆ ଓ ପରିବାର ଲୋକେ। ଚନ୍ଦକା ଥାନରେ ବାପା ମାଆ ଏ ନେଇ ଅଭିଯୋଗ କରିଥିଲେ ।

ରାଜଧାନୀ ଉପକଣ୍ଠ ଚନ୍ଦକା ଥାନା ଅଞ୍ଚଳରେ ଦୁଇ ଦଶମ ଶ୍ରେଣୀ ଛାତ୍ର ପୃଥ୍ବୀରାଜ ପ୍ରଧାନ ଏବଂ ସୋନୁ କୁମାର ନିଖୋଜ ହୋଇଯାଇଥିବା ଅଭିଯୋଗ ହୋଇଛି। ସବୁଦିନ ପରି ମଙ୍ଗଳବାର ମଧ୍ୟ ସ୍କୁଲ ଯାଇ ଥିଲେ ଉଭୟ । ହେଲେ ଆଉ ଘରକୁ ଫେରିନଥିଲେ । ସମୟ ଗଡିବାରୁ ଘର ଲୋକେ ବିଭିନ୍ନ ସ୍ଥାନରେ ଖୋଜା ଖୋଜି ଆରମ୍ଭ କରିଥିଲେ।

ତେବେ ଦୀର୍ଘ ସମୟ ଧରି ଛାତ୍ର ମାନଙ୍କ ପତ୍ତା ମିଳି ନଥିବାରୁ ସ୍ଥାନୀୟ ଚନ୍ଦକା ଥାନାରେ ଏ ନେଇ ଲିଖିତ ଅଭିଯୋଗ କରିଛନ୍ତି । ସେପଟେ ଚନ୍ଦକା ଥାନା ଅଧିକାରୀ ଖବର ପାଇ ବିଭିନ୍ନ ସ୍ଥାନକୁ ଯାଇ ଖୋଜାଖୋଜି କରିବା ସହ ବିଭିନ୍ନ ଛକରେ ଥିବା ସିସିଟିଭି କ୍ୟାମେରା ଯାଞ୍ଚ କରି ତଦନ୍ତ କରିଥିଲା ପୋଲିସ । ଆଉ ଟିଟଲାଗଡରୁ ମିଳଇଥିଲା ପତ୍ତା ।(News-News7)

ରାଜଧାନୀରୁ ଦୁଇ ଦଶମ ଶ୍ରେଣୀ ଛାତ୍ର ନିଖୋଜ

 ରାଜଧାନୀରୁ ଦୁଇ ଦଶମ ଶ୍ରେଣୀ ଛାତ୍ର ନିଖୋଜ: ଗତକାଲିଠାରୁ ସ୍କୁଲ୍‌ରୁ ଘରକୁ ଫେରିନାହାନ୍ତି

 

ଭୁବନେଶ୍ବର: ରାଜଧାନୀରୁ ନିଖୋଜ ହୋଇଛନ୍ତି ଦୁଇ ଦଶମ ଶ୍ରେଣୀ ଛାତ୍ର। ଗତକାଲି ସ୍କୁଲ୍ ଯାଇ ଆଉ ଘରକୁ ଫେରି ନାହାଁନ୍ତି ଦୁଇ ନାବାଳକ ଛାତ୍ର। ସ୍କୁଲ୍‌ ଛୁଟି ହେବାର ଦୀର୍ଘ ସମୟ ଧରି ଛାତ୍ର ଦୁଇ ଜଣ ଘରକୁ ନଫେରିବାରୁ ସକାଳୁ ରାତି ଯାଏ ଖୋଜିଖୋଜି କରି ନୟାନ୍ତ ହେଲେଣି ଦୁଇ ନାବାଳକଙ୍କ ବାପାମାଆ ଓ ପରିବାର ଲୋକେ। ଏହି ଦୁଇ ଜଣ ହେଉଛନ୍ତି ମର୍ଣ୍ଣିଂ ଗ୍ଲୋରି ଇଂରାଜି ମାଧ୍ୟମିକ ସ୍କୁଲ୍‌ର ଛାତ୍ର।

ସ୍ଥାନୀୟ ଚନ୍ଦକା ଥାନାରେ ପରିବାର ଲୋକ ଅଭିଯୋଗ ଆଣିବା ପରେ ସେମାନଙ୍କୁ ଖୋଜିବା ଆରମ୍ଭ ହୋଇଛି। ଏହି ଦୁଇ ଦଶମ ଶ୍ରେଣୀ ଛାତ୍ର ହେଲେ ପୃଥିବୀରାଜ୍ ପ୍ରଧାନ ଏବଂ ସୋନୁ କୁମାର୍।

ସବୁଦିନ ପରି ଗତକାଲି ମଧ୍ୟ ସ୍କୁଲ ଯାଇ ଥିଲେ ଏହି ଦୁଇ ନାବାଳକ। କିନ୍ତୁ ସ୍କୁଲ୍‌ ଛୁଟି ହେବା ପରେ ଆଉ ଘରକୁ ଫେରିନଥିଲେ। ପରେ ଅଧିକ ସମୟ ହେବାରୁ ଘର ଲୋକେ ବିଭିନ୍ନ ସ୍ଥାନରେ ଖୋଜାଖୋଜି ଆରମ୍ଭ କରିଥିଲେ। ଦୀର୍ଘ ସମୟ ଧରି ଛାତ୍ରମାନଙ୍କର କୌଣସି ଖୋଜ୍‌ଖବର ନମିଳି ନଥିବାରୁ ସ୍ଥାନୀୟ ଚନ୍ଦକା ଥାନାରେ ଲିଖିତ ଅଭିଯୋଗ କରିଛନ୍ତି ସେମାନଙ୍କ ପରିବାର ଲୋକ। ଏବେ ସେ ନେଇ ତଦନ୍ତ ଜୋର୍‌ ଧରିିଛି।

ଲାଞ୍ଚ ନେଇ ଧରାପଡିଲେ ରାଜସ୍ୱ ନିରୀକ୍ଷକ

 ଲାଞ୍ଚ ନେଇ ଧରାପଡିଲେ ରାଜସ୍ୱ ନିରୀକ୍ଷକ

 

ମାଲକାନଗିରି : ଲାଞ୍ଚ ନେବା ବେଳେ ଭିଜିଲାନ୍ସ ଜାଲରେ ଧରାପଡିଲେ ରାଜସ୍ୱ ନିରୀକ୍ଷକ । ମାଲକାନଗିରି ଜିଲ୍ଲା ସଦର ବ୍ଲକ ଅନ୍ତର୍ଗତ ସିଂଧରିମାଳ ସର୍କଲର ରାଜସ୍ୱ ନିରକ୍ଷକ ସୀମାଞ୍ଚଳ ସାହୁ ଲାଞ୍ଚ ନେବା ବେଳେ ଭିଜିଲାନ୍ସ ହାତରେ ଧରା ପଡିଥିବା ଜଣାପଡିଛି । ସୂଚନା ଅନୁଯାୟୀ ମାଲକାନଗିରି ଜିଲ୍ଲାରେ ନିର୍ମାଣଧିନ ଏୟାରପୋର୍ଟରେ ଜମି ହରା ବ୍ୟକ୍ତିଙ୍କୁ ସରକାରଙ୍କ ପକ୍ଷରୁ ୭.୪୪ ଲକ୍ଷ ଟଙ୍କା କ୍ଷତି ପୂରଣ ଦିଆଯିବାକୁ ଥିବାବେଳେ ଏହି ଟଙ୍କା ଦେବା ପାଇଁ ରାଜସ୍ୱ ନିରୀକ୍ଷକ ଜଣଙ୍କ ୨୫୦୦୦ ଟଙ୍କା ଲାଞ୍ଚ ନେଉଥିଲେ । ଏହି ସମୟରେ ଭିଜିଲାନ୍ସର ଏକ ଟିମ ଶ୍ରୀ ସାହୁଙ୍କୁ କାବୁ କରିବା ସହ ତଦନ୍ତ ଜାରି ରଖିଛି । ଗୌଡଗୁଡା ପଞ୍ଚାୟତରେ ଲାଞ୍ଚ ନେବା ବେଳେ ଏହି ଚଢାଉ ହୋଇଛି ।

ଭାରତରେ ହ୍ୱାଟସଆପ୍‌ ବନ୍ଦ କଲା ୬୫ ଲକ୍ଷ ଆକାଉଣ୍ଟ;

 ଭାରତରେ ହ୍ୱାଟସଆପ୍‌ ବନ୍ଦ କଲା ୬୫ ଲକ୍ଷ ଆକାଉଣ୍ଟ; 

ନୂଆଦିଲ୍ଲୀ  : ହ୍ୱାଟସଆପ୍‌ ୬୫ ଲକ୍ଷରୁ ଅଧିକ ଭାରତୀୟ ହ୍ୱାଟସଆପ୍‌ ଆକାଉଣ୍ଟ ବ୍ୟାନ୍‌ କରିଛି। ୟୁଜର୍ସଙ୍କ ଠାରୁ ଅଭିଯୋଗ ମିଳିବା ପରେ କମ୍ପାନୀ ଏପରି ପଦକ୍ଷେପ ନେଇଛି। ପ୍ରକୃତରେ ଏବେ ଭାରତରେ ଅନ୍‌ଲାଇନ୍ ଠକେଇ ଦିନକୁ ଦିନ ବଢ଼ିବାରେ ଲାଗିଛି। ପ୍ରତ୍ୟକ ଦିନ ନୂଆ ଠକେଇ ମାମଲା ସାମ୍ନାକୁ ଆସୁଛି ଏବଂ ମେସେଞ୍ଜିଙ୍ଗ ଆପ୍‌ ହ୍ୱାଟସଆପ୍‌ ଏସବୁ ଘୋଟାଲାର ବଡ଼ ଆଡ୍ଡା ହେବାକୁ ଯାଉଛି। କାରଣ ସାଇବର ଅପରାଧିମାନେ ହ୍ୱାଟସଆପ୍‌ ମେସେଜ୍ କିମ୍ୱା କଲ୍‌ ମାଧ୍ୟମରେ ଲୋକମାନଙ୍କ ପାଖରେ ପହଞ୍ଚୁଛନ୍ତି ଏବଂ ସେମାନଙ୍କ ଠାରୁ ଲକ୍ଷ ଲକ୍ଷ ଟଙ୍କା ଲୁଟିନେଉଛନ୍ତି।

କିନ୍ତୁ ସାଇବର ଅପରାଧିମାନଙ୍କ ଠାରୁ ଦୂରେଇ ରହିବାକୁ ହ୍ୱାଟସଆପ ତାର ପ୍ଲାଟଫର୍ମକୁ ଅଧିକ ସୁରକ୍ଷିତ କରିବା ପାଇଁ କାମ କରୁଛି। ଏହା ସହିତ ୟୁଜର୍ସଙ୍କ ଠାରୁ ମିଳିଥିବା ଅଭିଯୋଗକୁ ଗମ୍ଭିରତାର ସହିତ ନେଉଛି। ହ୍ୱାଟସଆପ୍‌ ମେ ୨୦୨୩ରେ ତାର ମାସିକ ୟୁଜର ସୁରକ୍ଷା ରିପୋର୍ଟ ଜାରି କରିବା ସହିତ କହିଛି ଯେ, ୟୁଜରମାନଙ୍କର ଅଭିଯୋଗ ମିଳିବା ପରେ ୬୫ ଲକ୍ଷରୁ ଅଧିକ ଆକାଉଣ୍ଟକୁ ବ୍ୟାନ କରିଛି।

ଆଇଟି ନିୟମ ୨୦୨୧ ଅନୁସାରେ ହ୍ୱାଟସଆପ ପ୍ରତ୍ୟକ ମାସ ତାର ମାସିକ ରିପୋର୍ଟ ପ୍ରକାଶ କରେ। ଏହି ରିପୋର୍ଟରେ କମ୍ପାନୀ ୟୁଜର୍ସଙ୍କ ଠାରୁ ମିଳିଥିବା ଅଭିଯୋଗ ସଂଖ୍ୟା ଓ ଏହା ଉପରେ ନିଆଯାଇଥିବା କାର୍ଯ୍ୟାନୁଷ୍ଠାନର ବିବରଣୀ ଦିଏ। କମ୍ପାନୀ କହିଛି ୟୁଜର୍ସଙ୍କ ଠାରୁ ମିଳୁଥିବା ସମସ୍ତ ଅଭିଯୋଗର କମ୍ପାନୀ ସମୀକ୍ଷା କରିବା ସହିତ ହ୍ୱାଟସଆପର ପଲିସି ଉଲଂଘନ କରୁଥିବା ଆକାଉଣ୍ଟ ଉପରେ କାର୍ଯ୍ୟାନୁଷ୍ଠାନ ନିଏ। ଏଥିରେ ସ୍ପାମ୍‌, ଘୋଟାଲା ଏବଂ ହ୍ୱାଟସଆପ ୟୁଜରଙ୍କର ସୁରକ୍ଷାରେ କ୍ଷତି ପହଞ୍ଚାଉଥିବା ଭଳି କୌଣସି ବି କାର୍ଯ୍ୟକଳାପ ଉପରେ କାର୍ଯ୍ୟାନୁଷ୍ଠାନ ନିଆଯାଇଥାଏ।

ନୂଆ ରିପୋର୍ଟ ଅନୁସାରେ, ହ୍ୱାଟସଆପ ଭାରତରେ ୬୫ ଲକ୍ଷ ୮ହଜାର ଆକାଉଣ୍ଟକୁ ବ୍ୟାନ କରିଛି। ରିପୋର୍ଟରେ ଆହୁରି କୁହାଯାଇଛି ଯେ, ଏଥିରୁ ୨୪ ଲକ୍ଷ ୨୦ ହଜାର ଆକାଉଣ୍ଟସକୁ ୟୁଜରମାନଙ୍କ ଠାରୁ ଅଭିଯୋଗ ମିଳିବା ପୂର୍ବରୁ ବନ୍ଦ କରାଯାଇଛି। ବାକି ଆକଉଣ୍ଟକୁ ହ୍ୱାଟସଆପ୍‌ର ପ୍ରିଭେନସନ ଏବଂ ଡିଟେକସନ୍‌ ଉପାୟରେ ବନ୍ଦ କରାଯାଇଛି।

ଏହାଛଡ଼ା ପ୍ଲାଟଫର୍ମକୁ ୩ହଜାର ୯୧୨ଟି ଗ୍ରିଭାନ୍ସ ରିପୋର୍ଟ ମିଳିଥିଲା। ଯେଉଁଥିରୁ ୨୯୭ଟି ଆକାଉଣ୍ଟ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଛି। ଆକାଉଣ୍ଟର ଦୁରୁପଯୋଗ ଜାଣିବାକୁ ୩ଟି ଉପାୟ କରାଯାଏ ଯଥା ରେଜିଷ୍ଟ୍ରେସନ ସମୟରେ, ମେସେଜ୍‌ ପଠାଇବା ବେଳେ, ଏବଂ ନକରାତ୍ମକ ଫିଡ୍‌ବେକ୍‌ ଦେବାବେଳେ ଯାହାକି ଆମକୁ ୟୁଜର ଅନ୍ୟ ୟୁଜରଙ୍କୁ ରିପୋର୍ଟ ଏବଂ ବ୍ଲକ୍‌ କଲା ବେଳେ ମିଳିଥାଏ ବୋଲି ହ୍ୱାଟସଆପ କହିଛି।

ବିଶେଷ ଭାବେ ହ୍ୱାଟସଆପ ତାର ୟୁଜର୍ସଙ୍କର ସୁରକ୍ଷାକୁ ସୁନିଶ୍ଚିତ କରିବାପାଇଁ  ଅନେକ ଫିଚର୍ସ ଦେଇଥାଏ। ଏହି ଫିଚର୍ସରେ ଏଣ୍ଡ-ଟୁ-ଏଣ୍ଡ ଏନକ୍ରିପସନ, ଟୁ-ଷ୍ଟେପ ଭେରିପିକେସନ, ଫରୱାର୍ଡ ଲିମିଟେଡ୍‌ ଏବଂ ବହୁତ କିଛି ସାମିଲ ରହିଛି। ଏହା ୟୁଜର୍ସଙ୍କୁ ଅନ୍ୟ ୟୁଜରମାନଙ୍କୁ ବ୍ଲକ ଏବଂ ରିପୋର୍ଟ କରିବାକୁ ଅନୁମତି ଦିଏ। ଯାହା ବିଷୟରେ ହ୍ୱାଟସଆପ କହେ ଯେ, ବ୍ଲକ କିମ୍ୱା ରିପୋର୍ଟ ଆକାଉଣ୍ଟ ହ୍ୱାଟସଆପ୍‌ର ପଲିସିକୁ ଉଲଂଘନ କରୁଛି କିମ୍ୱା ସେହି ଆକାଉଣ୍ଟର ଉପସ୍ଥିତି କ୍ଷତି ପହଞ୍ଚାଇପାରେ।

ଇଏ ମା’ ନା ପିଶାଚୀ

 ଇଏ ମା’ ନା ପିଶାଚୀ ! କଳହ ହେବାରୁ ନିଜ ଝିଅ ଏବଂ ନାବାଳକ ପୁଅକୁ ଦେଇଥିଲା ବି

ଉଦଳା( ମୟୁରଭଞ୍ଜ୍ ): ଖୋଲିଲା ବହୁ ଚର୍ଚ୍ଚିତ ଟିଟିଆ ବିଲ ଭିତରୁ ଯୁବତୀଙ୍କ ମୃତଦେହ ଉଦ୍ଧାର ହେବା ଘଟଣାର ରହସ୍ୟ। ସେହି ଘଟଣାରେ ଯୁବତୀଙ୍କ ମୃତ୍ୟୁ ପଛର କାର୍ପଟଦାର ଖୋଦ୍‌ ମୃତକଙ୍କ ମାଆ । ମାଆ ସାଜିଲା ପିଶାଚୀ । ଭୁଲିଗଲା ସମ୍ପର୍କ । ଏଇ ଦୁନିଆରେ ଗୋଟେ ସନ୍ତାନ ପାଇଁ ଯଦି ସବୁଠାରୁ ସୁରକ୍ଷିତ ସ୍ଥାନ କିଛି ଥାଏ ତେବେ ତାହା ହେଉଛି ତା ମାର କୋଳ । ହେଲେ ସେହି ମା’ ଯଦି ପିଶାଚୀ ସାଜିବ ତେବେ ପରିଣାମ କଣ ହେବ ଭାବିଲା ବେଳକୁ ଛାତି ଥରିଉଠୁଛି ।

ତେବେ ଏମିତି ଗତ ଜୁନ୍‌ ୧୩ ତାରିଖ ଦିନ ଘଟିଥିଲା । ଘରେ ମା ଏବଂ ଝିଅଙ୍କ ମଧ୍ୟରେ କଳହ ହେବାରୁ ନିଜ ଝିଅ ଏବଂ ନାବାଳକ ପୁଅକୁ ଦେଇଥିଲା ବିଷ । ହେଲେ ସୌଭାଗ୍ୟ କାରଣରୁ ନାବାଳକ ଜଣକ ବଂଚିଯାଇଥିବା ବେଳେ ଝିଅର ହୋଇଥିଲା ମୃତ୍ୟୁ । ତେବେ ଦୀର୍ଘ ୧୫ ଦିନର ତଦନ୍ତ ପରେ ପୋଲିସ୍‌ ଖୋଲିଛି ପୁରା ଘଟଣାର ରହସ୍ୟ।

ଗତ ୧୩ ତାରିଖ ଖୁଂଟା ଥାନା ଟିଟିଆ ଗ୍ରାମ ନିକଟ ବିଲରେ ଜଣେ ଯୁବତୀଙ୍କ ମୃତଦେହ ପଡିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ଯୁବତୀଙ୍କ ମୃତଦେହ ନିକଟରେ ଜଣେ ନାବାଳକ ସଂଜ୍ଞାହୀନ ଅବସ୍ଥାରେ ପଡିଥିଲେ । ପୋଲିସ୍‌ ନାବାଳକକୁ ଉଦ୍ଧାର କରି ଗୁରୁତର ଅବସ୍ଥାରେ ଚିକିତ୍ସା ନିମନ୍ତେ ଡାକ୍ତରଖାନାରେ ଭର୍ତି କରିଥିବା ବେଳେ ଯୁବତୀଙ୍କ ମୃତଦେହକୁ ଉଦ୍ଧାର କରି ତଦନ୍ତ ଆରମ୍ଭ କରିଥିଲା । ୧୫ ଦିନର ତଦନ୍ତ ପରେ ପୋଲିସ୍‌ ସାମ୍ନାକୁ ଆସିଲା ସାଂଘାତିକ ସତ ।

ମୃତକ ଯୁବତୀ ରଇବାରୀ ସିଂଙ୍କ ବିଧବା ମାଆ ମଙ୍ଗୁଳି ସିଂ ୪ ମାସର ଗର୍ଭବତୀ ରହିଛନ୍ତି । ମଙ୍ଗୁଳିଙ୍କ ସ୍‌ୱାମୀଙ୍କ ଦେହାନ୍ତ ଦୀର୍ଘ ବର୍ଷରୁ ହୋଇସାରିଛି । ଜୁନ ୧୨ ତାରିଖରେ କୌଣସି କାରଣକୁ ନେଇ ଉଭୟ ମୃତକ ରଇବାରୀ ଏବଂ ତାଙ୍କ ମାଆଙ୍କ ମଧ୍ୟରେ ବଚସା ହୋଇଥିଲା । ଏହା ପରେ ମା ମଙ୍ଗୁଳି ନିଜ ଝିଅ ରଇବାରୀ ଏବଂ ନାବାଳକକୁ ସାଙ୍ଗରେ ନେଇ ଟିଟିଆ ଗ୍ରାମକୁ ଆସିଥିବା ବେଳେ ପୂର୍ବରୁ କିଣି ରଖିଥିବା ବିଷ ଉଭୟ ଝିଅ ଏବଂ ନାବାଳକ ପୁଅକୁ ଖୁଆଇଥିଲା ।

ଝିଅ ରଇବାରୀର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ନାବାଳକ ପୁଅ ଗୁରୁତର ହୋଇଥିଲା । ଏପଟେ କାଣ୍ଡ ଭିଆଇବା ପରେ ମଙ୍ଗୁଳି ସିଂ ସେଠାରୁ ଫେରାର ହୋଇଯାଇଥିଲା । ପୋଲିସ୍‌ ଖୋଜାଖୋଜି କରି ତଦନ୍ତ କରିବା ପୁରା ଘଟଣା ସାମ୍ନାକୁ ଆସିଛି । ତେବେ କେଉଁ କାରଣରୁ ପ୍ରକୃତରେ କଳହ ହୋଇଥିଲା ଏବଂ କାହିଁକି ଅନ୍ତଚିରି ଜନ୍ମ ଦେଇଥିବା ମାଆ ପିଶାଚୀ ସାଜିଲା ତାହାକୁ ନେଇ ଏବେ ଉଠିଛି ବଡ ପ୍ରଶ୍ନ?

ପ୍ରଧାନମନ୍ତ୍ରୀଙ୍କ ବାସଭବନ ଉପରେ ଉଡ଼ିଲା ଡ୍ରୋନ୍ : ନୋ ଫ୍ଲାଇଂ ଜୋନରେ କିପରି ଡ୍ରୋନ୍ ଉଡ଼ିଲା, ପୋଲିସର ତନାଘନା

 ପ୍ରଧାନମନ୍ତ୍ରୀଙ୍କ ବାସଭବନ ଉପରେ ଉଡ଼ିଲା ଡ୍ରୋନ୍ : ନୋ ଫ୍ଲାଇଂ ଜୋନରେ କିପରି ଡ୍ରୋନ୍ ଉଡ଼ିଲା, ପୋଲିସର ତନାଘନା

ପ୍ରଧାନମନ୍ତ୍ରୀଙ୍କ ବାସଭବନ ଉପରେ ଉଡ଼ିଲା ଡ୍ରୋନ୍ । ସକାଳ ପ୍ରାୟ ୫ଟା ବେଳେ ସୁରକ୍ଷାରେ ମୁତୟନ ଥିବା ଏସପିଜି, ଦିଲ୍ଲୀ ପୋଲିସକୁ ଏ ସମ୍ପର୍କରେ ସୂଚନା ଦେଇଛି । ଖବର ପାଇ ପୋଲିସ ପ୍ରଧାନମନ୍ତ୍ରୀ ବାସଭବନରେ ପହଞ୍ଚିଥିଲେ । କିନ୍ତୁ ସେଠାରୁ କୌଣସି ଡ୍ରୋନ୍ ପୋଲିସ ହାତରେ ଲାଗିନଥିଲା । ପିଏମ୍ ଆବାସ ନୋ ଫ୍ଲାଇଂ ଜୋନରେ ଯାଉଥିବାରୁ ସେଠାରେ କିପରି ଡ୍ରୋନ୍ ଉଡ଼ିଲା, ସେନେଇ ତଦନ୍ତ ଚଳାଇଛି ପୋଲିସ । ଏପର୍ଯ୍ୟନ୍ତ ପୋଲିସ କିମ୍ବା ଅନ୍ୟ ସୁରକ୍ଷା ସଂସ୍ଥା ଆଖପାଖ ଅଞ୍ଚଳରେ ତଲାସ କରିଥିଲା । କିନନ୍ତୁ ସେଭଳି କୌଣସି ସାମଗ୍ରୀ ମିଳିନଥିବା ଦିଲ୍ଲୀ ପୋଲିସ ସୂଚନା ଦେଇଛି ।

ଆସୁଛି ବଡ଼ ବର୍ଷା: ବଙ୍ଗୋପସାଗରରେ ଦାନା ବାନ୍ଧିବ ଲଘୁଚାପ, ପାଣିପାଗ ବିଭାଗ ପୂର୍ବାନୁମାନ

 ଆସୁଛି ବଡ଼ ବର୍ଷା: ବଙ୍ଗୋପସାଗରରେ ଦାନା ବାନ୍ଧିବ ଲଘୁଚାପ, ପାଣିପାଗ ବିଭାଗ ପୂର୍ବାନୁମାନ

ଭୁବନେଶ୍ୱର  :  ଆସୁଛି ବଡ଼ ବର୍ଷା । ବଙ୍ଗୋପସାଗରରେ ଦାନା ବାନ୍ଧିବ ଲଘୁଚାପ । ଆସନ୍ତା ୪ ତାରିଖ ବେଳରୁ ଉତ୍ତର ପଶ୍ଚିମ ବଙ୍ଗୋପସାଗରରେ ଲଘୁଚାପ ସୃଷ୍ଟି ସମ୍ଭାବନା ରହିଛି । ଏହାର ପ୍ରଭାବରେ ରାଜ୍ୟର ଅଧିକାଂଶ ସ୍ଥାନରେ ପ୍ରବଳ ବର୍ଷା ହୋଇପାରେ । ପାଣିପାଗ ବିଭାଗ ପୂର୍ବାନୁମାନ କରିଛି, ୩ ତାରିଖରୁ ରାଜ୍ୟରେ ବଢ଼ିବ ବର୍ଷା ବିସ୍ତତି । ଉପକୂଳବର୍ତ୍ତୀ ଓଡ଼ିଶାର ବିଭିନ୍ନ ସ୍ଥାନରେ ବର୍ଷା ସମ୍ଭାବନା ରହିଛି । ୩ ତାରିଖରେ ମୟୂରଭଞ୍ଜ, କେନ୍ଦୁଝର, ଗଞ୍ଜାମ, ଗଜପତି, ରାୟଗଡ଼ା, କୋରାପୁଟ ଓ ମାଲକାନଗିରିକୁ ପ୍ରବଳ ବର୍ଷା ନେଇ ୟେଲୋ ଓ୍ଵାର୍ଣ୍ଣିଂ ଜାରି ହୋଇଛି । ୪ ତାରିଖରେ ବର୍ଷା ପରିମାଣ ଅଧିକ ରହିବ । ଏଥିପାଇଁ ୧୫ ଜିଲ୍ଲାକୁ ୟେଲୋ ଓ୍ଵାର୍ଣ୍ଣିଂ ଜାରି କରିଛି ପାଣିପାଗ ବିଭାଗ ।

ଓଡ଼ିଶାରେ ଜୁନ ମାସରେ ନିଅଣ୍ଟିଆ ବର୍ଷା ହୋଇଛି । ୧୬୩.୭ ମିମି ବର୍ଷା ହୋଇଛି ଜୁନ ମାସରେ । ଯାହା ସ୍ୱାଭାବିକଠାରୁ ୨୨ ପ୍ରତିଶତ କମ୍‌ । ଅଧିକାଂଶ ଉପକୂଳ ସହ ଦକ୍ଷିଣ ଓ ଉତ୍ତର ଓଡିଶାରେ କମ ବର୍ଷା ହୋଇଛି । ୨୦ ଜିଲ୍ଲାରେ ରେକର୍ଡ ହୋଇଛି ନିଅଣ୍ଟିଆ କିମ୍ବା ଅଧିକ ନିଅଣ୍ଟିଆ ବର୍ଷା । କଳାହାଣ୍ଡି, କନ୍ଧମାଳ ଓ ରାୟଗଡ଼ ଜିଲ୍ଲାରେ ନିଅଣ୍ଟ ପରିମାଣ ଅତ୍ୟଧିକ ରହିଛି । ଏହି ତିନି ଜିଲ୍ଲାରେ ନିଅଣ୍ଟ ପରିମାଣ ୬୦ ପ୍ରତିଶତରୁ ଅଧିକ । ସେପଟେ ୪ ଜିଲ୍ଲାରେ ସ୍ୱାଭାବିକ ବର୍ଷା ହୋଇଥିବା ବେଳେ ୬ ଜିଲ୍ଲାରେ ଅଧିକ କିମ୍ବା ଅତ୍ୟଧିକ ବର୍ଷା ହୋଇଛି । ଭାରତୀୟ ପାଣିପାଗ ବିଭାଗ ପୂର୍ବାନୁମାନ କରିଛି ଜୁଲାଇରେ ଭଲ ବର୍ଷିବ । ଓଡ଼ିଶାରେ ସ୍ୱାଭାବିକ କିମ୍ବା ତାଠାରୁ ଅଧିକ ବର୍ଷା ସମ୍ଭାବନା ରହିଛି ।

ବଡ଼ ପରଦାରେ ଅନୁଭବଙ୍କୁ ଟକ୍କର ଦେବେ ବର୍ଷା: ‘ଲଭ୍ ଇନ ଲଣ୍ଡନ’କୁ ଜବାବ୍ ଦେବ ‘ବସ୍’

 ବଡ଼ ପରଦାରେ ଅନୁଭବଙ୍କୁ ଟକ୍କର ଦେବେ ବର୍ଷା: ‘ଲଭ୍ ଇନ ଲଣ୍ଡନ’କୁ ଜବାବ୍ ଦେବ ‘ବସ୍’

 

ଭୁବନେଶ୍ବର: ଲୋକପ୍ରିୟ ନାୟକ ଅନୁଭବଙ୍କୁ ଟକ୍କର ଦେବା ଲାଗି ଏବେ ପ୍ରସ୍ତୁତ ହେଲେଣି ଓଲିଉଡର କୁଇନ୍ ବର୍ଷା ପ୍ରିୟଦର୍ଶିନୀ। ଉଭୟଙ୍କ ବାସ୍ତବ ଜୀବନରେ ତ ଯାହା ଚାଲିଛି, ସମସ୍ତଙ୍କୁ ଜଣା। ହେଲେ ବଡ଼ ପରଦାରେ ଅନୁଭବଙ୍କୁ ଜବାବ ଦେବା ଲାଗି ବର୍ଷା ପ୍ରସ୍ତୁତ। ଏବେ ବର୍ଷା ପ୍ରିୟଦର୍ଶିନୀ ବଡ଼ ପରଦାରେ ‘ବସ୍’ ଫିଲ୍ମରେ ମୁଖ୍ୟ ଭୂମିକାରେ ଦେଖା ଦେବେ। ‘ବସ୍’ ଚଳଚ୍ଚିତ୍ରର ପ୍ରଯୋଜକ ହେଲେ ଜଣାଶୁଣା ନିର୍ମାତା ରମେଶ ବାରିକ ଓ ଏହାର ନିର୍ଦ୍ଦେଶନା ଦାୟିତ୍ବରେ ଅଛନ୍ତି ତ୍ରିପତି ସାହୁ । ଫିଲ୍ମର ସଂଗୀତ ନିର୍ଦ୍ଦେଶନା ଦେଇଛନ୍ତି ଅଭିଜିତ ମଜୁମଦାର।

ଗୋଟିଏପଟେ ଅନୁଭବଙ୍କ ସିନେମା ‘ଲଭ୍ ଇନ ଲଣ୍ଡନ’ରେ ଅନୁଭବ – ବର୍ଷା – ଜଗୃତିଙ୍କୁ ଦର୍ଶାଯାଇଥିବା ଚର୍ଚ୍ଚା ହେଉଛି। ଅନୁଭବଙ୍କ ଜୀବନ କାହାଣୀକୁ ସିନେମାରେ ଦର୍ଶାଯାଇଥିବା କୁହାଯାଉଛି। ଏହାର ଉତ୍ତର ଦେବା ପାଇଁ ବର୍ଷା ‘ବସ୍’ ଟାଇଟଲରେ ଏକ ଫିଲ୍ମ ନେଇ ଆସୁଥିବା ଚର୍ଚ୍ଚା ହେଉଛି। ଆଜି ବର୍ଷାଙ୍କ ଅଭିନୀତ ଏହି ସିନେମାର ଶୁଭ ମହୁରତ ହୋଇଛି। ଏଥିରେ ଅତିଥି ଭାବେ ଯୋଗ ଦେଇଥିଲେ ଭୁବନେଶ୍ବର ମେୟର୍ ସୁଲୋଚନା ଦାସ। ‘ବସ୍’ ନାରୀ ସଶକ୍ତିକରଣ ଉପରେ ସିନେମା ଆଧାରିତ ବୋଲି ବର୍ଷା କହିଛନ୍ତି। ବର୍ତ୍ତମାନର ସମାଜରେ ଘଟୁଥିବା ଘଟଣା ଓ ବାସ୍ତବ ଜୀବନ ଉପରେ ଏ କାହାଣୀ ଆଧାରିତ ବୋଲି ସେ କହିଛନ୍ତି । ବସ ଟାଇଟଲ୍ ରୋଲରେ ଅଭିନୟ କରିବା ସହ ଚଳଚ୍ଚିତ୍ରର କାହାଣୀ, ଚିତ୍ରନାଟ୍ୟ ଓ କ୍ରିଏଟିଭ୍ ହେଡ୍ ର ଦାୟିତ୍ବ ବି ନିଭାଇଛନ୍ତି ବର୍ଷା ପ୍ରିୟଦର୍ଶିନୀ।

ସୂଚନାଯୋଗ୍ୟ, ପୂର୍ବରୁ ବର୍ଷା ନିମିକି , ବିଜୟିନୀ ଓ କୁଇନ ଭଳି ନାରୀକୈନ୍ଦ୍ରିକ ସିନେମାରେ ବି ନଜର ଆସିଥିଲେ। ‘ବସ୍’ରେ ମଧ୍ୟ ସମାନ ଚିତ୍ର ଦେଖିବାକୁ ମିଳିବ।

ସାପ ପାଇଁ ଦେଢ ଘଣ୍ଟା ଅଟକି ରହିଲା ଟ୍ରେନ୍:

 ସାପ ପାଇଁ ଦେଢ ଘଣ୍ଟା ଅଟକି ରହିଲା ଟ୍ରେନ୍: ଟ୍ରେନକୁ ବିଦ୍ୟୁତ୍ ସଂଯୋଗ କରୁଥିବା ତାରରେ ଗୋଡାଇ ହୋଇଯାଇଥିଲା ସାପ

 ସାପ ପାଇଁ ଅଟକିଲା ଟ୍ରେନ୍ । ଏକ ସାପ ପାଇଁ ଦେଢ଼ ଘଂଟରୁ ଅଧିକ ସମୟ ଅଟକି ରହିଲା ବିଶାଖାପାଟଣା- କିରଣ୍ଡୁଲ ଟ୍ରେନ । କୋରାପୁଟ ଜିଲ୍ଲା ପାଲିବା ଷ୍ଟେସନ ନିକଟରେ ଏଭଳି ଘଟଣା ଘଟିଛି । ଫଳରେ ଯାତ୍ରୀ ମାନେ ଅସୁବିଧାର ସମ୍ମୁଖିନ ହୋଇଛନ୍ତି । ବୈଷୟିକ ଟିମ୍ ଘଟଣାସ୍ଥଳକୁ ଆସି ଟ୍ରେନର ପାନ୍ଟୋଗ୍ରାଫକୁ ମରାମତି କରିବା ପରେ ପରିସ୍ଥିତି ସ୍ୱାଭାବିକ ହୋଇଥିଲା । ଏନେଇ ରେଳ ବିଭାଗର ଜଣେ ଅଧିକାରୀ ସୂଚନା ଦିଆଯାଇଥିଲା । ସୂଚନା ଅନୁସାରେ, କୋରାପୁଟ ଷ୍ଟେସନ ଠାରୁ ପ୍ରାୟ ୨୦ କିମି ଦୂର ପାଲିବା ଷ୍ଟେସନ ନିକଟରେ ହଠାତ୍ ଟ୍ରେନ୍ଟି ଅଟକି ଯାଇଥିଲା । ଖବର ପାଇ ଘଟଣା ସ୍ଥଳ କୁ ଏକ ସ୍ୱତନ୍ତ୍ର ବୈଷୟିକ ଟିମ ଯାଇଥିଲା । ସେଠାରେ କାରଣ ଖୋଜିବା ବେଳକୁ ଅଧିକାରୀ ମାନେ ଆଶ୍ଚର୍ଯ୍ୟ ହୋଇ ଯାଇଥିଲେ । କାରଣ ଟ୍ରେନର ପାନ୍ଟୋଗ୍ରାଫରେ ଏକ ସାପ ଗୁଡ଼ାଇ ହୋଇ ରହିଛି । ଫଳରେ ଟ୍ରେନକୁ ବିଦ୍ୟୁତ୍ ଯୋଗାଉଥିବା ତାର ଠାରୁ ବିଛିନ୍ନ ହୋଇ ଯାଇଛି । ତୁରନ୍ତ ସାପର ମୃତଦେହ କୁ ସେଠା ରୁ କାଢି ମରାମତି କାର୍ଯ୍ୟ ଆରମ୍ଭ କରିଥିଲେ । ମରାମତି ସରିବା ପର ପ୍ରାୟ ଦେଢ଼ ଘଂଟା ପରେ ଟ୍ରେନ୍ଟି ସ୍ୱାଭାବିକ ଭାବେ ଘଟଣା ସ୍ଥଳରୁ ଯାତ୍ରା ଆରମ୍ଭ କରିଥିଲା ।