ମୋ ମନର ନୀଳ ଆକାଶରେ
ତୁମ ନାଁ ଯେବେ ଲେଖିଦେଲି …
ମଳୟ ପବନ ଛୁଇଁ ଗଲା ମୋତେ
ମହକରେ ତୁମ ହଜିଗଲି …
ତୁମେ ଆସିଗଲ ମୋ ଜୀବନେ
ବସନ୍ତ ଫୁଲର ବାସ ନେଇ
ମୋ ଶୂନ୍ୟ ମନର ଅର୍ଗଳି ରେ
ପ୍ରେମର ଦୀପ ଜାଳି ଦେଇ!
ହେ ପ୍ରିୟା… ତୁମେ ମୋର ଶ୍ୱାସ
ତୁମେ ମୋର ସବୁ ଆଶା
ତୁମ ବିନା ଏଇ ଜୀବନ ନିରସ
ତୁଟି ଯାଉଛି ଭରଷା
ଶୂନ୍ୟ ଶୂନ୍ୟ ଲାଗେ ଆଜିରାତି…
ପ୍ରିୟା… ମୋ ନିକଟେ ଫେରି ଆସ
ବିଚରଣ କର ମୋ ସ୍ଵପ୍ନ ରାଜ୍ୟରେ
ଆସ ମୋ ପାଖରେ ବସ
ସ୍ଵପ୍ନରେ ସ୍ମୃତିରେ ରହି ଯାଅ ନାହିଁ
ତୁମ ପ୍ରେମ ରୁ ବଞ୍ଚିତ କରି
ଦିନ ନାହିଁ ରାତି ନାହିଁ ତୁମ ପାଇଁ
ବଞ୍ଚି ଅଛି ମରି ମରି
ନୀରବ ରାତି ରେ କାନ୍ଦୁଛି ଆଜି ମୋ
ହୃଦୟ ଡାକେ ତୁମ ନାଁ
ବେଦନା ଜଡିତ ମନ ଅଗଣାଟା
ଲାଗୁ ଅଛି ଖାଁ ଖାଁ
ଯଦି ଶୁଣୁ ଅଛ ମୋ ଡାକ ପ୍ରିୟା
ଫେରି ଆସ ଫେରିଆସ
ମୋ ଜୀବନର ଅଧୁରା ପ୍ରେମ
ଖୋଜୁଛି ତୁମ ପରସ…
ହେ ପ୍ରିୟା… ତୁମେ ମୋର ଆଲୋକ
ତୁମେ ମୋର ସବୁ ସ୍ଵପ୍ନ
ତୁମ ହସରେ ମୋ ଦୁନିଆ
ହସିବ ରଙ୍ଗିନ ହେବ ଆକାଶ…
No comments:
Post a Comment