ବଡ଼ାମ୍ବୀଳା ଗ୍ରାମ ପଞ୍ଚାୟତରେ ମୋ ସେବା କେନ୍ଦ୍ର ଉଦ୍‌ଘାଟିତ

COASTAL NEWS ODIA 1185

ବଡ଼ାମ୍ବୀଳା ଗ୍ରାମ ପଞ୍ଚାୟତରେ ମୋ ସେବା କେନ୍ଦ୍ର ଉଦ୍‌ଘାଟିତ

ଆଳି, ୧୮।୧୦  ବୁଧବାର ଆଳି ବ୍ଲକ ବଡ଼ାମ୍ବିଳା ପଞ୍ଚାୟତ କାର୍ଯ୍ୟାଳୟରେ ମୋ ସେବା କେନ୍ଦ୍ର ଉଦଘାଟିତ ହୋଇଯାଇଛି।କାର୍ଯ୍ୟକ୍ରମରେ ମୁଖ୍ୟଅତିଥ୍ ଭାବେ ଆଳି ବ୍ଲକ ଅଧ୍ୟକ୍ଷ ମନୋରଞ୍ଜନ ସାମଲ ଓ ମୁଖ୍ୟବକ୍ତା ଭାବେ ଜିଲା ପରିଷଦ ସଭ୍ୟ ଭୀଷ୍ମ ମହାନ୍ତି ଯୋଗ ଦେଇ ଲୋକମାନେ ଏହି ସେବାକେନ୍ଦ୍ର ଦ୍ଵାରା କିପରି ଉପକୃତ ହେବେ ସେ ବିଷୟରେ ସମ୍ୟକ ଧାରଣା ଦେଇଥିଲେ l 

ଓଡିଶା ସରକାରଙ୍କ ବହୁମୁଖି କାର୍ଯ୍ୟକ୍ରମ ଓ ସରକାରୀ ଯୋଜନାକୁ ଜନ ସାଧାରଣ ହାତ ପାହାନ୍ତାରେ ପହଞ୍ଚେଇବା ଉଦ୍ଦେଶ୍ୟରେ ମୋ ସେବା କେନ୍ଦ୍ର ଉପୋଭୋକ୍ତା ମାନଙ୍କ ସରକାରୀ ସହାୟତା ପାଇବା ବ୍ୟବସ୍ଥାକୁ ସୁଗମ କରିବା ପାଇଁ ମୋ ସେବା କେନ୍ଦ୍ର ଉଦିଷ୍ଟ I ସରକାର ଆପଣଙ୍କ ଘର ଦ୍ୱାରରେ ମୋ ସେବା କେନ୍ଦ୍ରର ପ୍ରକୃତ ଉଦ୍ଦେଶ୍ଯ ବୋଲି ବକ୍ତାମାନେ ମତବ୍ୟକ୍ତ କରିଥିଲେ । 

ସାମାଜିକକର୍ମୀ ବିଜୟ ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ସମ୍ମାନୀତ ଅତିଥି ଭାବେ ବଡ଼ାମ୍ବୀଳା ଗ୍ରାମ ପଞ୍ଚାୟତ ର ସରପଞ୍ଚ ସଚଳା ମହୀ , ସମିତି ସଭ୍ୟ ବଂଶୀଧର ପଣ୍ଡା ଏବଂ ମୋ ସେବା କେନ୍ଦ୍ରର ଜିଲା ପରିଚାଳକ ହମଦ ପାତ୍ର ଯୋଗ ଦେଇଥିଲେ। କେନ୍ଦ୍ର ପରିଚାଳକ ଦୀପକ ନାୟକ ଧନ୍ୟବାଦ ପ୍ରଦାନ କରିଥିଲେ। ବିଦ୍ୟୁଲତା ରାଉତ, ସ୍ବାଭିମାନ ଜେନା, ଓମ୍ ପ୍ରକାଶ ରାଉତ, ଶୁଭମ ମହାନ୍ତି, ଶ୍ରଦ୍ଧାଞ୍ଜଳି ନନ୍ଦ, ରାକେଶ ଦାଶ ଓ ନାୟକ ଏଣ୍ଟରପ୍ରାଇଜେସ କର୍ମକର୍ତ୍ତାମାନେ ସଭା ପରିଚାଳନା କରିଥିଲେ I

ଆଜିର ରାଶିଫଳ

COASTAL NEWS ODIA 1184

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 ଅଦ୍ୟ ଅକ୍ଟୋବର ମାସ  ୨୦ ତାରିଖ ୨୦୨୩ ମସିହା(ଶୁକ୍ରବାର)

  ✧*═✧*══•❁❀❁•═════✧

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

        *✧═════•❁❀❁•═════✧*

*🌷ମେଷ🌹👉:-ଆଜି ବନ୍ଧୁଙ୍କ ସହ ଯାତ୍ରା ଆରମ୍ଭ କରି ଖୁସି ମନେଇବେ। ବକେୟା ଅର୍ଥ ଲାଭ, ଶାରୀରିକ ସୁସ୍ଥତା, ବନ୍ଧୁଙ୍କ ପରାମର୍ଶ କାମକୁ ଆସିବ। ପ୍ରତିଦ୍ୱନ୍ଦ୍ୱିତା କିମ୍ବା ପ୍ରତିଯୋଗିତାରେ ସଫଳତା ମିଳିବ। ଅଫିସ୍‌ କାମରେ ଯୁକ୍ତିଯୁକ୍ତ କଥା କହି ବିବାଦ ଭିତରକୁ ପଶିଯାଇପାରନ୍ତି।*

*✧═════•❁❀❁•═════✧*

*🌷ବୃଷ🌹👉:-ଆଜି ସହକର୍ମୀ କିମ୍ବା ପଡ଼ୋଶୀଙ୍କ ସାହାଯ୍ୟ, ସମର୍ଥନ ଲାଭ କରାଇବ। ଆପଣ ଭଲ କଥା କହିଲେ ମଧ୍ୟ ଅନ୍ୟମାନେ ଭୁଲ୍‌ ବୁଝିବେ। ବାରମ୍ବାର ଚେଷ୍ଟା ବିଫଳତା ଜନିତ ମନରେ ସବୁବେଳେ ଟେନ୍‌ ସନ ଲାଗି ରହିବ। ଆକସ୍ମିକ ଆବଶ୍ୟକତା କାରଣରୁ ଖର୍ଚ୍ଚ ପରିମାଣ ବୃଦ୍ଧି ପାଇବ।* 

*✧═════•❁❀❁•═════✧*

*🌷ମିଥୁନ🌹👉:-ଆଜି ଆପଣଙ୍କ କଥାବାର୍ତ୍ତା ଓ ବ୍ୟବହାର ଅନ୍ୟମାନଙ୍କ ପସନ୍ଦଯୋଗ୍ୟ ନ ହେବା କାରଣରୁ ସମସ୍ୟା ଉପୁଜିପାରେ। ବିଭିନ୍ନ ପ୍ରକାର ଧନ୍ଦା କରିବା ସକାଶେ ବନ୍ଧୁମାନେ ପ୍ରୋତ୍ସାହିତ କରିପାରନ୍ତି। ନି କଟସ୍ଥ ଜଣାଶୁଣା ବ୍ୟକ୍ତି ମାନଙ୍କ ଦ୍ୱାରା ପରିବହନ କ୍ଷେତ୍ରରେ ସମସ୍ୟା ସମାଧାନ ହେବ।* 

*✧═════•❁❀❁•═════✧*

*🌷କର୍କଟ🌹👉:-ଆଜି ନିଜ ପରିସରରେ ସାଧାରଣ କଥାକୁ ବଡ଼ କରି ନିକଟସ୍ଥ ବ୍ୟକ୍ତି ଜଣେ କଳହର ମାତ୍ରାକୁ ବଢ଼ାଇବେ। ଅବଶ୍ୟ ପରକ୍ଷଣରେ ପରସ୍ପର ଆଲୋଚନା ଦ୍ୱାରା ସମସ୍ୟାର ସରଳ ସମାଧାନ କରିବାରେ ସମର୍ଥ ହେବେ । ସରକାରୀ ସ୍ତରରୁ ହଠାତ୍‌ ଆଶା କରୁଥିବା ଶୁଭ ଖବର ଶୁଣି ଖୁସି ହେବେ।*

*✧═════•❁❀❁•═════✧*

*🌷ସିଂହ🌹👉:-ଆଜି ଯେତେ ପ୍ରକାର ସୁବିଧା ସୁଯୋଗ ସୃଷ୍ଟି ହେଲେ ମଧ୍ୟ ଅନ୍ୟମାନେ ସନ୍ତୁଷ୍ଟ ହେବେ ନାହିଁ ବରଂ ଓଲଟି ନିନ୍ଦାଗାନ କରିବେ। ଘରେ ବନ୍ଧୁମିଳନ ଓ ନୂତନ ଅତିଥିଙ୍କ ଆଗମନ ଯୋଗୁ ହସଖୁସିର ସୁଅ ଛୁଟିବ। ମାଲିମକଦ୍ଦମା,ଜମିଜମା ସମସ୍ୟା, ଚୁକ୍ତିପତ୍ର ପ୍ରଭୃତିରେ ସୁଫଳ ପାଇବେ।*

*✧═════•❁❀❁•═════✧*

*🌷କନ୍ୟା🌹👉:-ଆଜି ଅର୍ଥ, ସମ୍ମାନ ଓ ବିଳାସବ୍ୟସନ ଦିଗ ପାଇଁ ବହୁତ ଭଲ ହେବ। ବହୁ ଦିନରୁ ଟଙ୍କା ବାକି ରଖିଥବା ଲୋକଟି ଆପଣଙ୍କୁ ଖୋଜି ଖୋଜି ଶେଷରେ ଘରେ ଆସି ଟଙ୍କା ଦେଇଯାଇପାରେ। ଆଗାମୀ ମାଙ୍ଗଳିକ କାମ ସକାଶେ ଗୃହସଜ୍ଜା,ଗାଡ଼ି ମରାମତି, ପୁରୁଣା ଘରକୁ ସଜାଡ଼ିବାରେ ମନୋନିବେଶ କରିପାରନ୍ତି।*

*✧═════•❁❀❁•═════✧*

*🌷ତୁଳା🌹👉:-ଆଜି  ଦିନଟି ଆପଣଙ୍କ ପାଇଁ ବହୁ ଶୁଭଦାୟକ ରହିବେ।କୌଣସି କାମ ସ୍ଥଗିତ ରହିବ ନାହିଁ କିନ୍ତୁ ହସ୍ତା ନକ୍ଷତ୍ର ସକାଶେ ମାନସିକ ଅଶାନ୍ତି ଲାଗି ରହିବା କାରଣରୁ କୌଣସି କାମ ଉତ୍ସାହପ୍ରଦ ହେବ ନାହିଁ। ଅବଶ୍ୟ ମାଲିମକଦ୍ଦମାରେ ଆଲୋଚନା ଦ୍ୱାରା ସମସ୍ୟାର ସରଳ ସମାଧାନ ହୋଇଯିବ।*

*✧═════•❁❀❁•═════✧*

*🌷ବିଛା🌹👉:-ଆଜି ମନ ଖୁସି ରହିଲେ ମଧ୍ୟ କାର୍ଯ୍ୟବ୍ୟସ୍ତତା ଅନୁଭବ କରିବେ । ଜ୍ୟେଷ୍ଠା ନକ୍ଷତ୍ର ଅଭାବ ଦୂରେଇବାର ପ୍ରୟାସକଲେ ମଧ୍ୟ ଧାର କରଜ କରି ଆବଶ୍ୟକତା ଚଳାଇନେବେ। କ୍ରୀଡ଼ା, କଳା କ୍ଷେତ୍ରରେ ସମସ୍ୟାର ସରଳ ସମାଧାନ କରିପାରିବେ। ବିଭିନ୍ନ ପ୍ରକାର କୌଶଳ ଅବଲମ୍ବନକରି ଲକ୍ଷ୍ୟପୂରଣରେ ସମର୍ଥ ହୋଇପାରନ୍ତି।*

*✧═════•❁❀❁•═════✧*

*🌷ଧନୁ🌹👉:-ବନ୍ଧୁଙ୍କ ମନାନ୍ତର କାରଣରୁ ମନ ଭଲ ନ ଥିବା ହେତୁ କୌଣସି କାମରେ ମନଯୋଗୀ ରହିପାରିବେ ନାହିଁ। ତେଣୁ ମନ ଖୁସିରେ ରହିପାରିବେ ନାହିଁ। ଶିଳ୍ପ, ବାଣିଜ୍ୟକାରବାର କ୍ଷେତ୍ରରେ ବେଶ୍‌ ଖୁସୀ ରହିବେ। ରାଜନୀତିରେ ଓ ସାଙ୍ଗଠନିକ କ୍ଷେତ୍ରରେ ବହୁତ ଜନକଲ୍ୟାଣ କାମ ହାତକୁ ନେଇ ପ୍ରଶଂସିତ ହୋଇପାରନ୍ତି।*

*✧═════•❁❀❁•═════✧*

*🌷ମକର🌹👉:-ଆଜି ବନ୍ଧୁ ଓ ପାରିବାରିକ ସମର୍ଥନରେ ଅଗ୍ରଗାମୀ ହୋଇପାରନ୍ତି ।ସାଧାରଣ କଥାକୁ ନେଇ ସମ୍ପର୍କୀୟ ମାନଙ୍କ ଆକ୍ଷେପୋକ୍ତି ମନରେ ଭାବାନ୍ତର ସୃଷ୍ଟି କରିବ । ବିଳାସବ୍ୟସନ ଦ୍ରବ୍ୟକ୍ରୟ ପ୍ରତି ବିଶେଷ ଅନୁରକ୍ତି ଜାଗ୍ରତହେବା ସହ ଏହାକୁ ସଫଳକରିବାର ମଉକା ପାଇପାରିବେ।*

*✧═════•❁❀❁•═════✧*

*🌷କୁମ୍ଭ🌹👉:-ଆଜି ପରିବାରରେ ସନ୍ଦେହ ଓ ଭୁଲ୍‌ ବୁଝାମଣା ହେତୁ ସମସ୍ୟା ବଢ଼ିପାରେ। ଦୂରସ୍ଥାନକୁ ଯାତ୍ରା ନୂତନ କର୍ମନିଯୁକ୍ତି ପାଇଁ ଅନୁକୂଳ ବାତାବରଣ ସୃଷ୍ଟି ହୋଇପାରେ  ବ୍ୟବସାୟରେ ବକେୟା ଅର୍ଥ ଆଦାୟ କରିବାରେ ସକ୍ଷମ ହେବେ। ଭୂସମ୍ପତ୍ତିକୁ କେନ୍ଦ୍ରକରି ପରିବାର ସଦସ୍ୟଙ୍କ ମଧ୍ୟରେ କଳହର ସୂଚନା ରହିଛି ।*

*✧═════•❁❀❁•═════✧*

*🌷ମୀନ🌹👉:-ଆଜିର ବାଣିଜ୍ୟ, ବ୍ୟବସାୟ, ମାଲି ମକଦ୍ଦମାରେ ସଫଳତା ପାଇବେ। କିନ୍ତୁ ସଙ୍ଗଠନ ଓ ନୂତନ ସମ୍ପର୍କ ସ୍ଥାପନ କ୍ଷେତ୍ରରେ କାରବାରରେ କିଛିଟା ସାମୟିକ ସମସ୍ୟା ଲାଗି ରହିବ। କଳା, ପ୍ରଶାସନ ଓ ରାଜନୈତିକ କ୍ଷେତ୍ରରେ ସ୍ଥିତିକୁ ସୁଦୃଢ଼ ରଖିବାରେ ସମର୍ଥ ହେବେ।*

*✧═════•❁❀❁•═════✧*

ଭାରତର କ୍ରମାଗତ ଚତୁର୍ଥ ବିଜୟ ବିରାଟ କୋହଲିଙ୍କ ଆଶ୍ଚର୍ଯ୍ୟଜନକ ଶତାବ୍ଦୀ ବାଂଲାଦେଶକୁ ପରାସ୍ତ କରିଛି

COASTAL NEWS ODIA 1183

ଭାରତର କ୍ରମାଗତ ଚତୁର୍ଥ ବିଜୟ 

ବିରାଟ କୋହଲିଙ୍କ ଆଶ୍ଚର୍ଯ୍ୟଜନକ ଶତକ ବାଂଲାଦେଶକୁ ପରାସ୍ତ କରିଛି

ପୁଣେ - (CNO) ଭାରତ ବନାମ ବାଂଲାଦେଶ ହାଇଲାଇଟ୍: ଆଇସିସି ODI ବିଶ୍ୱକପର 17 ତମ ମ୍ୟାଚ ପୁଣେରେ ଭାରତ ଏବଂ ବାଂଲାଦେଶ ମଧ୍ୟରେ ଖେଳାଯାଇଥିଲା।  ଏହି ମ୍ୟାଚରେ ବାଂଲାଦେଶ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା।  ଟାନଜିମ ହାସନ ଏବଂ ଲିଟନ୍ ଦାସ ଦଳକୁ ଅର୍ଦ୍ଧଶତକୀୟ ଇନିଂସରେ ଅସୁବିଧାରୁ ବାହାର କରିଥିଲେ।  ଦଳ 8 ୱିକେଟ୍ ପାଇଁ 256 ରନ୍ ସଂଗ୍ରହ କରିଥିଲା।  

ବିରାଟ କୋହଲି ଏକ ଚମତ୍କାର ଶତକ ହାସଲ କରି  ଦଳକୁ 7 ୱିକେଟ୍ ବିଜୟରେ ଆଗେଇ ନେଇଥିଲେ।  ରୋହିତ ଶର୍ମା ଏବଂ ଶୁଭମାନ ଗିଲ ଭାରତ ରନ୍ ସଂଗ୍ରହ ଯାତ୍ରା ଦ୍ରୁତ ଭାବେ ଆରମ୍ଭ କରିଥିଲେ।  53 ରନ୍ ସ୍କୋର କରିବା ପରେ ଶୁଭମନ୍ ଆଉଟ୍ ହୋଇଥିବାବେଳେ ରୋହିତ 48 ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ।

ଏହି ମ୍ୟାଚରେ ବାଂଲାଦେଶର ନିୟମିତ ଅଧିନାୟକ ଶାକିବ ଅଲ ହାସନ ଆହତ କାରଣରୁ ମ୍ୟାଚ ଖେଳୁ ନାହାଁନ୍ତି।  ତାଙ୍କ ସ୍ଥାନରେ ନାଜମୁଲ ହୁସେନ୍‌ଙ୍କୁ ଅଧିନାୟକତ୍ୱ ଦିଆଯାଇଛି।  ଟସ୍ ଜିତିବା ପରେ ସେ କହିଥିଲେ ଯେ ଏହା ମୋ ଏବଂ ମୋ ପରିବାର ପାଇଁ ଗର୍ବର ମୁହୂର୍ତ୍ତ।  ଏହି ୱିକେଟ୍ ସତେଜ ଦେଖାଯାଉଛି |  ଆମେ ପ୍ରଥମେ ବ୍ୟାଟିଂ କରି ଭଲ ସ୍କୋର କରିବାକୁ ଚାହୁଁଛୁ |  ଶାକିବଙ୍କ ସ୍ଥାନରେ ନାସୁମ୍ ଖେଳୁଛି |  ଏଥି ସହିତ ଟାସ୍କିନଙ୍କ ସ୍ଥାନରେ ହାସନ ମହମୁଦଙ୍କୁ ଏକ ସୁଯୋଗ ମିଳିଛି।  ଭାରତୀୟ ଦଳରେ କୌଣସି ପରିବର୍ତ୍ତନ ହୋଇନାହିଁ।

ରୋହିତ ଶର୍ମାଙ୍କ ଟିମ୍ ଇଣ୍ଡିଆ ବର୍ତ୍ତମାନ ପର୍ଯ୍ୟନ୍ତ ବିଶ୍ୱକପ୍ 2023 ରେ ହାରିନାହିଁ |  ଭାରତ ପ୍ରଥମ ତିନୋଟି ମ୍ୟାଚ୍ ଜିତିଥିବାବେଳେ ବାଂଲାଦେଶ ତିନୋଟି ମ୍ୟାଚ୍ ମଧ୍ୟରୁ କେବଳ ଗୋଟିଏ ମ୍ଯାଚ ଜିତିଛି।  ବିଶ୍ୱକପ ଇତିହାସରେ ଏପର୍ଯ୍ୟନ୍ତ ଦୁଇ ଦଳ ମଧ୍ୟରେ 4 ଟି ମ୍ୟାଚ୍ ଖେଳାଯାଇଛି।  ଗତ ତିନୋଟି ମ୍ୟାଚରେ ଭାରତ ଜିତିଛି।  

16 ବର୍ଷ ପୂର୍ବେ 2007 ବିଶ୍ୱକପରେ ବାଂଲାଦେଶ ଭାରତକୁ ପରାସ୍ତ କରିଥିଲା।  25 ବର୍ଷ ମଧ୍ୟରେ ଭାରତରେ ଭାରତ ବିପକ୍ଷରେ ବାଂଲାଦେଶର ଏହା ପ୍ରଥମ ODI |  ଏହାପୂର୍ବରୁ 1998 ରେ ବାଂଲାଦେଶ ଦଳ ମୁମ୍ବାଇର ୱାନ ଖେଡେ ଷ୍ଟାଡିୟମରେ ଭାରତର ମୁହାଁମୁହିଁ ହୋଇଥିଲା ।

ଭାରତର ଖେଳାଳି 11 - ରୋହିତ ଶର୍ମା (କ୍ୟାପଟେନ୍ ), ଶୁଭମନ ଗୀଲ୍, ବିରାଟ କୋହଲି,  ଶ୍ରେୟସ୍ ଆୟାର , କେ ଏଲ୍रा ରାହୁଲ୍ (ୱିକେଟ କିପର ), ହାର୍ଦିକ ପାଣ୍ଡ୍ୟା , ରବିନ୍ଦ୍ର ଜାଡେଜା , ସାର୍ଦ୍ଧଳ ଠାକୁର , ୟସପ୍ରୀତ୍ ବୁମରାହ, କୁଲଦୀପ ଯାଦବ , ମହମ୍ମଦ ଶିରାଜ l

ବାଂଲାଦେଶର ଖେଳାଳୀ -11: ତାଞ୍ଜିଦ୍ ହାସନ୍, ଲିଟନ୍ ଦାସ, ନାଜମୁଲ ହୁସେନ୍, ନାସୁମ୍ ଅହମ୍ମଦ, ତାହିଦ୍ ହରିଡେ, ମୁଶଫିକୁର ରହୀମ (ୱିକେଟ୍ କିପର), ମେହେଡି ହାସନ ମିରାଜ, ମହମୁଦୁଲ୍ଲା, ହାସନ ମହମୁଦ, ଶୋରିଫୁଲ ଇସଲାମ, ମୁସ୍ତାଫିଜୁର ରହମାନ।

ସୈତାନକୁ ମିଳିଲା ଫାଶୀ ଦଣ୍ଡାଦେଶ

COASTAL NEWS ODIA 1182

ସୈତାନକୁ ମିଳିଲା ଫାଶୀ ଦଣ୍ଡାଦେଶ

ସୁନ୍ଦରଗଡ଼ - (CNO) ଭଞ୍ଜ ବିହାରୀ ମହାନ୍ତି - ସୈତାନକୁ ମିଳିଲା ଫାଶୀ ଦଣ୍ଡାଦେଶ । ସୁନ୍ଦରଗଡ଼ ପକସୋ କୋର୍ଟ ଶୁଣାଇଲେ ଐତିହାସିକ ରାୟ । ୨୦୧୬ରେ ସୁନ୍ଦରଗଡ ଟାଉନଥାନା ଅଞ୍ଚଳରେ ଜଣେ ୪ ବର୍ଷର ଶିଶୁ କନ୍ୟାକୁ ଅପହରଣ କରି ଦୁଷ୍କର୍ମ ପରେ ହତ୍ୟା ମାମଲାର ରାୟ ଆସିଛି । ଆଉ ଦୋଷୀକୁ ଫାଶୀ ଦଣ୍ଡାଦେଶ ଶୁଣାଇଛନ୍ତି ପକ୍ସୋ କୋର୍ଟର ଜଜ୍ ମହେନ୍ଦ୍ର କୁମାର ସୂତ୍ରଧାର ।(ନାବାଳିକା ଦୁଷ୍କର୍ମ ଓ ହତ୍ୟାକାରୀକୁ ଫାଶୀ ଦଣ୍ଡାଦେଶ ସୁନ୍ଦରଗଡ଼ ପକସୋ କୋର୍ଟଙ୍କ ଐତିହାସିକ ରାୟ ପୀଡ଼ିତା ପରିବାରକୁ ୧୦ ଲକ୍ଷ ଟଙ୍କା ଦେବାକୁ ନିର୍ଦ୍ଦେଶ) ୭ ବର୍ଷ ତଳର ଏହି ଘଟଣା, ଆଜି ବି ଶୁଣିଲେ ଛାତି ଥରିଯିବ । ସଇତାନର କୁକର୍ମ ଜାଣିଲେ ସଭ୍ୟ ସମାଜର ମୁଣ୍ଡ ତଳକୁ ନଇଁଯିବ । 

(ଅକ୍ଟୋବର ୨୧, ୨୦୧୬ ସୁନ୍ଦରଗଡ଼ ଟାଉନ ଥାନା ଅନ୍ତର୍ଗତ ଡେଙ୍ଗିଭାଡ଼ି) ସଞ୍ଜୀବ କେରକେଟା । ମଣିଷ ନୁହେଁ, ମଣିଷ ରୂପରେ ସଇତାନ । ରାତିରେ ମାଆ ପାଖରେ ଶୋଇଥିବା ୪ ବର୍ଷ ବୟସର ଶିଶୁକନ୍ୟାକୁ ଉଠାଇ ନେଇଥିଲା ସଂଜୀବ । 

ଡେଙ୍ଗିଭାଡ଼ିର ଲକ୍ଷ୍ମୀ ଓରାମ ନିଜ ଘରେ ତାଙ୍କ ଦୁଇ ଝିଅଙ୍କ ସହ ଶୋଇଥିଲେ । ହଠାତ ତାଙ୍କ ୪ ବର୍ଷର ଝିଅ ଗାଏବ ହୋଇଯାଇଥିଲା । ଆଉ ତା’ପରେ ଯାହା ହୋଇଥିଲା, ତାହା ଥିଲା ଅତ୍ୟନ୍ତ ହୃଦୟ ବିଦାରକ, ଯାହାକୁ ଶବ୍ଦରେ ବର୍ଣ୍ଣନା କରିବା କଷ୍ଟ । କୁନିଝିଅକୁ ଅପହରଣ କରି ଏକ ନିର୍ମାଣଧୀନ କୋଠାରେ ଦୁଷ୍କର୍ମ କରିଥିଲା ସଇତାନ ସଂଜୀବ । କେବଳ ସେତିକି ନୁହେଁ, ଅତି ନିର୍ମମ ଭାବେ ତାକୁ ହତ୍ୟା କରିବାକୁ ପଛାଇ ନଥିଲା ଜହ୍ଲାଦ ।

ଘଟଣାର ୩ ଦିନ ପରେ ଶିଶୁର ଅର୍ଦ୍ଧଗଳିତ ମୃତଦେହ ଉଦ୍ଧାର କରିଥିଲା ସୁନ୍ଦରଗଡ଼ ଟାଉନ ଥାନା ପୁଲିସ । ସଂଜୀବକୁ ଗିରଫ କରିବା ପରେ ଦୋଷ ସ୍ୱୀକାର କରି୍ଥିଲା ଅଭିଯୁକ୍ତ । ତା’ ବିରୋଧରେ ଅପହରଣ, ଦୁଷ୍ମର୍ମ ଓ ହତ୍ୟା ଅଭିଯୋଗରେ ମାମଲା ଦାୟର ହୋଇଥିଲା । ସଂଜୀବ ଜଣେ ଦାଗୀ ଅପରାଧୀ । ଧର୍ଷଣ, ଡକାୟତି ମାମଲାରେ ପୂର୍ବରୁ ବି ସେ ଜେଲ ଯାଇଥିଲା । କିନ୍ତୁ ଏହି ବର୍ବର ଘଟଣା କେବଳ ସୁନ୍ଦରଗଡ଼ରେ ନୁହେଁ, ସାରା ରାଜ୍ୟରେ ଚାଞ୍ଚଲ୍ୟ ଖେଳାଇ ଦେଇଥିଲା ।

ଏହି ସଙ୍ଗୀନ ମାମଲାର ବିଚାର କରିଥିଲେ ସୁନ୍ଦରଗଡ଼ ପକସୋ କୋର୍ଟ । ୭ ବର୍ଷର ବିଚାର ପରେ ନାବାଳିକା ଦୁଷ୍କର୍ମ ଓ ହତ୍ୟା ମାମଲାରେ ରାୟ ଶୁଣାଇଛନ୍ତି ବିଚାରପତି ମହେନ୍ଦ୍ର କୁମାର ସୂତ୍ରଧର । ସଂଜୀବକୁ ଦୋଷୀ ସାବ୍ୟସ୍ତ କରିବା ସହ ମୃତ୍ୟୁ ଦଣ୍ଡ ଶୁଣାଇଛନ୍ତି ବିଚାରପତି । ଏହା ସହ ପୀଡ଼ିତା ପରିବାରକୁ ୧୦ ଲକ୍ଷ ଟଙ୍କା ସହାୟତା ରାଶି ପ୍ରଦାନ ପାଇଁ ଜିଲ୍ଲା ଆଇନ ସେବା ପ୍ରାଧିକରଣକୁ ନିର୍ଦ୍ଦେଶ ଦେଇଛନ୍ତି କୋର୍ଟ ।

ରାଜଧାନୀରେ ଅପରାଧୀ ସକ୍ରିୟ ସୁରକ୍ଷାକର୍ମୀଙ୍କୁ ଖଣ୍ଡାରେ ହାଣିଲେ

COASTAL NEWS ODIA 1181

ରାଜଧାନୀରେ ଅପରାଧୀଙ୍କ ଆତଙ୍କରାଜ ସୁରକ୍ଷାକର୍ମୀଙ୍କୁ                           ଖଣ୍ଡାରେ  ହାଣିଲେ

ଭୁବନେଶ୍ୱର - ୧୮।୧୦ ( CNO ): ରାଜଧାନୀରେ ଅପରାଧୀ ଏବେ ସକ୍ରିୟ । ମଙ୍ଗଳବାର ରାତିରେ ଜଣେ ସୁରକ୍ଷାକର୍ମୀଙ୍କୁ ଖଣ୍ଡାରେ ହାଣି ଦୁବୃତ୍ତ ଫେରାର ହୋଇଛନ୍ତି । ଆହତ ସୁରକ୍ଷାକର୍ମୀ ହେଲେ ଭଦ୍ରକ ଅଞ୍ଚଳର ଗୌରାଙ୍ଗ ଦାସ । ଏକ ଘରୋଲ ଡାକ୍ତରଖାନାରେ ସେ ଚିକିତ୍ସାଧୀନ ଅଛନ୍ତି ତାଙ୍କ ସ୍ବାସ୍ଥ୍ୟବସ୍ଥା ଗୁରୁତର ବି ରହିଛି । 

ଅଭିଯୋଗ ପରେ ବଡ଼ଗଡ଼ ଥାନା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।ନିକଟରେ ଲାଗିଥିବା ଚିତ୍ର ଉତ୍ତୋଳନ ଯନ୍ତ୍ର (ସିସିଟିଭି) ଫୁଟେଜକୁ ଆଧାର କରି ଅଭିଯୁକ୍ତଙ୍କୁ ଧରିବା ଲାଗି ଉଦ୍ୟମ ଜାରି ରଖିଛି I ମୋବାଇଲ ଲୁଟ୍‌କୁ ବିରୋଧ କରିବାରୁ ଦୁର୍ବୃତ୍ତମାନେ ଖଣ୍ଡାରେ ଆକ୍ରମଣ କରିଥିବା ପ୍ରାଥମିକ ତଦନ୍ତରୁ ପୁଲିସ ଜାଣିବାକୁ ପାଇଛି। ସୂଚନାଯୋଗ୍ୟ, କେ- ୱାନ୍ ସିକ୍ୟୁରିଟି ଏଜେନ୍ସିରେ ଗୌରାଙ୍ଗ ସୁରକ୍ଷାକର୍ମୀ ଭାବେ କାମ କରୁଥିଲେ। ସବୁ ଦିନ ଭଳି ମଙ୍ଗଳବାର ସେ ପୁରୀ ବାଇପାସ୍ ରାସ୍ତାର ମଙ୍ଗରାଜ ପଏଣ୍ଟ ନିକଟରେ ଥିବା ଏକ  ବିଦ୍ୟୁତ୍‌ଳିତ ଯାନ ଶୋ'ରୁମ୍ ରେ କାର୍ଯ୍ୟରତ ଥିଲେ। 

ରାତି ପ୍ରାୟ ୧୨ଟାରେ ୨ଟି ମୋଟର ସାଇକଲରେ ୪ଜଣ ଦୁର୍ବୃତ୍ତ ଶୋ’ରୁମ୍ ନିକଟରେ ଅଟକିଥିଲେ। ଗୌରାଙ୍ଗଙ୍କୁ ପିଇବା ପାଇଁ ପାଣି ମାଗିଥିଲେ ପାଣି ନେଇ ଆସିବା ମାତ୍ରେ ଦୁର୍ବୃତ୍ତମାନେ ତାଙ୍କ ମୋବାଇଲ ଫୋନ୍ ନେବା ଲାଗି ଛଡ଼ାଇଥିଲେ। ବିରୋଧ କରିବାରୁ ସେମାନେ ଖଣ୍ଡାରେ ତାଙ୍କୁ ଆକ୍ରମଣ କରିଥିଲେ ଜୀବନ ବଞ୍ଚାଇବା ଲାଗି ଗୌରାଙ୍ଗ ପ୍ରାଣବିକଳରେ ଦୌଡ଼ିଥିଲେ । ଦୁର୍ବୃତ୍ତମାନେ ଗୋଡ଼ାଇ ଗୋଡ଼ାଇ ତାଙ୍କୁ ଚୋଟ ପରେ ଚୋଟ ମାରିଥିଲେ।ଯାହାଫଳରେ ଗୌରାଙ୍ଗଙ୍କ ମୁଣ୍ଡ ଓ ଶରୀରର ବିଭିନ୍ନ ସ୍ଥାନରେ କ୍ଷତ ହୋଇଥିଲା। ରକ୍ତ ଜୁଡୁବୁଡୁ ଅବସ୍ଥାରେ ସେ ତଳେ ପଡ଼ିଯାଇଥିଲେ। ପରେ ଦୁର୍ବୃତ୍ତମାନେ ଆଖୁ ପିଛୁଳାକେ ସେଠାରୁ ଫେରାର ହୋଇ ଯାଇଥିଲେ। ଅନ୍ୟ କର୍ମଚାରୀମାନେ ଘଟଣା ସମ୍ପର୍କରେ ପୁଲିସ ନିୟନ୍ତ୍ରଣ କକ୍ଷକୁ ଖବର ଦେଇଥିଲେ। 

ପିସିଆର ପହଞ୍ଚି ଗୌରାଙ୍ଗଙ୍କୁ ଉଦ୍ଧାର କରି ରାଜଧାନୀ ଚିକିତ୍ସାୟରେ ଭର୍ତ୍ତି କରିଥିଲେ। ତାଙ୍କ ସ୍ବାସ୍ଥ୍ୟବସ୍ଥା ଗୁରୁତର ହେବାରୁ ଏକ ଘରୋଇ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ଅସାମାଜିକ ଯୁବକଙ୍କ ଦୌରାତ୍ମ୍ଯ ରୁ ରକ୍ଷା ପାଇଁ ସମ୍ପୃକ୍ତ ଅଞ୍ଚଳରେ ପୁଲିସ ପଇଁତରା କଡ଼ାକଡ଼ି କରାଯିବାକୁ ସାଧାରଣରେ ଦାବି ହୋଇଛି ।

ଆଜିର ରାଶିଫଳ

COASTAL NEWS ODIA 1180

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

 *ଅଦ୍ୟ ଅକ୍ଟୋବର ମାସ ୧୯ ତାରିଖ ୨୦୨୩ ମସିହା(ଗୁରୁବାର)*

*═✧*══•❁❀❁•═════✧

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

        *✧═════•❁❀❁•═════✧*

*🌹ମେଷ🌹👉ଆଜି ଆଗରୁ ବାକିରହିଥିବା କାମକୁ ତ୍ୱରାନ୍ବିତ କରିବା ସକାଶେ ନିଷ୍ପତ୍ତି ନେଇପାରନ୍ତି। ଆର୍ଥିକ ସ୍ବଚ୍ଛଳତା ଫେରି ପାଇବେ ସତ ମାତ୍ର ଆଶା କରିଥିବା ଦିଗରୁ ଅର୍ଥ ପ୍ରାପ୍ତି ହେବ ନାହିଁ। ବୃଥା ବିବାଦ, ଟଣା ଓଟରା ମଧ୍ୟରେ ଆଗକୁ ଯାଇପାରିବେ ନାହିଁ।*

*✧═════•❁❀❁•═════✧*

*🌹ବୃଷ🌹👉ବାଣିଜ୍ୟ, ସନ୍ତାନଙ୍କ ସମସ୍ୟା ସମାଧାନ ହେବ । ବିବାଦ, ଚୋରି, ବୃଥାଟନଜନିତ ଅପବ୍ୟୟର ସୀମା ଟପିଯିବ। ଗୃହସୀମା, ଗାଡି ମୋଟର, ପ୍ରତିଦ୍ୱନ୍ଦ୍ୱିତା କ୍ଷେତ୍ରରେ ମାନସିକ ଉତ୍ତେଜନା ଓ ଉଦ୍‌ବେଗ ବଢିପାରେ।*

*✧═════•❁❀❁•═════✧*

*🌹ମିଥୁନ🌹👉ଆଜି ଆକସ୍ମିକ ଭାବରେ କେତେକ ସାଧାରଣ ଘଟଣାକୁ କେନ୍ଦ୍ରକରି ପରିବାରରେ ବିବାଦୀୟ ପରିସ୍ଥିତି ସୃଷ୍ଟି ହେବ। ଶତ୍ରୁତା, ରୋଗପୀଡା କିମ୍ବା ଋଣ ପରିଶୋଧଜନିତ ଅର୍ଥବ୍ୟୟ କରିବେ କିନ୍ତୁ କର୍ମ କ୍ଷେତ୍ରରେ ସୁନ୍ଦର ସୁଯୋଗ ପ୍ରାପ୍ତ ହେବ।* 

*✧═════•❁❀❁•═════✧*

*🌹କର୍କଟ🌹👉ଆତ୍ମୀୟ ସ୍ବଜନଙ୍କ ସହ କଳହ ହୋଇପାରେ ।ଭଲ ଚିନ୍ତା କଲେ ମଧ୍ୟ ଅନ୍ୟମାନେ ଆପଣଙ୍କ ମନୋଭାବକୁ ସହଜରେ ବୁଝି ପାରିବେ ନାହିଁ। କିନ୍ତୁ ଭାଗ୍ୟଭାବସ୍ଥ ମଙ୍ଗଳ ପ୍ରଭାବରେ ଅପୀଡାଦଥିବା କାମଗୁଡିକ ସୁରୁଖୁରୁରେ ସମ୍ପନ୍ନ ହେବ।*

*✧═════•❁❀❁•═════✧*

*🌹ସିଂହ🌹👉ଆଜି ଆପଣଙ୍କ ପରିବାର ଓ ବନ୍ଧୁ ସମ୍ପର୍କ କ୍ଷୁଣ୍ଣ ହୋଇପାରେ । କିନ୍ତୁ ଉପରିସ୍ଥ ଅଧିକାରୀଙ୍କ ଅନୁକମ୍ପାରୁ ଅଫିସରେ ସହାନୁଭୂତିର ସହ ବନ୍ଧୁଙ୍କ ଅବଦାନ ଅବିସ୍ମରଣୀୟ ରହିବ। ଦିନଟି ପୀଡାଦାୟକ*

*✧═════•❁❀❁•═════✧*

*🌹କନ୍ୟା🌹👉ଆଜି ନୂତନ କର୍ମାରମ୍ଭ ପାଇଁ ଆନୁଷଙ୍ଗିକ ଖୋରାକ ଯୋଗଇବ। ଫଳରେ ଆପଣଙ୍କ ସହକର୍ମୀ ଅଯାଚିତ ଭାବରେ ସହଯୋଗର ହାତ ବଢାଇପାରନ୍ତି। ପରିବାର ସଦସ୍ୟଙ୍କ ସ୍ବାସ୍ଥ୍ୟ ତଥା ପାରିବାରିକ ସମସ୍ୟାର ତ୍ୱରିତ ସମାଧାନ ପାଇଁ ଚିନ୍ତା କରିବେ।*

*✧═════•❁❀❁•═════✧*

*🌹ତୁଳା🌹👉ଆଜି ପାରିବାରିକ ଅବସ୍ଥାରେ ସାମାନ୍ୟ ଉନ୍ନତି ପରିଲଖିତକ ହେବାରୁ ଆଶ୍ୱସ୍ତି ଅନୁଭବ କରିବେ। ବ୍ୟବସାୟରେ ବିଭିନ୍ନ ପ୍ରକାରର ସମସ୍ୟା ଦେଖାଦେଇପାରେ। ସ୍ବାସ୍ଥ୍ୟ, ପରିବାର, କର୍ମକ୍ଷେତ୍ରସମ୍ପର୍କି ଆଲୋଚନା ପାଇଁ ସମୟ ପ୍ରାୟତଃ ଅନୁକୂଳ ରହିବ।*

*✧═════•❁❀❁•═════✧*

*🌹ବିଛା🌹👉ଆଜି ସୁ ଭୋଜନ ଓ ଧନଲାଭ ହେବ ଅଫିସରେ ଦୃଢ ପଦକ୍ଷେପ ନେଇ କାର୍ଯ୍ୟ ହାସଲ କରିବା ସହ ବ୍ୟବସାୟ, ବାଣିଜ୍ୟ କ୍ଷେତ୍ରରେ ସମସ୍ୟା ଦୂରହେବ ।କୌଣସି ଜଣାଶୁଣା ବ୍ୟକ୍ତିଙ୍କ ପ୍ରତିରୋଧ ଆଶାକୁ ପ୍ରତିହତ କରିପାରେ।*

*✧═════•❁❀❁•═════✧*

*🌹ଧନୁ🌹👉 ଆଜି ଦିନରେ ମନ ଭଲ ରହିବ ନାହିଁ । ପ୍ରତ୍ୟୁଷ ଯାତ୍ରାରେ ଦେବ ଦର୍ଶନ ସାଙ୍ଗକୁ ଭ୍ରମଣ ସୁଯୋଗ ଜୁଟିବ।ସତ୍‌ କାମରେ ବ୍ୟୟ କରିବା ସହ ବନ୍ଧୁମାନଙ୍କ ଶୁଭଚିନ୍ତକ ଭାବରେ କାମ କରିବାରେ ଆଗ୍ରହ ପ୍ରକାଶ କରିପାରନ୍ତି।* 

*✧═════•❁❀❁•═════✧*

*🌹ମକର🌹👉ଆଜି ପ୍ରତ୍ୟେକ କ୍ଷେତ୍ରରେ ପୂର୍ବଶତ୍ରୁତା ପ୍ରତି ସତର୍କ ରହି କାମ କରିବା ଭଲ ହେବ। ସାମାନ୍ୟ ବଚସା ପରେ ଯାଇ ବକେୟା ଅର୍ଥ ଆଦାୟ କରିବାରେ ସକ୍ଷମ ହୋଇପାରନ୍ତି।ବନ୍ଧୁଙ୍କ ଅନୁରାଗ ପ୍ରତି ମନରେ ଦୁର୍ବଳତା ଆସିପାରେ।*

*✧═════•❁❀❁•═════✧*

*🌹କୁମ୍ଭ🌹👉ଆଜି ଅର୍ଥଲାଭ ହେବ କିନ୍ତୁ ସାମାନ୍ୟ ସମସ୍ୟାର ସମ୍ମୁଖୀନ ହେବାକୁ ପଡିବ। ଶିଳ୍ପ, ବାଣିଜ୍ୟ, ବ୍ୟବସାୟ, ପରିବହନ, ନିର୍ମାଣ, କଚେରି ମାମଲାରେ ଉନ୍ନତି ପରିଲକ୍ଷିତ ହେବ। ସାମୟିକ ଭାବରେ କଚେରି ମାମଲା ବିଷୟ ନେଇ ଚିନ୍ତିତ ରହିପାରନ୍ତି।*

*✧═════•❁❀❁•═════✧*

*🌹ମୀନ🌹👉:-ବନ୍ଧୁଙ୍କ ଅନୁରୋଧରେ ଆନୁଷ୍ଠାନିକ କାମରେ ଖଟଣି ବଢିଯିବ କିନ୍ତୁ ଆଶାନୁରୂପ ସଫଳତା ପାଇବେ ନାହିଁ।  କୌଣସି ସହକର୍ମୀଙ୍କୁ ପ୍ରତୀକ୍ଷା କରି ଦେଖା ପାଇବେ ନାହିଁ। ବ୍ୟବସାୟିକ ଦୃଷ୍ଟିକୋଣରୁ ଦିନଟି ପ୍ରୀତିପ୍ରଦ ରହିବ।*

*✧═════•❁❀❁•═════✧*

ଖବର ଆଜିର

COASTAL NEWS ODIA 1179

*ଖବର ଆଜିର* 

୧-ସଂକ୍ଷିପ୍ତ ଭୋଟର ତାଲିକା ସଂଶୋଧନ ଚଳିତ ମାସ ୨୭ରୁ ଡିସେମ୍ବର ୯ ପର୍ଯ୍ୟନ୍ତ ଚାଲିବ।

୨-ବଙ୍ଗୋପସାଗରରେ ଆସୁଛି ଆଉ ଏକ ଲଘୁଚାପ, ଏ ବର୍ଷ ଦୁର୍ଗାପୂଜାକୁ ଲଘୁଚାପ ଭସାଇବା ନେଇ ଆଶଙ୍କା।

୩-ଭୁବନେଶ୍ଵରରୁ ଗୌହାଟିକୁ ଉଡ଼ିବ ବିମାନ, ଅକ୍ଟୋବର ୨୯ରୁ ପ୍ରତିଦିନ କରିବ ଚଳାଚଳ।

୪-ଭୁବନେଶ୍ୱର:ପାର୍ବଣରେ ବୁଲିବେନି ଭିକାରୀ, ରାସ୍ତାକଡ଼ କିମ୍ବା ମନ୍ଦିର ସାମ୍ନାରେ ଦେଖିଲେ ଉଠାଇ ନେବ ବିଏମସି ସ୍କ୍ୱାର୍ଡ।

୫-ଇଣ୍ଡିଆନ ଆଇଡଲ୍ -୧୪ରେ ଓଡ଼ିଆ ଡାକ୍ତର ରୋହନ ବିଶ୍ବାଳ ଗୋଲ୍ଡେନ ଟିକେଟ ସହ ଶୋ ରେ ଥିଏଟର ରାଉଣ୍ଡକୁ ଉନ୍ନୀତ।

୬-ଆସନ୍ତା ୨୦ରୁ ରାଜ୍ୟରେ ଶୀତ ଆରମ୍ଭ। ତାପମାତ୍ରା ୨ରୁ ୪ ଡିଗ୍ରୀ କମିବ।

୭-ଏସୀୟ କ୍ରୀଡ଼ା ବିଜେତା କିଶୋର ଜେନାଙ୍କୁ ସମ୍ବର୍ଦ୍ଧିତ କଲେ ମୁଖ୍ୟମନ୍ତ୍ରୀ, ପ୍ରଦାନ କଲେ ଦେଢ଼ କୋଟି ଟଙ୍କାର ଚେକ୍।

୮-ଚନ୍ଦ୍ରଶେଖରପୁର:୪ଟି ଘରେ କଳାକନା ବୁଲାଇଲେ ଲୁଟିଆ, କୋଟିଏ ଟଙ୍କାର ସମ୍ପତ୍ତି ନେଇଗଲେ।

୯-ଆସନ୍ତା ୨୦ରୁ ଭୁବନେଶ୍ବର ୟୁନିଟ୍ ୧ ପରିବା ହାଟ ବନ୍ଦ, ରାଜଧାନୀରେ ଉପୁଜିପାରେ ପରିବା ସଙ୍କଟ।

୧୦-'ମୋ ମାଟି ମୋ ଦେଶ' କାର୍ଯ୍ୟକ୍ରମ:୨୮ରେ ରାଜଧାନୀରେ ଏକାଠି ହେବ ସଂଗୃହିତ ମାଟି କଳସ।

୧୧-ଜଗତସିଂହପୁର: ଦଶତୁଠରେ ଗାଧୋଇବା ବେଳେ ନଦୀ​‌ରେ ଭାସିଯାଇ ୨ ଜଣଙ୍କ ମୃତ୍ୟୁ।

୧୨-ଆନନ୍ଦପୁର:ବାଇକ ଆରୋହୀଙ୍କ ଉପରେ ଚଢ଼ିଗଲା ଲୁହାପଥର ବୋଝେଇ ଟ୍ରକ, ଘଟଣାସ୍ଥଳରେ ଦୁଇ ମୃତ।

୧୩-ଅନୁଭବଙ୍କ ଛାଡ଼ପତ୍ର ଆବେଦନକୁ ଗ୍ରହଣ କଲେ ହାଇକୋର୍ଟ, ବର୍ଷାଙ୍କୁ ନୋଟିସ୍ ଜାରି।

୧୪-ବାଲେଶ୍ୱରରେ ବେଆଇନ୍ ମଦ ଭାଟିରେ ଚଢ଼ଉ, ୨୫ ଲକ୍ଷ ଟଙ୍କାରୁ ଊର୍ଦ୍ଧ୍ୱ ଟଙ୍କାର ପୋଚ ଜବତ

୧୫-୨୦୩୫ ସୁଦ୍ଧା ସ୍ପେଶ୍ ଷ୍ଟେସନ୍ , ୨୦୪୦ ସୁଦ୍ଧା ଚନ୍ଦ୍ରରେ ପହଞ୍ଚିବ ମଣିଷ: ଇସ୍ରୋ ପାଇଁ ଲକ୍ଷ୍ୟ ଧାର୍ଯ୍ୟ କଲେ ପ୍ରଧାନମନ୍ତ୍ରୀ ମୋଦୀ।

୧୬-ଜାତୀୟ ଚଳଚ୍ଚିତ୍ର ପୁରସ୍କାର ପ୍ରଦାନ: ୱାହିଦା ରେହମାନଙ୍କୁ ଦାଦା ସାହେବ ଫାଲକେ ପୁରସ୍କାର,ପ୍ରତୀକ୍ଷା ଶ୍ରେଷ୍ଠ ଓଡ଼ିଆ ଫିଲ୍ମ।

୧୭-ଦିଲ୍ଲୀରେ ଆୟୋଜିତ ହେଲା ନ୍ୟାସନାଲ ପିଲ୍ମ ପୁରସ୍କାର ଉତ୍ସବ । ଆଲିଆ ଭଟ୍ଟ ଓ ଅଲ୍ଲୁ ଅର୍ଜୁନଙ୍କୁ ଶ୍ରେଷ୍ଟ ଅଭିନେତ୍ରୀ ଓ ଅଭିନେତା ପୁରସ୍କାର, ‘ରକେଟ୍ରି’ କୁ ମିଳିଲା ଶ୍ରେଷ୍ଠ ଚଳଚିତ୍ର ସମ୍ମାନ।

୧୮-ସମଲିଙ୍ଗୀଙ୍କୁ ସୁପ୍ରିମକୋର୍ଟଙ୍କ ବଡ଼ ଝଟ୍‌କା; ସ୍ୱାମୀ-ସ୍ତ୍ରୀ ସାଜି ପାରିବେନି ପୁରୁଷ-ପୁରୁଷ କି ନାରୀ-ନାରୀ।

୧୯-ତାମିଲନାଡ଼ୁର ଦୁଇ ବାଣ କାରଖାନାରେ ବିସ୍ଫୋରଣ; ୧୮ ମୃତ।

୨୦-ହମାସ ଆତଙ୍କୀଙ୍କୁ ନିପାତ କରୁଛି ଇସ୍ରାଏଲ ଗ୍ରାଉଣ୍ଡ ଫୋର୍ସ ! ଖୋଜି ଖୋଜି ମାରୁଛି।

୨୧-ବିଶ୍ବକପ୍: ଦକ୍ଷିଣ ଆଫ୍ରିକା ବିପକ୍ଷରେ ନେଦରଲାଣ୍ଡସ୍ ର ଐତିହାସିକ ବିଜୟ।

ପୂର୍ବତନ ଝାଡଖଣ୍ଡର ମୁଖ୍ୟମନ୍ତ୍ରୀ ରଘୁବର ଦାସଙ୍କୁ ଓଡିଶାର ରାଜ୍ୟପାଳ

COASTAL NEWS ODIA 1178 

ପୂର୍ବତନ ଝାଡଖଣ୍ଡର ମୁଖ୍ୟମନ୍ତ୍ରୀ ରଘୁବର ଦାସଙ୍କୁ ଓଡିଶାର ରାଜ୍ୟପାଳ

ଭୁବନେଶ୍ବର - (CNO) ପୂର୍ବତନ ଝାଡଖଣ୍ଡର ମୁଖ୍ୟମନ୍ତ୍ରୀ ରଘୁବର ଦାସଙ୍କୁ ଓଡିଶାର ରାଜ୍ୟପାଳ ଏବଂ ବିଜେପି ନେତା ଇନ୍ଦ୍ର ସେନା ରେଡ୍ଡୀ ନାଲୁଙ୍କୁ ତ୍ରିପୁରାର ରାଜ୍ୟପାଳ ଭାବେ ନିଯୁକ୍ତ କରାଯାଇଛି।  ଏହି ପରିପ୍ରେକ୍ଷୀରେ ରାଷ୍ଟ୍ରପତି ଭବନ ପକ୍ଷରୁ ଏକ ବିଜ୍ଞପ୍ତି ଜାରି କରାଯାଇଛି।

ରଘୁବର ଦାସ ବର୍ତ୍ତମାନ ବିଜେପିର ରାଷ୍ଟ୍ରୀୟ ଉପାଧ୍ୟକ୍ଷ ଏବଂ 2014 ରୁ 2019 ପର୍ଯ୍ୟନ୍ତ ଝାଡଖଣ୍ଡର ମୁଖ୍ୟମନ୍ତ୍ରୀ ଥିଲେ।  ଇନ୍ଦ୍ର ସେନା ରେଡ୍ଡୀ ନାଲୁ ତେଲେଙ୍ଗାନାର ଜଣେ ବିଜେପି ନେତା।

ପ୍ରକାଶ ଥାଉକି ରାଷ୍ଟ୍ରପତି ଦ୍ରୌପଦୀ  ମୁର୍ମୁଙ୍କ ତରଫରୁ ଏହି ନିଯୁକ୍ତି ଦିଆଯାଇଛି।  ଏହା ମଧ୍ୟ କୁହାଯାଇଛି ଯେ ରଘୁବର ଦାସ ଏବଂ ନାଲୁ ନିଜ ଦାୟିତ୍ ଗ୍ରହଣ କରିବା ଦିନଠାରୁ ଉଭୟ ପଦବୀରେ ନିଯୁକ୍ତି କାର୍ଯ୍ୟକାରୀ ହେବ।

ବର୍ତ୍ତମାନର ଓଡିଶା ରାଜ୍ୟପାଳ ପ୍ରଫେସର ଗଣେଶ ଲାଲଙ୍କ ସ୍ଥାନରେ ରଘୁବରଦାସ ସ୍ଥାନ ପାଇବେ।  25 ମଇ 2018 ରେ ପ୍ରଫେସର ଲାଲ ରାଜ୍ୟପାଳ ଭାବରେ ନିଯୁକ୍ତ ହୋଇଥିଲେ।  ସେ ଚାରି ଦିନ ପରେ 29 ମଇରେ ଶପଥ ନେଇଥିଲେ।  ସେ ସତ୍ୟପାଲ ମଲିକଙ୍କ ସ୍ଥାନ ନେଇଥିଲେ, ଯିଏକି ବିହାର ଏବଂ ଓଡିଶାର ଅତିରିକ୍ତ ଦାୟିତ୍ୱ ତୁଲାଉଥିଲେ।  ଯଦିଓ ତାଙ୍କର ବର୍ଷର କାର୍ଯ୍ୟକାଳ ସମାପ୍ତ ହୋଇଛି, ତଥାପି ତାଙ୍କ ଉତ୍ତରାଧିକାରୀ ଘୋଷଣା କରାଯାଇ ନାହିଁ।

ଆସନ୍ତା ୨୦ରେ ବସ ଧର୍ମଘଟ ଡକରା: ଲକ୍ଷ୍ମୀ ଯୋଜନାକୁ ବିରୋଧ କରି ବନ୍ଦ ଡାକରା ଦେଲା ଘରୋଇ ମାଲିକ ସଂଘ

COASTAL NEWS ODIA 1177

ଆସନ୍ତା ୨୦ରେ ବସ ଧର୍ମଘଟ ଡକରା: ଲକ୍ଷ୍ମୀ ଯୋଜନାକୁ ବିରୋଧ କରି ବନ୍ଦ ଡାକରା ଦେଲା ଘରୋଇ ମାଲିକ ସଂଘ

ଭୁବନେଶ୍ବର -(CNO) -ଭଞ୍ଜ ବିହାରୀ ମହାନ୍ତି - ପୂଜା ବେଳେ ଘରକୁ ଯିବାକୁ ହେବେ ହଇରାଣ! ଆସନ୍ତା ୨୦ରେ ବସ ଧର୍ମଘଟ ଡକରା । ଲକ୍ଷ୍ମୀ ଯୋଜନାକୁ ବିରୋଧ କରି ବସ ଧର୍ମଘଟ ଡାକରା । ପୁଣି ଧର୍ମଘଟ ଡାକରା ଦେଲା ବସ ମାଲିକ ସଂଘ । ଘରୋଇ ବସ ମାଲିକ ସଂଘ ସମ୍ପାଦକ ଏନେଇ ବୟାନ ଦେଇ କହିଛନ୍ତି, ଲକ୍ଷ୍ମୀ ଯୋଜନା ଆମ ପାଇଁ କ୍ଷତିକାରକ । 

ଏଭଳି ଭୁଲ ସ୍କିମକୁ ସରକାର ବନ୍ଦ କରନ୍ତୁ । ଆମର ଇଚ୍ଛା ନଥିଲେ ବି ବନ୍ଦ ନିଷ୍ପତ୍ତି ନେଇଛୁ । କାଲି ସୁଦ୍ଧା ନିଷ୍ପତ୍ତି ନେଲେ ଆମେ ବନ୍ଦରୁ ଓହରିବୁ । ବନ୍ଦ ନିଷ୍ପତ୍ତି ପାଇଁ ଆମେ ଲୋକଙ୍କୁ କ୍ଷମା ମାଗୁଛୁ । ପୂଜା ବେଳେ ଧର୍ମଘଟ କରିବା ଆମର ଉଦ୍ଦେଶ୍ୟ ନୁହେଁ । ପୂଜା ସହ ବନ୍ଦର କୌଣସି ସମ୍ପର୍କ ନାହିଁ । ନୂଆ ବସ ଦେବାକୁ ଆମକୁ କୁହାଗଲା । ଆମେ କେଉଁଠୁ ଟଙ୍କା ଆଣି ନୂଆ ବସ ଯୋଗାଇବୁ ।

ହୃଦଘାତର କାରଣ

COASTAL NEWS ODIA 1176

ହୃଦଘାତର କାରଣ 

ଭୁବନେଶ୍ବର - (CNO) ଭଞ୍ଜ ବିହାରୀ ମହାନ୍ତି - ଆଜିକାଲି ଅଧିକାଂଶ ଲୋକେ ହୃଦ୍‌ଘାତର ଶିକାର ହେଉଛନ୍ତି। ହୃଦ୍‌ଘାତ ଯୋଗୁ ଜଣେ ବ୍ୟକ୍ତିଙ୍କ ହଠାତ୍‌ ମୃତ୍ୟୁ ହୋଇ ଯାଉଛି। ତେବେ ଅନେକ କାରଣ ଯୋଗୁ ଏହି ହାର୍ଟ ଆଟାକ ହୋଇଥାଇପାରେ। କିନ୍ତୁ କେବେ କୌଣସି ଫୁଲ ଏହି ହାର୍ଟ ଆଟାକ୍‌ ବା ହୃଦ୍‌ଘାତର କାରଣ ହୋଇପାରେ ବୋଲି ଶୁଣିଛନ୍ତି କି? ଗବେଷଣାରୁ ଜଣାପଡିଛି ଯେ, ଏଭଳି ଏକ ଫୁଲ ଅଛି, ଯାହା ଦ୍ୱାରା ହୃଦ୍‌ଘାତ ହେଉଥିବା ବୈଜ୍ଞାନିକମାନେ ଦାବି କରିଛନ୍ତି।

'ଫକ୍ସଗ୍ଲୋବ'। ଏହା ଏକ ବେଶ୍‌ ଲୋକପ୍ରିୟ ଫୁଲ। ୟୁରୋପ ଓ ଏସିଆରେ ଅଧିକାଂଶ ସ୍ଥାନରେ ଏହି ଫୁଲ ଫୁଟେ। ଏହା ଏକ ବିଶେଷ ପ୍ରଜାତିର ଫୁଲ ଗଛ, ଯାହାର ଫୁଲଗୁଡିକ ବେଶ୍‌ ସୁନ୍ଦର। ହର୍ବାଲ ଚିକିତ୍ସା କ୍ଷେତ୍ରରେ ଏହି ଫୁଲର ବ୍ୟବହାର ବହୁଳ ରୂପେ କରାଯାଏ। ଏହି ଫକ୍ସଗ୍ଲୋବ ଫୁଲର ଅନ୍ୟ ନାମ ହେଉଛି 'ଡିଜିଟଲିସ'। ତେବେ ଏହି ପ୍ରସିଦ୍ଧ ଫୁଲଟି ହୃଦ୍‌ଘାତର କାରଣ ସାଜିପାରେ। ନିକଟରେ ବୈଜ୍ଞାନିକମାନେ ଏଭଳି କିଛି ଦାବି କରିଛନ୍ତି।

ଏହି ଫୁଲ ଦେଖିବାକୁ ଯେତିକି ସୁନ୍ଦର ସେତିକି ବିପଦଯୁକ୍ତ ମଧ୍ୟ। ଫକ୍ସଗ୍ଲୋବ ଫୁଲରେ ଡିଗୋକ୍ସିନ୍ ଭଳି ଶକ୍ତିଶାଳୀ ଯୌଗିକ ପଦାର୍ଥ ରହିଛି । କେବଳ ସେତିକି ନୁହେଁ ଏଥିରେ ଏକ ପ୍ରକାର କାର୍ଡିଆକ୍ ଗ୍ଲାଇକୋସାଇଡ୍ ପଦାର୍ଥ ରହିଛି ଯାହା ହୃଦୟ ଉପରେ ବେଶ୍‌ ଶକ୍ତିଶାଳୀ ପ୍ରଭାବ ପକାଇଥାଏ।

ଏକ ସୁସ୍ଥ ହୃଦୟ ହଜାର ହଜାର କୋଶିକା ମାଧ୍ୟମରେ ପୂରା ଶରୀରରେ ରକ୍ତ ସଞ୍ଚାଳନ କରିଥାଏ। ଲାଇଭ ସାଇନ୍ସ ରିପୋର୍ଟ ଅନୁସାରେ ଏହି କୋଶିକାର ଝିଲ୍ଲିରେ ଭିନ୍ନ ଭିନ୍ନ ପ୍ରକାରର ଅୟାନ ଚ୍ୟାନେଲ ଟ୍ରାନ୍ସପୋର୍ଟ ହୋଇଥାଏ, ଯାହା ସୋଡିୟମ, ପୋଟାସିୟମ ଏବଂ କ୍ଲୋରାଇଡ୍ ପରି କଣିକାକୁ ସକ୍ରିୟ କରିଥାଏ। ଏହା ଦ୍ୱାରା ଶରୀରରେ ସୋଡିୟମ ଓ ପୋଟାସିୟମର ମାତ୍ରା ଠିକ୍‌ ରହିଥାଏ।

ଡକ୍ଟର ଓ୍ୱାଙ୍ଗଙ୍କ କହିବା ଅନୁସାରେ, ସମସ୍ତ ଫକ୍ସଗ୍ଲୋବ ପ୍ରଜାତିର ଫୁଲ କିଛି ମାତ୍ରାରେ କାର୍ଡିଆକ୍ ଗ୍ଲାଇକୋସାଇଡ୍ ଉତ୍ପାଦନ କରନ୍ତି। ଏହା ଜଣେ ବ୍ୟକ୍ତିର ହୃଦୟ ଉପରେ ବେଶ୍‌ ପ୍ରଭାବ ପକାଇଥାଏ। କାର୍ଡିଆକ୍ ଗ୍ଲାଇକୋସାଇଡ୍ ଓ ଫୁଲରୁ ବାହାରୁ ଥିବା ଯୌଗିକ ପଦାର୍ଥ ଡିଗକ୍ସିନ ଯୋଗୁ ବ୍ୟକ୍ତିର ହୃଦୟକୁ ସଞ୍ଚାଳନ ହେଉଥିବା ରକ୍ତ କୋଶିକା ଉପରେ ପ୍ରଭାବ ପଡିଥାଏ। ଫଳରେ ହଠାତ୍‌ ହୃଦ୍‌ସ୍ପନ୍ଦନ ବଢ଼ିଯାଏ। ଏଥିଯୋଗୁ ହୃଦ୍‌ଘାତ ମଧ୍ୟ ହୋଇପାରେ ବୋଲି ଡାକ୍ତର ଓ୍ୱାଙ୍ଗ କହିଛନ୍ତି। ଯଦି କୌଣସି ବ୍ୟକ୍ତି ଭୁଲ୍‌ରେ ଫକ୍ସଗ୍ଲୋବ ଗଛର କୌଣସି ଅଂଶ କିମ୍ବା ଫୁଲ ଖାଇ ନିଅନ୍ତି ତେବେ ତାଙ୍କୁ ତରନ୍ତ ହସ୍ପିଟାଲରେ ଭର୍ତ୍ତି କରିବାକୁ ଡାକ୍ତର ପରାମର୍ଶ ଦେଇଛନ୍ତି।

ଖାକିରେ ଲାଗିଲା କଳଙ୍କ : ଏଏସଆଇ ଓ ହୋମଗାର୍ଡ ନାବାଳିକାଙ୍କୁ ଦୁଷ୍କର୍ମ କରିଥିବା ଅଭିଯୋଗ; ଉଭୟଙ୍କୁ କୋର୍ଟଚାଲାଣ

COASTAL NEWS ODIA 1175

ଖାକିରେ ଲାଗିଲା କଳଙ୍କ : ଏଏସଆଇ ଓ ହୋମଗାର୍ଡ ନାବାଳିକାଙ୍କୁ ଦୁଷ୍କର୍ମ କରିଥିବା ଅଭିଯୋଗ; ଉଭୟଙ୍କୁ କୋର୍ଟଚାଲାଣ

 

 

ମୟୁରଭଞ୍ଜ - (CNO) - ଭଞ୍ଜ ବିହାରୀ ମହାନ୍ତି  ପୁଣି ଖାକିରେ ଲାଗିଲା ଦାଗ । ଜଣେ ପୋଲିସ ଏଏସଆଇ ଓ ଜଣେ ହୋମଗାର୍ଡ ନାବାଳିକାଙ୍କ ସହ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏପରି ଲଜ୍ଜାଜନକ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ଜାମଦା ଥାନା ଅଞ୍ଚଳରେ । ଅଭିଯୋଗ ପରେ ଘଟଣାକୁ ଚପାଇବାକୁ ଉଦ୍ୟମ କରାଯାଇଥିବା ବେଳେ ଶେଷରେ ଦୁଇ ଜଣଙ୍କୁ ବାନ୍ଧିଛି ପୋଲିସ । ମୟୁରଭଞ୍ଜ ଜାମଦା ଥାନାର ଏଏସଆଇ ଆନନ୍ଦ ମାଝୀ ବ୍ଳକ ହେଡକ୍ୱାର୍ଟରରେ ଏକା ରହୁଥିଲେ ।

ସେହି ଅଞ୍ଚଳର ଜଣେ ୧୭ ବର୍ଷୀୟ ନାବାଳିକା ଏଏସଆଇଙ୍କ କ୍ୱାର୍ଟର୍ସରରେ କାମ କରୁଥିଲେ । ସୁଯୋଗ ପାଇ ଏଏସଆଇ ନାବାଳାକାଙ୍କ ସହ ଦୁଷ୍କର୍ମ କରିଥିଲେ । ଘଟଣା ସମ୍ପର୍କରେ ଜାଣିବା ପରେ ନାବାଳିକାଙ୍କ ପିଉସୀ ଥାନାରେ ଏତଲା ଦେଇଥିଲେ । ସେହିପରି ୧୩ ତାରିଖରେ ଥାନାର ହୋମଗାର୍ଡ ଜାମଦା ବ୍ଳକ ଗୁଳନ୍ଦା ଗାଁର ଦେବାନନ୍ଦ ପାତ୍ରଙ୍କ ନାଁରେ ମଧ୍ୟ ନାବାଳିକା ଦୁଷ୍କର୍ମ ଅଭିଯୋଗ ଆସିଥିଲା । ତାଙ୍କୁ ମଧ୍ୟ ପୋଲିସ ଗିରଫ କରିଛି । ତଦନ୍ତ ପରେ ଉଭୟଙ୍କୁ କୋର୍ଟଚାଲାଣ କରାଯାଇଛି ।

ଯାମଦା ଥାନାର ଏଏସଆଇ ଆନନ୍ଦ ମାଝି ଜଣେ ନାବାଳିକାଙ୍କୁ ନିର୍ଯାତନା ଦେଇ ଗିରଫ

COASTAL NEWS ODIA 1174

ଯାମଦା ଥାନାର ଏଏସଆଇ ଆନନ୍ଦ ମାଝି ଜଣେ ନାବାଳିକାଙ୍କୁ ନିର୍ଯାତନା ଦେଇ ଗିରଫ 

 

ରାଇରଙ୍ଗପୁର,୧୮।୧୦ (CNO) - ଭଞ୍ଜ ବିହାରୀ ମହାନ୍ତି - ମୟୂରଭଞ୍ଜ ଜିଲା ଯାମଦା ଥାନାର ଏଏସଆଇ ଆନନ୍ଦ ମାଝି ଜଣେ ନାବାଳିକାଙ୍କୁ ନିର୍ଯାତନା ଦେଇ ଗିରଫ ହେବା ଘଟଣା ଚର୍ଚ୍ଚାର ବିଷୟ ହୋଇଛି। 

ସୂଚନା ଅନୁଯାୟୀ, ପ୍ରଥମ ସ୍ତ୍ରୀଙ୍କ ମୃତ୍ୟୁପରେ ଏଏସଆଇ ମାଝି ଜଣେ ନାବାଳିକାଙ୍କୁ ଘରକୁ ଆଣି ତାଙ୍କ ସହିତ ଶାରୀରିକ ସମ୍ପର୍କ ରଖି ଆସୁଥିଲେ। ପରବର୍ତ୍ତୀ ସମୟରେ ସେ ନିର୍ଯ୍ୟାତନା ଦେଉଥିବା ନେଇ ନାବାଳିକାଙ୍କ ପିଉସୀ ଯାମଦା ଥାନାରେ ଅଭିଯୋଗ କରିଥିଲେ। 

ଏନେଇ ପୋଲିସ ପକ୍ସୋ ଆକ୍ଟରେ ଏକ ମାମଲା(ନଂ.୮୩/୨୩) ରୁଜୁ କରି ଏଏସଆଇ ମାଝିଙ୍କୁ ମଙ୍ଗଳବାର କୋର୍ଟଚାଲାଣ କରିଛି। ବାରିପଦାସ୍ଥିତ ପକ୍ସୋ କୋର୍ଟରେ ଜାମିନ ନାମଞ୍ଜୁର ହେବାରୁ ତାଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିବା ସୂଚନା ମିଳିଛି।

ଆଜିଠୁ ଆରମ୍ଭ ହେଉଛି ଶିମିଳିପାଳରେ ବାଘ ଗଣନା

COASTAL NEWS ODIA 173

ଆଜିଠୁ ଆରମ୍ଭ ହେଉଛି ଶିମିଳିପାଳରେ ବାଘ ଗଣନା

କରଞ୍ଜିଆ - (CNO) ଭଞ୍ଜ ବିହାରୀ ମହାନ୍ତି - ଆଜିଠୁ ଆରମ୍ଭ ହେଉଛି ଶିମିଳିପାଳରେ ବାଘ ଗଣନା। ଶିମିଳିପାଳ ଉତ୍ତର ଓ ଦକ୍ଷିଣ ସମେତ ବାରିପଦା, ରାଇରଙ୍ଗପୁର ଏବଂ କରଞ୍ଜିଆ ସବଡିଭିଜନର ସାତକୋଶିଆ, ବିଶୋଇ ଓ କପ୍ତିପଦା ଆଦି ଅଂଚଳରେ ମଧ୍ୟ ବାଘ ଗଣନା କରାଯିବ। ତିନୋଟି ପର୍ଯ୍ୟାୟରେ ଏହି ବାଘ ଗଣନା କରାଯିବ।

୨୦ ତାରିଖ ପର୍ଯ୍ୟନ୍ତ ସାଇନସର୍ଭେ, ୨୫ ରୁ ୨୮ ତାରିଖ ଯାଏଁ ଲାଇନ ଟ୍ରାନଜେଟ ଏବଂ ୧ରୁ ୨୫ ନଭେମ୍ବର ଯାଏଁ କ୍ୟାମେରା ଟ୍ରାପିଙ୍ଗ ମାଧ୍ୟମରେ ବାଘ ଗଣନା କରାଯିବ ବୋଲି ଶିମିଳିପାଳ ଉପ ନିର୍ଦ୍ଦେଶକ କହିଛନ୍ତି। ଏହି ସର୍ଭେ ମାଧ୍ୟମରେ ବନ କର୍ମଚାରି ମାନେ ଜଙ୍ଗଲରେ ରହିଥିବା ପାଦଚଲା ରାସ୍ତା ଓ ବନ୍ୟଜନ୍ତୁଙ୍କର ଯିବା ଆସିବାର ବାଟ ଉପରେ ନଜର ରଖିବେ। ବାଘର ରାମ୍ପୁଡା, ପାଦ ଚିହ୍ନ, ମଳ ଓ କେଉଁରାସ୍ତାରେ କେଉଁ ବନ୍ୟଜନ୍ତୁ ଯାଆସ କରୁଛି ତାହାର ଡାଟାବେଶକୁ ସଂଗ୍ରହ କରିବେ।

ତୃତୀୟ ପର୍ଯ୍ୟାୟରେ ହେବାକୁ ଥିବା କ୍ୟାମେରା ଟ୍ରାପିଙ୍ଗରେ ଶିମିଳିପାଳରେ ଚିହ୍ନଟ ହୋଇଥିବା ବିଭିନ୍ନ ସ୍ଥାନରେ ୫୦୦ ରୁ ଊର୍ଦ୍ଧ୍ୱ କ୍ୟାମେରାକୁ ଲଗାଯିବ। ଯେଉଁଥିରେକି ବାଘ ଙ୍କ ଫୋଟୋ ଚିତ୍ରକୁ ନେଇ ବାଘଙ୍କ ସଂଖ୍ୟା, ବାଘଙ୍କ ଗତିବିଧି ଆଦିକୁ ଆକଳନ କରାଯିବ।

ଜାନୁୟାରୀ ପର୍ଯ୍ୟନ୍ତ ବିଭିନ୍ନ ପର୍ଯ୍ୟାୟରେ ହେବାକୁ ଥିବା ଏହି ବାଘ ଗଣନା କାର୍ଯ୍ୟକ୍ରମରେ ୨୦୦ ରୁ ଊର୍ଦ୍ଧ୍ୱ ବିଟ୍ ହାଉସ ଅଂଚଳରେ ୭୦୦ ରୁ ଊର୍ଦ୍ଧ୍ୱ କର୍ମଚାରୀ ନିୟୋଜିତ ହେବେ।

ଇସ୍ରାଏଲ ଓ ହମାସ ମଧ୍ୟରେ ଚାଲିଥିବା ଯୁଦ୍ଧ ରେ ୪୫୦୦ରୁ ଅଧିକ ଲୋକଙ୍କ ମୃତ୍ୟୁ

COASTAL NEWS ODIA 1172

ଇସ୍ରାଏଲ ଓ ହମାସ ମଧ୍ୟରେ ଚାଲିଥିବା ଯୁଦ୍ଧ ରେ ୪୫୦୦ରୁ ଅଧିକ ଲୋକଙ୍କ ମୃତ୍ୟୁ

ଇସ୍ରାଏଲ - (CNO) ଭଞ୍ଜ ବିହାରୀ ମହାନ୍ତି - ଇସ୍ରାଏଲ ଓ ହମାସ ମଧ୍ୟରେ ଚାଲିଥିବା ଯୁଦ୍ଧ ଥମିବା ନାଁ ଧରୁନି। ଏହି ଯୁଦ୍ଧରେ ଏଯାବତ ୪୫୦୦ରୁ ଅଧିକ ଲୋକଙ୍କ ମୃତ୍ୟୁ ହୋଇ ସାରିଲାଣି। ଏପରି ସ୍ଥିତିରେ ଗତ ରାତିରେ ମଙ୍ଗଳବାର ଗାଜାର ଏକ ହସ୍ପିଟାଲ ଉପରେ ଏୟାର ଷ୍ଟ୍ରାଇକ୍‌ ହେବାରୁ ପ୍ରାୟ ୫ଶହରୁ ଊର୍ଦ୍ଧ୍ୱ ଲୋକଙ୍କ ମୃତ୍ୟୁ ହୋଇଛି। ଆଜି ଯୁକ୍ତରାଷ୍ଟ୍ର ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ଇସ୍ରାଏଲ ଗସ୍ତ ଥିବା ବେଳେ ତାହା ପୂର୍ବରୁ ଏପରି ଆକ୍ରମଣକୁ ସବୁ ମହଲରେ ନିନ୍ଦା କରାଯାଇଛି।

ଗତ ରାତିରେ ଗାଜାର ମଧ୍ୟ ଭାଗରେ ଥିବା ଅଲ ଅହଲି ହସ୍ପିଟାଲ ଉପରେ ମଙ୍ଗଳବାର ବିଳମ୍ବିତ ରାତିରେ ଏହି ଏୟାର ଷ୍ଟ୍ରାଇକ୍‌ ହୋଇଛି। ଯୁଦ୍ଧରେ ଗୁରୁତର ହୋଇଥିବା ବହୁ ସଂଖ୍ୟାରେ ଲୋକେ ଉକ୍ତ ହସ୍ପିଟାଲରେ ଭର୍ତ୍ତି ହୋଇଥିଲେ। ଏଥିସହ ବହୁ ଶରଣାର୍ଥୀ ବି ସେଠାରେ ଆଶ୍ରୟ ନେଇଥିଲେ । ଏଡି ରକେଟ ମାଡ ପରେ ହସ୍ପିଟାଲରେ ଥିବା ବହୁ ସଂଖ୍ୟାରେ ରୋଗୀଙ୍କ ସମେତ ଅନ୍ୟମାନଙ୍କ ମୃତ୍ୟୁ ହୋଇଥିବା ଗାଜା ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ କୁହାଯାଇଛି।

ଇସ୍ରାଏଲ ସେନା ଏହି ଆକ୍ରମଣ କରିଥିବା ହମାସ ଦାବି କରୁଥିବା ବେଳେ ଇସ୍ରାଏଲ ପ୍ରଧାନମନ୍ତ୍ରୀ କିନ୍ତୁ ଏହାକୁ ଅସ୍ୱୀକାର କରିଛନ୍ତି। ଗାଜା ଉପରେ ହୋଇଥିବା ଏହି ବର୍ବର କାଣ୍ଡ ପଛରେ ଆତଙ୍କବାଦୀଙ୍କ ହାତ ଥିବା ବେଳେ ଏଥିରେ ଇସ୍ରାଏଲ ସେନା ସମ୍ପୃକ୍ତ ନାହିଁ ବୋଲି ନେତାନ୍ୟୁହା ଦାବି କରିଛନ୍ତି।

ଏହି ଭୟଙ୍କର ବୋମା ବିସ୍ଫୋରଣ ନିମନ୍ତେ ଇସଲାମିକ ଜେହାଦ ଦାୟୀ ବୋଲି କହିଛି ଗୁଇନ୍ଦା ସଂସ୍ଥା IDF । ଶତ୍ରୁ ପକ୍ଷ ଦ୍ୱାରା ଇସ୍ରାଏଲ ଉପରେ ଘନ ଘନ ରକେଟ ମାଡ଼ ହେଉଥିବା ବେଳେ ସେଥିରୁ ଗୋଟିଏ ଟାର୍ଗେଟ ଫେଲ୍‌ କରିବାରୁ ହସ୍ପିଟାଲ ଉପରେ ପଡ଼ି ଯାଇଥିଲା। ତେଣୁ ଗାଜାର ହସ୍ପିଟାଲ ଉପରେ ହୋଇଥିବା ଆକ୍ରମଣ ପଛରେ ଇସଲାମିକ ଜିହାଦ ଆତଙ୍କବାଦୀ ସଙ୍ଗଠନର ହାତ ଥିବା IDF ଦାବି କରିଛି ।

ଏହି ଆକ୍ରମଣ ନିମନ୍ତେ ସାଉଦି ଆରବ, ବହରିନ, ଜୋର୍ଡାନ, ତୁର୍କୀ ପରି ଦେଶ ଇସ୍ରାଏଲକୁ ଦାୟୀ କରିଛନ୍ତି। ଏହି ଆକ୍ରମଣ ପରେ ପରେ ୟୁଏଇ ଓ ଋଷ ପକ୍ଷରୁ ସଂଯୁକ୍ତ ରାଷ୍ଟ୍ର ସୁରକ୍ଷା ପରିଷଦର ଜରୁରୀ ବୈଠକ ଡକାଯାଇଛି।

ଏହି ଆକ୍ରମଣକୁ WHO ନିନ୍ଦା କରିଛି। WHO ଜାରି କରିଥିବା ବିବୃତିରେ କହିଛି, ଉକ୍ତ ହସ୍ପିଟାଲରେ ବହୁ ଗୁରୁତରଙ୍କ ଚିକିତ୍ସା ଚାଲିଥିବା ବେଳେ ବହୁ ଶରଣାର୍ଥୀ ବି ଆଶ୍ରୟ ନେଇଥିଲେ। ଏଥିସହ ରୋଗୀଙ୍କ ଯତ୍ନ ନେବା ପାଇଁ ବି ବହୁ ଲୋକ ସେଠାରେ ଥିଲେ। ମାତ୍ର ଗତ ରାତିରେ ହୋଇଥିବା ଏୟାର ଷ୍ଟ୍ରାଇକ୍‌ରେ ମେଡିକାଲରେ ଥିବା ଶହ ଶହ ଲୋକଙ୍କ ମୃତ୍ୟୁ ହୋଇ ସାରିଛି। ଏହା ଖୁବ୍‌ ନିନ୍ଦନୀୟ ।

ଯୁକ୍ତରାଷ୍ଟ୍ର ଆମେରିକା ରାଷ୍ଟ୍ରପତି ଜୋ ବାଇଡେନ ଏହି ଆକ୍ରମଣ ଘଟଣାକୁ ନେଇ ଖୁବ୍‌ ଦୁଃଖିତ ଥିବା କହିଛନ୍ତି।  

ମା ନୂହେଁ ରାକ୍ଷସୀ

COASTAL NEWS ODIA 1171

ମା ନୂହେଁ ରାକ୍ଷସୀ

କନ୍ଧମାଳ - (CNO) ଭଞ୍ଜ ବିହାରୀ ମହାନ୍ତି - ମା’ କୋଳ ପିଲା ପାଇଁ ସବୁଠି ସୁରକ୍ଷିତ ସ୍ଥାନ। ମା’ର ପଣତକାନି ପିଲାକୁ ସବୁ ବିପଦରୁ ରକ୍ଷା କରିଥାଏ। ମା’ ପାଖରେ ଥିବା ବେଳେ କୌଣସି ବିପଦ ପିଲାଙ୍କ ପାଖ ମାଡ଼ି ନଥାଏ। କାରଣ ନିଜ ଜୀବନକୁ ବାଜି ଲଗାଇ ମା’ ପିଲାକୁ ରକ୍ଷା କରିଥାଏ। ହେଲେ ଏଠାରେ ଆମେ ଯେଉଁ ମାଆ କଥା କହିବାକୁ ଯାଉଛୁ ସେ ନିଜ ପିଲା ପାଇଁ ପାଲଟି ଯାଇଛି ରାକ୍ଷସୀ। ନିଜ ୪ବର୍ଷର ଝିଅକୁ ମାରି ଜଙ୍ଗଲରେ ପୋତି ଦେଇଛି। ପୁଲିସ ଅଭିଯୁକ୍ତ ମା’ ପଦ୍ମିନୀ ଦଣ୍ଡିଆଙ୍କୁ ଅଟକ ରଖିଛି। ଏପରି ହୃଦୟ ବିଦାରକ ଘଟଣା ଘଟିଛି କନ୍ଧମାଳ ଜିଲ୍ଲା ସାରଙ୍ଗଡ ଥାନା ଅନ୍ତର୍ଗତ ଗୁଟିଙ୍ଗିଆ ଗାଁରେ। ମୃତ ନାବାଳିକା ଜଣଙ୍କ ହେଲେ ସୁରେଖା ଦଣ୍ଡିଆ।

 

ସୂଚନା ଅନୁଯାୟୀ, ପଦ୍ମିନୀ ଗୁଟିଙ୍ଗିଆ ଗ୍ରାମର ରାକେଶଙ୍କୁ ବିବାହ କରିଥିଲେ। ବିବାହର ପରେ ପାରିବାରିକ ଅଶାନ୍ତି ଲାଗି ରହିଥିଲା। ଏଥିପାଇଁ ଗତ ୪ବର୍ଷ ହେଲା ପଦ୍ମିନୀ ନିଜ ବାପ ଘରେ ରହୁଥିଲେ।

ଗତ ଶନିବାର ଦିନ ପଦ୍ମିନୀ ନିଜ ୪ବର୍ଷର ଝିଅ ସୁରେଖାକୁ ନେଇ କେଉଁ ଆଡେ ପଳାଇ ଯାଇଥିଲେ। ପରିବାର ଲୋକେ ତାଙ୍କୁ ବହୁତ ଖୋଜାଖୋଜି କରିଥିଲେ, ହେଲେ ପାଇ ନଥିଲେ। ସୋମବାର ପୁଣି ପଦ୍ମିନୀ ବାପଘରକୁ ପଳାଇ ଆସିଥିଲେ। ହେଲେ ଝିଅ ତାଙ୍କ ସାଙ୍ଗରେ ନଥିଲେ। ଏନେଇ ପଦ୍ମିନୀଙ୍କ ବାପା ନାତୁଣୀ ବିଷୟରେ ପଚାରିଥିଲେ। ପଦ୍ମିନୀ ଝିଅକୁ ମାରି ଜଙ୍ଗଲରେ ପୋତି ଦେଇଥିବା କହିଥିଲେ। ଏନେଇ ପଦ୍ମିନୀଙ୍କ ବାପା ପୁଲିସକୁ ଖବର ଦେଇଥିଲେ। ପୁଲିସ ପଦ୍ମନୀଙ୍କୁ ଥାନାରେ ଅଟକ ରଖି ପଚରାଉଚରା କରିଥିଲା। ଝିଅକୁ ମାରି ଜଙ୍ଗଲରେ ପୋତି ଦେଇଥିବା ପଦ୍ମନୀ ପୁଲିସ ଆଗରେ କହିଥିଲେ। ପୁଲିସ ଗତକାଲି ଜଙ୍ଗଲରୁ ନାବାଳିକାଙ୍କ ଗଳିତ ମୃତଦେହ ଉଦ୍ଧାର କରିଥିଲା।

କେଉଁ କାରଣ ପାଇଁ ପଦ୍ମିନୀ ଝିଅକୁ ହତ୍ୟା କଲେ ତା’ର କାରଣ ଜଣାପଡ଼ିନାହିଁ। ପୁଲିସ ପଦ୍ମିନୀଙ୍କୁ ଅଟକ ରଖି ପଚରାଉଚରା କରୁଛି। ଏପରି ଘଟଣାକୁ ଅଞ୍ଚଳବାସୀ ନିନ୍ଦା କରିଛନ୍ତି।

COASTAL NEWS ODIA 1170

ପୂର୍ବତନ ସରପଞ୍ଚ ଜଇରାମ ଜେନାଙ୍କ ଘରେ ଭିଜିଲାନ୍ସ

ଭୂଇଁପୁରରେ ସକାଳ ସାଢେ ୫ରୁ ୬ଟା ପର୍ଯ୍ୟନ୍ତ ହେଲା ଖୋଳତାଡ଼

ଆଳି,୧୭/୧୦(ନି.ପ୍ର): ଭୂଇଁପୁର ପଞ୍ଚାୟତର ନେଇ ଏଭଳି ହୋଇଥିବା ସ୍ଥାନୀୟ ଅଞ୍ଚଳରେ

ପୂର୍ବତନ ସରପଞ୍ଚ ଜଇରାମ ଜେନାଙ୍କ ଘରେ ଚର୍ଚ୍ଚା ହେଉଛି। ତେବେ ଚଢ଼ଉ ସମ୍ପର୍କରେ

ଆଜି ଭିଜିଲାନ୍ସ ଚଢ଼ଉ ହୋଇଛି। କ'ଣ ପାଇଁ ଭିଜିଲାନ୍ସ ଟିମକୁ ପଚରା ଯାଇଥିଲେ ବି କୌଣସି

ଭିଜିଲାନ୍ସ ଚଢ଼ଉ କରିଛି ସେନେଇ କୌଣସି ପ୍ରତିକ୍ରିୟା ମିଳିପାରିନି ।

ସୂଚନା ମିଳିପାରିନି । ହେଲେ ଠିକାକାମ ଅବା

ବ୍ୟାବସାୟିକ କାରବାରରେ କିଛି ହେରଫେର

ସମୟ ସକାଳ ସାଢେ ୫ଟା। ଗୋଟିଏ

ଧଳାରଙ୍ଗର ବଲେରୋ ଗାଡ଼ି ସହ ଆଳି ପୁଲିସ

ଟିମ୍ ପହଞ୍ଚିଥିଲା ପୂର୍ବତନ ସରପଞ୍ଚ ଶ୍ରୀ ଜେନାଙ୍କ

ଘରେ। ଶାସକ ଦଳର ଜଣେ ଛାମୁଆ ନେତା

ଭାବେ ପରିଚିତ ଶ୍ରୀ ଜେନାଙ୍କ ଘରକୁ ସକାଳୁ

ପୁଲିସ ଆସିଥିବା ଖବର ନିଆଁ ଭଳି ପ୍ରଚାର

ହୋଇଯାଇଥିଲା। ଖବର ପାଇ ସ୍ଥାନୀୟ ଲୋକେ

ଓ ବିଭିନ୍ନ ଗଣମାଧ୍ୟମର ପ୍ରତିନିଧୂ ଶ୍ରୀ ଜେନାଙ୍କ

ଘର ସମ୍ମୁଖରେ ପହଞ୍ଚିଥିଲେ। ପୂର୍ବତନ

ସରପଞ୍ଚଙ୍କ ଘର ସମ୍ମୁଖରେ ଉପସ୍ଥିତ ଥିବା

ପୁଲିସ କର୍ମଚାରୀଙ୍କୁ ପଚାରିବାରୁ କେନ୍ଦ୍ରାପଡ଼ାରୁ

ଭିଜିଲାନ୍ସ ଟିମ୍ ଆସିଥିବା ଜଣାପଡ଼ିଥିଲା। ପ୍ରାୟ

ଅଧଘଣ୍ଟା କାଳ ଭିଜିଲାନ୍ସ ଟିମ୍ ଘର ଭିତରେ

ରହି ଖୋଳତାଡ଼ କରିଥିଲା। ସକାଳ ୬ଟା

ବେଳକୁ ଭିଜିଲାନ୍ସ ଟିମ୍ ଘର ଭିତରୁ

ବାହାରିଥିଲେ।

ପୂର୍ବତନ ସରପଞ୍ଚଙ୍କ ଘରକୁ ବଡ଼ସକାଳୁ

କ'ଣ ପାଇଁ ଆସିଥିଲେ, କ'ଣ ପାଇଁ ଚିଡ଼ଉ

ହେଉଥିଲା ବୋଲି ଭିଜିଲାନ୍ସ ଅଧିକାରିଣୀଙ୍କୁ

ପଚାରିବାରୁ ସେ କିଛି କହିବାକୁ ମନା

କରିଥିଲେ। ଗଣମାଧ୍ୟମ ପ୍ରତିନିଧିଙ୍କୁ

ଆଡ଼େଇଯାଇ ସିଧା ବଲେରୋରେ ବସି

ପଳାଇଥିଲେ। ଅଳି ପୁଲିସକୁ ମଧ୍ୟ ଭିଜିଲାନ୍ସ

ଟିମ୍ ଆସିବାର କାରଣ ସମ୍ପର୍କରେ ପଚାରିଥିଲେ

ବି କିଛି ଉତ୍ତର ମିଳିନଥିଲା । ତେବେ ଆଜି

ଭିଜିଲାନ୍ସ ବିଭାଗ ଅଧିକାରିଣୀଙ୍କ ସହ ଫୋନରେ

ଯୋଗାଯୋଗ ପାଇଁ ଉଦ୍ୟମ କରାଯାଇଥିଲେ ବି

ସେ ଫୋନ ଗ୍ରହଣ କରିନଥିଲେ।

ତେବେ ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା

ଅନୁସାରେ, ପୂର୍ବତନ ସରପଞ୍ଚ ଶ୍ରୀ ଜେନା

ଠିକାକାମ ସହ ବିଭିନ୍ନ ବ୍ୟବସାୟରେ ସମ୍ପୃକ୍ତ।

ଠିକାକାମ ଅବା ବ୍ୟବସାୟିକ କାରଣକୁ ନେଇ

ଚଢ଼ଉ ହୋଇଥାଇପାରେ ବୋଲି ସନ୍ଦେହ

କରାଯାଉଛି । ତେବେ ବଡ଼ସକାଳୁ ଭିଜିଲାନ୍ସ

ଟିମ୍ ଆସିବା ଓ ମାତ୍ର ଅଧଘଣ୍ଟାଏ ଭିତରେ

ପଳାଇଯିବାକୁ ନେଇ ନାନା ଆଲୋଚନା

ହେଉଛି । ଏହି ପ୍ରସଙ୍ଗରେ ଭିଜିଲାନ୍ସ ବିଭାଗ ମୁହଁ

ଖୋଲିବାପରେ ସତ ସାମ୍ନାକୁ ଆସିବ।

ଆଜିର ରାଶିଫଳ

COASTAL NEWS ODIA 1169

*🌹🌼👉ମହାବୀର ପଞ୍ଜିକା👈🌼🌹*

 *✧═════•❁❀❁•═════✧*   

*ଅଦ୍ୟ ଅକ୍ଟୋବର ମାସ ୧୮ ତାରିଖ ୨୦୨୩ ମସିହା(ବୁଧବାର) 

*✧═════•❁❀❁•═════✧*  

 *ଡ:ବାୟୁନନ୍ଦନ ମିଶ୍ର*  

*✧═════•❁❀❁•═════✧*  

*🌼🌹꧁ ଆଜିର ରାଶିଫଳ꧂🌹🌼*

  *✧═════•❁❀❁•═════✧*

*🌹ମେଷ🌷👉-ଏହି ରାଶିର ଲୋକମାନଙ୍କ ପାଇଁ ଆଜିିର ଦିନଟି ଶାରୀରିକ ଅସୁସ୍ଥତା ଦେହ ଓ ମନକୁ ଅବଶ କରିଦେବ । ଚିନ୍ତା ବୃଦ୍ଧି ପାଇବ । ବ୍ୟବସାୟରେ ଲାଭ କମ ହେବ । ମହିଳା ଓ ଛାତ୍ରଛାତ୍ରୀମାନେ ମାନସୀକ ଯନ୍ତ୍ରଣା ପାଇପାରନ୍ତି ।*

*✧═════•❁❀❁•═════✧*

*🌹ବୃଷ🌷👉–ଆଜି ଦିନଟି କର୍ମକ୍ଷେତ୍ରରେ ଅଧସ୍ତନ କର୍ମଚାରିଙ୍କର ସପୂର୍ଣ ସହଯୋଗ ମିଳିବ । ସାସଂରିକ ଜିବନ ଆନନ୍ଦଭରା ରହିବ । ସ୍ୱାସ୍ଥ୍ୟ ଜନିତ ସମସ୍ୟା ଓ ଅଯଥା ବ୍ୟୟ ଦୁର ହେବ । ମହିଳା ଓ ଛାତ୍ରଛାତ୍ରୀମାନେ ମାନସୀକ ସ୍ତରରେ ଖୁସିରେ କାଟିବେ ।*

*✧═════•❁❀❁•═════✧*

*🌹ମିଥୁନ🌷👉-ଏହି ରାଶିର ଲୋକମାନେ ପାଇଁ ଆଜିିି ବ୍ୟବସାୟରେ ଲାଭବାନ ହେବେ । ପାରିବାରିକ ଶାନ୍ତି ମିଳିବ । କର୍ମ କ୍ଷେତ୍ରରେ ନୂତନ ସୁଯୋଗ ସୃଷ୍ଟି ହୋଇପାରେ । ମହିଳା ଓ ଛାତ୍ରଛାତ୍ରୀମାନେ ଦିନଟି ଉତ୍ସାହରେ ଅତିବାହିତ କରିବେ ।*

*✧═════•❁❀❁•═════✧*

*🌹କର୍କଟ🌷👉–ଆଜିିର ଦିନଟି ସନ୍ତାନ ମାନଙ୍କୁ ନେଇ ଗର୍ବ ଅନୁଭବ କରିବେ, ନୂତନ ବସ୍ତ୍ର ଆଦି ଆଭୁଷଣ ପ୍ରାପ୍ତି ହେବ । ନୂତନ ଯୋଜନାରେ ସଫଳ ହେବେ । ଆର୍ଥିକ ଉନ୍ନତି ବହୁ ପରିମାଣରେ ବୃଦ୍ଧି ପାଇବ । ମହିଳା ଓ ଛାତ୍ରୀମାନେ କୌଣସି ଦିଗରୁ ପୁରଷ୍କୃତ ହେବେ ।*

*✧═════•❁❀❁•═════✧*

*🌹ସିଂହ🌷👉– ଆଜିିର ଦିନଟି ସମାଜିକ ସ୍ତରରେ ମାନ ସମ୍ମାନ ବୃଦ୍ଧି ହେବ । ଧନ ସଂଚୟ ପାଇଁ ଦିବସଟି ବେସ ଉତମ । ଚାକିରୀରେ ପଦ ମର୍ଯ୍ୟଦା ପ୍ରାପ୍ତି ହୋଇପାରେ । ମହିଳ ଓ ଛାତ୍ରମାନେ କର୍ମ ନିପୂଣ ହେବେ ।*

*✧═════•❁❀❁•═════✧*

*🌹କନ୍ୟା🌷👉– ଆଜି ମାନସିକ ଅବସାଦ ମନକୁ ଭାରାକ୍ରାନ୍ତ କରିବ, ଋଣକରିବାର ର୍ଦୁଯୋଗ ରହିବ, ସାଂସାରିକ ଜୀବନକୁ ନେଇ ଚିନ୍ତିତ ରହିବେ, ରାଜନୈତିକ କ୍ଷେତ୍ରରେ ବହୁ ସମସ୍ୟା ଦେଖାଦେବ, ମହିଳା ଓ ଛାତ୍ରଛାତ୍ରୀମାନେ ବିସାଦରେ ଦିନଟି ଅତିବାହିତ କରିବେ ।*

*✧═════•❁❀❁•═════✧*

*🌹ତୁଳା🌷👉–ଆଜି କର୍ମକ୍ଷେତ୍ରରେ ସତର୍କତା ଅବଲମ୍ବନ କରନ୍ତୁ ନହେଲେ କିଛି କ୍ଷତି ସହିବାକୁ ପଡିପାରେ ଏବଂ ବହୁଦିନରୁ ଲାଗିରହିଥିବା ମାଲିମକୋଦମାର ସମାଧାନ ହେବାର ସମ୍ଭାବନା ଷୃଷ୍ଟି ହେବ, ତଥାପି  ରସାୟନ ସମ୍ବନ୍ଧିୟ ବ୍ୟବସାୟୀ ମାନେ ଶୁଭଫଳ ଅନୁଭବ କରିବେ ।*

*✧═════•❁❀❁•═════✧*

*🌹ବିଛା🌷👉–ଆଜି ଆଜିର ଦିନଟି ବିଳାସ ବେସନରେ ଅତିବାହିତ ହେବା ସଙ୍ଗେ ସଙ୍ଗେ ଆର୍ଥିକ ବୃଦ୍ଧି ହେବ । ପ୍ରସାଶନିକ ସେବା କ୍ଷେତ୍ରରେ କର୍ମରତ ମାନେ ଶୁଭଫଳ ଅଧିକ ପାଇବେ । ମହିଳାମାନେ ଓ ଛାତ୍ରଛାତ୍ରୀମାନେ ଅତ୍ୟନ୍ତ ସୁଖୀ ହେବେ ।*

*✧═════•❁❀❁•═════✧*

*🌹ଧନୁ🌷👉– ଏହି ରାଶିର ଲୋକମାନଙ୍କ ପାଇଁ ଆଜିର ଦିନଟି ସୁଖ ଓ ଶାନ୍ତିରେ ଅତିବାହିତ ହେବ । କର୍ମ କ୍ଷେତ୍ରରେ ସାହାଯ୍ୟ ସହଯୋଗ ମିଳିବ  । ମହିଳା ଓ ଛାତ୍ରଛାତ୍ରୀମାନେ ଉତ୍ସାହରେ ଦିନଟି କାଟିବେ ।*

*✧═════•❁❀❁•═════✧*

*🌹ମକର🌷👉– ଏହି ରାଶିର ଲୋକମାନଙ୍କ ପାଇଁ ଆଜିିର ଦିନଟି ଶାରୀରିକ ଅସୁସ୍ଥତା ଦେହ ଓ ମନକୁ ଅବଶ କରିଦେବ । ଚିନ୍ତା ଯୋଗୁଁ ରକ୍ତଚାପ ବୃଦ୍ଧି ପାଇବ । ବ୍ୟବସାୟରେ ଲାଭ କମ ହେବ । ଅଯଥା ବ୍ଯୟ ଯୋଗ ରହିଛି।*

*✧═════•❁❀❁•═════✧*

*🌹କୁମ୍ଭ🌷👉–ଆଜି କର୍ମକ୍ଷେତ୍ରରେ  ଲାଭ ବୃଦ୍ଧି ପରିଲିକ୍ଷିତ ହେବ । ବ୍ୟୟଠାରୁ ଆୟ ବଢିବ ତେଣୁ ମାନସିକ ତୃପ୍ତି ବଢିବ । ସନ୍ତାନ ମାନଙ୍କ ଶିକ୍ଷା ପାଇଁ ଖର୍ଚ୍ଚ ବୃଦ୍ଧି ପରିଲକ୍ଷିତ ହୋଇପାରେ । ମହିଳାମାନେ ପାରିବାରିକ ପରିବେଶରେ ନିଜକୁ ସ୍ଥିର କରିପାରିବେ ।*

*✧═════•❁❀❁•═════✧*

*🌹ମୀନ🌷👉–ଆଜି ଦେହ ମନ ଭଲ ରହିବ,  ଉଚ୍ଚସ୍ତରୀୟ ବ୍ୟକ୍ତିଙ୍କ ସାନିଧ୍ୟ ଲାଭ କରିବେ । କର୍ମ କ୍ଷେତ୍ରରେ ସମସ୍ତ ଦିଗରୁ ସହଯୋଗର ହାତ ବଢିବ । ମହିଳାମାନେ ନିଜକୁ ଗୃହ କାର୍ଯ୍ୟରେ ନିମଗ୍ନ ରଖିବେ ଓ ଛାତ୍ରଛାତ୍ରୀମାନେ ବିଦ୍ୟାରେ ସଫଳତା ହାସଲ କରିବେ ।*

*✧═════•❁❀❁•═════✧*

ଆଜିର ଖବର

COASTAL NEWS ODIA 1168

*ଖବର ଆଜିର* 

ତାରିଖ: ୧୭/୧୦/୨୩, ମଙ୍ଗଳବାର 

୧-ଇସ୍ରାଏଲକୁ ଇରନ୍ ର ଯୁଦ୍ଧ ଧମକ, ଯୁଦ୍ଧ ବିରତିର ପ୍ରଶ୍ନ ଉଠୁନାହିଁ: ଇସ୍ରାଏଲ।

୨-ପଠାଣି ସାମନ୍ତ ଗଣିତ ପ୍ରତିଭା ମେଧାବୃତ୍ତି: ଆବେଦନ ଆରମ୍ଭ।

୩-ଭୁବନେଶ୍ୱର: ଧାରଣା ଦେବେ ବରିଷ୍ଠ ନାଗରିକ, ବାର୍ଦ୍ଧକ୍ୟ ଭର୍ତ୍ତା ୨୦୦୦ କରିବାକୁ ଦାବି।

୪-ଶ୍ରମିକ ପରିବାରର ଦକ୍ଷତା ବିକାଶ ଯୋଜନା 'ଉନ୍ନତି': ତାଲିମ୍ ପାଇଁ ୩୦ ଜିଲ୍ଲାରୁ ଚିହ୍ନଟ ହେବେ ୩୦୦‌ ।

୫-ସ୍କୁଲ୍‌ ପିଲାଙ୍କ ପାଇଁ ଗୋଟିଏ ଦେଶ, ଗୋଟିଏ ପରିଚୟ ପତ୍ର।୧୨ ଅଙ୍କ ବିଶିଷ୍ଟ ଏହି ନମ୍ବର ପ୍ରି ପ୍ରାଇମେରୀ ଠାରୁ ଉଚ୍ଚଶିକ୍ଷା ପର୍ଯ୍ୟନ୍ତ ରହିବ।

୬-ଜନ୍ମଦିନରେ ମୁଖ୍ୟମନ୍ତ୍ରୀ ନବୀନଙ୍କୁ ପ୍ରଧାନମନ୍ତ୍ରୀଙ୍କ ସହ ବିଭିନ୍ନ ମହଲରୁ ଛୁଟିଲା ଶୁଭେଚ୍ଛାର ସୁଅ।

୭-ହଇରାଣ ହେଉଛନ୍ତି ଗ୍ରାହକ; ତିନି ଦିନ ହେଲା ଅକାମୀ SBI UPI ସେବା।

୮-ମୁଖ୍ୟମନ୍ତ୍ରୀଙ୍କ ଅନୁମୋଦନ: ରାଜ୍ୟର ସମସ୍ତ ୭,୫୭୯ଟି ମିନି ଅଙ୍ଗନବାଡି କେନ୍ଦ୍ର ନିୟମିତ ଅଙ୍ଗନବାଡି କେନ୍ଦ୍ର ଭାବେ ଉନ୍ନୀତ।

୯-ପରଲୋକରେ ପ୍ରଖ୍ୟାତ ଗୀତିକାର ବିନୋଦିନୀ ଦେବୀ, ଓଡ଼ିଆ ଚଳଚ୍ଚିତ୍ରର ଥିଲେ ପ୍ରଥମ ନାରୀ ଗୀତିକାର।

୧୦-ମହଙ୍ଗା ପଡ଼ିଲା ଜବତ ବାଣ ଓ ମଦ ଚାଲାଣ; ବଦଳିଲେ ବେଗୁନିଆ IIC ବିଶ୍ୱଜିତ ରାଉତରାୟ।

୧୧-ଭୁବନେଶ୍ୱର:ଏକାମ୍ର ପ୍ରକଳ୍ପର ସମୀକ୍ଷା କଲେ 5T ସଚିବ, ତ୍ବରାନ୍ବିତ କରିବା ପାଇଁ ଦେଲେ ନିର୍ଦ୍ଦେଶ

୧୨-ପିପିଲି ପୂର୍ବତନ ବିଧାୟକ ଯୁଧିଷ୍ଠିର ସାମନ୍ତରାୟଙ୍କ ପରଲୋକ।

୧୩-ଛତିଶା ନିଯୋଗ ବୈଠକରେ କାର୍ତ୍ତିକ ମାସ ନୀତି ଚୂଡ଼ାନ୍ତ, ହବିଷ୍ୟାଳୀଙ୍କ ଦର୍ଶନ ଉପରେ ଅଧିକ ଗୁରୁତ୍ଵ।

୧୪-ଦଶହରାରେ ଲଘୁଚାପ ସମ୍ଭାବନା। ସେହି ସମୟରେ ସ୍ବଳ୍ପରୁ ମଧ୍ୟମ ଧରଣର ବର୍ଷା ହେବା ସମ୍ଭାବନା। 

୧୫-ପୁରୀରେ କଂଗ୍ରେସର ବିଶାଳ ସମାବେଶ, ଭକ୍ତଙ୍କ ପାଇଁ ଶ୍ରୀମନ୍ଦିର ଚାରି ଦ୍ଵାର ସହ ରତ୍ନଭଣ୍ଡାର ଖୋଲିବା ଦାବି।

୧୬-ମୁଖ୍ୟମନ୍ତ୍ରୀଙ୍କ ଅନୁମୋଦନ: ଦେବଗଡ ଜିଲ୍ଲା ବାରକୋଟରେ ପ୍ରତିଷ୍ଠା ହେବ ନୂତନ ଅତିରିକ୍ତ ସିଭିଲ୍ ଜଜ୍।

୧୭-ଖୋଲୁନି ପିଡିଏସ ପୋର୍ଟାଲ, ରାସନକାର୍ଡ ପାଇଁ ଆବେଦନ କରିପାରୁନାହାନ୍ତି ଯୋଗ୍ୟ ହିତାଧିକାରୀ ।

୧୮-କେନ୍ଦୁଝର:କ୍ରାଇମବ୍ରାଞ୍ଚ STF କବ୍ଜାରେ ବ୍ରାଉନସୁଗର ବେପାରୀ, ୫୨୦ ଗ୍ରାମ ବ୍ରାଉନ ସୁଗାର ଜବତ।

୧୯-୪ ରାଜ୍ୟରେ ଆୟକର ଚଢ଼ାଉ,ନଗଦ ୯୪ କୋଟି ସହ ୧୦୨ କୋଟିର ସାମଗ୍ରୀ ଜବତ।

୨୦-ଇସ୍ରୋର ମହତ୍ୱାକାଂକ୍ଷୀ ମିଶନ; ଆସନ୍ତା ୨୧ରେ ହେବ ଗଗନଯାନର ପ୍ରଥମ ଟେଷ୍ଟ ଫ୍ଲାଇଟ୍।

୨୧-ଉତ୍ତରାଖଣ୍ଡର ପିଥୋରାଗଡରେ ଭୂକମ୍ପ, ରିକ୍ଟର ସ୍କେଲରେ ତୀବ୍ରତା ୪.୦।

୨୨-ବିଶ୍ୱକପ କ୍ରିକେଟ୍: ଶ୍ରୀଲଙ୍କାକୁ ହରାଇଲା ଅଷ୍ଟ୍ରେଲିଆ।

୨୩-ଇସ୍ରାଏଲ-ହମାସ ଯୁଦ୍ଧ: ବୁଧବାର ଇସ୍ରାଏଲ ଯିବେ ଆମେରିକା ରାଷ୍ଟ୍ରପତି ଜୋ ବାଇଡେନ୍‌।

ବାଦାମପାହାଡ଼ / ରାଇରଙ୍ଗପୁର ଅଞ୍ଚଳକୁ ମିଳିଲା ପ୍ରଥମ ମେଲ /ଏକ୍ସପ୍ରେସ ଟ୍ରେନ

COASTAL NEWS ODIA 1167

ବାଦାମପାହାଡ଼ / ରାଇରଙ୍ଗପୁର ଅଞ୍ଚଳକୁ ମିଳିଲା ପ୍ରଥମ ମେଲ /ଏକ୍ସପ୍ରେସ ଟ୍ରେନ 

ରାଇରଙ୍ଗପୁର - (CNO) - ଅକ୍ଷୟ ବିଶ୍ଵାଳ - ବାଦାମପାହାଡ଼ / ରାଇରଙ୍ଗପୁର ଅଞ୍ଚଳକୁ ମିଳିଲା ପ୍ରଥମ ମେଲ /ଏକ୍ସପ୍ରେସ ଟ୍ରେନ 

*ବାଦାମପାହାଡ଼ / ରାଇରଙ୍ଗପୁର ଅଞ୍ଚଳକୁ 3 ଟି ନୂଆ ଟ୍ରେନ -

*ଦକ୍ଷିଣ ପୂର୍ବ ରେଳପଥକୁ 4ଟି ନୂଆ ଟ୍ରେନ l*

ରେଳ ମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବଙ୍କ ଦ୍ୱାରା  ଦକ୍ଷିଣ ପୂର୍ବ ରେଳପଥ ପାଇଁ 4 ଟି ନୂତନ ଟ୍ରେନ୍ ଏହି ପାର୍ବଣ ଋତୁରେ ଉପହାର ଦିଆଯାଇଅଛି ଯେଉଁଥିରେ ଟାଟା ଠାରୁ ରାଇରଙ୍ଗପୁର /ବାଦାମପାହାଡ଼ ଅଞ୍ଚଳକୁ ପ୍ରଥମ ମେଲ ଏକ୍ସପ୍ରେସ ଟ୍ରେନ ଅନ୍ତର୍ଭୁକ୍ତ |

ଏହି ଅଞ୍ଚଳରେ ଟ୍ରେନ ଚଳାଚଳ ବୃଦ୍ଧି କରାଇବା ଏକ ଦୀର୍ଘ ବିଚାରାଧୀନ ଚାହିଦା ଥିଲା ଏବଂ ଏହା ସ୍ଥାନୀୟ ଲୋକଙ୍କ ଆକାଂକ୍ଷା ପୂରଣ କରିବ | 

ଏହି ଟ୍ରେନଗୁଡିକ ହେଉଛି ଶାଲିମାର-ବାଦାମପାହାଡ଼-ଶାଲିମାର (ସାପ୍ତାହିକ), ବାଦାମପାହାଡ଼-ରାଉରକେଲା-ବାଦାମପାହାଡ଼ (ସାପ୍ତାହିକ), ରାଉରକେଲା - ଟାଟାନଗର- ରାଉରକେଲା (ସପ୍ତାହରେ 06 ଦିନ) ଏବଂ ଟାଟାନଗର-ବାଦାମପାହାଡ଼-ଟାଟାନଗର (ସପ୍ତାହରେ 06 ଦିନ) ଚଳାଚଳ କରିବ | ଏହା ସ୍ଥାନୀୟ ଅର୍ଥନୀତିକୁ ବୃଦ୍ଧି କରିବା ସହିତ ଦୁର୍ଗମ ଆଦିବାସୀ ଅଞ୍ଚଳର ବିକାଶରେ ସାହାଯ୍ୟ କରିବ ଏବଂ ଆଶାୟୀ ଜିଲ୍ଲାମାନଙ୍କୁ ଅତିରିକ୍ତ ଗମନାଗମନ ସଂଯୋଗ ଯୋଗାଇବ | ଏବେ  ମେଲ / ଏକ୍ସପ୍ରେସ ଟ୍ରେନ ସେବା ଏହି ଅଞ୍ଚଳରେ ଯୋଗାଇବ ଓ ଟାଟା-ବାଦାମପାହାଡ଼ ରେଳ ସେକ୍ସନ ରେ ମେଲ / ଏକ୍ସପ୍ରେସ ଟ୍ରେନ ଚଳାଚଳ କରିବ | ଏହା ଖୁବ ଶୀଘ୍ର ପ୍ରଚଳନ କରାଯିବ l 

ଶାଲିମାର-ବାଦାମପାହାଡ଼-ଶାଲିମାର ସାପ୍ତାହିକ ଏକ୍ସପ୍ରେସ |

ଶାଲିମାର-ବାଦାମପାହାଡ଼ ସାପ୍ତାହିକ ଏକ୍ସପ୍ରେସ ପ୍ରତ୍ୟେକ ଶନିବାର ଦିନ ରାତ୍ରି 11ଘ.05ମି.ରେ ଶାଲିମାର ଛାଡିବ ଏବଂ ପରଦିନ ଭୋର 05ଘ.40ମି.ରେ ବାଦାମପାହାଡ଼ରେ ପହଞ୍ଚିବ | ଫେରିବା ମାର୍ଗରେ ବାଦାମପାହାଡ଼- ଶାଲିମାର ଏକ୍ସପ୍ରେସ ପ୍ରତି ରବିବାର ଦିନ ରାତ୍ରି 09ଘ.30ମି.ରେ ବାଦାମପାହାଡ଼ ଛାଡିବ ଏବଂ ପରଦିନ ଭୋର 05 ଘଟୀକାରେ ଶାଲିମାରରେ ପହଞ୍ଚିବ |

ଏହି ଟ୍ରେନ୍ ଉଭୟ ପାର୍ଶ୍ୱରୁ ଶାଲିମାର ଏବଂ ବାଦାମପାହାଡ଼ ମଧ୍ୟରେ ସାନ୍ତ୍ରାଗାଛି, ଖଡ଼ଗ୍ପୁର, ଝାରଗ୍ରାମ, ଘଟଶିଳା, ଆସାନବୋନି, ଟାଟାନଗର, ବାହାଲଦା ରୋଡ୍, ଅଁଳାଜୋରୀ ଏବଂ ରାଇରଙ୍ଗପୁର ଷ୍ଟେସନ ଠାରେ ରହଣି କରିବ |

ବାଦାମପାହାଡ଼-ରାଉରକେଲା-ବାଦାମପାହାଡ଼ ସାପ୍ତାହିକ ଏକ୍ସପ୍ରେସ |

ବାଦାମପାହାଡ଼-ରାଉରକେଲା ଏକ୍ସପ୍ରେସ ପ୍ରତି ରବିବାର ଦିନ ସକାଳ 06ଘ.10ମି.ରେ  ବାଦାମପାହାଡ଼ ଛାଡି ସେହି ଦିନ ପୂର୍ବାହ୍ନ 11ଘ.40ମି.ରେ ରାଉରକେଲାରେ ପହଞ୍ଚିବ | ଫେରିବା ମାର୍ଗରେ ରାଉରକେଲା-ବାଦାମପାହାଡ଼ ଏକ୍ସପ୍ରେସ ପ୍ରତି ରବିବାର ଦିନ ଅପରାହ୍ନ 02ଘ.20ମି.ରେ ରାଉରକେଲା ଛାଡି ସନ୍ଧ୍ୟା 07ଘ.25ମି.ରେ ବାଦାମପାହାଡ଼ରେ ପହଞ୍ଚିବ | 

ଏହି ଟ୍ରେନ୍ ଉଭୟ ପାର୍ଶ୍ୱରୁ ବାଦାମପାହାଡ଼ ଓ ରାଉରକେଲା ମଧ୍ୟରେ ରାଇରଙ୍ଗପୁର, ଅଁଳାଜୋରୀ, ବାହାଲଦା ରୋଡ୍, ଟାଟାନଗର, ସିନି, ରାଜଖରସୁଆଁ, ଚକ୍ରଧରପୁର, ଗୋଇଲକେରା ଏବଂ ମନୋହରପୁରରେ ଷ୍ଟେସନ ଠାରେ ରହଣି କରିବ | 

ରାଉରକେଲା- ଟାଟାନଗର-ରାଉରକେଲା ଏକ୍ସପ୍ରେସ (ସପ୍ତାହରେ 6 ଦିନ)

ରାଉରକେଲା-ଟାଟାନଗର ଏକ୍ସପ୍ରେସ ରବିବାର ବ୍ୟତୀତ ପ୍ରତିଦିନ ଭୋର 04ଘ.50ମି.ରେ ରାଉରକେଲା ଛାଡିବ ଏବଂ ସେହି ଦିନ ପୂର୍ବାହ୍ନ 09ଘ.15ମି.ରେ ଟାଟାନାଗର ଠାରେ ପହଞ୍ଚିବ | ଫେରିବା ମାର୍ଗରେ, ଟାଟାନଗର - ରାଉରକେଲା ଏକ୍ସପ୍ରେସ ରବିବାର ବ୍ୟତୀତ ପ୍ରତିଦିନ ଅପରାହ୍ନ 03ଘ.25ମି.ରେ ଟାଟାନଗର ଛାଡିବ ଏବଂ ସେହି ଦିନ ସନ୍ଧ୍ୟା 07ଘ.35ମି.ରେ ରାଉରକେଲାରେ ପହଞ୍ଚିବ |

ଏହି ଟ୍ରେନ ରାଉରକେଲା ଏବଂ ଟାଟାନଗର ମଧ୍ୟରେ ବିସ୍ରା, ମନୋହରପୁର, ଚକ୍ରଧରପୁର, ସିନି ଏବଂ ଆଦିତ୍ୟପୁର ଷ୍ଟେସନ ମାନଙ୍କରେ ରହଣି କରିବ |

ଟାଟାନଗର-ବାଦାମପାହାଡ଼-ଟାଟାନଗର ଏକ୍ସପ୍ରେସ (ସପ୍ତାହରେ 6 ଦିନ)

ଟାଟାନଗର-ବାଦାମପାହାଡ଼ ଏକ୍ସପ୍ରେସ ରବିବାର ବ୍ୟତୀତ ପ୍ରତିଦିନ ପୂର୍ବାହ୍ନ 09ଘ.55ମି.ରେ ଟାଟାନଗର ଛାଡିବ ଏବଂ ସେହି ଦିନ ବାଦାମପାହାଡ଼ରେ ଅପରାହ୍ନ 12ଘ.15ମି.ରେ ପହଞ୍ଚିବ | ଫେରିବା ମାର୍ଗରେ ବାଦାମପାହାଡ଼ - ଟାଟାନଗର ଏକ୍ସପ୍ରେସ ରବିବାର ବ୍ୟତୀତ ପ୍ରତିଦିନ ଅପରାହ୍ନ 12ଘ.45ମି.ରେ ବାଦାମପାହାଡ଼ ଛାଡିବ ଏବଂ ସେହି ଦିନ ଅପରାହ୍ନ 15ଘ.20ମି.ରେ ଟାଟାନଗରରେ ପହଞ୍ଚିବ |

ଏହି ଟ୍ରେନ୍ ଉଭୟ ପାର୍ଶ୍ୱରୁ ଟାଟାନଗର ଏବଂ ବାଦାମପାହାଡ଼ ମଧ୍ୟରେ ହଲୁଦପୁକୁର, ଅଁଳାଜୋରୀ, ରାଇରଙ୍ଗପୁର, କୁଲଡିହା ଏବଂ ଛାନଭା ଷ୍ଟେସନ ମାନଙ୍କରେ ରହଣି କରିବ |

ଦୁର୍ଗା ପୂଜା ମଉଜ ର ଉତ୍ସାହକୁ ବର୍ଷା ନିରାଶ କରିବ

COASTAL NEWS ODIA 1166

ବର୍ଷା ଉଜାଡିବ ପୂଜା ମଉଜ 

ଦୁର୍ଗା ପୂଜା ମଉଜ ର ଉତ୍ସାହକୁ ବର୍ଷା ନିରାଶ କରିବ

 

ଭୁବନେଶ୍ୱର: (CNO ) ଭଞ୍ଜ ବିହାରୀ ମହାନ୍ତି - ଦୁର୍ଗା ପୂଜା ସମୟରେ ଓଡ଼ିଶାରେ ପୂଜାପାଠ ଓ ଦର୍ଶନରେ ବାଧା ସୃଷ୍ଟି ହୋଇପାରେ ବୋଲି ସ୍ଥାନୀୟ ମେଟି କାର୍ଯ୍ୟାଳୟରୁ ବିଶ୍ୱସ୍ତ ରିପୋର୍ଟରେ କୁହାଯାଇଛି।

ସର୍ବଶେଷ ପାଣିପାଗ ବୁଲେଟିନ୍ ରେ ପ୍ରକାଶ , ଦୁର୍ଗା ପୂଜାର ଉତ୍ସାହକୁ ବର୍ଷା ନିରାଶ କରିବ |  ପୂଜା ପୂର୍ବରୁ ଏକ ନିମ୍ନ ଚାପ ସୃଷ୍ଟି ହୋଇପାରେ |  ନିମ୍ନ ଚାପ ପ୍ରଭାବରେ ପ୍ରବଳରୁ ପ୍ରବଳ ବର୍ଷା ହୋଇପାରେ |

ଏଥି ସହିତ ବଙ୍ଗୋପସାଗର ଏବଂ ଆରବ ସାଗରରେ ନିମ୍ନ ଚାପ ସୃଷ୍ଟି ହେବା ସମ୍ଭାବନା ରହିଛି।  ଏଠାରେ ଉଲ୍ଲେଖଯୋଗ୍ୟ ଯେ ଦକ୍ଷିଣ-ପଶ୍ଚିମ ବଙ୍ଗୋପସାଗରରେ ଏକ ଘୂର୍ଣ୍ଣିବଳୟ ସୃଷ୍ଟି ହୋଇଛି।

ସେହିଭଳି ବଙ୍ଗୋପସାଗରର ପୂର୍ବ ଭାଗରେ ଆଉ ଏକ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା ରହିଛି।  ଫଳସ୍ୱରୂପ, ବଙ୍ଗୋପସାଗରରେ ନିମ୍ନ ଚାପର ସମ୍ଭାବନା ରହିଛି।  ଏହା ଧୀରେ ଧୀରେ ଆନ୍ଧ୍ରପ୍ରଦେଶ ଏବଂ ତାମିଲନାଡୁ ଆଡକୁ ଗତି କରିବ।

ଇସ୍ରାଏଲର ଆହ୍ୱାନ

COASTAL NEWS ODIA 1165

                      *ଇସ୍ରାଏଲର ଆହ୍ୱାନ..*                               

75 ବର୍ଷ ପୂର୍ବେ ଆମକୁ ମରିବା ପାଇଁ ଅଣାଗଲା, ଆମ ପାଖରେ ନା କୌଣସି ଦେଶ ଥିଲା, ନା କୌଣସି ସେନା ଥିଲା । ସାତଟି ଦେଶ ଆମ ବିରୁଦ୍ଧରେ ଯୁଦ୍ଧ ଘୋଷଣା କରିଦେଲେ, ଆମେ କେବଳ 65000 ଥିଲୁ, ଆମକୁ ବଞ୍ଚାଇବା ପାଇଁ କେହି ନଥଲେ, ଆମ ଉପରେ ଆକ୍ରମଣ ହୋଇ ଚାଲିଲା, ହୋଇ ଚାଲିଲା ।    

ଲେବାନାନ, ସିରିୟା, ଇରାକ, ଜର୍ଡନ୍, ମିଶ୍ର, ଲିବିୟା, ସାଉଦି ଆରବ ପରି ଅନେକ ଦେଶ ଆମ ଉପରେ କୌଣସି ଦୟା ଦେଖାଇଲେ ନାହିଁ ।

ସମସ୍ତେ ଆମକୁ ମାରିବାକୁ ଚାହୁଁଥିଲେ କିନ୍ତୁ ଆମେ ବଞ୍ଚିଗଲୁ ।

ସଂଯୁକ୍ତ ରାଷ୍ଟ୍ର ଆମକୁ ଜାଗା ଦେଲା, ସେହି ଜାଗା ଯାହା 65 ପ୍ରତିଶତ ମରୁଭୂମି ଥିଲା, ଆମେ ସେହି ଜାଗାକୁ ଆମ ରକ୍ତରେ ଛିଞ୍ଚିଲୁ, ଆମେ ତାକୁ ହିଁ ଆମ ଦେଶ ମାନିଲୁ କାରଣ ତାହାହିଁ ଆମପାଇଁ ସବୁକିଛି ଥିଲା ।

     

ଆମେ କିଛି ବି ଭୁଲିନୁ, ଆମେ ଫିରୌନ ଠାରୁ ବଞ୍ଚିଗଲୁ, ଆମେ ୟୁନାନ ଠାରୁ ବଞ୍ଚିଗଲୁ, ଆମେ ରୋମାନଠାରୁ ବଞ୍ଚିଗଲୁ, ଆମେ ସ୍ପେନ ଠାରୁ ବଞ୍ଚିଗଲୁ, ଆମେ ହିଟଲର ଠାରୁ ବଞ୍ଚିଗଲୁ, ଆମେ ଆରବ ଦେଶ ଠାରୁ ବଞ୍ଚିଗଲୁ, ଆମେ ସଦ୍ଦାମ ଠାରୁ ବଞ୍ଚିଗଲୁ, ଆମେ ଗଦ୍ଦାଫି ଠାରୁ ବଞ୍ଚିଗଲୁ, ଆମେ ହମାସ ଠାରୁ ବି ବଞ୍ଚିବୁ, ଆମେ ହିଜବୁଲ୍ଲା ଠାରୁ ବି ବଞ୍ଚିବୁ, ଆମେ ଇରାନ ଠାରୁ ବି ବଞ୍ଚିବୁ ।

               

ଆମ ଜେରୁଜେଲମକୁ ଏପର୍ଯ୍ୟନ୍ତ 52 ଥର ଆକ୍ରମଣ କରାଯାଇଛି, 23 ଥର ଘେରା ଯାଇଛି, 39 ଥର ଭଙ୍ଗା ଯାଇଛି, ତିନି ଥର ଧ୍ବଂସ କରା ଯାଇଛି, 44 ଥର ଅଧିକାର କରାଯାଇଛି କିନ୍ତୁ ଆମେ ଆମ ଜେରୁଜେଲମ କୁ କେବେ ଭୁଲିନାହୁଁ, ତାହା ଆମ ହୃଦୟରେ ଅଛି, ତାହା ଆମ ମସ୍ତିଷ୍କରେ ଅଛି ଆଉ ଯେପର୍ଯ୍ୟନ୍ତ ଆମେ ରହିବୁ, ଜେରୁଜେଲମ ଆମ ଆତ୍ମାରେ ରହିବ ।

ଦୁନିଆ ଏହା ମନେରଖୁ

ଯେଉଁମାନେ ଆମକୁ ନଷ୍ଟ କରିବାକୁ ଚାହିଁଛନ୍ତି ସେମାନେ ଆଜି ସ୍ୱୟଂ ନାହାନ୍ତି । ମିଶ୍ର, ବେବିଲୋନ, ୟୁନାନ, ସିକନ୍ଦର, ରୋମାନ ସବୁ ଶେଷ ହୋଇଗଲେ ।

ଆମେ ତଥାପି ବଞ୍ଚି ରହିଛୁ ।              

ଆମକୁ ସେମାନେ ନଷ୍ଟ କରିବାକୁ ଚାହୁଁଛନ୍ତି, ସେମାନେ ଆମ ପ୍ରଥା ପରମ୍ପରାକୁ ଅଧିକାର କଲେ, ସେମାନେ ଆମ ଉପଦେଶକୁ ଅଧିକାର କଲେ, ସେମାନେ ପୈଗମ୍ବରଙ୍କୁ ଅଧିକାର କଲେ, ପୁଣି କିଛିଦିନ ପରେ ଅବ୍ରାହମ୍ ଇବ୍ରାହିମ୍ କରିଦିଆଗଲେ, ସୋଲୋମନ ସୁଲେମାନ ହୋଇଗଲେ, ଡେଭିଡ ଦାଉଦ କରିଦିଆଗଲେ, ମୋଜେଜ ମୁସା କରିଦିଆଗଲେ....

ପୁଣି ଗୋଟେ ଦିନ....

ସେମାନେ କହିଲେ ତୁମ ପୈଗମ୍ବର ଆସିଗଲେ, ଆମେ ତାକୁ ସ୍ଵୀକାର କଲୁନାହିଁ, କରିଥାନ୍ତୁ ବା କିପରି, ତାଙ୍କ ଆସିବାର ସମୟ ହୋଇନଥିଲା, ସେମାନେ କହିଲେ ସ୍ଵୀକାର କର ! ମାନି ନିଅ ! ଆମେ ମାନିଲୁ ନାହିଁ, ପୁଣି ଆମକୁ ମରାଗଲା, ଆମ ସହରକୁ ଅଧିକାର କରାଗଲା, ଆମ ସହର ପଥରୀବକୁ ମଦୀନା କରିଦିଆଗଲା, ଆମକୁ ମରାଗଲା, ବିତାଡିତ କରିଦିଆଗଲା....                         

ମକ୍କାର କାବାରେ ଆମେ 2 ଲକ୍ଷ ଥିଲୁ, ମାରିଦିଆଗଲୁ । ଆମକୁ ଶତ୍ରୁ ବୋଲି କହି ମରାଗଲା, ପୁଣି ସିରିଆରେ, ଓମାନରେ ବି ତାହାହିଁ ହେଲା । ଆମେ 3 ଲକ୍ଷ ଥିଲୁ, ମାରିଦିଆଗଲୁ । ଇରାକରେ ଆମେ 2 ଲକ୍ଷ ଥିଲୁ, ତୁର୍କୀରେ 4 ଲକ୍ଷ, ଆମକୁ ମାରିଦିଆଗଲା, ମରାଯାଇ ଚାଲିଲା । ସେମାନେ ଆମକୁ ମାରି ଚାଲିଲେ, ମାରି ଚାଲୁଛନ୍ତି । ଆମ ସହର, ଧନ, ସମ୍ପତ୍ତି, ଘର, ପଶୁ, ମାନ-ସମ୍ମାନ ସବୁକିଛି ଅଧିକାର କରାଯାଇ ଆସିଛି ତଥାପି ଆମେ ବଞ୍ଚି ରହିଛୁ ।

1300 ବର୍ଷରେ ଆମ 27 କୋଟି ଇହୁଦୀଙ୍କୁ ମରାଗଲା ତଥାପି ଆମେ ବଞ୍ଚିଛୁ....

75 ବର୍ଷ ପୂର୍ବେ ସେମାନେ ଆମ ଉପରେ ଛେପ ପକାଉଥିଲେ, ଅପମାନିତ କରୁଥିଲେ, ମାରୁଥିଲେ, ଆମର ଭାଗ୍ୟ ଏହାହିଁ ଥିଲା କିନ୍ତୁ ଆମେ ନିଜ ଉପରେ, ନିଜ ନେତୃତ୍ୱ ଉପରେ, ନିଜ ବିଶ୍ୱାସ ଉପରେ ଦୃଢ଼ ରହିଲୁ,

ଆଜି ଆମ ପାଖରେ ଏକ ନିଜ ଦେଶ ଅଛି । ଏକ ନିଜ ସେନା ଅଛି, ଏକ ଛୋଟ ଅର୍ଥ ବ୍ୟବସ୍ଥା ଅଛି । 

ଇଣ୍ଡେଲ, ମାଇକ୍ରୋସଫ୍ଟ, ଆଇବିଏମ, ଫେସବୁକ ପରି ଅନେକ ସଂସ୍ଥା ଆମେ ଏହି ସମୟରେ ତିଆରି କଲୁ ।

ଆଜି ଆମ ଚିକିତ୍ସକ ଔଷଧ ତିଆରି କରୁଛନ୍ତି, ଲେଖକ ବହି ଲେଖୁଛନ୍ତି, ଏହା ସମସ୍ତଙ୍କ ପାଇଁ ଅଟେ, ଏହା ମାନବତାର କଲ୍ୟାଣ ପାଇଁ ଅଟେ ।        

ଆମେ ମରୁଭୂମିକୁ ସବୁଜ କ୍ଷେତରେ ପରିଣତ କଲୁ, ଆମର ଔଷଧ, ଉପକରଣ, ଉପଗ୍ରହ ସମସ୍ତଙ୍କ ପାଇଁ ଅଟେ ।     

ଆମେ କାହାର ଶତ୍ରୁ ନୁହେଁ, ଆମେ କାହାକୁ ଶେଷ କରିବାର ପ୍ରତିଜ୍ଞା କରିନାହୁଁ, ଆମର କାହାକୁ ଧ୍ବଂସ କରିବାର ନାହିଁ, ଆମେ ଷଡ଼ଯନ୍ତ୍ର ବି କରି ନଥାଉ ।        

ଆମେ ବଞ୍ଚିବାକୁ ଚାହୁଁ, କେବଳ ସମ୍ମାନର ସହ, ନିଜ ଦେଶରେ, ନିଜ ଜାଗାରେ, ନିଜ ଘରେ ।        

ବିଗତ ହଜାରେ ବର୍ଷ ଧରି ଆମକୁ ନଷ୍ଟ କରାଗଲା, ବିତାଡିତ କରାଗଲା, ଅଧିକାର କରାଗଲା, ଆମେ ନଷ୍ଟ ହୋଇନାହୁଁ, ହାରିନାହୁଁ, ଆଉ ନା ଏବେ ହାରିବୁ । ଆମେ ଜିତିବୁ, ଆମେ ଜିତିକରି ରହିବୁ, ଆମେ 3000 ବର୍ଷ ହେବ ଜେରୁଜେଲମରେ ହିଁ ଥିଲୁ, ଆଜି ଆମେ ପ୍ରଥମ ଦେଶ ଇସ୍ରାଏଲରେ ଅଛୁ, ଏହା ଆମର ହିଁ ଥିଲା, ଆମର ହିଁ ଅଟେ ଓ ଆମର ହିଁ ରହିବ । ଜେରୁଜେଲମ ଆମର ଅଟେ ଆଉ ଆମେ ଜେରୁଜେଲମର ଅଟୁ....  ।

ବେଞ୍ଜାମିନ ନେତନ୍ୟାହୁ

ସଂଗୃହିତ