ଆଳି ଗାଁ ସାଥୀ ସଙ୍ଘର ନୂତନ କର୍ମକର୍ତ୍ତା ଚୟନ
ଆଳି - ଆଳି ବ୍ଲକ ଅନ୍ତର୍ଗତ ସମସ୍ତ ଗ୍ରାମ ପଂଚାୟତର ଗାଁ ସାଥୀ ମାନଙ୍କୁ ନେଇ, ବୁଧବାର ସକାଳ 10 30 ସମୟରେ - ନିଆଳ ଗ୍ରାମପଂଚାୟତ ଅଫିସ ପରିସରରେ ଏକ ସମାବେଶ ଅନୁଷ୍ଠିତ ହୋଇଥିଲା l ଏଥିରେ ଆଳି ବ୍ଲକ ର ସମସ୍ତ ଗ୍ରାମରେ ନିଯୁକ୍ତି ପାଇଥିବା ଗ୍ରାମ ସାଥୀ ମାନଙ୍କ ମଧ୍ୟରୁ ବର୍ତ୍ତମାନର ସକ୍ରିୟ କର୍ମୀ ମାନଙ୍କର ଡାଟାବେସ ପ୍ରସ୍ତୁତ କରି ସରକାରଙ୍କ ନିକଟକୁ ପଠାଇବାକୁ ସ୍ଥିର ହୋଇଥିଲା l ଏଥି ସହିତ ଜିଲ୍ଲା ସଂଗଠନ ଅନୁମୋଦନ କ୍ରମେ -ଆଳି ଗ୍ରାମସାଥୀ ସଂଘର ନୂତନ କର୍ମକର୍ତ୍ତା ନିଯୁକ୍ତି କରାଯାଇ ଥିଲା l ସଭାପତି ଭାବେ ଶ୍ରୀଯୁକ୍ତ ଜିତେନ୍ଦ୍ର କୁମାର ପୃଷ୍ଟି, ସମ୍ପାଦକ ସତ୍ୟବ୍ରତ ପୁଝାରୀ , ସହ ସମ୍ପାଦିକା ସୁଜାତା ପ୍ରଧାନ, ଉପସଭାପତି ଭାବେ ସାଧୁ ଚରଣ ଜେନା, କୋଷାଧକ୍ଷ କନକଲତା ପାତ୍ରଙ୍କୁ ଚୟନ କରାଯାଇ ଦାୟିତ୍ୱ ହସ୍ତାନ୍ତର କରାଯାଇଥିଲା l
ଏହି କାର୍ଯ୍ୟକ୍ରମ ରେ ଆଳି ବ୍ଲକର ଏପିଓ ଓ ନିଆଳ ପଂଚାୟତ ପିଓ ଗୁରୁ ଚରଣ ସାମଲ, ଏଡିଓ ସୁବାଷ ଚନ୍ଦ୍ର ସାହୁ, ଦେସାହି ସରପଞ୍ଚ ତଥା ଅନେକ ମାନ୍ୟଗଣ୍ୟ ବ୍ୟକ୍ତି ଯୋଗଦେବା ସହିତ ଗାଁ ସାଥୀଙ୍କ ଆଭିମୁଖ୍ୟ ଓ ଗାଁ ର ନରେଗା କାର୍ଯ୍ୟକ୍ରମ ପ୍ରତି ଅଧିକ ମନୋନିବେଶ କରିବାକୁ ପରାମର୍ଶ ଦେଇଥିଲେ l
କେନ୍ଦ୍ରାପଡ଼ା ମିଳିତ ଗାଁ ସାଥୀ କ୍ରିୟାନୁଷ୍ଠାନ କମିଟି ର ସଭାପତି ଅନିଲ କୁମାର ଜେନା , ସମ୍ପାଦକ ବିଜୟ କୁମାର ବେହେରା ସମସ୍ତ ଗାଁ ସାଥୀ ମାନଙ୍କୁ ଦିଗଦର୍ଶନ ଦେଇଥିଲେ l ସଂଘର ଉପଦେଷ୍ଟା ଶରତ କୁମାର ପାତ୍ର, ଦୋଳଗୋବିନ୍ଦ ମଲିକ ତଥା ଅନ୍ୟ ମେଟ ସଦସ୍ୟ ପ୍ରମୁଖ ଏହାର ପରିଚାଳନା କରିଥିଲେ l
