ମଙ୍ଗୁଳି ପାସେଞ୍ଜର ହଲ୍ଟ ନିକଟରେ ଟ୍ରେନ୍ ଦୁର୍ଘଟଣା
କଟକ, ୩୦/୦୩: କଟକ ଚୌଦ୍ୱାର ନିର୍ଗୁଣ୍ଡି ନିକଟରେ ଆଜି ଏକ ସୁପରଫାଷ୍ଟ ରେଳ ଦୁର୍ଘଟଣା ଘଟିଛି। ବେଙ୍ଗାଲୁରୁ-କାମାକ୍ଷା ଏକ୍ସପ୍ରେସର ୧୧ଟି ଏୟାରକଣ୍ଡିସନ ବଗି ଲାଇନଚ୍ୟୁତ ହୋଇଛି। ଚୌଦ୍ୱାର ଅଞ୍ଚଳର ମଙ୍ଗୁଳି ପାସେଞ୍ଜର ହଲ୍ଟ ନିକଟରେ ଟ୍ରେନଟି ଲାଇନଚ୍ୟୁତ ହୋଇଛି। ପୂର୍ବାହ୍ନ ୧୧.୪୫ ମିନିଟରେ ଏହି ଦୁର୍ଘଟଣା ଘଟିଥିବା କୁହାଯାଉଛି।
ପୂର୍ବତଟ ରେଳପଥର ମୁଖ୍ୟ ଲୋକ ସମ୍ପର୍କ ଅଧିକାରୀ (ସିପିଆରଓ) ଅଶୋକ କୁମାର ମିଶ୍ରଙ୍କ ସୂଚନା ଅନୁଯାୟୀ, ପ୍ରାଥମିକ ରିପୋର୍ଟରେ କେହି ମୃତାହତ ହୋଇନାହାନ୍ତି। ତେବେ କିଛି ଜଣ ଆହତ ହୋଇଥିବା ପାସେଞ୍ଜର ମାନଙ୍କୁ ଏସସିବି ମେଡିକାଲକୁ ସ୍ଥାନାନ୍ତର କରାଯାଇଛି।
ପୂର୍ବତଟ ରେଳପଥର ଜିଏମ୍, ଖୋର୍ଦ୍ଧା ଡିଭିଜନ ଡିଆରଏମ୍, ଅନ୍ୟ ଜରୁରୀକାଳୀନ ଅଧିକାରୀଙ୍କ ସମେତ ବରିଷ୍ଠ କର୍ମଚାରୀମାନେ ଘଟଣାସ୍ଥଳରେ ପହଞ୍ଚିଛନ୍ତି। ଦୁର୍ଘଟଣାର କାରଣ ଜଣା ପଡିନଥିବା ବେଳେ ଅଟକି ରହିଥିବା ପାସେଞ୍ଜର ମାନଙ୍କୁ ସେମାନଙ୍କ ଗନ୍ତବ୍ୟ ସ୍ଥଳରେ ପହଞ୍ଚାଇବା ପାଇଁ ବ୍ୟବସ୍ଥା କରାଯାଉଛି। ରେଳବାଇ ପକ୍ଷରୁ ହେଲ୍ପଲାଇନ୍ 8991124238 ଜାରି କରାଯାଇଛି।
No comments:
Post a Comment