*ଆଦର୍ଶ ମଶାଣୀ*
ଆଜି କାଲି ମୃତ୍ୟୁ ଟା ବି
ଉତ୍ସବ ପାଲଟିଛି
ଯେବେ ଠୁଁ ମଶାଣୀ ଟା
ଆଦର୍ଶ ହେଇଛି....!
ଶାନ୍ତି ରେ ଚିରନିଦ୍ରା ରେ
କୋକେଇ ରେ ଶୋଇଥିବା
ମଣିଷ ର ଆତ୍ମା
ବିଳି ବିଳେଇ ଦରାଣ୍ଡି ହେଉଛି
ଆରେ ଏବେ କଣ ଏଠି
ଚା, ଜଳଖିଆ ସିଗିରେଟ
ଆଉ ପାନ ବି ମିଳୁଛି....!!
ଢେର ଦିନ ତଳେ ମାଆ,ବାପା ଙ୍କୁ
ସତ୍କାର ପାଇଁ ଆଣିଥିଲି
ଖାଲି କାନ୍ଦୁରା ମୁହଁ ରେ
ଲୁହ କୁ ଜାକି ମୁଖାଗ୍ନି ଦେଇଥିଲି
ଏବେଏଠି ଭଲ ଲୋକ ଭିଡଧରିଛି
ପୁଅ ପୁତୁରାଏ ଙ୍କ ଶବ ସାଙ୍ଗେ
ସେଲଫି ମରା ଚାଲିଛି...!!!
ଏବେ ତ ଏଠି ମନୋରଞ୍ଜନ ପାଇଁ
ପାର୍କ ଟିଏ ଵନିଚି
ଜଳ ଫୁବରା ସାଙ୍ଗକୁ
ଦିନ ରାତି ଆଲୁଅ ବି ଜଳୁଛି..!
ଚାଟ,ଗୁପଚୁପ ସାଙ୍ଗକୁ
ଦହିବରା ର ପସରା ମେଳିଛି
ଭୁତ, ପ୍ରେତ ଲୁଚିଲେଣି
ଆଉ ଡର କାହିଁ ଲାଗୁଚି
ଥାନେ, ଥାନେ ମଶାଣୀ ବି
ସ୍ୱାଗତ ଜଣାଉଛି...!!!
ମlଲବାହୀ ଭାଇ ଟି କହେ
ମଶାଣୀ ଟା ସତରେ
ଭାରି ବଢିଆ ହେଇଛି
ଏତେ ସବୁ ଯୋଗାଡ଼ ଦେଖି
ମତେ ବି ମରିବାକୁ ଭାରି
ଇଛା ହେଉଛି...!!
ଯାହା କହ ମୃତ୍ୟୁ ଟା
ଉତ୍ସବ ପାଲଟିଛି
ମହାପ୍ରସାଦ ଭୋଜି ପାଇଁ
କାର୍ଡ ଛପୁଛି
କିନ୍ତୁ ମହାପ୍ରସାଦ ଲେସ ମାତ୍ର
ପକୋଡା ଠୁଁ ବିରିୟାନୀ ର
ଧୂଳା ଉଡ଼ୁଛି
ସତରେଭୋଜି ଟା
ଉତ୍ସବ ଲାଗୁଚି....!!
ମେଲୋଡି ସାଙ୍ଗକୁ ପୁଣି ଭଲ
ଖାଇବା ପିଇବା ଜମୁଛି
ପଚାରିଲେ ଶୁଭୁଚି, ଏଡ଼େ ବଡ
ଦୁଃଖଟାକୁ ଭୁଲିବା ପାଇଁକି
ଟିକେ ହାଲକେଇକି ନେଇଛି
ଏଣେ ଶ୍ରଦ୍ଧାଞ୍ଜଳି ଦେଇ
ଦିନେ ମୁହଁ ନ ଦେଖିଥିବା
ଶ୍ରଦ୍ଧାଳୁ ଙ୍କ ବେଶ ଫଟୋ
ଉଠା ଚାଲିଛି...!!!
ତେଣେ ହୁତାତ୍ମା ଟି
ଫୁଲ ମାଳ ପିନ୍ଧା ଫଟ
ଭିତରେ ରହି ଭାବୁଛି
ଯାହା ହେଉ ବଞ୍ଚିବା ଠାରୁ
ମରିବା ଟା ମନୋରମ ଲାଗୁଚି
ପ୍ରାୟ ଦଶ -ବାର ଦିନ ହେଲାଣି
ମୋ ପାଇଁ ଯାତେରା ଜମୁଛି
ଜିଇ ଥିଲା ବେଳେ
ମୁନ୍ଦେ ପାଣି ନାହିଁ
ଏବେ ବିଅର ସାଙ୍ଗକୁ
ଥଣ୍ଡାପାନୀୟ ରେ ଭାସୁଛି
ପୁଅ ପରା ମୋ ଫୋଟୋ ଟେ
ମୋବାଇଲ ରେ ଛାଡ଼ିଛି
ଜ୍ଞାତି, ଅଜ୍ଞାତି କେତେ ଚି଼ହ୍ନl,
ଅଚିହ୍ନl ସେ ଫୋଟୋ ରେ
ଓଁ ଶାନ୍ତି ଲେଖନ୍ତି...¡!
ପରିବାର ଟା ପୁରା ମୋର
ମରିବାକୁ ଜମେଇକି ପାଳନ୍ତି
ନେତା ଠୁଁ କର୍ମି ପର୍ଯ୍ୟନ୍ତ
ସଭିଙ୍କୁ ଡାକନ୍ତି...!!
ସତରେ ଯେବେଠୁଁ ମଶାଣୀ ଟା
ଆଦର୍ଶ ହେଇଛି
ମୃତ୍ୟୁ ଟା ବି ତାଳ ଦେଇ
ଉତ୍ସବ ପାଲଟି ଯାଇଛି....!!
